30
4
8
港鐵鰂魚涌站 A 出口, 步行約2分鐘
電話號碼
2284 4868
特色
適合大夥人
營業時間
星期一至日: 08:00-16:00,18:00-23:00
付款方式
Visa Master AE 現金
其他資料
酒精飲品
加一服務費
招牌菜
生煎原味黑豚肉 頭抽頻倫雞
食評 (50)
卓越食家 2016-05-22
445 瀏覽
好多年前呢度新開嘅時候成日嚟食,自從某次食過唔好食之後就少咗嚟。媽咪話好耐冇食過,想嚟飲吓茶,咁就再嚟試吓啦老翠園煎粉果(連湯) ($30)媽咪話係翠園嘅傳統點心。即叫即炸,有4件,顏色都煎得唔錯;用料算慷慨,入面有蝦粒、仲有筍條增加口感;浸咗湯之後會冇咁油膩,整體都OK不過粉皮有啲厚川芎湯浸魚雲 ($35)有杞子、川穹、豆腐、紅棗及主角魚雲;湯嘅藥材味唔重,適合唔鍾意藥材味嘅朋友,不過我就覺得佢清咗尐喇;魚頭極之新鮮冇腥味,雖然唔算好大舊不過好肥美原隻鮑魚荷葉飯 ($45)其實唔係想食鮑魚,不過以為得一款荷葉飯,所以叫錯咗;荷葉味唔算好香濃,炒飯粒粒分明,內藏蟹肉,不過冇乜荷葉香氣甫魚滑燒賣 ($27)睇錯咗以為係魚蓉燒賣,點知睇返英文名,原來只係普通嘅燒賣;不過感覺上入面嘅肥豬肉唔多,食一粒都唔會好膩蜜汁叉燒腸 ($29)雖然料多,不過係用邊位嘅叉燒,所以好硬,唔係太好食竹笙素柚皮 ($23)一上菜以為係擺錯咗,顏色紅紅哋,好似好辣咁,而且柚皮呢?難度係同其他素菜一樣切成碎或粒撈埋一齊?原來柚皮哩咗喺底,上面鋪滿素菜粒,雖然口感幾好、唔辣、柚皮唔澀,不過個汁比較油,始終都係食慣蝦子柚皮,感覺上呢個冇咁好味一桶豆腐花 ($48)足夠3-4個人食,不過一啲都唔幼滑而且好硬!我好鍾意食豆腐花都冇食晒,唔掂!真係差咗喎! 繼續閱讀
(以上食評乃用戶個人意見 , 並不代表OpenRice之觀點。)
入門食家 2016-05-10
320 瀏覽
5月又係母親節一家人聚餐既時侯,太古城呢間八月芳係心水之選,因為近而且weekend又冇乜人,最重要係呢碟野...蛋散!!!當然同金山比較,佢好吃好多(唔係送架!),蛋味濃之餘仲有人見人愛既「糖鬚」,呢樣野其他地方好少見,我侄仔一見到就好興奮,哈哈! 繼續閱讀
(以上食評乃用戶個人意見 , 並不代表OpenRice之觀點。)
殿堂食家 2016-03-17
2030 瀏覽
表侄仔的彌月之喜,其父母決定在太古坊的八月坊筵開四席。三年前,小妹家小澄B的百日宴,也是在此宴客的。八月芳貴賓房裝潢佈置既華麗且優雅,於布簾掛上印有小表侄照片的橫額,再放上一束以淡藍色為主的氫氣球,慶滿月派對正式開始了!滿月酒,當然少不了寓意吉慶的紅雞蛋,一人一隻,祝BB健康快樂地成長!喜慶金珠福滿門的乳豬,脆卜卜乳豬皮,連著燒至極為香脆的幼骨,再加上肥肉肥膏和脂肪不多,皮肉瘦美且鹹香惹味,教人忍不住密密吃!甜蜜玉帶彩蝦仁以紅黃椒香炒蝦仁、帶子和蜜豆,香氣四溢,蜜豆鮮嫩無渣,蝦仁既鮮香又爽彈,清爽健盈之選。酥炸脆蟹鉗炸至表層金黃香脆,內裏釀滿了鮮爽彈牙蝦膠,口感食味甚佳,伴以酸香雜果沙律同吃,可稍減一分的油膩感。多子瑤柱脯冬菇這一道菜意頭好,瑤柱、冬菇和墊底的鮮嫩豆苗在濃稠惹味醬油的襯托下,教人忍不住吃完一口又一口。生財鮑片扣玉掌小妹只試了鮑片,鵝掌並沒有吃,據說鵝掌雪味重。清蒸沙巴花尾斑水準甚佳,蒸煮的時間拿捏準繩,人口魚肉鮮味洋溢,肉質細膩嫩滑,配上鮮香豉油,啖啖鮮味在口中迴旋。當紅脆皮炸雞雞皮香脆,肉質嫩滑鹹香,脆卜卜之選。鮮菌鮑魚汁伊麵看似簡單平凡,入口香氣滿嘴,說不出的好吃!打包回家的伊麵,晚上也被大家極速鯨吞,搶吃一空。彩虹海鮮粒炒飯鑊氣夠,飯粒炒得粒粒分明且清爽而不膩,好吃不在話下。雙喜美點映生輝有香滑細軟,啡味突出的咖啡千層糕,以及繞富咬口和嚼勁的紅豆眉豆糕,滲出陣陣豆的香氣,增添口感層次。蓮生貴子紅蓮露中的紅豆煲至香腍濃稠,豆味濃郁,蓮子則仍具咬口。合時鮮果盤中有甜美多汁的西瓜和蜜瓜。 繼續閱讀
(以上食評乃用戶個人意見 , 並不代表OpenRice之觀點。)