27
2
3
電話號碼
2667 0699
營業時間
星期一至日
17:00 - 02:00
以上資料只供參考, 請與餐廳確認詳情
食家推介
好小會去到新界區，行行下街突然好想食雞煲，即刻打俾住新界嘅朋友，佢就推介我地去呢間。夜晚七點幾打去book即日八點，接受我地booking，諗住即係唔多人食啦。去到餐廳，餐廳好大，好多人。見到點單紙叫咗小辣雞煲，對於唔食得辣嘅應該會覺得辣，所以建議如果食唔到辣嘅就叫微辣或唔辣啦。雞煲味道唔錯，好多雞，好大件。叫咗其他食物，樣樣都達到水準以上！唯獨是手切牛比較失望，叫咗一碟細嘅，份量只得十塊，口感好韌。本身叫咗飽魚，但係賣哂，職員攞咗3隻蚌出黎問我地有無興趣，$80。見好新鮮又大隻，就order咗。熟咗都仲好大隻，好鮮甜！員工服務態度有意外驚喜，好有耐性，好有禮貌！價錢略貴，不過可接受！
繼續閱讀
知道大埔八妹雞煲搬左新位置，一直未有機會食今日終於同朋友去左～因為我們訂了晚上7點鐘，時間尚算早，所以有卡位坐 但當到左晚上8時，八妹雞煲便開始要等位排隊了首先一定要食佢個雞煲，小編覺得微辣十分好食因為這個辣度剛剛好，唔食得辣既都接受到，唔會嗆到建議唔食得辣既都應該試下微速雞肉方面好鮮嫩，肉質唔老，汁方面真係十分正愈食愈惹味，建議食既朋友，食完雞放一小碟汁係旁邊陣間打邊爐撈埋食正到爆而且雞煲視覺效果好好，洋蔥芫茜既味道突出左雞既鮮味但又唔會over食雞煲既朋友建議食完雞先再叫打邊爐既野食，因為佢地上碟好快 我地問左有咩推介必食，店員推介左幾款海鮮俾我地第一個係美國桶蠔，一上碟我同朋友都忍唔住講：好大隻差唔多手掌咁大酒店自助餐都冇咁大，但依度128就食到，抵食煮出黎仲好有蠔既鮮甜味，同埋好滑口，食落冇沙如果有提供檸檬其他醬料就更好店員同我地講墨魚係北海道黎，本身小編就係墨魚lover緊係要試下 份量上好大碟 夠足料 同埋好抵煮完都唔難咬同埋幾彈牙，不過墨魚比較飽肚小編建議大家食左牛唔夠再叫 跟住想推介係雙蚌第一樣野要讚係佢乾淨冇沙而且蚌煮熟左發大後好彈牙鍾意食海鮮既千祈唔好錯過唯一覺得比較普通係豬紅我覺得個味道可以再濃郁一點同埋下次可以係未落湯既時候整左先加埋雞煲個汁應該會好好食最後想讚下個響鈴，鮮炸真係無得彈顏色金黃仲好脆口，真心講句係我食過最好食既響鈴下次再黎都會叫
繼續閱讀
朋友住在大埔,聽他說有一家雞煲實在不錯,趁天氣轉涼,大家一起去吃雞煲吧雞煲熱潮看來仍然能夠保持,門外依熱大排長龍,我們點了微辣煲,雞肉十分嫩滑,辣度剛剛好,所以十分惹味而且雞肉份量十分多,4人吃也吃不完雞肉的肉估了大部份,並不是街外一些小店骨多肉小,值得一讚寒冷天下氣吃雞煲,滋味的享受
繼續閱讀
又到自己地頭搵食的時候了,八妹雞煲都食過好幾次喇,今次就寫下佢啦~到達時間係閒日晚上6點半, 已經8、9乘滿坐!再晏少少就要等位了~但坐低就見到好消息,會搬大d,勁開心,咁咪好囉~~黎到八妹,煲底就緊係要叫雞煲啦~今次叫左小辣,佢的小辣不太辣的,唔太食辣的人都可以一試,反而愛吃辣的人,就起碼中辣啦~為左就下朋友,我就唯有食小辣啦今次~雞煲一上已熟,但建議都煲一陣先食,熱d會再好味d~好香的麻辣味,麻的感覺剛好,過癮得來唔會麻到脾~有麻得來又唔會咬到花椒,好香~食到中途,先前叫的小吃來了~炸軟殼蟹呀,香脆熱辣辣的,炸得亦夠乾身~再來麻辣豬耳仔~好麻辣呀,麻辣過個小辣煲~好正~但食得多就會咸得滯,食到咁上下之後,攞佢黎送邊爐料就good fit 喇~餐前小吃及飲品有以下選擇~事不宜遲,加湯打邊爐啦~加湯tips:唔好加咁多呀,唔係會唔夠麻辣香,會變左清湯邊爐架喇~而我呢,仲一定會加碗辣雞汁 ($12)~ 加半碗入湯底,剩餘的會攞黎點邊爐料食~香濃好多嫁~打邊爐先食海鮮,叫大蜆冇晒,反而讓我有機會試到好新鮮的珍珠蚌~海鮮夠鮮就好味,好甜的呢~同埋冇沙呀~!安格斯牛夠淋,夠嫩滑都好唔錯,再肥d仲好~點左墨丸~平日打邊爐我已經好少食丸的了,通常食'滑'(e.g.墨魚滑),但呢度d墨丸又確係幾好食架喎~一d都唔會粉,仲有好多墨魚肉在內,好有口感~野生竹笙是必點的呀,因為夠晒索味呢~白雪雪的金菇菜都係索味之選~飽晒~期待下次去新店,睇下搬大左的話質素係咪都 keep 到咁好先~!
繼續閱讀
在大埔讀書已有差不多2個月，但未曾在這吃過晚飯。突然興起要在大埔尋覓美食，最後走來吃一下雞煲。雞煲當然要有點辣，但我和朋友都不太吃得辣，所以就點了微辣。等了大約20分鐘，終於等到雞煲了！店員細心地替我們開爐攪拌雞煲內的材料才讓我們享用。雞煲裡面有數種不同的香料，十分足料！而微辣的辣亦剛剛好，適合我這些不太嘗辣但又想吃辣的人秘製的醬汁已滲入雞塊，雞塊不算很嫩滑，但皮很爽口彈牙後來我們還點了火鍋材料來個雞煲MIX 火鍋1.唐生菜－菜真的很吸味！完全吸收了雞煲的辣汁，個人覺得還比雞辣2.日本蠔－這次是第一次吃日本蠔，十分鮮味及CREAMY！朋友同我都覺得超正3.芝心丸－是火鍋必備！ 4.脆炸軟殻蟹－超脆！粉漿皮不是太厚，蟹味還有少許，普通天婦羅的味道5.A級安格斯肥牛－脂肪比例平均，容易入口聽了店員推薦點了桂花蚌和脆炸響鈴卷1.桂花蚌：很鮮甜爽口，果然十分新鮮2.脆炸響鈴卷：即叫即炸，樣貌已經與平時火鍋買的不一樣，非常大件！沾上雞煲汁，有點辣而惹味！最重要的是它真的比坊間的更鬆脆！！！
繼續閱讀