2
2
1
端午節一家人斉斉吃飯，天氣熱唔想媽媽煮得咁辛苦，有朋友介紹就訂左呢個盤菜。見別人食評寫佢一般，所以我一家人都不抱太大期望。點知竟然是一個驚喜！今天司機打來落樓取盤菜，態度好不在話，盤菜是有熱溫的。一拿上樓即邊加熱邊開餐，份量多不在講，吃大蝦爽兼有茄汁味，油雞有醬油味，五花腩、燒鴨、魚蛋、豬皮、枝竹、蘿蔔、冬菇、魷魚，都吃得出材料新鮮又有味道。今晚全家人都吃得好滿意！終有一家有水準的盤菜出現了，我地食過晒太x、稻x、盛x、富x、大xx，不再是從前吃過既冰冷又只得的一個味道的大什會盤菜。希望老闆保持水準，更不要大幅加價呵！
繼續閱讀
原本有朋友介紹另一間，但一盤唔送貨要自取，但這間所以加$50就送貨，所以朋友話要自己落樓取都好過要自己浪費時間&車油錢，由於未試過這種傳統盤菜，我地大家都擔心味道好唔好，好彩大家見到個盤菜，都覺得個賣相唔錯，而且都好大盤：豬腩肉…. 好味道，但未夠火，稍硬蝦…. 好味，肉爽，唔似急凍魚蛋…. 爽豬皮…. 好味但太少雞、鴨…. ok，d肉都滑鮑片…. 朋友話ok，但我冇食蘿蔔、枝竹…. 多，好味其他還有土魷、北菇、菜另附娃娃菜一包，餐具12份，溫度計一個，非常齊備！整體上是好滿意，我們自己加了菜及粉絲，有朋友就覺得配飯，就更好了，下次吧！
繼續閱讀
因為在某團購網見倒以 $158 購買價值$388 八味香金獎二人份量足料圍村盆菜賣點講到非常之巴閉~~包括食神爭霸戰第八屆金獎 + 最具創意獎 ;香港飲食年鑑傳統盆菜大獎;旅發局美酒佳餚巡禮參展; 正宗傳統原味, 圍村承傳第八代 仲可以免費送貨,安坐家中,便可以享用.又話用抽真空既方法將盆菜裝好,衛生又放心."食既時候原盆放在打邊爐的爐上,像打邊爐一樣也可以放鍾意既食物入去."但係要購買後最少3日前填妥送貨表格先得講到要咁多日去安排,d食材質數應該會有返咁上下的緊係買黎試下有幾好食啦!!點知未食已經一肚氣 !!在星期日下午12點幾打去8味香問大相約幾點會送到.佢只回答我下午3點至晚上9點!!大老呀~呢個range咁大唔通要我在家咁多個鐘等你??居然係可以答我唔知!!!再問佢究竟係幾時送黎,都係唔知 唔知咪叫佢問下運輸再覆我law.點知等到4點幾都係無覆過我電話.要我再打電話3吹4請咁要佢比個時間我! 再過2小時運輸終於打黎!佢居然要我落街拎!!我問佢唔係送上門架咩?佢居然話唔係!!! 我即刻打去問8味香買盤菜係咪送貨上門的. 佢自己都話係.我問佢咁點解運輸話唔係送上門的??跟住便問我係咪訂2人盤菜.佢話運輸多單,為了慳時間,所以要落去拎!我話買個時唔係話明送上門架咩?我一個人點拎個盤菜?佢話一定拎倒的!我覺得間野太離譜,我話你地忙就話唔包送上門!!邊有人咁做生意架!雖然佢話會話過運輸唔應該咁講,但之後居然話我 "既然你堅持要送上門咁唯有通知運輸送" 喂~明明係自己公司有問題仲講到我唔arm咁!!真係未食便一肚氣!!!!送到黎打開個膠袋見倒個盆菜就更火!!好像1人飯盒咁!用個圓型膠盒裝住.份量少得可憐!(唔怪得佢話一個女仔都拎倒啦!!!)試問膠盒點樣可以好像在買時描述的"食既時候原盆放在打邊爐的爐上,像打邊爐一樣,當然你可以放你鍾意既食物入去"???攪到我賣定晒野返黎打算放入盆菜度打邊爐!!! 簡直係坤人!!!!! 放唔倒落打邊爐的爐上,唯有用鑊煮佢啦佢話用中火煮5分鐘之後再用中大火煮3分鐘點知我係煮左佢30分鐘中間D肉都仲係凍架law首先試粒"爽滑魚蛋",並非傳統盆菜的白色橢圓形魚蛋是一粒普通炸魚蛋 咬落去簡直以為係食緊擦紙膠韌到無朋友 而且無味的,唔講都唔知原來係食緊魚蛋難食到咬一口便已經無法再食佢個滷水炆北菇...北菇??我話似迷你草姑多d得5毫子咁大....可能佢要起碼3日準備炆得太耐...縮左水話拎金獎的小丁方豬腩肉,肉質好鞋又係無咩味道燒米鴨,五味雞又係肉鞋無味仲衰過食超市燒臘~~~豬皮係唯一一樣係味道好D但都唔係好好食最終呢個用1人飯盒裝住的2人盆菜,連5個人食都可以難食到剩返咁多好彩無買2盆 ,買1盆黎試下先!!!!!!食物質數簡直係低劣!!!!!!$158買個咁難食既膠盆菜真的唔值仲要係同描述不相符~~簡直係欺騙顧客一定唔會再幫襯 !!!!!
繼續閱讀
第一次親自訂盆菜, 一早起網上search.internet真係有用, 一打"盆菜"兩個字, 乜都彈晒出來~放得最高果幾間, 聽人講係俾了好多錢賣廣告的,有名無實, 都係穩穩陣陣好d.此店大約放在網頁的中間位置, click入去就望到sell緊拎左獎既小丁方豬腩肉同帝皇盆菜.不過價錢比起普通既差一半, 唔捨得.最後我選了一個中盆+50蚊運費,盆菜會當天送到你家地下, 到時俾現金司機哥哥即可.中盆(8位用):- $530 小丁方豬腩肉 肉香公煨枝竹 遼步燴豬皮 頭抽炒土魷魚 高湯浸鮑片 鹵水炆北菇 肉湯煮蘿蔔 酥炸鯪魚球 明爐燒米鴨 圍頭五味雞 溫室娃娃菜 茄汁煎大蝦都係普通既材料, 好似傳統有雞, 娃娃菜, 大蝦.為配合青年人口味, 選了魷魚, 豬皮咁.但完全忘記了老人家口味, 髮菜蠔豉.......整體上都ok好味, 用最傳統的洗面盤盛載,包送即棄碗同筷子.份量足8個人食, 我地得6個人,仲可以留番第2日當午餐~
繼續閱讀
盆菜兩日前打去訂, 加左100送到樓下俾我地食物唔錯, 味道arm arm 好, 唔會好似其他地方咁咸同濃, 我好怕食盆菜d蝦梅, 不過佢d蝦又大隻, 又唔會梅, 豬皮略為多得滯,好多不過好林所以都俾人掃, 食材不是最優質, 不過相比連鎖快餐d盆菜呢間好得多lu, 整體來講, 咁樣企企理理滿足8個好肚餓既人, 個盆野滾左成晚食到落底都冇人彈佢唔好開party 可以考慮, d 伙記係電話都好有禮貌, 每日除開唔洗$100, 抵食!
繼續閱讀