21
6
4
港鐵天后站 B 出口, 步行約1分鐘, 客人需先到地舖集合, 然後由職員帶領到避風塘船上
電話號碼
8112 0075
3565 6830
開飯介紹
銅鑼灣避風塘海鮮美食。 繼續閱讀
營業時間
星期一至日: 11:30-22:30
付款方式
現金
提及此餐廳的食評 (33)
見習食家 2016-07-09
343 瀏覽
真心難食, 絕對冇下次!!!第一次令我的起心肝寫食評, 今次因為睇過呢間咁多好嘅食評, 諗住都應該唔會太差,我爸媽係好耐以前係水上人(起碼20年前), 所以真係食過好多次叫艇仔埋嚟嘅燒鴨粉, 真的冇諗過樣樣嘢都咁難食, 今次爸媽想來試, 因為佢地都好想食返以前嘅感覺, 呢度是上艇食的, 諗住會有一番風味, 點知熱到想死, 去之前已經再問會否太熱, 話有海風唔會好熱, 點知熱到想死😭😭😭, 由鋪頭集合等, 之後到岸邊又等, 坐係艇等餸又等, 又熱又等...........熱都其次, 啲嘢食諗住艇煮艇上, 點知原來是由鋪頭煮好再送上艇, 由鋪煮好到送到上艇, 快極都要8至10分鐘, 已經失去原有即煮即上食物啲溫度, 東風螺太硬, 聖子又老又靭😫, 菜冇味, 蟹只有配料多, 內裏肉很少, 豉椒炒蜆係等如蜆加沙白兩溝, 仲要半碟冇開口, 味道好咸好差, 最後, 燒鴨粉變咗叉燒燒鴨粉,因為燒鴨唔夠😐送到嚟都索曬水,又冇味道 ,好難食😡😡😡😡 繼續閱讀
卓越食家 2016-02-02
2619 瀏覽
今晚真係堅啦!我都覺得自己好傻,咁大風又落住毛毛雨,天寒地凍走去避風塘食海鮮,好彩上艇時冇乜雨,但都要好小心上船唔好跌低啦!上艇之前我地先去店到報到,跟住有店員帶我地步行去上艇,都要行10零分鐘架,上到艇真係夠有「風味」,好大風吹到個頭顛哂 (爆)。我地以為艇上冇洗手間原來有架,不過敢唔敢去就自己諗啦!因為啲風大到吹起個簾,你點樣去法都有可能俾人望到囉 (笑)。首先黎個東風螺先,鮮味都有但有少少腥(我係極度怕腥人士),點海鮮醬+辣醬更好味,肉質柔軟帶一點彈牙,唔錯的。跟住一人一隻大大隻聖子皇,夠哂大隻又新鮮,不過我第一次食蒜蓉粉絲蒸聖子會有金菇,感覺幾得意,個豉油係呢味餸既靈魂,正。再黎一人一隻大大隻賴尿蝦,大隻多肉,有膏,肉質鮮甜爽彈,大大啖肉啪入口,太幸福了。不過個椒鹽整得比較濕,唔夠乾身,乾身會仲惹味啲添,但整體都好好啦!炒蜆就一般般冇咩特別,比較細粒,肉唔算厚,勝在冇沙,同埋好欣賞個汁,咸同辣比例做得好好,會令人想食多幾粒。呢條斑蒸得岩岩好,啲肉剛剛痴住骨,好滑又柔軟既魚肉,1d都唔腥,有鮮味,我地食剩條骨 (爆)芝士龍蝦,唔知隻龍蝦幾大,只知道好夠份量,肉厚彈牙,鮮甜美味,個芝士汁都ok,但可以再濃多少少 ,食到呢到已經好飽,同埋有啲漏 (笑)最後黎埋個炒麵作結,呢個炒麵好有兒時食大排檔果種味道,麵質幼細且帶點煙un,個豉油味好香,加埋辣醬食簡直一流享受。 繼續閱讀
入門食家 2015-12-24
2152 瀏覽
宜家呢件間已經喺興發街有路面店之前n年前喺船上面食過今時今日依然都喺咁有風味同好食蟹嘅分量唔少之餘蟹裹在呢啲重口味炸蒜末蔥碎豆鼓碎爆炒之後依然能食出淡淡的鮮味凈喺攞啲料撈飯撈粥都可以食n碗至於韭菜花食材非常新鮮咬落香甜非常嫩蟹油炒麵價錢就貴少少唔喺好分得出同平時炒麵有咩分別雖然問過師傅原來喺將炒過避風塘炒蟹嘅油extract出嚟之後再攞嚟炒麵但喺食落去分別又唔喺好大芽菜蔥分量啱啱好 面都幾彈牙入味 只不過油就多左啲總體上嚟講喺好食嘅不過喺特別嘅 繼續閱讀