5
5
2
以上資料只供參考, 請與餐廳確認詳情
好耐無黎，今福上海菜館好像已經結業了？淨低美食亭，咁耐無食，又想食下腸粉，哈哈，呢度有個十二蚊嘅腸粉餐，四條腸粉加三款小食，仲清楚列明每個小食有幾粒，明碼實價。叫左一份食下，要左燒賣(兩粒)，魚蛋(四粒)，同牛肉球一個。盒起上黎幾大盤！腸粉彈牙煙韌，浸住豉油都無糊哂，燒賣軟綿，牛肉淋得黎都幾彈，仲有芫荽香，係魚蛋差啲，硬實實無乜味。食腸粉最緊要係醬汁，呢度好好喎，豉油，甜醬，辣醬，麻醬齊哂，又多又香，仲有少少芝麻粒，正。另一值得讚嘅係阿姐主動問係咪拎走食，拎走會用盒上，唔使啲醬漏哂，支籤插係盒固定，唔怕刺穿袋，雖然唔環保，但咁樣真係方便行得遠。
繼續閱讀
今福就做上海菜既，所以我一定會叫碟回鍋肉。肉唔會太肥太瘦，有少少脂肪，咬落去香、嫩兼備。菜呢就用椰菜爽爽地幾好食。其實呢間野食物都叫中等水平，唯一難得既係就腳又平，午市一個餸連飯連豆漿喎，係新北江先做到落去炸！
繼續閱讀
響天水圍番完part time既下午，又係一個搵好野食既時間la。今次又再行到今福，諗番起上次來試左佢個水準不錯既銀絲卷。今次我就決家就試埋個闊佬炒飯。本身以為一個大排檔咁既店舖炒出來既飯，質素應該唔會太好，但真係上到來個時就馬上改觀。個飯D料足，蛋白同菜片炒得夠香夠滑。個飯本身食落又唔覺得太油膩、上得快之餘又唔「拿西」，同大酒樓比都唔輸蝕。另一枱有個男人都食到好滋味咁款XD。見老闆娘炒得咁好，我都闊佬番一次，比貴少少都無妨la。
繼續閱讀
鮮奶包家當天沒有人做飯，鮮奶包又沒有空出去吃食，故拜託了媽媽途經時順道買久未一吃的今福上海菜館。鮮奶包以往曾吃過今福的擔擔麵，印像中是頗便宜，花生味、內碎充足的有心擔擔麵，想不到，這次的韮菜水餃麵能給鮮奶包更大的驚喜。韮菜水餃上海麵：鮮奶包在看到只有三隻水餃時原來是心下一沉的，但仔細看清楚，今福的水餃是別家的1.5倍，而且摺得十分漂亮，不禁轉為驚喜。而且雖然只是外賣，但今福把麵和餸菜放得很有心思。(見圖)更大的驚喜是，隨了常見的雪菜外，還送了四五條小白菜，營養上令人十分放心，心思更是無懈可擊！味道方面，水餃的皮厚薄適中，做得最好的地方是韮菜不會切得過短，份量亦足，能夠充分保留韮菜的爽口的口感和濃厚的味道，肉的比例亦在接受範圍。雪菜是常見的味道，不多談，做得好的是送的小白菜一點沙也沒有，清香爽口，真的十分有心！麵條比起常見的幼麵更要幼，稍稍軟了一點，但仍然可以接受。這碗麵不論價錢、份量、味道都實在太好了，令鮮奶包現在常常對今福的韮菜水餃念念不忘呢！
繼續閱讀
係附近行行下搵野食個dinner~ 好彩無咩人唔洗點等位高力豆沙而非繁忙時間先有, 轉叫左豆沙鍋餅比較厚既pancake皮包住幾甜既豆沙蓉, 熱辣辣幾好味, 不過好快凍左就唔多好食啦..有一陣酸宿味, 應該係變壞左... 同侍應講左肯換過份新的, 不過最後都係cancel order 好d... =.=好有鑊氣, 而且個"顯"汁夠杰亦都惹味年糕夠晒煙un, 好香既回鍋肉粉絲好爽, 而且幾大碗, 飽飽喔
繼續閱讀