25
8
5
特色
適合大夥人
營業時間
星期一至日:17:00-00:00
付款方式
現金
座位數目
300
其他資料
泊車 詳細介紹
電話訂座
室外座位
招牌菜
牛柳粒 台式燒烤腸 乳豬 焗日本味噌魚 蒜茸元貝 燒羊架
食評 (48)
卓越食家 2010-12-22
1848 瀏覽
好頭痛聖誕假期去邊度好呢?又食西餐,厭啦!食壽司,凍冰冰.....打邊爐,食黎食去都係肥牛,悶啦....BBQ?要去新界區架波,遠!!唔洗,今次介紹大家去一個九龍區既燒烤場,好方便,Meifoo站再轉minibus/taxi/walk過黎都得!!!一行十一人,book左位,6點半到達現場,已經有幾「木台」燒緊!!!不過小意外,有個朋友一坐低,張橙個腳成隻斷左,朋友跌左落地.....即刻搵老細理論,明白到個d膠橙放得耐,俾太陽曬得多會老化,不應事前check清楚嗎?不過老細處理既手法好好,有禮貌,有誨意!仲拎左2桶冰凍飲品俾我地順番條氣,又換左張鐵腳橙俾我朋友,讚!原諒佢地!!!!!講番食物方面先,$98一個人,自肋形式拎食物,有一張飲品ticket換$6以下既can飲品。d食物種類已經算番咁上下,仲有都幾新鮮呀!!印象中記得有丸:魚蛋,牛丸,墨魚丸,貢丸;肉:牛扒,豬扒,豬頸肉,牛柳粒,雞腎,雞翼,雞扒;腸:芝士腸,紅腸,腸仔,黑椒腸;菜:蒜容雜菜,牛油粟米粒,長青椒;面包!最好味既係黑椒腸&黑椒牛丸同雜菜包!黑椒腸:有丁der似台灣d一口腸,肥肉既比例較多,入口較滑身,當然肥肉既漏口咁再加黑椒既惹味同辣,一絕黑椒牛丸:我燒完之後,咬開仲有汁架,少少黑椒既辣,正!雜菜包:其實包住既只不過係平價食材,椰菜同金茹,不過調味調得好,有好多蒜容呀,燒完之後,一打開錫紙,隔離「木台」都聞到囉)))另外d牛扒同牛柳粒呢,燒出黎之後麵唔會太un,反而lumlum地幾口,可能佢每一塊都比較薄身,又易熟,又lumd!長青椒,好香,不過真係好辣,食得辣既朋友,可以一試,燒熟後,個皮lum加d豉油唔錯架.......佢呢度好體貼,除左honey,仲有唔同既醬汁俾人用,有燒汁,有泰式辣汁,d汁都好味,加上食物到更配呀!又有人會幫你收垃圾,撥火,服務ichiban!不過尋更多選擇既朋友,大可自己帶野食黎添燒,棉花糖同海鮮可能係諗頭之一!總括$98市區燒野食,同朋友聚會,任坐任食,呢度係推薦地方首選!!!! 繼續閱讀
(以上食評乃用戶個人意見 , 並不代表OpenRice之觀點。)
見習食家 2010-11-14
1120 瀏覽
對上一次燒烤都係中學時代既事,,,所以今次一大班朋友話要BBQ,,,我即刻應承=]我班朋友就一早book左,,說五點半開始,,說食到九點半....由於我要返工,,,所以就好遲去到....當我一落車,,嘩@@心諗比我想像中仲多人燒...一坐低.....我fd就叫我去比錢兼且拎埋張飲品先,,,佢地可能家庭式經驗,,服務刀唔錯,,起碼叫有禮貌先跟住去換飲品,,,發覺佢賣o野飲價錢同超市差唔多...好啦,,,入正題「o野食」佢種類都算多,,,,有肉呀,,丸呀,,菜刀有,,都係大路o野食最特別係居然有「熱狗包」!! 最滿意係佢地既蜜糖,,,唔稀而且好味我班FD由五點半食到差唔多十點半先走.....抵食呀,,,所以我下次會再黎食 繼續閱讀
(以上食評乃用戶個人意見 , 並不代表OpenRice之觀點。)
新晉食家 2010-11-12
768 瀏覽
光棍節約左一班舊同學BBQ聚舊......貪呢到算方便 ! 所以一早BOOK定位 !預先ORDER左海鮮拼盆 每盆$120燒焗日本味噌魚 每盆$100蒜茸焗虎蝦十隻 ! 韓式燒牛肉(4-6人用) 每份$100 共兩份 !其他食物如雞翼,豬扒,豬頸肉,牛扒,牛柳等各種食物均可於場內任取 !基本的食物味道OK ! 調味適中 ! 反而另外ORDER的食物就不太好了 !燒牛肉沒有味道及太肥 ! 虎蝦我冇食 ! 不便評論 ! 海鮮拼盤還可以 !燒焗日本味噌魚太腥......所以整盤也加了大量薑片去焗 ! (加左咁多薑都辟唔到腥味) 整盤魚及燒牛肉白白浪費了 !這個BBQ場是我去過的算擠迫,但幾乾淨 !雖然BBQ當晚為閒日 ! 但場內很快爆滿 !服務OK,有禮貌 ! 廁所乾淨 ! 怕狗的人請注意 ! 場內有多隻很乖的唐狗自由活動 !但不會滋擾人及不會向人討食物 ! 因為這些狗是場主飼養的 !當晚場內有很多愛狗人仕主動跟牠們拍照呢 ! 繼續閱讀
(以上食評乃用戶個人意見 , 並不代表OpenRice之觀點。)