24
0
0
港鐵灣仔站 A3 出口, 步行約5分鐘
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
食家推介
今晚和友人到這家港式小菜餐廳吃個晚飯順便聚一聚。 前菜，手撕雞，味道很麻，最適合我這些愛吃辣的人，味道是很地道的川味，不錯！ 蘿蔔豬骨雞湯，味道很鮮甜，料足，店員聲稱無落師傅喎！ 時蔬炒龍躉球，肉質爽滑，魚肉鮮味，脆玉瓜亦鮮甜爽脆。 蒜蓉蒸蟶子皇，這道菜的精粹就是那束粉絲，充滿著蒜蓉、香葱和蟶子汁的鮮味，很有水準的一道菜，可媲美大酒家！ 甜品，以這個川貝雪蓮子燉雪梨，很足料，味道清新，不過太甜了，可調較一下。
繼續閱讀
灣仔最近新開了一間港式中菜餐廳，店內光線充足，我們被安排坐卡位。 醬香鴨舌($38)，滷水味濃，肉質爽口，可惜凍了少許，像剛從冰箱取出，我個人較喜歡熱食。 避風塘炒蝦 ($78)，風味十足，蒜粒夠香夠惹味，不過都幾辣架，圍蝦鮮甜，肉質爽口彈牙，好味呀！ 蟹粥 ($328) ，色澤鮮黃，充滿著蟹膏，粥底口感軟綿，有鮮甜蟹味，蟹肉則新鮮甜美，肉質爽嫩，有誠意之作！ 清炒菜芯 ($48)，顏色翠綠，味道鮮甜，好菜！ 甜品時刻 ($32)，棗皇燉雪蓮子，賣相得，口感很膠質，很滋潤，不過太甜，糖可以輕手點。 這裡整體食物質素不錯，不過店內有很多蚊螆，多得跟我們爭吃，希望餐廳注意一下。
繼續閱讀
身邊有好多人都鍾意食蟹粥，近排知道灣仔開咗間新嘅小菜館係主打蟹粥，地點方便，諗都唔洗諗一定要過嚟試。裝修簡潔走少少懷舊風，抬頭望望牆身會發現有好多舊式擺設及香港嘅舊相，而且冷氣非常非常勁，我成晚坐喺風口位，食完之後個鼻好似有啲唔聽話喎，哈哈！招牌膏蟹粥 ($328)以一個大砂鍋上菜，一開蓋真係哇咗一聲，係橙黃色嘅粥呀！撈個蟹蓋睇吓先，冇晒蟹膏了，因為全部都跌晒喺啲粥入面喇！試啖粥先，超級鮮甜，勁香蟹膏嘅味道，鍾意食膏蟹嘅朋友一定會好鍾意食；蟹肉新鮮鮮甜、實淨、充滿肉地；食食吓撈到啲蟹膏上嚟，精華已經完全融入成鍋粥，大大舊嘅膏硬硬哋，充滿口感，同軟綿嘅粥係一個好強烈嘅對比；成鍋粥大概有9碗粥，2個人食其實都幾飽肚！燒汁野菌炒貴花蚌 ($88)貴花蚌數量慷慨，而且炒得恰到好處，入味之餘又爽脆；落單時講咗少油少鹹，的確做得到，好多時食小炒只會食到一陣油味，但呢個因為唔多油，所以食得到野菌嘅香味銀稔碌鵝 ($88)睇晒咁多篇食評，都冇人食過呢碟。媽媽話梗係啦後生嗰啲唔識乜野係銀稔㗎，但係我知喎弊喇真係唔後生了，但而家就少見啲喎，所以媽咪見到呢道菜即刻要叫嚟試吓！鴨肉唔算超級肥，連住皮癡住少少肥膏所以肉質特別軟稔，而且非常入味，甜甜酸酸咁樣，食到冇停口！價錢合理、食物好味而且份量好適合3-4個人食，下次要再嚟試試其他小菜😋
繼續閱讀
一番鋒味是一間新開業的中式食肆，因地點就近公司，順理成章成為開飯熱點。因餐廳主打一眾海鮮小炒及美味蟹粥，點菜時也以此為依歸，來一個魚蝦蟹盛宴。魚肉代表是蒜香炒龍躉球，擺盤西化美觀富驚喜。厚肉肥美的龍躉球，肉質相當結實，魚味鮮香。雖然菜式用油不少，但仍算美味可口。蝦兵是避風塘炒蝦，所用上的中蝦挺大隻，食感鮮實。避風塘的風沙佐料固然惹味搶口，但空口品嚐難免有點鹹，建議伴飯或加入粥品享用。蟹將是招牌蟹粥，廚師以羔蟹入饌，蟹羔豐厚甘香，亦解釋了為什麼粥品會呈淡橙色。就蟹肉而言，口感相當結實，絶不比肉蟹遜色。如大家以清甜的粥底作主要目標，以羔蟹入饌未必是最好選擇，水蟹的效果將會更佳。或許廚師也明白箇中道理，所以在餚粥時以大量魚仔添味，補足缺失了的甜感。 甜品川貝雪蓮子燉雪梨，口味相當甜潤；棗皇燉雪蓮子的潤感比前者更勝一籌，黏稠度更高，而當中的棗皇體積巨大，吸睛吸引。 整體來說，這三碟魚蝦蟹菜餚水準不錯，火喉比預期佳，加上價錢合理，可以一試！
繼續閱讀
上星期朋友仔知我鍾意食海鮮，就介我去銅鑼灣食蟹粥。我地點了避風塘賴尿蝦，蟹粥及XO醬炒龍躉球。蟹粥～睇到個粥，金黃色又聞到香噴噴，原來是蟹膏融化了在粥裡，所以變了金黃色。朋友把大部份蟹比我食，佢只是食蟹殼上膏同粥，佢地怕食蟹麻煩。蟹肉多又鮮甜，食粥時有啖啖蟹膏在粥，而米又煮到好棉同滑。我地每人可以食到3至4碗。避風塘賴尿蝦～先把賴尿蝦走一下油，再用了大量蒜蓉碎，蔥段，辣椒，薑片炒到配料香味出來了，然後再加賴尿蝦炒熟。非常之香，但原來的食落都幾辣下的。我好有心機慢慢擦殼，食時啖啖肉，朋友好驚訝我咁有耐性慢慢擦殼，但話似蟲蟲喎，有點傷心。賴尿蝦有半隻手掌大，所以都有肉食，加上新鮮，肉嫩又鮮甜。XO醬炒龍躉球～龍躉魚肉配翠玉瓜，非常之有視覺效果。魚肉鮮嫩，切厚片，無骨，食落啖啖魚香味，配上爽口翠玉瓜，兩種口覺，再用XO醬炒，少少辣，可以食多兩碗蟹粥都無問題的。
繼續閱讀