一哥私房菜今年初開幕不久，即被選為全港「十大雞煲」餐廳，開業只短短一個月已極速爆場！為咗照顧港島區的粉絲，「一哥」今個月正式入主銅鑼灣，繼續攻陷港島區雞煲火鍋粉絲的心！

店主「一哥」用重慶入口的惹味香料， 帶出雞的鮮味，為咗令大家易掌握食雞的最佳時間，雞煲上枱時會附設 timer，3 分鐘就食得，食落非常Juicy！

「一哥」熱賣的任食雞煲 ＋海鮮火鍋套餐，非常豐富抵食：每位 $258，可在 2.5 小時內任食四川麻辣雞煲，另上鮮茄野菌蟹鍋打邊爐，可任食近廿款配料，套餐仲包埋刺身、多款海鮮拼盤、手切本地牛頸脊、甜品各一客，好豐富！難得店子沒有將貨就價，堅持用靚料，雞煲用清遠走地雞，蟹煲、海鮮拼盤的海鮮堅持每天叫貨，最「鮮」食材每天下午新鮮運到，質素有保證！

「一哥」食法：先雞煲．後蟹鍋

雞煲當然任選辣度，麻辣鮮香惹味，香氣四溢，食落雞肉嫩滑有肉汁。食完雞煲，並不是加湯打邊爐，服務員會把雞煲拿走，隨即送上鮮茄蟹鍋。足料原隻肉蟹，配酸酸甜甜的鮮茄更開胃；如果唔喜歡鮮茄湯底，仲可以每位加$20，轉銅鑼灣新店限定的花膠魚翅濃雞湯底，滋補養顏，仲非常滋味！手切本地牛頸脊，牛香味濃，肉質嫩腍，追加也只是$38一碟，物超所值。海鮮拼盤內有約8-11款當日最「鮮」的海鮮款式，包括蟶子皇、帶子、元貝、象拔蚌仔、花甲皇、鮑魚仔及龍躉片等，非常鮮甜。另有多款丸類、水餃、蔬菜及烏冬，響鈴及炸魚皮蘸點湯底更滋味，全部都可免費添食，絕不欺場，簡直是大胃王喜訊！

大胃王若然未夠盡興，仲可以用優惠價追加食材。「一哥」推介惹味的香辣泰式生蝦刺身及鮮甜象拔蚌刺身，象拔蚌還可揀選一條或半條，人數不論多少都可以滋味嘗「鮮」。

任飲任食收費

HK$258 星期一至四

HK$278星期五 , 六,日及假期前夕

訂座電話：69990050，69990060