澳洲牛奶公司

營業中

休息中

啲間茶餐廳已經來過無數次，每次來都要排長龍，但每次唔洗等10分鐘就有位，餐廳無論係樓面、水吧、廚房，都係超級有效率，效率之高可以話係全港之冠。每次來基本上都唔洗諗，一坐低就叫「早餐炒蛋多士」/「茶餐炒蛋多士轉通粉」，是乎12點前後。唔知點解佢嘅炒蛋係有種魔力特別好食，放在多士上一齊食真係一流👍🏻 另外佢個通粉其實冇乜特別，但配埋個湯底就又係神奇地吸引😝因為張枱細，所以餐茶要後上，當你食到尾聲嘅時候，自自然然會有侍應過嚟問你飲乜嘢。我通常都會叫茶走或者熱奶茶，因為鍾意佢個茶膽夠濃之餘佢嘅溫度係極高，粗略估計最少90度以上。所謂水滾茶靚，一杯好嘅奶茶，溫度亦都不可缺少。唔洗十分鐘就食完了，下次見😆😆😆

我諗澳牛好食呢，都唔洗人地幫佢賣廣告架啦，你望下條永遠都咁長既人龍就知道。講野食之前，今次我反而想講一件事，好多人講佢地對大肚婆特別好，今次同位孕婦去食，竟然真係發生左件好人好事！ 話說人龍都排到街尾過馬路，侍應哥哥叫人「安心」期間，見到我地有大肚婆排到最後，二話不說叫我地跟住佢，一下就到隊頭，而且如果有位，但係好迫既話，佢會叫我地等多一陣，最尾就安排左一張鬆動枱俾我地，你話抵唔抵讚先！！  茶餐 （烘牛油方包，火腿炒蛋，叉燒湯意粉） 炒蛋又香又嫩滑，方包「搽滿」牛油，夾埋一齊食簡直冇得輸！！叉燒意味道正常，當然大家食過都知佢叉燒唔係厚，但都有濃郁叉燒味，正！ 荷蘭唂咕  今日破格冇試熱奶茶，飲左熱杏霜同荷蘭唂咕。根據wiki，荷蘭唂咕係一種香港茶餐廳飲品，味道似阿華田、美祿，又似巧克力飲品（可可亞），但略帶苦的味道。是用純正可可粉沖水。我今次都係第一次試，真係有少少苦而又甘的味道。而家愈來愈少地方有哩款港式野飲啦，要試好試。  總結希望澳牛長做長有，繼續傳承香港口味 餐廳：澳洲牛奶公司 Australia Dairy Company 地址：佐敦白加士街47-49號地下  Addres

🍳炒蛋點可以少左澳牛🤤排隊果陣問侍應可唔可以唔搭枱👀佢都比我地等面壁枱☺️之後食得慢又無趕我地走，其實都幾有禮貌🤣圖4-5有餐牌😉🌟🌟🥪腿蛋治 ($22+1 烘底)炒蛋好足料夠哂厚! 口感真係好嫩滑😍唔過生/熟，我覺得個火喉岩岩好😋蛋味都香濃，暫時係我最鐘意嘅炒蛋🥰如果有邊間🍳好食歡迎話我知😙呢個價錢無得輸，烘底係基本啦😏滑蛋咁重都無整淋塊包😆我印象中好似以前奶味濃啲?🤔🌟茶餐 ($46)有牛油多士🍞火腿炒滑蛋🍳同叉燒湯意粉🍜熱飲☕️無諗過牛油多士可以咁香，塊包又新鮮，朋友仲話好味過我個烘底包🤣炒蛋就無腿蛋治嘅咁厚，質感上碎啲啲，我都係鐘意腿蛋治多啲🙈

好耐未食過喱間了,仍然咁多人排隊呀,不過等唔耐就好快會有位既,事關喱到食野都出名要極速傳說既,快上餐快食快有位(某程度上有好少既壓迫感),不過當然入得去就會不理照食啦,同有時班伙計講野好攪笑~!下午去到既叫茶餐,同個人比較上鐘意茶餐既野食,好味既茶餐,同諗佢快既之一係set左固定既餐,而大多數既人要食都係喱個招牌貨,所以可以好放心大規模炮製呀,叫到唔夠幾分鐘即有野食,真係好快呀,雖然係好快上不過野食仲係熱同好整齊唔亂既,同分得唔會一份多一份少果下勁到,好有意欲幫佢改名叫快餐呀~!叉燒湯意粉,最初睇以為冇叉燒呀原來係個底到(係底原因好有機係為快同保暖),叉燒好薄同少既,味道ok啦,個湯底係偏少少少濃味(傳聞係金寶呀),意粉可能索晒d湯味,所以特別好味呀,加上幾滑同彈牙唔會好林既,份量幾適中,意粉得,but由於個叉燒太過少,綜合來講比普通好味呀!聽講牛肉通又好味(不過我唔太食通粉)唔知係味既喱!炒蛋+多士+火腿~有煎蛋同炒蛋揀,就揀左炒蛋,因為聽講個炒蛋比較好味,食落真係好滑,又多蛋汁呀,好味,份量又算幾多呀,(應該係有2隻蛋既份量,因為見到隔離有人叫煎蛋係比2隻),個多士好厚同外脆內軟,

聽聞已久這裡的炒蛋好正,於是便來一試~星期日下晝3:00,遠遠已經見到門口大排長龍,我們大約排了五分鐘左右,便可以入去了~入到去還要等一陣,眼見人客一起身離座不足十秒,侍應已經快速地執好碗碟…..十秒後,我們就坐下來點食物~真的好似打杖......座位都幾狹窄,完全是櫈貼櫈....點了個茶餐,有叉燒湯意粉+炒蛋+鮮油多士~同時亦都係一分鐘內整好了那碗意粉,真係快速~叉燒湯意粉: 叉燒好鬆軟, 湯很濃,雖然飲落口咸了一些,但剛剛好配合那些淡淡的意粉(75分)炒蛋+鮮油多士: 食落口感覺好似奄列,但比奄列軟滑~朋友說這裡的炒蛋跟大快活的差不多,但我個人覺得大快活的炒蛋加了牛奶,所以比較香滑~而這裡的炒蛋則比較似奄列,兩者都各具特色~而鮮油多士好脆,那牛油是溶入了多士內,好美味~正(85分)餐飲: 原來這裡是食完餐先點餐飲,凍飲是出面的茶餐廳的熱飲玻璃杯,並不大杯~其實這裡都幾乾淨,侍應見到地下有張紙巾,都會用手執起~係佢地講野大聲了些~另外,炒蛋和鮮油多士要趁熱食,如果放涼了並不那麼美味~今次真的是回味無窮呢~

尋晚去富臨食得唔滿足，就黎呢度食甜品啦。點知又想食茶餐，真係估唔到呀。當我坐度果陣，個後生伙記執既時候，整濕我條褲。佢仲唔理我，返到黎媽子嘈佢。其實佢返黎想同我道歉架。仲比tempo我清潔，實在太好啦。估唔到戰亂中都有人情味。我地叫左兩個茶餐，之後想叫甜品。個後生仔就建議我地食完茶餐先食甜品，茶餐廳都可以做到咁既服務，佩服。炒蛋落左小小牛油整，但都可以好滑。呢個相信係香港最好食既炒蛋，又夠味，太正啦。多士係厚多呢既，搽上鮮油真係好正呀。叉燒湯意粉叉燒好好味，又夠淋。而意粉整得好爽口，有客會食到一條不漏。好有料到。火腿片無乜特別既。煎蛋都算幾好食既，蛋邊好脆架。不過下次都係嗌返炒蛋。熱奶茶好香既絲襪奶茶，茶味夠，又唔會落得太多奶。有料到。杏汁燉蛋好正呀，個蛋好滑，再配上杏汁真係一流既。燉奶都幾好食，同燉蛋一樣滑既，真係好正。實有下次既，因為估唔到茶餐廳都有這樣體貼既服務。臨走既時候，有個"金毛"伙記好大聲叫個客唔該借借。雖然好命令式，但咁樣係要個客留心。可能碗通粉真係好熱，佢先同個客咁講。真係睇到我定哂。再一次向澳洲牛奶公司既伙記致敬。