呢兩罐藍罐芝士零食，絕對係童年開心回憶，每次食都一定會食到成個咀同手指都係橙色，但係芝士味超重超好食，食完一定要10隻手指都吮埋，唔可以浪費咗任何一粒芝士粉！

曾經唔知去咗邊嘅呢兩罐嘢，最近終於返嚟喇！開飯仔開超巿嗰陣，發現百佳、惠康都有得買喇，不過價錢當然比細個嗰陣貴咗唔少啦，但係，咁耐冇見難得見返，梗係點都要入貨啦！

繼續都係咁有芝士味、咁脆卜卜，食完繼續都係變咗橙色手指，繼續都係要吮返乾淨佢。如果，所有開心嘅童年回憶都可以咁樣延續就好喇！

嗯，冇咩事我出返去繼續食先啦。

零售點：百佳、惠康超級巿場