老麥間唔中就鍾意舊嘢當新嘢出,呀唔係,係出下啲新嘢,好似之前嘅Minions傻蛋飽同Batman飽,小編家鄉日本嗰邊最近就有啲新搞作,有幾款秋季期間限定新品,最吸引當然係呢杯港女們至愛嘅紫薯奶昔,採用鹿兒島紫薯,清香細滑,仲只係一百円/杯 (約港幣$6.5),超級抵飲。 另外,佢哋仲出咗一個用北海度芝士做嘅月亮漢堡、榛子Oreo麥旋風、炸芝士波同久違香港嘅紅豆批,不過留意返唔係間間分店都有,食唔食到就睇你彩數,食完記住寫返個Report畀小編。 文:龍 圖片及資料來源: 日本麥當勞 隨時接收最新資訊讚好OpenRice專頁!