最近同朋友去咗佢地既另一間分店. 得知七月尾就要結業覺得好可惜. 所以今日專登過嚟試埋另一間分店😉 食物方面: ⚪️蜜糖芥末雞翼 新鮮熱辣既炸雞翼香脆肉嫩. 配埋蜜糖芥末係冇得輸👍🏻 ⚪️蟹gogo甲羅燒龍蝦汁燉飯 好多蟹膏放左係個蟹蓋上面. 蟹膏配埋好濃郁嘅頓飯超好食.滿足😌 ⚪️黃金軟殼蟹忌廉意粉 軟殼蟹好大隻好脆. 估唔到配埋鹹蛋黃嘅忌廉意粉都幾夾. 好濃郁嘅忌廉汁.食完都唔會覺得好膩! ⚪️今日咩心情 (即係抹茶芝士蛋糕) 抹茶超濃而且一啲都唔甜. 相對上芝士味就冇咁出. 但係入口好滑好食😋 ⚪️益力多柚子沙冰 超級清新.啱晒夏天嘅飲品好解渴😊 ⚪️73.5%朱古力 應該係我喺香港飲過最濃郁嘅朱古力. 對於鍾意朱古力嘅我完全冇抵抗力😝 整體方面: 餐廳坐得好舒服.上菜都好快. 食物全部即叫即整好新鮮. 除咗食嘢影相打卡都好正😊

哩間餐廳聽就聽過.一直都好想去. 但係大埔對於住觀塘既我嚟講真係有幾遠. 所以今次揀咗母親節一家人過去試吓🥰 食物方面: 落單後會有餐包 ⚪️白酒煮大硯 大硯真係好大隻.整理得幾好無咩沙. 好有海水味幾鮮甜! ⚪️波士頓龍蝦扁意粉 龍蝦好彈牙意粉煮得啱啱好. 加埋龍蝦汁好惹味😊 ⚪️ Sapporo 整體方面: 餐廳真係好令好舒適.有分全室內同半露天既枱. 落雨所以9成人都座哂全室內. 雖然落雨影唔到藍天白雲嘅相. 但整體都好舒服都影到令相😝 如果好天一定仲令.食物全部即叫即整. 店員都好多同好nice. 下次好天一定要再黎試下其他野食👅 雖然交通唔算好方便.但係大埔都有穿梭巴士. 我地帶住小朋友就直接call車去到門口🙌🏻

最近都好少出去食飯. 想食餐好既.但食自助餐價錢又貴我又食得唔多. 所以諗住係屋企附近食個放題. 見到呢間想試好耐. 終於等老公早收工book咗食晚飯🙌🏻 食物方面: 我哋七點入座.每張枱上邊有一個燒烤爐 同埋一個電磁爐.可以打埋邊爐🍲 餐廳自助區分得好仔細.想食嘅樣樣都有. 刺身.沙律.打邊爐食材.燒烤食材喺左手邊. 中間係熱熟食.湯.火鍋配料. 右邊係甜品區.炸物.點心.排得非常整齊同乾淨. 仲有四個汽水櫃係任攞飲品啤酒. 前面仲有埋清酒梅酒同埋可以自己混醬👍🏻 私心推介： ⚪️麻吉燒.燒三文魚.牛扒.羊架.牛肋骨. 咖喱雞翼.秘製叉燒.多春魚.田螺.刺身. 點心.泡芙.雪糕我都好鍾意🥰 最特別係可以自製仙草凍.好正👍🏻 第一次可以燒烤同打邊爐都一齊食到. 而且係好食好乾淨.令我食得放心. 不過呢間叫校長燒肉.咁梗係食燒肉為主. 打邊爐比較易食到.燒肉就唔係間間好食. 而我胃容量有限.所以淨係食咗燒肉🫣 下次帶埋朋友過嚟.要試多d野食👍🏻

之前要去到澳門先有得食葡撻雞蛋仔. 見到香港有人介紹. 呢一間雞蛋仔而家有焦糖燉蛋雞蛋仔. 即刻拉住老公陪我去試吓. 尋日星期日去買諗住好多人. 好彩都只係等10分鐘. 睇戲前食個雞蛋仔打個底😝 🍮焦糖燉蛋雞蛋仔 攞上手熱辣辣雞蛋仔脆卜卜. 一咬開就見到燉蛋.但係就冇焦糖味既. 燉蛋都唔係好滑嗰一種冇入口即溶. 相比起澳門嗰間比較遜色. 整體唔算好甜都OK . 但係價格上比較進取要$45 可以一試.但係下次我唔會再試. 以雞蛋仔嚟講$45 太貴😮‍💨

觀塘工廈一直都好多好野食. 而近排又好少食牛扒🥩西餐 所以專登約埋老公一齊食西餐😬 食物方面: ⚪️美國安格斯肉眼 叫左5成熟啱啱好.好香炭燒味. 肉味香濃多汁而且好嫩好好食😋 會有兩個醬汁同埋海鹽加炸蒜片. !貼心位:有個小蠟燭興住唔驚牛扒會凍👍🏻 ⚪️蒜香蟹肉意粉 超級多蟹肉好香蒜味.有少少辣好惹味. 非常啱我口味.意粉軟硬適中.好好食😋 ⚪️黑松露忌廉雜菌意粉 勁濃郁既黑松露忌廉汁. 哩個組合真係一定唔會錯🙌🏻🤭 ⚪️開心果忌廉配士多啤梨疏乎厘班戟 第一次食哩個組合.我地本身就好鐘意開心果. 但出面就比較少有得食. 配熱辣辣入口就溶嘅班戟非常夾😍 ⚪️ Tiramisu Latte Tiramisu都係我好鐘意既甜品. 第一次見有哩個latte既配搭. 絕對係會想再飲既latte☺️ ⚪️Stellar 生啤.老公最愛😍 整體方面: 餐廳地方都幾大感覺好舒服. 自行用code點餐.10分鐘左右就到齊. 食物全部即叫即整上枱熱辣辣. 價錢合理性價比好高.整體好滿意👍🏻 下次帶埋朋友一齊過嚟試多啲唔同嘅嘢食😝

係香港真係唔多哩類型既露營餐廳. 始終香港租金貴而且地小人多. 見到銅鑼灣哩個黃金地段竟然有一間. 即刻約左朋友去食飯打卡🍴 食物方面: ⚪️宮崎和牛赤身四點 (當中有牛腹腩.和尚頭.牛小排. 赤身肉) 個人認為和尚頭.牛小排最好食😋 油脂分布好平均牛味好濃. 牛小排會再淋少少入口即溶.和尚頭有口感d ⚪️黑豚梅花肉 好出色既豚肉.好嫩滑唔會乾 ⚪️蒲燒鰻魚配玉子燒 熱辣辣鰻魚配上又甜又厚既玉子蛋.好味🥰 ⚪️黃金炸魷魚鬚 香口酥脆配啤酒最適合🍻 ⚪️慢煮日本黑松露白雞湯雞胸拉麵 湯底幾香配上爽彈拉麵唔錯! ⚪️蜂蜜琥珀手工啤 好易入口甜甜地好順口好飲 整體方面: 本身諗住開係銅鑼灣一定唔會好大. 點知去到餐廳見到環境超靚. 全部全部都用上露營用品. 室內好有心機咁設計左兩個打卡位比人影相用. 另外仲有露天位置有帳幕.有埋燈好有氣氛. 咁鍾意打卡嘅我梗係坐出邊咁先有露營嘅感覺☺️ 影左好多相.視覺同味覺都好享受.推薦🫶🏻

講開有特色哩間餐廳一定有哩間餐廳份. 而朋友又未黎過所以決定同佢黎食下野! 食物方面: ⚪️有蟹go又有蟹肉的蟹蟹蟹意大利扁麵 好多蟹肉仲有蟹膏.醬汁好濃郁好香. 啖啖都食到蟹肉好滿足好食! ⚪️美利堅合眾國草飼牛扒 除咗牛扒有沙律同埋芝麻醬烏冬.好豐富👍🏻 牛扒7成熟岩岩好肉質好軟滑好淋. 好多肉汁好食😋 ⚪️焦糖脆脆窩夫 奶蓋配焦糖脆脆窩夫仲有海鹽雪糕真係無得輸. 少少鹹嘅奶蓋同海鹽雪糕配埋比較甜嘅焦糖脆脆. 鹹鹹甜甜.加上熱既窩夫一冷一熱真係好正😊 ⚪️香蕉朱古力奶昔 好濃郁既香蕉味.朱古力唔會好甜. 奶昔無額外加糖好飲👍🏻 整體方面: 餐廳裝修設計都好有特色. 成間餐廳周圍都係打卡點. 每個菜式名都好特別.食物好新鮮. 價錢都好合理抵食🍴

近排係網上見到好多人去打卡食下午茶. 對於我咁熱愛打卡當然唔會放過. 立即約朋友放假一齊去打卡食下午茶🫖 ✨下午茶套餐 我地提早預定每位送紅白酒一杯 鹹點: 伏特加生蠔 鮮拆蟹肉牛油果芒果卷 西西里八爪魚沙律 魚子醬煙三文魚撻 Starò 燒乳豬多士 迷你餃子手工薄餅 手工甜點: 自家製意大利經典芝士蛋糕 自家製肉桂蘋果 馬卡龍(抹茶/士多啤梨) 慕絲星球(伯爵茶/檸檬芝士) 行星朱古力 整體而言: 入到餐廳已經見到門口月亮打卡位. 一入到餐廳就見到好多圓拱型枱打卡位. 安排入座後10分鐘就上齊左飲品同食物. 真係好令影出黎張張相都好令. 食物全部都係新鮮即整.都好滿意👍🏻 而迷你餃子手工薄餅就係另上. 店員會等你準備好再加酒點火. 無論視覺上味覺上都好享受😋 一定一定要來打卡同朋友食住野傾計打卡❣️

對於Omakase我更加鍾意鐵板燒. 因為我唔食刺身所以唔特別鍾意食廚師發辦. 太耐冇食鐵板燒.所以今次揀咗佐敦呢間試下☺️ 食物方面: 我哋叫咗兩個五道菜套餐 ⚪️煙三文魚沙律 黑醋汁配沙律好開胃. 加埋魚子醬更加特顯煙三文魚味👍🏻 ⚪️鐵板海鮮每人揀二款 我地揀左鮑魚.帶子.東星斑 好鮮味.鮑魚爽口彈牙配埋店家秘製蒜蓉. 帶子微微煎香後再放入預先用牛油加熱左既扇貝殼內 再煎至剛剛好😊帶子整得好鮮嫩入口岩岩好👍🏻 東星斑平時比較少食到.所以我地都揀左. 廚師只係放咗少少鹽同埋黑椒. 所以更加食到魚本質既鮮嫩質感! ⚪️美國安格斯牛扒 肉質好淋好多汁.牛肉味好濃好食. 配埋自家製炸蒜口感更豐富😏 ⚪️炒飯 炒飯粒粒分明好香口! ⚪️甜品 係紫薯雪糕.檸檬雪葩 ⚪️梅酒同生啤 呢隻梅酒好好飲👍🏻好易入口! 整體方面: 可以睇住廚師煮嘅鐵板枱有10個位. 私隱度都好足夠.食材好新鮮. 上菜前店員/廚師都會好清晰講解每一道餸. 廚師仲會一路煮一路同我傾計. 一路食一路傾計飲返2杯.正既☺️

本身屋企唔係住喺地鐵站附近. 所以平時都比較少搭地鐵. 而經過地鐵站都會聞到呢間泡芙嘅香味. 每次都會忍唔住過去買嚟食. 今次見到有新口味即刻買返幾個試吓☺️ 🔘黃金滿屋 即係流心奶黃肉鬆. 一咬流心奶黃就爆曬出嚟. 再配埋泡芙上面嘅紫菜肉鬆. 鹹鹹甜甜又脆口好夾好味😋 🔘士多啤梨乳酪 🔘芒果乳酪 生果夠新鮮唔酸好甜.配埋乳酪忌廉. 加埋脆卜卜嘅泡芙無得輸👍🏻 本身以為泡芙一定係配甜嘅先好食. 今次試咗新出嘅流心奶黃肉鬆. 估唔到鹹鹹甜甜嘅口感仲豐富. 都好夾好好味😋