陪女友去運輸處考筆試﹐經3/F條通度直達西九呢間店﹐方便﹐兼有員工出黎介紹﹐以為服務會OK

想去右邊﹐員工指我哋去左邊﹐算了﹐下午茶﹐人手集中D都係好事﹐點知再中計

坐低想叫食物﹐完全冇人﹐要行番去右邊先至落到單

加份小食鹽酥雞﹐完全同上﹐行多轉

野食黎到﹐想要辣椒油﹐再行多轉﹐不過我去到收銀位旁的調味架左找右找﹐終於有員工幫我

講番食物﹐鹽酥雞碎兼無味﹐D麵質唔得﹐平時我會食埋女友食淨的﹐今日我都沒有衝動這樣做﹐兩個冇食早餐﹐冇食午餐的人連兩份茶餐+1碟小食都食淨好多

食早餐
問可唔可以將餐肉火腿公仔麵﹐轉餐肉腸仔公仔麵﹐收銀話得

去到取餐處
俾牒野我﹐話齊晒攞得﹐但眼見無公仔麵當然唔收貨。
員工叫我加$5才有公仔麵﹐我O晒嘴。
原來收銀落錯單﹐求其落餐肉腸仔多士

之後員工話可以換
點知轉個頭佢再問我要少一件餐肉﹑還是少一件腸仔﹐我再一次O晒嘴﹐完全唔明佢講乜。
原來佢係話餐肉腸仔多士有兩件餐肉﹑兩件腸仔(共4件)﹐但餐肉火腿公仔麵只有3件。
我問佢﹐若果收銀冇落錯單﹐真係餐肉火腿公仔麵﹐佢仲會唔會問我要少一件餐肉﹑還是少一件腸仔﹐佢先至茅塞頓開

不過﹐碗公仔麵仲差過中學飯堂D膠碗公仔麵﹐早知粗粗地要咗個餐肉腸仔多士就算

三小姐唔開午餐﹐唯有將就下去上水都有分店﹐但我未試過的學利

雲吞河($21)有6粒雲吞﹐味道一般

麻辣河($21)配炸墨丸(+$6)﹐點知只有2粒炸墨丸﹐不過炸墨丸好好味

麻辣河($21)配牛丸(+$4)﹐都係只有2粒丸

而且麻辣味唔得﹐腐竹亦未熟

都係普通野實際D

順帶一提﹐我哋係搭檯坐﹐有個熱褲妹妹拎碗麵黎﹐放在雙方中間﹐講左句“牛腩唔知咩麵”就走左去﹐要對方叫佢翻轉頭問清楚﹐佢先至走翻去廚房問。到第二碗時﹐佢行到一半﹐又拎翻碗野去廚房問﹐先至敢俾個客﹐笑死。

去油站換偈油﹐要等40分鐘﹐油站唔近公司﹐唯有蛇去粉嶺中心

11:15am踩入去﹐店員話清潔緊﹐11:30先至正式營業﹐但照俾我坐﹐仲提我廚房可能未準備好﹐叫我耐心等10分鐘左右﹐服務一流﹐讚~﹗

午餐﹕石鍋鴨胸拉麵+凍檸茶小甜

期間阿姐驚我等得唔耐煩﹐叫完人斟茶﹑又叫酒吧快D上檸茶﹐再讚~﹗

雖然石鍋鴨胸拉麵係午餐中最平的﹐但我覺得是最抵的﹕石鍋洋蔥汁鴨胸+另上拉麵﹐凈係洗石鍋都唔少工夫啦

倆個人到葵芳咭片王攞咭片﹐順道搵野食

見咁多人食﹐門口又有班師奶攞住成疊餐牌搶客﹐十足十羅湖商業城D食肆﹑又或者係問“先生﹐買唔買DVD呀﹖”一樣﹐咪幫親下囉

雖然有成班知客係出面﹐但入到去先至發覺﹐0服務員~﹗我們還算好彩﹐旁邊張檯等到發晒脾氣

叫左兩個小鍋米線﹐等緊期間﹐另一張檯話落單前唔記得講要辣﹐個傳菜/服務員居然叫佢哋加檯面那些辣椒油﹐仲要話小鍋米線就係用辣椒油~﹗吓﹖小窩米線居然唔係酸辣既﹗﹖

小鍋米線黎到﹐D湯完全無味﹐腩肉原來係肥肉﹐排骨勁“un”﹐豬大腸就OK﹐而韮菜餃就好味

9人行﹐預先派2個攞定籌﹐15分鐘後大肚婆(6個月)先到。店外等位凳無人讓坐﹐接待員又唔識拎張凳俾佢坐

再30分鐘後﹐先讓6個入去﹐同我哋講﹐隔離張枱好快就﹐便可將兩張枱拍埋一齊

點知入到去先知道中計﹐因為旁邊4個ABC中英夾雜﹐高談闊論﹐無走的意圖﹔

另一方面﹐D員工亦唔識放定張單給他們﹐示意有客人在外等緊

再過15分鐘﹐已經又有好幾張枱番左枱﹐員工先俾我另外3個fds坐離我們遠D張4人枱

等到班ABC走﹐我們6個都已經半飽

食物方面﹕
讚﹕鰻魚壽司
彈﹕雞軟骨叫左兩碟﹐第二碟要三催四請先黎﹐仲要勁膿勁鹹﹐與此同時見到壽司明檔洗緊地﹐明晒~!
彈﹕火炙三文魚壽司﹐油膩度100%

住左綠悠軒11年﹐自從上一間食肆執左笠﹐超市又越縮越細﹐要搵餐好野食﹐都要行15分鐘到聯和墟舊墟食漢哥

近日睇東張西望﹐見到播呢間新野﹐原來入面咁鬼靚﹐身邊D朋友試過又話正﹐咪7個人為我慶祝生日﹐順便試下


飲品 喬麥茶
有D似日本D玄米茶涼菜 大董涼瓜
第一次食涼瓜刺身﹐內有喬頭﹑花生﹐汁醬係日本芥沒醬油﹐真係酸甜苦辣鹹都齊晒
雖然要自己伴﹐店員又話係他們“私享菜”特色﹐但唔覺唔覺原來都幾大碟涼菜 浪哥娃哈哈
蝦+馬蹄+唔記得乜瓜墊底﹐馬蹄有少少渣涼菜 皮香豆腐
有少少花椒般麻香味的皮蛋配豆腐

時令靚湯
稔唔到全電餐廳有咁既火喉主菜 家鄉滋味骨
咪攪錯﹐中間那塊不是菠蘿﹐而是淮山主菜 絕配咕嚕肉
白色係沙律醬味﹐夠乾身﹐夠fusion主菜 乾咖喱蟹
門口見到有張漢哥在清涼廚房揸住自己本書的相片﹐以經很不可思議﹐稔唔到仲有新漢記既乾咖喱食﹐正~!主菜 自家蒸釀粉葛
正~﹗不過墊底那塊粉葛都幾難夾﹐因為啜住個碟

金湯時蔬
咸蛋湯芥菜﹐呢個餸無得揀﹐跟餐送﹐好菜當日無人唔食芥菜主食 三姑娘撈面
冷蘆薈麵配胡麻及酸甜汁﹐都係要自己撈
不過配以上幾道主菜﹐我們其實應該配飯正D

酒 青梅酒/紅酒/果汁
每人送一杯飲品﹐其中五年梅酒為大家激讚

甜品 白雪飄香/雜果奶凍/杏仁茶
三款都各有人揀﹐大家都讚﹐特別係白雪飄香(榴蓮糯米滋)

此外
自帶生日蛋糕無額外收費
員工身上的LED牌也很有趣