這餐飯是慶祝男友生日的lunch飯～由於禁左堂食所以只能食午餐。一入到去店員都好有禮貌，坐低無耐就開始前菜，冇記錯好似叫水銀髮菜，味道酸酸地幾開胃。其後全部壽司都好好味，最有深刻印象係海膽壽司，鋪咗一層燒左既昆布係上面。我叫左498個set，因為新開張埋單無加一，2個人食都係1000蚊。希望下次可以帶埋屋企人去食。

聖誕節打算試下呢間咁出名既餐廳 (*￣з￣) 聽人講啲cheese 好好味。 過到黎唔洗book 有台walk in入 可能lunch冇咁多人唔洗排。坐到黎馬上睇下有咩popular 既菜啦，發現好多人都話達文西意粉 乜都有pizza同水牛cheese 雞翼好正，所以就點左。 先講達文西意粉，個味唔係唔好食，係ok，不過就偏重味同咸😅 由於夾埋其他野食都好重口味同咸，成餐飯真係咸到唔係好食得落去，所以剩左好多打包。 水牛wing 係我極唔推薦，我唔明點解其他食客會介紹呢道菜，我覺得呢道菜真係勁咸，我自問都好中意食重口味野，旦真係over左，啲雞外皮勁咸 唯一好係好大份，不過真係食唔到。 pizza 係好食既，不過由於個意粉同雞翼太咸 令我對呢個pizza都冇乜胃口了。 價錢小小貴，食物偏咸我的回頭率不大了。

未食前抱住一個打卡既心情入黎 以為啲旦糕應該係好睇唔好食 旦原來係堅有料 勁好味 點左個檸檬茶cake 真係一試難忘 外面係用朱古力整既 入面係一層層 外層包住伯爵茶既慕絲 再入面係檸檬慕絲 其實個味道都真係幾夾 又親到旦糕個主題 真心覺得設計餅個個係真心有念過 唔係hea整得個樣 下次有機會我都想再試埋其他味道BTW 食完其實有啲飽飽地:ma係好值得去食 又靚 另外餐廳既裝修都好靚 有個打卡位俾人影相幾得意架 同埋衛生方面都好乾淨 侍應們都幾有禮貌

夜晚辣癮起， 啱啱喺旺角想搵一間夜媽媽都可以食到水煮魚嘅四川菜，上網睇發現 呢間嘢都幾多好評， 姑且過嚟試下。 但係過到嚟而其實已經心知不妙， 首先 環境非常污糟亦都好嘈吵， 感覺就好似啲 麻甩佬去完夜總會落嚟消遣嘅食堂咁。 但係見網上面咁多好評 心諗可能食物質素好但環境差啫。 入到嚟侍應叫我哋去坐一個角落頭位， 坐到落嚟發現張枱同個碗都有殘餘食物， 有粒飯痴住喺張枱同碗到， 見到已經覺得好嘔心，加上疫情關係有啲驚。 但係冇辦法 餐餐喺屋企食實在太悶。 最後我同男朋友嗌咗水煮魚，手抓餅，皮蛋同擔擔麵。 首先講個水煮魚嗰個味道其實就唔錯嘅，麻辣同酸既味道適中， 但條魚就一般啦， 條魚一咬就散曬，感覺條魚係好老。 但都叫食得落口。 個皮蛋簡直係垃圾， 醃料完全唔入味之餘， 個醃料嘅味道都好怪下。 手抓餅其實個味道都ok但係佢同個menu嘅相係差好遠， 一心以為入面會有材料，點知得塊皮。 最後個四川擔擔麵先係伏， 佢menu張相明明係粗麵以為係正宗四川擔擔麵啦，點知嚟到係麵線， 即係台灣麵線好幼嗰啲， 咁都算啦， 食落囗完全唔掂。 另外啲待應又成日睇唔到你，又好似冇乜禮貌咁，認真唔明點解啲人會推介。一望就知呢間店龍蛇混雜同好污糟。

雖然店子外貌普通和坐子不大，但廚師煮越南河的功架十分了得。 河粒：有彈性，綿綿的口感，很好吃，吸收了湯的味道 湯底：濃味，既辣又甜，好開胃，中意濃味既人一定中意。 牛肉：半熟口感柔嫩，不錯。 幾大碗，價錢平，底食之首選

其實我都係睇openrice 介紹，因為間看見相片非常漂亮

有一種高貴的感覺 然後我和家姐點左個598既二人set 都幾好味，我最中意係個三文魚夾麵包 其實個馬卡農幾好食，不過我唔中意食薑味，但都可以接受成個環境幾令 杯野飲ok

埋單701$ 都算ok