三人同行在葵芳小聚. 看見少爺18的門面很吸引, 就選定了這一間.

這裡的裝修不錯, 大至牆上的掛飾; 小至餐牌, 餐具都見心思. 但坐位開揚不宜傾計. 如果可以提供多點卡位會較理想. 這裡主打星馬菜. 翻了翻餐牌, 我們分別點了凱撒沙拉配沙嗲, 印尼炒飯及蝦汁帶子長通粉

凱撒沙拉配沙嗲
一般的凱撒沙拉, 加了炸脆了的油條. 凱撒沙拉味道不過不失, 但感覺油條還是平常的較好吃. 沙嗲没有燒香的感覺, 有點失望.

印尼炒飯
正常的印尼炒飯, 蝦片, 沙嗲都不缺少. 味道還可以, 只是份量少了點.

蝦汁帶子長通粉
這個蝦醬味很重, 汁有點偏咸, 基本上蓋過所有食材味道. 份量比炒飯還要少.

食物整體味道未算突出, 但價格不見得相宜. 更甚者份量真的很少. 自己一向不算大食, 但食完真的還感覺餓…連同行的女友人也有相同感覺. 希望能稍作改善.

農曆新年的最後一日, 我兄弟倆去了荃灣的玄圓學院攝太歲, 求個羊年順風順水.
祈福完成後正值午飯時間. 我地決定落返去荃灣揾食. 今日天氣有啲涼, 最好去食個暖笠笠的焗飯. 終於揾到嚟焗廚.

這裡地方細細, 只有十數張坐位. 我們原先被安排了二人卡位. 但我地兩個大男人坐落似乎有啲迫. 店員見狀都友善地主動替我們換位. 來到這裡首選自然係焗飯! 餐牌上選擇雖多, 牆上也貼滿了各式各樣的餐牌. 只是午市套餐只有一款焗飯, 有更多選擇會更好. 最後點了個午餐鮮茄焗龍脷飯. 再散點了個拼盤.

香芧忌廉湯
隨午餐附送, 香芧味十足. 只是個人不太好香芧, 不過不失.鮮茄焗龍脷飯
份量十足. 雖然滿佈番茄, 但完全唔會酸. 塊龍脷大大塊, 質地比較淋身. 煎煎可能較好. 但味道整體不俗.拼盤
點了這個有點後侮吧! 因為份量比想像多, 根本食唔落. 拼盤包含了四款小食:
松露薯條 - 因為没有薯角, 所以松露薯條代替. 好香松露味, 感覺唔太熱氣. 好食!
雞翼 - 因為太飽, 這個没有食...
炸湯丸 - 以燕麥炸成. 外脆內軟, 個人好鐘意~
餡餅 - 酸酸甜甜, 幾開胃, 唔太乾.整體嚟講唔錯, 有誠意既小店, 而且價錢合理. 有機會我應該會再去. 

二人同行到葵芳上堂. 聽聞附近有間價廉物美的西餐廳, 我們當然不會錯過 .
放學後沿路一直前行, 好快就出現一間綠色小屋. 正是今晚的目的地. 時間是八點左右, 但已經有不少人在外面排隊. 幸好醒目的我早已訂了枱 , 不用等位. 這裡地方細細, 容納不了十張枱. 枱與枱之間空間也較少. 距離遠少少會較理想, 但這也無礙我們的興致.

來到西餐廳當然是品嚐一下扒餐 . 我們分別點了一份手打黑毛豬T骨和美國頂級肉眼.
手打黑毛豬T骨 - 軟硬適中, 有肉味. 但伴碟的條狀物不太好食, 有點硬.美國頂級肉眼 - 雖然點了個七成熟, 但不會太老. 有適當的油份, 整體滿意. 驚喜的是伴碟的蒜頭. 又香又軟. 雖然本身我們都唔食蒜頭, 但都接受得到.跟餐本身有甜品. 原本想選焦糖布丁, 但竟然售罄...只好選擇木槺布丁. 布丁是自家製, 較軟身, 味道OK.
總括都是滿意的, 歡渡了一個開心的晚上 .

今晚替PingPing補祝生日. 這次是我第二次來Tivoli. 第一次是他人替我慶生. 這次輪到我幫他人慶生.
暗暗既燈光, 微微既燭光. 營造出高貴既格調. 很喜歡這間餐廳的情調.
今晚既set dinner似乎不太合胃口. 所以在餐牌散點了一些. 前菜我們點了巴拿馬火腿配哈蜜瓜. 主菜分別點了一份西冷及紅酒燴牛肉. 餐飲再點了兩杯紅酒.
巴拿馬火腿配哈蜜瓜 - 咸咸既巴拿馬火腿巻住清甜既哈蜜瓜, 咸與甜的交匯. 刺激着味蕾. 不錯既開胃小吃.
西冷 - 我們叫了五成熟. 這個程度口感一流. 肉味夠之餘不會太老.
紅酒燴牛肉 - 牛肉粒配大量的雜菜. 味道還可以, 只是牛肉煮得有點兒老. 加上個人不太喜歡雜菜. 所以感覺一般.
用餐完畢後, 侍應突然拿出一個雪山火焰蛋糕. PingPing有點嚇住了! 想製造一個驚喜, 不妨預先通知侍應, 他們很懂得配合.
雪山火焰蛋糕 - 口感特別, 外面感覺很泡, 裡面就有雪糕. 注意火焰只有短暫既一刻, 影相要快!

二人同行到銅鑼灣. 選咗特色餐廰Cafe Corridor. 這兒不太好找, 真的要放遠目光, 不然好易走過...

晚上七點幾, 人不是太多. 這裡地方不大, 只有不夠十張枱. 我們選了個安靜的角落, 傾計還不錯. 這裡裝潢頗有特色; 破舊家俬, 紅色磚牆, 上面掛住形形式式的畫作, 滿有外國feel.

餐牌呢? 原來這裡的餐牌都寫在上方的黑板上. 不太易看, 而且全是英文...餐牌上的飲品選擇還好, 只是食物款式不是太多. 這裡點餐是走到櫃檯前. 點了一客All Day Breakfast, 肉醬意粉, 加兩柸果汁. 意粉茄味足, 但份量不足. 男士應該唔夠. 自己没有試到All Day Breakfast, 睇落用料十足, 聞落幾香. 友人都讚唔錯. 果汁應該新鮮搾, 有果香但不會太甜.

All Day Breakfast肉醬意粉食物整體味道OK, 價錢尚算合理, 而且免收加一. 如果食物既選擇多啲會更好.

好耐無去食過鐵板餐, 走咗去荃灣既莎樂美. 好耐之前係莎樂美食過一次, 印象中佢既什扒餐都唔錯幾抵食. 今日正好重温一下. 一個餐有湯, 主菜, 雪糕, 飲品. 湯既味道可以, 唔會太稀, 仲有塊梳打餅係上面. 至於主菜方面, 有火腿, 香腸, 大蝦, 雞扒同豬扒, 配上薯菜. 整體味道一般, 不過不失. 不過隻蝦都好大隻. 只係豬扒真的很硬... 質素有待提升. 但總括而言$5X一份什扒餐是抵食之選.

相約女生閒逛誠品, 適逢她的生日. 選擇了附近的Ocio為她慶祝.
這裡位置不太顯眼, 我差點便走過頭.  我們五點左右到埗, 竟然只有兩個座位, 幸好...不過這個鐘數還這麼多人, 真的有點意外. 這裡地方不大, 座位不多. 但裝潢不錯, 頗有情調. 我們翻了翻餐牌, 很快就下了決定.

Carbonara 雜菌意粉味道香濃, 配以雜菌,火腿, 唔會太膩, 不俗.

巴黎風情 窩夫 (2人份)今晚的主菜! 有四件窩夫, 兩球雪糕, 配以雜果. 賣相好吸引. 味道方面, 窩夫有朱古力跟蜜蜂口味, 但四件食落會有少許分別. 雪糕就是石板街跟香草, 好味! 窩夫跟雪糕一熱一冷的配撘, 口感一流. 只係啲草莓酸了點...

馬卡龍 (6件)臨行女生想試馬卡龍 (女生就是愛甜), 不過大家都有啲飽. 於是外賣了半打. 但打開了又忍不住偷吃. 不是太甜, 個人覺得唔錯. 而且價錢唔貴, 想食馬卡龍不妨一試.