我應該係全世界最理性嘅一位綠茶控，去京都四次，每次因為同行朋友不好綠茶，無去中村朝聖，又因為兩年前每次去香港中村都大排長龍，我一直等到人氣降温先朝聖，一等等左三年! 今日終於唔洗等，直入中村藤吉叫返杯芭菲降暑，仲可以慢慢坐無人趕。 厚厚鮮忌廉，綠茶青澀味濃重，超甜紅豆同我最愛丸子，大大杯好滿足! 食完一大杯芭菲有衝動想再叫多份甜品，但理性嘅我都係留返下次

同老公二人第一次黎食，當然叫避風塘炒蟹，做緊優惠炒蟹五佰蚊有找再送多隻龍蝦，一坐底除左炒蟹，諗住睇下menu叫啲咩，亞姐一輪咀不停sell呢樣sell嗰樣，我話我睇下餐单先，唔夠三分鐘又不停sell游水魚，我再同佢講俾時間我諗諗，最後我要避風塘龍蟹，金沙瀨尿蝦，炸桶蠔，亞姐又再sell我叫多條六佰幾蚊游水魚或者雞，我兩個人食根本食唔哂，啲海鮮係好食但做生意咁做法，我唔會再去。

偶然經過油麻地吃午飯，聽說這間頗具歴史的餐廳不錯，點了叉燒燒肉飯，才三十幾蚊有鬆化蜜汁叉燒，十分驚喜，燒肉皮脆肥瘦適中，略嫌飯汁較少，但高級酒樓水準，茶餐廳價錢，十分划算。
咸魚肉餅飯，肉餅不死實亦不過於鬆散，配飯一流。
吃慣口水雞，覺得口水花甲不夠咸不夠麻，屬港式口水風格

下次可一試晚市更多菜式。

一個人在銅鑼灣肚子餓，下午茶時段好多選擇，寸金尺土的銅鑼灣，不想吃太貴不易找，隨便一件cake, 一杯野飲都超過$80,除非茶餐廳，但茶餐廳又不是間間好食，剛好在希慎醒起未試過羅麥記，多款下午茶餐3O幾蚊起。食物質素好過好多一般茶餐廳，又坐得舒服。食物帶點新意，點了咖哩鴨胸蔥油餅豬仔包，水蛇春咁長名，size亦有咁上下份量，豬仔包咖哩滿瀉，好難用手食，一定要用刀叉，咖哩味濃不辣，煙鴨胸啖啖肉，其實已經好滯，再加蔥油餅更加滯，而且不夠熱，整個飽只是微溫，大堆頭不代表好，但絕對夠填飽肚，四十幾蚊，再包中湯，熱飲品，真係好抵，雖然味道還有進步空間，但誠意和創意搭救，一個人吃的好地方。

朋友相約吃飯，四個人最適合食中菜，朋友試過嚐館大推一試，四人8pm order 6碟餸，
麻辣鵝腸，麻辣味點到即止，食慣四川菜會略嫌不夠勁，但鵝腸肥美，每條都帶少肥膏。

鹽焗奄仔蟹，大閘蟹負面新聞聽得多，奄仔蟹蟹膏雖然不及大閘蟹甘香，但令人少一份擔心，奄仔蟹十分大，兩隻四人吃剛好，肉厚加上爆膏，蟹肉鮮甜，油脂滿溢，啖啖滋味無窮。

清清地准山時蔬，我不愛綠色蔬菜，但喜愛准山，蔬菜味道清淡，湯汁偏濃中和一下味道。

蝦多士，蝦肉大隻彈牙有蝦味，多士夠脆身，要做到不會成口油不易，嚐館做得不錯。

wasabi 萵筍，賣相漂亮，但伴碟的朱古力成為敗筆，完全不夾味道，相信只是裝飾，但多此一舉。冰涼萵筍爽口，很適合炎炎夏天，配wasabi酱很醒神。

食到最後10pm隻風沙煙燻雞都未到，原本打算取消走人，但最後一刻先送上來，雖然等左隻風沙煙燻雞2個鐘，但真係好好味，皮脆肉嫩，吃得出雞味，滑嫩多汁(好怕吃雪藏雞味)，迷人煙燻味絲絲入扣! 絕對是回頭率高的菜式，好彩最後一刻都食到。

今餐之後，又要落力減肥，晚晚只可以食烚雞肉蔬菜了: (

一向不太喜歡飲茶，因為香港地高質素點心不易找，近幾年添好運之後，越開越多茶餐廳式點心，位置小，食完不能慢慢嘆茶，對於經營者，錢更易賺，對消費者坐都唔舒服，亦無以前一家大細一邊嘆茶一邊閒話家常，利苑期下利小館，就是以快餐式經營，本應比傳統茶樓平，但兩人叫5碟點心，都要三百幾，枱面細，擺不下點心，點心還末食完，不斷送上枱，急急食完走，不享受這種急促氣氛，食物亦非常普通。

炸芋角，越來越少有得食，選擇來利小館因為見有芋角，但十分失望，一咬微溫，再吃一口有一陣像臭皮蛋怪味。

蘿蔔蘇夠熱，蘿蔔絲夠甜多汁

焦糖排骨，只吃到雪藏味肉和糖浆，無焦香味亦無肉味

燒腩仔皮薄夠脆，但肉偏乾不新鮮

荷葉飯吃到荷葉清香，但只有丁點肉粒

下次都是去富聲，蓮香居，慶有餘傳統茶樓

之前試過幾次groupon試餐廳，每次都失望而回，不是食材差，就是份量太少，但這次大大不同，實在喜出望外!

當然，即使團購買亦不是百幾蚊價錢，每位約$400再加服務費，只是比walk in set dinner平約每位一百蚊，但即使以正價去食，仍然值得去試。set dinner 每位自選3項頭盤，湯，主菜和甜品。

是晚，頭盤薄切北海道帶子，帶子鮮甜，伴以橄欖油檸檬汁，味道清新。
香辣BB魷魚十分美味，魷魚柔軟多汁，一口一粒剛剛好，一碟有5，6粒。
香煎鴨肝配燒菠蘿，鴨肝夠厚，煎得香可不過火，簡單配菠蘿中和油脂，略嫌菠蘿偏酸和硬，喜愛配多士多些。
香草蝸牛味道偏淡，略嫌不夠咸。
馬骞魚湯非常香濃，充滿海鮮鮮甜，喝到龍蝦湯頭，比我想像中不太腥，只是texture不夠滑。
蟹肉南瓜湯，香甜美味，不少蟹肉在內，個人喜歡馬賽魚湯

主菜
澳洲和牛胸腹，肉味濃，medium rare剛剛好

馬賽龍蝦海鮮煲，這個不得了! 份量大得嚇人，煲內有半隻龍嘏，bb魷魚，巨大帶子，鮮甜大蜆等。湯底充滿濃郁龍蝦味，啖啖海鮮精華，有兩人份量的湯被我們喝得一滴不剩，如此份量質素，實在驚喜!

最後因為太飽只吃了兩口apple pie。

即使没有團購，仍會為海鮮煲再來!

Espuma，一間在香港頗出名的西班牙餐廳，但一直沒有試過，陳生今晚想食西班牙菜式，於是走去灣仔一試，心想一間餐廳有三間分店，而且其中一間位於中環，應該有水準的。 Walk in到餐廳雖然有位但九成滿座，眼看全部都是香港人，然後一看menu，心知不妙，西班牙菜有泡菜牛肉炒飯？喇沙米線？! 陳生一看我們最愛的西班牙菜式 Croquetas made by potato, tapas 內亦沒有bikini, 凍蕃茄湯等菜式。 結果點了黑醋牛肉粒配紅蘿白，煙三文魚多士，西班牙海鮮飯。 牛肉粒配紅蘿蔔九唔搭八，味道完全 不配，因為红蘿蔔只是白灼，如果廚師有心思，紅蘿蔔用牛高湯，香草煮熟，味道會大不同。 煙三文魚多士，煙三文魚不過咸，本身食材好好但竟然只配烘白麵包! 完全無誠意之作？! 6歲細佬都識整! 唯一比較似西班牙菜式的海鮮飯亦很港式! 超多飯，大概迎合港人要求，但傳統西班牙飯要做得夠薄身，盡量吸收海鮮精華，飯底微焦再加上昂貴蕃紅花味道才正宗，這個連煮飯的pan都不合格! 唯一可取是海鮮食材不錯。 如果以普通西餐作標準，Espuma還算合格，但標旁西班牙菜式，完全是港式西班牙餐廳。不過，仍然有不少人在openrice大讚好食, 可能如果我不期望Espuma真正西班牙菜式，就不會如此失望。

一間餐廳可以開到5間舖都係萬發，全部坐滿就知有實力! 自從第一次食過薯仔牛肉粒，乳豬後念念不忘，專程飛的黎食。 薯仔牛肉粒一吃難忘，薯仔夠香脆又帶點蜜糖味!牛肉粒入味，滿分! 乳豬皮脆不油膩，大師級數 絲瓜浸龍躉魚皮，大大件厚身魚皮，非常慷慨嘅份量，好用趙頭。 豬油渣蒜頭菜心，試問香港有邊幾個地方有做？ 金葱撈起雞，雞肉嫩滑充滿紅葱頭香味，第一次食呢種味道 雖然店舖衛生環境好差，仍然嚇不走食客，自然有原因令一眾食客捧場。

好耐末試過排隊食野，openrice見到芝士雞煲又好評如潮，即管試下，我同老公2個人食，去到攞位，佢話等兩張枱，以為兩張枱好快有，點知d位俾唒大枱，結果等左9個字! 眼見咁多人幫襯，應該好食，點知期望越大失望越大! 一坐底叫左芝士雞煲，牛頸脊，虎蝦，炸响鈴，紫菜等等。 首先，我同老公本身好鐘意食雞煲，食慣重口味，亦好鐘意芝士，亦食開fusion,contemporary 菜式，芝士同雞可以好夾，但呢間野唔識整! 放芹菜完全唔夾，芝士濃但唔夠咸香，應加入其他種類芝士如cheddar cheese, Emmental cheese ，paprika,仲有黑胡椒! 火鍋配料質素可以，除左炸响鈴唔脆身。牛頸脊細碟份量夠大，但同芝士唔夾! 芝士湯底太簡單，唔夠咸香，我同老公好想搵盬，胡椒 去吊味都無，味道好唔夠喉，浪費左碟牛肉。 如果只係芝士雞煲味道還可以改進，但放湯變火鍋，味道好牽強，不過眼見咁好生意，我諗大部分食客都因為新鮮感而黎， 假如掀起熱潮，要做得好過佢地唔難，唯一讚嘅係refill洋蔥芝士湯幾好飲。