本來諗好咗星期日會過嚟試吓，滿心期待，已經係網上面見到開11:00，咁11:13去到推門入去，好有禮貌問，請問開咗未？一男一女職員同我講未開喎，開11:15，咁我見仲有2分鐘，問可唔可以坐低等等，個女的塊面黑到不得了兼態度極差，又唔回應，想剩1分鐘都要趕番我出門口，其實你答唔可以咪得，但係佢啞的，我真係即時走人，好似我要俾錢乞佢哋做我生意，即拉屋企人走，簡直一個伏，就係只睇較早食評，完來仲有食評都有講態度好差，真的見識了

今日去咗一向好想去呢間餐廳，環境都幾好，而且因為Pat Friendly 所以就想去，手機自行落單之後我叫咗一個all day breakfast,一個牛肋肉意粉,等咗將近一個鐘意粉先嚟，我哋一路都冇催過，因為覺得應該要耐心等耐，食物應該製作中而且有期待，但牛肋肉意粉味道麻麻，只有茄汁意粉同牛肋肉完全冇其他配料的，而我個我個all day加咗$15牛油果，牛油果嚟到非常唔新鮮係黃色嘅，而且全部有黑點，唔明點解見到咁樣仲可以比客食，已經非常失望，再繼續等我個all day超過個半小時都未有，終於忍唔住問吓就話整緊，之後嚟到個牛角包係焗到燶晒好硬、食唔到，最後我係冇食到，埋單二百幾蚊，總之非常失望，有啲後悔，早知去隔離南豐紗廠食啦，不會有下次了

之前都已經係份量少到，牛腩又嚡，雖然明知係急凍，已經大半年冇幫襯，今次諗住再試吓會唔會有改善，點知依然係咁，$50一碗淨四堡紫菜，紫菜得幾條，襪子菜好貴咩？個碗又細咗，仲要問佢攞辣椒油，買成百幾幾蚊嘢先得個一小盒，以後唔會再幫襯囉，太失望

看食評不錯，所以訂了聖誕節食晚餐，怎知坐下一看menu,雖然知道是聖誕節日，但價錢竟是加到平時的幾成，最嚇人係和牛壽司，上網見餐牌係$125/ 4件，所以坐低就叫咗，嚟到得兩件，依然係$125，其他不用講，有些甚致加多$50，實在太過份，所以不會回頭，只此一次罷，食物不過不失，份量偏少

晚上沒有訂枱，就walk-in 想試試，叫了2個壽司omakase,服務員態度非常好、有禮，13件壽司非常新鮮，服務員還會逐一介紹，之後手卷、湯及甜品還會逐一上，湯有蜆肉麵豉湯或鯛魚湯，雪糕我哋揀咗柚子及紅豆，下次可以試吓其他餐牌既食物

非繁忙時間，阿姐指定你坐邊，語氣差。 熱拌手撕雞拼金錢肚刀削麵，手撕雞味道份量正常，金錢肚就好鹹，而刀削麵就好濕，唔爽口，所以食唔夠一半就食唔到落去，而豬肚湯麵就ok正常，應該都唔會再嚟，

座位安排很差，叫號只會叫四個人，因為全部四人枱，永遠兩個人都係四個人枱叫五六張先至二人枱叫一張，計人數做生意賺錢為先，而且有啲人過咗五張枱仍然補返張枱俾佢破壞規矩

本來訂了一隻乳豬外賣享用，但想取餐時，禮貌地查詢一下，門口員工態度惡劣，低下頭連望也不望你，極之沒有禮貌，就大聲「冇呀冇呀，都話冇呀」，完全不理人，沒有下次，不會再光顧

是日晚餐叫咗咕嚕肉，好多係肥肉，完全不能入口，仲有魚香茄子魚柳，好咸食完飲咗好多水，最後叫杯凍檸茶，叫咗小冰，但係嚟到半杯冰，同佢講想換過一杯，佢話半柸冰就係已經少冰，即係唔叫少冰就會係一柸冰，已冇下次

新開諗住即刻去試吓，11:30已經排長人龍，係一路排隊至到counter落埋order 俾埋錢，之後帶埋你入坐，座位少，有一張好大好長既share 枱，一定要D客坐滿曬呢張枱，先會安排你坐其他枱，你左右都係陌生人夾住你都唔緊要，位與位之間窄到不得了，非常辛苦，又怕撞到人非常不自在。 食物叫了牛肉丼及䐁丼，揀了燒汁，首先丼包括味噌湯，很夠熱味道ok，但湯係冇任何材料，一粒豆腐或一片昆布都冇，只有湯，牛肉丼牛肉份量充足，稍微嚡口，醬油芽菜亦好味，但嫌醬油落得太多浸住D飯，鹹咗小小。䐁丼都幾好食，中間有隻生雞蛋的。 整體ok,但冇意欲再去了，座位太差，屋企人話重衰過大x活，係真的，大x活D櫈仲濶過佢