新開的時候太多人，過了新開張的熱朝， 終於可以親身試下了😍 沙嗲牛(轉通粉) 通粉在其他餐廳通常都是煮過火，通粉還有咬口👍🏻 如果小朋友吃的話，可以叫煮軟一點。 面包實在超超超好吃! 可能見識小吧，我第一次吃面包軟軟綿綿，不喜歡滑蛋的話，也可以轉煎蛋的。 最後～ 早餐可以再來吃的。

一直都在Openrice 收到這間食店，在銅鑼灣區太多人等，基本上無辦法可以排到位置。😂 難得有一次，在尖沙咀同朋友想起，試試看有沒有位置，可能時間尚早，馬上有位置。 看餐牌實在太多選擇，餐牌食品名稱新穎有趣🤪，限時食90分鐘，好快上菜，吃完還可以跟朋友閑聊一會😍 山葵明太子手撕雞 有點失望，雪太久，沒有雞味，山葵味也不足。 軟殼蟹pizza 香港人怎能錯過? 還有菠蘿的pizza，一定是香港人口味! 千島醬融合軟殼蟹實在是perfect match，下次會再食多次🤤 原味辣味雞翼 辣味不是很強烈，基本上不吃辣也能接受到。 香口不油膩，吃的時候是吃不到厚厚的炸粉。

TIMES SQUARE 買化妝品送好多優惠券 化妝姐姐就介紹食La Famille 開心果戚風蛋糕😋 因為優惠券關係，有好多人排隊買，正係排隊已經排左1個鐘，加上商場太多人令到冷氣唔夠，真係身水身汗😢但係值得既😃 本身打算買埋細既日本柚子味，但排到我已經賣曬喇，所以最後只買到細雙重朱古力同埋15cm 既開心果戚風蛋糕🥰 雙重朱古力: 好重朱古力，濃而不膩，中間會有厚厚朱古力，可以encore 開心果味: 好香，好surprise! 蛋糕好軟好食🤤 價錢係有點貴，但一分錢一分貨😌值得既 等我下次再試埋其他味道先❤❤

太掛住日本美食!!得意去食壽司郎，而壽司郎係毫無疑問係超值得食!!! 由於無左預訂位置，個個都去等，所以分店入面企左好多人係到等位~ 佐敦分店附近係無咩合適我地行，所以一直係到等，等左大約2個鐘左右終於到我地! 入座計可以食60分鐘。 一坐低已經即刻叫經典款式: 三文魚、吞拿魚壽司，實在無得輸! 鮮味足夠 一次最多叫4碟，會有傳送車送到你位/迴轉自取。 以呢個價錢黎講已經係超曬班 至於特別款式就…我唔建議試啦! 太咸/太重口味，都係建議大家食返經典正常款式會比較好 今次只係食左壽司同甜品類，熱湯類無試到，下次可以試一試 壽司郎由日本直接經營，所以味道同日本差唔多，亦解釋到，點解香港咁多分店仲有咁多人等位。

有一日突然好想打邊爐、又想食刺身… 點知Openrice 搵到有新店，竟然可以一次過滿足三個願望😂 放題火鍋、刺身同埋甜品 有2個plan 可以選擇既，而我選擇左刺身+火鍋 刺身黎講係叫做唔錯，呢個價位仲有咁多選擇我已經好滿意… 一開始會送一碟比較靚既牛，之後既牛都比較薄身，豬都同樣有呢個問題…但係無所謂我叫多幾碟姐😂 甜品方面: 朋友評論榴槤味既甜品可以…忽略… 其他我覺得綠茶芭菲唔錯可以試試❤ 由於我突發想食，就無買coupon啦，就要HK$228+1一位，建議想試下既朋友可以早小小買coupon預約。

此餐廳已開業一段時間，但一直都無機會去試… 午飯時間實在太多學生同辦公室去食… 提早用app拎定飛就唔洗等太耐 可以用電話落單，唔識用qr code，都可以同職員落單。 同朋友一齊食，我叫了咖哩雞扒飯，不包飲品。 平日我唔食椰汁，咖哩加左椰汁都唔會太過份，連我抗拒椰汁既人都接受到，個汁好好味，撈飯真係十分正 另外朋友叫左蔥油豬扒，包餐湯包飲品，蔥油份量比較少😖 所以真係叫蔥油的話，建議可以叫多蔥油☺️ 兩份份量都好足夠 都有兩件好大既豬/雞 可以再黎一食🥰，除左柴灣分店，太古都有分店

譚仔新出既撈面唔錯😋😋 見咁多人推薦，我都唔執輸即刻去試試。 我唔知道係唔係因為新出而且係星期六，等好耐… 我諗由落單到拎外賣都等左大約9個字… 但係我都覺得值得既👍🏻下次可以選擇打電話叫外賣應該會好d。 米線好彈牙，平日食既湯米線都無咁彈牙😂 但個人口味問題，所以唯一一點我唔鐘意既係有芹菜😢而我撈既時候睇唔到食左… 撈面除左可以要跟雞扒，仲可以加平日湯面食既餸😋😋 唔想食雞扒可以只叫肉醬撈。 總結: 試得過，早d 打電話叫定自取吧😉

團購$98 幾個人食真係抵😋
服務態度👍
要預先訂好位. 團購98蚊可當200蚊用 但只限食物.
一直都食開呢間. 所以水準都唔差. 以前價亦有食過其他分店.（天后）
但最後都覺得銅鑼灣分店最正👍👍
而且唔一定食雞煲！仲可以食魚鍋，鴨煲等等⋯

雖然是大集團旗下，但韓樂係做得唔錯。 經常都會食下午餐，大份又抵食，加5蚊仲可以飲可樂🤤 因為食沙律又唔夠我食，所以今日食d 特別小小既野…韓式海鮮煎餅 利申: 個人口味不同有影響 個人認為: 煎餅粉比較多左d，胡椒粉味重我又比較鐘意，重點係夠熱。 夜晚食會比較貴，HK$78 一份 食完其他野都可以唔洗食，晚餐邊到都一樣架啦，野飲係正價既半價，所以多數食完就去便利店買野飲吧。 雖然味道我覺得唔錯，我覺得每日精選都可以一試，係正價價錢既8折左右，有機會再影下寫下吧。

一定要預先訂位就唔洗等. walk-in 晚飯時間應該要等比較耐
近期都比較hit 食雞煲. 個人覺得食雞煲+打邊爐任飲任食真係唔差.
7點半食都係149(已加一)
暫時未搵到一間可以代替到.
入座後計時2小時,夠鐘前30分鐘last order 所以即係得個半鐘食
地方寬敞 design令人舒服

雞煲

因為一行5人, 有2個鍋底. 禁就以為2個煲位食2個雞煲
但原來只提供1鍋雞煲同1個清湯底

有 無辣.bb辣.少辣&中辣
因為新嘗試所以就簡左bb辣. 味道幾入味.
有足夠既材料去引個味道出黎.
任飲任食既關係所以雞既份量唔算多.

食完雞煲之後可以加湯底繼續打邊爐
食放題既習慣係每樣野食叫1樣好味再叫

首先都比較麻煩既係 佢既1客係真係得1件
(因為外面既1客=人數數量) 
但係有d食物又黎得比較多
好似: 鵝腸.雞片 真係黎比較大份

飲品
design精美. 但後期可能叫既飲品比較多..
所以精美果part都無做到. 後期既飲品有部分都已經唔凍
飲品選擇多.但汽水選擇比較小
有時仲黎錯左飲品..

食物
各樣食物都新鮮
肥牛.黑豚肉都好新鮮!
小食都唔差. 有日式又有韓式
海鮮既選擇比起出面既打邊爐放題都唔差
蔬菜選擇都多. 油麥菜唔太新鮮.
皇帝菜 比 油麥菜 為新鮮

甜品
多款選擇. 味道好
每款甜品都份量比較細分量 (一口蛋糕)
"益力多乳酪蛋糕" 味道濃郁.
"藍莓芝士蛋糕" 食唔出芝士味道
"彩虹水果撈" 每樣水果都有仲要切細小粒 好有心思
"璣燒棉花糖" 好岩小朋友食. 燒燒個面就上 但我都幾鐘意
"北海道牛乳奶凍" 牛奶味好重. 推薦 
"芒果布甸" 外型為鯉魚 加小許花奶 因為外型靚食落去都開心d 推薦

甜品係最好味同十分推薦