以前不嬲都好鍾意食呢一間，喺舊地方嗰陣，隨便點啲嘢食，通常都好味，製作亦都非常用心 但係轉左嚟囍帖街之後，食物質素隨之下降 叫咗杯珍珠奶茶，以前好滑，但係今時唔同往日 另外仲有叫咗個鹽酥菇，隻顏色係咁嘅。。。。 出面層皮係類似煎堆，炸糯米皮嘅感覺 味道同賣相一樣，相當一般。。。 環境方面，地板亦有啲油膩，枱凳亦有時會出現食物殘渣 唔知係咪因為換咗新地方，人流比較多，所以員工做唔切呢？ 希望員工適應之後，食物質素會穩定返啦～

串燒大致都幾好味～ 上菜都幾快，不過食得出應該應該係烚左再燒一兩下就拎咗出嚟～ 另外，嗌咗個蜆，都幾多同埋幾肥美👍🏻 仲有嗌個燒饅頭，感覺鹹鹹地甜甜地，都幾特別，出面未見過 不過有樣嘢就覺得少少奇怪就係我哋經OpenRice book咗位話有八八折，但係去到就話得九折，話因為系統得呢個選擇，冇得比佢地揀九折，所以其實真正優惠係九折，而唔係八八折😅 其實覺得相差唔遠，所以照俾錢就走咗，但係觀感奇怪😅😅 同埋嗰度有提供廁紙🧻，但係卷廁紙唔知上一手點樣用啦，勁污糟🥹🥹。。。真係見到都唔係幾想用。。。

同男友周圍閒逛，都諗唔到食乜 最後周圍行下，就見到呢間上海人家 嗰陣見間鋪入面一個人都冇，本身都唔係好夠膽試 但係男朋友抱住試吓嘅態度，拖咗我入去 咁好啦，我就試吓～ 我哋本身想叫小籠包，但係賣晒 所以我哋就叫咗一個雞絲粉皮，上海炒年糕，配埋一杯薏米水 上海炒年糕係餐嚟嘅，所以佢先上左一個小食～ 個小食係蒜蓉黑木耳，味道係類似譚仔嗰啲川味小食 之後就上個雞絲粉皮，本身對佢冇咩期望，呢個竟然有令我驚喜 個雞絲粉皮嘅粉皮滑嫩～雞絲冇特別嘅雪味，配上麻將真係10分yummy 之後就上咗上海炒年糕，就咁睇個樣，其實個炒年糕係炒得唔錯 唔會話太濕，定係太乾身 可惜係個質料有偏甜嘅情況出現，同埋整得唔係好夠味～ 通常去食上海野都會送茶，但係呢一間就冇，得清水 我哋跟餐送咗杯薏米水，佢真係相當足料，就好似一杯粥水咁不太解渴～ 總結，食物質素普通，應該唔會再嚟

晚上同男友閒逛發現呢一間餐廳 早前喺筲箕灣已經好想試 但無奈果一間太多人 所以我哋等唔到位 今次見到中環呢間新開，梗係即刻去試吓啦 我哋叫咗十幾樣嘢，有啲仲係店長哥哥介紹俾我哋 最深印象係個鹹蛋黃豬大腸，本身覺得呢兩樣嘢好唔夾，但係店長哥哥介紹，咁咪試吓囉～ 點知一咬落去，啲鹹蛋黃係個豬大腸入面湧出來，超級特別又野味😍 鍾意鹹蛋黃嘅人一定必嗌！ 仲有個腐皮餃子，食落好香口，配埋個泰式酸辣醬，好開胃！ 仲有個黑糖菠蘿！ 佢哋呢度有兩款燒菠蘿，一款係蜜糖，一款係黑糖～ 蜜糖嗰款對比下冇咁甜，但黑糖嗰款外面有一層脆嘅焦糖😍入面爆啲汁出嚟，酸酸甜甜真係超好味 唔好講咁多睇吓相先😂

放假同男友一齊去食橙象 平時我地食開旺角果間 果間態度好好 食物質素高 每次去都好開心 今次近九龍城就去左九龍城總店食啦 點知去到好失望🙍🏻 態度麻麻 入到去坐左陣餐牌都冇比。。。 之後到落單時 落一半 我都仲講緊野 個waitress走左去同另一waitress處理事務。。。呆左了 好彩食物質素上大致同旺角差唔多 生蝦好新鮮爽甜 個汁好野味 冬陰公略為偏咸 但都頂得住嘅 個咖喱包就麻麻地 偏甜 個1蚊通菜就唔太得 炒到勁濕。。。 上次去旺角食係好乾身下

今日同男友一齊去食 見平平地 三四十蚊 咪試下囉 買完發現原來係同路人💛 有啲貼紙呀postcards果啲 不過本身都冇特別大期望 點知又ok喎！ 個冬陰功湯雖然淺色 但係椰汁味都夠重 唔太酸的～ 同埋如果豬頸肉有煎香就更好啦 但味道係ok的！ 唔知係咪天氣凍？我覺得個湯少少唔夠熱 然後男友叫個海南雞飯就爭啲 油飯偏淡 雞件都不夠滑 希望會繼續進步！ 見果度仲有其他小食例如生蝦 鳳爪呀果啲 下次有機會應該都會試 加油💛良心💛小店👍🏻

本身知道西灣河有兩間明記 之後先知原來兩間原來分左家 買左幾樣野試：士多啤梨奶 芋泥仙草凍加芋圓 另外因為口渴加左杯黑糖珍珠鮮奶 點知試完好失望呢 全部都好甜 士多啤梨奶味道好artificial 仲要好甜 飲得出係用糖漿溝出嚟 唔係用新鮮水果榨 仲要30幾蚊 唔係幾抵 而個芋泥仙草凍係暖嘅。。。啲芋圓痴埋曬又硬 其實個芋泥都幾香嘅 但係因為其他野嘅影響之下 實在令人失望 黑糖珍珠鮮奶就好甜 奶都好稀 加埋啲冰 冬天都好快變奶水咁 而且竟然有成超過半杯嘅珍珠 入面得少少奶。。。點飲得晒啲珍珠 最後當然都係浪費咗。。。

星期六和男友一起到佐敦閑逛 想起一直都想過來試試這間雲上啡事 之後就來了 這間咖啡店開在教會裏面 樓下有格仔店賣精品 可以逛逛才上來 假日無聊時來真的一流 上到雲上啡事 就有熱情的職員向我們打招呼和帶我們坐低 周圍環境舒適乾淨光猛～ 之後還了解到 原來我們遇上了教會搬遷一周年！ 所以咖啡店還預備了不同的小蛋糕和曲奇售賣🍪 可惜我們到的時候曲奇已賣完 所以我和男友就只點了飲品和蛋糕和一個鬆餅 結果食物到時 我！們！完！全！被！驚！艷！ 靚到咁！ 藍莓磅蛋糕十分清新 不會太甜 不會太膩 還有一點果醬點綴 另一件香橙磅蛋糕 我不太好橙的產品 但男友也說十分refreshing和足料 Scone就還好被蛋糕搶focus了嘻 真開心可以遇上有特別menu 希望之後會持續供應這些小蛋糕吧

今日口痕想食壽司 就周圍搵邊度有未試過嘅 之後就發現原來銅鑼灣有間新開嘅雲壽司 睇OpenRice仲見到有咁多好評 已經超級心郁郁想去試 三點幾嚟到拎飛 要等兩三張枱 我覺得都接受到 等咗三個字到就入咗去 叫咗一個自選壽司同埋海膽丼 壽司正正常常 海膽冇話特別鮮甜 可能係期望太高 食嘅時候覺得都幾普普通通 跟餐嘅沙律都係普普通通 個麵豉湯就比較淡～ 而且舖頭開喺立鮨對面 不自禁都會同佢比較😂 我個人就覺得立鮨嘅食物係做得出色啲 只係冇得坐就差啲🤣

本身同一班朋友一早book咗黎呢度食慶祝生日 到confirm order先同我哋講佢聽錯咗人數話要cancel我哋張枱 冇諗過幫我哋解決就收咗線 聽到都拗晒頭 最後朋友打返佢話如果有位就通知 咁餐廳最後都有打返俾我哋話有枱咁就算啦 嚟到食嘢 想落單 講完個菜名侍應就同我哋講個數字呀唔該 😅 朋友唯有係咁揭本Menu搵返啲數字出嚟 叫咗幾款食物，老實講，Nacho 同 pizza都唔差 之後嚟咗個意粉同海鮮飯 意粉都正正常常，味道都可以 但個海鮮飯係腥嘅，海鮮唔太新鮮 叫咗一個四人份量嘅海鮮飯，都唔係太食得晒 之後到上蛋糕，佢真係就咁上個蛋糕就算 但乜餐具都已收晒我哋⋯⋯咁我哋點食呢 唯有又叫人嚟俾返啲餐具我哋 利申：有比切餅費 可能我太高期望啦⋯⋯ 應該都唔會再嚟食了