BRICK LANE (利園六期) (銅鑼灣) 地點📍 銅鑼灣禮頓道111號利園六期地下G01號舖 呢間位於鬧市中嘅西餐廳，裝修好有英國風味，仲有戶外位置 --------------- 煙三文魚凱撒沙律 💲148 十分大份量既沙律，三文魚新鮮唔會有雪味，加上個鯷魚醬同沙律菜好夾，唔會話太過漏 --------------- 海蜆白酒意大利面 💲178 海蜆十分鮮味，唔會有沙粒，而且意大利面有淡淡白酒味唔會太硬身 ---------------

樂麵 (將軍澳) 地點📍 將軍澳坑口重華路8號東港城1樓185號舖 港式裝修既日本拉麵，裝修設計好有港式風味，用QR code 落單，好彩都唔洗排長隊，湯底同麵質都有得選擇 --------------- 鰹魚雞白湯 💲98 本人十分鐘意鰹魚味，湯底十分濃郁，配料都十分足，亦都唔會cover左雞湯味 --------------- 雞香鹽湯（特盛） 💲123 仔仔就嗌左個鹽湯，唔會話太鹹掩蓋咗雞湯嘅味道，話晒特盛肉都多啲，一啲都唔嚡，而值得一提既係，D 荀係冇"渣"的

今次同仔仔黎到東港城食呢個一人燒肉 以外星做主題 用QR code 落完單後 成個Set 會用路軌送到你面前 牛五花 牛小排 肩胛牛柳 $128 150G 牛五花 牛小排 $158 200G 成個套餐除左你點既肉外，你仲可以選擇飯既份量（+15蚊有紫菜蛋飯） 肉質嫩口，入口唔會鞋，火喉全部仼你控制 前菜可選泡菜/沙律，仲連埋個湯

見到壽司郎有下午茶優惠，平日冇乜人排隊緊係去試試 我記得有三款唔同選擇 而我就選擇左炙燒壽司盛合配拉麵 拉麵個湯底十分好味，麵質亦唔會太硬 而壽司就無太大驚喜，都係保持水準

川燒 串燒·酒埸 (灣仔) 地點📍:灣仔駱克道399號地舖 終於有時間同仔仔去搵好西食，行經駱克道見到呢間新式串燒鋪，決定一試 --------------- 荔枝梳打酒/鮮青檸梳打酒 💲58/💲58 荔枝加梳打酒味道十分清新Fresh 青檸嘅酸味加埋梳打酒出奇地夾 --------------- 燒日本廣島蠔 💲88/2 蠔味鮮甜新鮮，口感彈牙連埋蒜蓉一齊食，十分juicy --------------- 黑松露芝士牛油焗雜菇 💲48 黑松露同芝士十分合襯，亦都無吝嗇黑松露嘅份量，每種菇類都有滿滿的芝士 --------------- 燒豬頸肉 💲48 豬頸肉一d 都唔"鞋",一d 都唔乾個汁有微辣 --------------- 燒黑豚芝士五花腩 💲48 Juicy! Juicy!Juciy!五花肉既肥油香加埋芝士既鹹香，口感100分 --------------- 燒豚肉荔枝卷 💲32 荔枝配豚肉，十分新式，但兩者十分夾！ 荔枝亦都無燒到乾真真 整體： 環境靚靚，食物新式，但枱既數量唔多，最好book 定枱

昼月 (銅鑼灣) 地點📍:銅鑼灣謝斐道535號Tower 535 3樓301號舖 和牛壽喜燒二人餐（十五品），當日去到就同我地講刺身櫃壞咗，所以無生蠔鮑魚同刺身食，有少少失望，然後佢哋補上咗A5精降和牛片100g及天婦羅 加上我同仔仔鐘意飲酒，都加左$168仼飲3個鐘既清酒，如果鍾意飲清酒嘅朋友都可以試吓，種類十分多 --------------- Set ForTwo 💲880 酒肴 自家漬蕃茄 時令生蠔2隻 季節刺身四點 磯煮飽魚 野菜盛合（野菜•鮮菌，豆腐及葛絲） A5和牛西冷120g A5精降和牛片100g A5赤肉和牛片100g 日本豚梅片 100g 御飯 甜品 個自家漬蕃茄好鮮甜，加上有少少酸酸哋嘅汁好開胃👍 天婦羅就普普通通無太大驚喜 到主菜壽喜燒，佢唔似其他舖頭會燒埋俾你，其實佢哋就係主打一個壽喜燒邊爐，佢D 和牛全部都油脂爆棚，一D 都唔韌一D 都唔鞋，每一塊肉都點滿蛋汁，配埋啖飯，完全絕配 甜品係牛角酥配雪糕，牛角酥十分鬆脆牛油味極香

每次黎打邊爐，都一定會選擇壽喜燒湯👍👍 今次簡左"美國Prime Grade極上霜降牛小排放題套餐" 牛肉同豬肉都一級讚👍 平時食放題點豬肉，個質素都一定不級牛肉好，但馬祖嘅豬肉，令我有驚喜。一D都唔"鞋" 令我食完會再嗌 而四款不同既牛肉，全部都好嫩口，都令我瘋狂再嗌 而湯底方面，你可以簡加水或者加湯。 整體黎講十分Good

朋友結婚係北角既酒店出門，係附近行一圈見到有間新開既台式餐廳，即刻入去一試 --------------- 花蓮小食拼盤 💲88 9款台式小食，二人份量，每樣試小小，唔會霸左個胃咁多位，大腸，牛肚，鴨血，醉雞卷十分入味，炸物亦唔太油膩 --------------- 大腸麵線（輕量） 💲32 大腸麵線配埋麻油香味一絕👍雖然係輕量但大腸份量都唔算少 --------------- 紅燒牛肉麵 💲72 湯底冇得頂，👍牛肉大大舊唔係牛肉碎/片亦夠曬冧易入口 --------------- 古早冬瓜茶 💲+8 完全唔會太甜，味道啱啱好 --------------- 整體： 環境夠闊落，送餐時間都唔會等太耐

平時經過見到都有人排隊，今日終於同仔仔的起心肝去試一試個午餐 --------------- 雜菌菠菜黑松露廉燴意大利飯 💲76 一上碟已經聞到好重嘅黑松露味，而且佢呢個意大利飯比較濕潤而入口，雜菌同菠菜份量亦十分足 --------------- 松子仁青醬帶子意粉 💲93 帶子十分厚，唔係將一粒分兩粒，煎完再擺落意粉到，十分香口，而青醬意粉係我鐘意既較為硬身既意粉 --------------- 追加黑松露薯條 💲+32 薯條上面除左黑松露仲有芝士碎片，份量都唔算小，薯條配黑松露醬無得頂 --------------- 抺茶拿鐵 💲+8 抺茶香濃，仲有埋拉花 整體：價錢大眾化，價錢大眾化，餐牌都尚算多選擇👍👍，每個lunch set 都包一杯30蚊飲品

同仔仔喺銅鑼灣行街，行經呢間餐廳，咁岩有D 肚餓，決定一試 --------------- 士多啤梨配吉士忌廉千層酥 💲88 滿滿的士多啤梨，滿滿的吉士醬，焦糖餅面一切落去，鬆脆無比，個餅面完全冇因為擺得落而變軟 --------------- Rose latte (Hot) 💲50 玫瑰味同咖啡十分夾，甜品岩岩好，唔需要再落糖 --------------- Osmanthus latte (cold) 💲54 Cream 啖啖都有桂花香味，同咖啡出奇地夾，淡淡咖啡都充滿桂花香 --------------- 整體： 環境靚靚，十分適合打卡，有機會會再食，千層酥真係食上癮