韓宮位於黃埔站出口旁邊，非常之易搵。 晚飯時間唔使等好耐位， 啱曬我已知唔鍾意等位嘅懶人。 醬油蟹 醬油蟹肥美爆膏，蟹肉晶瑩通透， 唧少少蟹肉落去紫菜飯到，再配上豉油同生雞蛋撈勻嚟食非常之開胃 韓式海鮮煎餅 煎餅非常之厚身，用料充足， 既有魷魚又有蔬菜， 兩者配合起嚟口感非常之豐富，食落香脆可口，又未至於好油膩 。 燒烤拼盤有豬五花,，豬頸肉，茄子，仲有雪耳。雪耳係煮糖水嗰隻，好特別， 平時燒烤拼盤好少見雪耳。 烤至香脆，食落索索聲，好過癮。兩舊芝士烤至拉絲狀， 纏係豬五花上面， 豬肉油花嘅香氣配上芝士嘅味道非常之惹味，值得一試。

餐廳位於炮台山，見天氣凍諗住入去食啲熱嘢，點知就中伏了。 辣酒煮花螺，個汁係幾辣幾惹味，可惜螺肉咬落似橡膠，完全冇味。 免治雞肉棒 正正常常， 係有少少燶咗。 魷魚鬚 表面有少少醬汁嘅鹹味，內裏完全冇味道， 咬落仲好似咬唔斷一樣 蒜蓉娃娃菜 成餐最好食就係蒜蓉娃娃菜， 娃娃菜煮得夠熱夠諗又入味，推薦大家揀依個。

見天氣凍，點咗杯熱芋頭鮮奶，微糖。 杯嘢唔太大杯，飲落好稀好似溝咗水咁，有些少奶味。所幸唔太甜，又食到少許芋頭碎，不至很差。一杯承惠34蚊，值唔值得就見人見智啦。

餐廳位於海港城，座位寬闊，燈光明亮。 平日晚市唔需要等怕太耐即可入座。 Ohayo慢煮鴨胸全日早餐 早餐非常豐富，有慢煮鴨胸，蕃茄切片，炸薯餅，烤大啡菇，早餐腸，煙肉，牛角包同埋茄汁焗豆。大啡菇非常之厚身， 食落啖啖肉，配埋蒜蓉醬食落好香口。火箭菜沙律落嘅唔係醋，而係蜜糖， 食落甜甜地幾特別。鴨胸肉質嫰滑，入口帶有微微嘅煙燻味，仔細嘴嚼食到少許鹹香味， 都好好食。 綠茶雪山大福熱香餅 熱香餅熱辣辣新鮮整好， 呈金黃色，食落好蓬鬆。外面用一層好似雪糕糯米糍嘅綠茶皮包果住，配上一啖凍冰冰嘅雲呢拿雪糕， 一冷一熱雙重享受。

餐廳地方淺窄， 坐得唔太舒服， 所幸服務員態度幾好，仲會特登攞籃畀你放下隨身物品同背囊。 點咗個生滾廣島蠔豚骨湯拉麵。 面條有1.25mm幼面同埋1.5 mm中幼面兩種之分， 我要咗1.5 mm， 食落彈牙又掛湯 。蠔有四隻，粒粒都非常飽滿，肉貨鮮美。

見到佢張poster啲芝士拉哂絲勁邪惡，好似好正咁。估佢唔到中哂伏。烏冬完全冇芝士味，夾上嚟亦完全拉唔到絲，好失望。烏冬口感正常，唔會話好淋。肥牛量唔算少，整體黎講質素比大學canteen 好食。可惜價錢要八十幾蚊。

五花肉玫瑰燉飯 好特別嘅韓式risotto。用韓式辣醬，青醬炙烤過，加入芝士烹煮。濃郁嘅芝士味🧀加上韓式辣醬，口感層次非常豐富！ 穀神星大蝦墨汁意粉🍝 食依道菜，大家要做好準備隨時保護好淺色的衣服以及隨時準備好紙巾（唔好問我點解知道🤣）意粉口感唔會過於軟爛，比較彈牙。墨汁增添咗鮮甜嘅味道。topping有大蝦和魚卵，一啖食落去有種海洋於口腔中爆開嘅感覺！ 冥王星烤LA骨 唔提唔知，牛仔骨有另一個稱號，叫做:「LA Cut」☝🏻。點解咁叫呢❓ 其中一個說法係，1990年代，有大批韓國移民湧入美國洛杉磯，當時既居美韓國人好鍾意將牛仔骨切成1/4英寸規格，然後做韓式燒烤。漸漸地，牛仔骨就以洛杉磯城市命名，叫做「LA Cut」。今次的烤LA骨相當實惠，有六大片，口味偏甜，冇乜韓式辣醬的味道。醬汁類似壽喜燒，中意甜食嘅朋友仔不容錯過！ 🍮伯爵茶布丁牛角包窩夫 第一次試牛角包做嘅窩夫，不同一般的窩夫🧇，牛角包窩夫更加有層次，一層層酥皮下散發出牛油香。搭配伯爵茶醬同布丁，唇齒留香，作為飯後甜品，啱啱好。

兩塊肥牛炒伊麵 上枱勁大碟，聞落好香。用筷子撩兩下，咦？好似有啲唔對路喎。 炒伊麵預左多油，衹係冇預到得兩塊肥牛，真係得兩塊。。。可能師傅係一次過炒幾碟，我唔好彩先至冇牛啫，衹好咁樣安慰自己啦。 睇在對面同事食得幾開心份上，好評啦。

夜晚過嚟韓正屋食韓國菜， 啲餸菜大大份，價錢又平民化。 叫咗個韓式芝士蛋捲， 上面落咗甜芥末醬同埋茄汁，紅紅黃黃梅花間中好靚。 蛋捲咬落鬆軟有蛋香 。芝士煙韌，拉絲狀態唔錯，但味道比較淡， 容易畀醬汁蓋個味道。 魚糕串用紫菜湯載住上枱， 魚糕保持暖身， 彈牙入味。 梨子汁雖然係罐裝飲品， 但裏面有少量果肉， 飲落有少少似冰糖燉雪梨嗰種味道， 幾潤喉。 最後嘅韓式炒粉絲大大碟，佢個份量完全夠兩個人食，上枱嗰刻差啲畀佢嚇親。 粉絲乾身唔油膩，配上少許椰菜，雞蛋絲同木耳， 食落幾爽口。 叫咗咁多樣嘢，埋單都係130蚊左右， 真係好抵食。

喺地鐵站出嚟，返公司順路買個早餐。叫咗個五香肉丁麵，配火腿炒蛋， 加多杯熱鴛鴦。外賣加一蚊，承惠37蚊，價錢合理。 個麵冇分湯， 好彩公司距離唔遠，食嗰陣啲麵仲係爽口未淋。 五香肉丁幾多下， 粗略數過都有七至八粒。 炒蛋同火腿都係直接浸住咗個麵度， 但整體味道都唔錯。