今日同朋友喺青衣行街，經過長發商場，見到有間泰國餐廳，於是就去試吓。 我哋叫咗個二人套餐 首先嚟嘅係小食拼盤 裏面有春卷雞串蝦卷同雞翼 蝦卷食落好爽口，點埋佢啲醬更加Perfect 跟住上碟嘅係泰式菠蘿海鮮炒飯，同埋鮮蝦炒金邊粉 個炒飯有好多海鮮，包括鮮蝦同青口等海鮮，食落非常之有鑊氣，個泰式炒金邊粉非常鮮甜真係好似去咗泰國咁。 最後就係甜品同嘢飲啦 甜品算係不過不失 我哋兩個人最後食到頂住個肚返歸，所以真係非常抵食。下次一定會再嚟

今晚喺附近上堂 就喺附近搵到一間用手打竹昇麵嘅鋪頭 於是就去試下 嗰陣未到6點 可以叫下午菜口我就叫咗雲吞炸魚片頭雲吞麵 加6蚊有杯豆漿 個湯飲落唔油膩 飲晒都唔覺口喝 雲吞都係人手包 裏面有成隻鮮蝦 非常爽口 魚片頭就不過不失啦 最後埋單老細俾咗兩張減5蚊嘅現金券 可以下次使用 果然識做生意！

本人係拉麵控 平時都會周圍試下唔同地方嘅拉麵 上網見到呢間拉麵鋪都幾多好評 就搵日去試下 呢間鋪用門口部自助點餐機點餐 想食咩俾錢全部用一部機搞掂 都幾有日本style 我就叫咗櫻花蝦拉麵同5隻餃子 拉麵個叉燒真係冇得彈 燒得夠香 食落又唔會好老 配埋櫻花蝦同其他配菜 簡直係一流 拉麵可以揀軟麵硬麵 可以跟番自己喜好選擇 另外想講埋個湯底 食落去完全冇膩嘅感覺 飲晒成碗湯都唔會覺得口喝 餃子就不過不失 煎得都啱啱好 唔會好噥 適合好多人一齊食個陣叫 所以哩一間拉麵鋪非常值得推介 下次一定會再嚟試下其他味道嘅拉麵

今日早收工去了呢間無論係網上定朋友之間都極高評價嘅台灣菜餐廳 等咗四十五分鐘終於入到去食 間餐廳俾較細 大約二十人就坐滿晒 所以都要等一段時間 我嗌咗個鹽酥雞套餐 裏面有滷肉飯 小菜 同鹽酥雞 加多15蚊可以加埋野飲 其實嚟得呢度都係想食個鹽酥雞 食落真係名不虛傳 佢外面炸得好脆 咬落去唔會好多油 裏面食落都好多汁 唔會好乾身 另外個滷肉飯好有水準 食落唔會好油膩 最後飲埋個芒果冰茶 喺夏天飲真係好舒服 唯一小小抱怨係等得耐少少姐 不過想食好西冇辦法啦

今日同friend睇完戲之後周圍行下見到呢間鋪頭新開冇幾耐 見到網上食評都唔錯就決定試下 我就叫咗羅靳青醬海鮮意粉 不過老細話暫時冇青醬 所以就轉咗黑松露醬 意粉好有質素 煮得啱啱好 連埋埋啲煙三文魚 洋蔥 同磨菇 再配埋個黑松露醬 幾樣嘢夾埋一齊配合得天衣無縫 我另一個friend 叫咗黑松露忌廉魚柳意粉 佢都話好好食 嘢飲我就叫咗磨菇湯 飲完真係好舒服 喺呢幾日落雨天飲杯熱湯真係好暖胃 我哋都有叫小食拼盆 裏面有雞塊 炸魚薯條 同雞翼 雞塊同薯條質素遠超快餐店 炸魚完全係新鮮炸 魚咬落去非常嫩滑 雞翼都好好食 不過對唔食得辣嘅我嚟講就享受唔到喇 所以呢間小店非常值得再嚟 價錢又合宜 食物又有質素

平時想食燒肉一定要約friend 因為好多鋪頭都係講緊咩二人套餐四人套餐嗰啲 餐廳間格都唔適合你自己一個去食 平時行開呢間一人燒肉就啱曬我心意 我提早一個鐘係Gulu 拎定飛 跟住係商場行多陣就到我了 一入到嚟就完全感受到間餐廳幾咁關注我哋呢啲小毒毒 每個人張枱對出都有個迷你爐 鍾意燒咩就燒咩 我自己叫咗個三部合奏套餐（150G)有豬頸肉 豬五花同雞腿肉 雞腿肉同豬頸肉好嫰滑 燒完再掂埋佢啲醬汁簡直係一絕 特別想講係個豬五花 師傅切到好簿 基本上每邊燒一陣就已經聞到陣香味 油脂亦到出曬嚟 所以我最後都加左單 另外再叫多次豬五花(100G) PS 如果大食嘅可以直接叫300G個餐 咁就唔洗到再散叫咁唔抵

今日晏就放假 見到呢一間餐廳都幾多好評就去試一試 我揀左個小天丼 呢個餐包咗茶碗蒸 沙律 漬物 麵豉湯同甜品 首先嚟嘅係沙律 茶碗蒸同茶 沙律都係同一般日本餐廳一樣 都係用沙律菜配埋和風汁 食落都非常清新同開胃 為呢場午餐打開聚幕 茶碗蒸都整得啱啱好 非常嫰滑 跟住就到主菜天丼了 佢有五款 包括一款蝦 兩款魚 茄子同南瓜 食落都算新鮮 蝦同魚食落都好爽口 可以叫有水準 但非常高質又未至於 最後嘅漬物可以解曬食炸野既油膩感 呢一間野都幾多野食 包括串燒魚生等 下次食會叫埋多啲朋友一齊嘆 Btw 我埋單先知原來有杯雪糕 我食完野一段時間都冇人嚟俾我 下次大家叫呢個餐記得要同店員講聲

今日中午同朋友係黃竹坑踢完波 上網見到有好多人推薦呢間餐廳 就係河邊搭架街渡過嚟鴨脷洲呢邊食野 因為個陣已經兩點幾鐘 已經過咗中午繁忙時間 所以我哋都唔洗點等位就入到去 我就叫咗all day breakfast 同蛋餅 蛋餅算普通水準 個早午餐就真係好正 豬肉腸 菇 同麵包都有水準 個沙律配埋個汁都好清新 特別想講係魚手指 雖然話係魚手指 但都俾我想像中大塊 塊魚係新鮮炸 咬入去熱辣辣同非常嫰滑 個滑蛋都好好食 大家嚟開南區可以試下呢間 值得一試

今日係馬場煞科日 好多馬場餐廳都要一早book定。 之前呢間食過一次 質素幾好 咁啱遇到優惠 135蚊兩位 真係幾抵 決定再去呢間。。 佢哋每次餐牌都唔同 我就叫左豬扒 忌廉湯 木康布丁 凍檸茶（加五蚊） 豬扒非常淋同入味 忌廉湯有水準 唔係普通餐廳用嘅罐頭湯 布丁都非常有水準 每咬一啖都食到木康同布丁融合一齊嘅嫩滑口感。 總搭嚟講 食物有水準 如果遇著優惠 每人都係六十幾蚊 又有得嘆住冷氣刨馬 人地就坐喺外面日曬兩淋 真係幾正 我地一定會再嚟。