第一次為左野食而去staycation🤣 為既就係堪稱全港第一既tiramisu👑 所以今次就叫埋屋企個男人黎 而酒店有個package係包左呢個蛋糕 所以二話不說就book左😎 Check in 既時候都興幸自己做既呢個決定😂 因為cafe條隊實在太～長～ 我同老公就可以係房慢慢食🤩 由於佢係每人每晚會送一個😙 所以checkout個日我地就一次過食哂4個😋 果然係名不虛傳😍😍😍 我真係未食過咁好味既tiramisu🥰 質地軟綿綿 入口即溶 甜而不膩💯 一次過食兩個都無負擔‼️ 俾我食多幾個都仲得🤣

中學年代成日會行南豐中心上面既新之城👶🏻 今日去開荃灣買野順便行下既時候 就見到呢間餐廳 午餐餐牌亦都好特別 可以一碗試哂飯同粉絲🤩 好岩咩都想試啲但自己一個既我😆 一個set lunch $48 一半配飯一半配韓式粉絲 因為我係唔食牛既 所以我就揀左泡菜豬肉配白飯+烤雞肉配韓式粉絲 再加杯蘆薈茶 泡菜豬肉比較惹味 亦唔太辣 什至可以話唔辣😂 所以唔係好feel到係韓國菜🥲 而烤雞肉就比較濕 蘆薈茶就明顯係擺2匙落去攪兩攪就上枱😂 所以整體黎講無話非試不可 但呢個價錢都算抵食👌🏽

今日同朋友同佢個女黎到迪士尼 諗住同佢一齊食個靚靚tea set😍 上網睇話要係現場book 所以我地一入園都已經即刻去大街餐廳到book 我地12點去到 但已經係排到1xx😨 而且無得指明話食lunch定tea😩 佢打俾你既時候就要15分鐘內到 如果唔係就skip去下個number🤯 等到3點我地頂唔順食住火箭餐廳先🥺 最後5點打過黎我地就即刻衝過去😂 坐低之後佢竟然話tea set 無哂🥺 咁都無辦法 唯有叫個雪糕哄下小朋友🥺 我地叫左個「繽紛嘉年華」 分別有3款口味: 士多啤梨: 果味香濃 青檸: 超好味!!少少酸 十分解適合夏天解暑😍 焦糖燉蛋:甜～超級甜😂 仲有芒果粒同一個macaron伴碟😋 我仲叫左一杯mango lagoon 芒果味比較淡 似飲緊烏龍茶多啲😂 除咗book完但唔知幾點可以食到呢個安排之外🥲 環境坐得舒服野食都不錯👌🏽

同朋友係荃灣食完晚餐實在傾得唔夠喉🤣 依家又去唔到酒吧🥺 所以唯有轉場食甜品 而荃灣保持高水準既中式甜品店😎 就非「鴻輝記」莫屬😍 我例牌叫熱既「椰香藜麥紫米露」 真係超～好～味😋😋😋 唔會太甜太膩食完完全無負擔😎 唯一唔好既係啲位唔會坐得好舒服 同埋舖位有啲細🥺 如果多過6人去食就會有啲難坐埋一枱 不過還掂限聚令都係坐得4個人😂 而且姐姐會有點唔耐煩因為keep住好旺場 但I~don’t ~care😆 因為實在太好味要我立食都仲得🤣

話說有一日去左葵涌搵朋友 而佢又係「無飯」主婦😆 所以我地就係佢屋企附近覓食🧐 行經呢間「耀記粥麵店」 大家都耐無食過雲吞麵😙 而且個價錢實在係時光倒流左十年‼️ 所以記即刻入左去 我就叫左個雲吞麵($23) 一碗大約有4-5粒雲吞 而且幾大粒 不過入面既蝦有少少梅🤨 但可以接受🤓 麵質亦夠爽口😋 我再加左碟油菜($9) 無睇錯‼️‼️ 只係$9就有碟份量十足既菜🤩 埋單$32💫 呢個價錢搞掂一餐而且唔太差既 香港真係少之又少🥺

朋友轉左新工係尖沙咀之後都無得一齊晚餐堂食 趁疫情好轉開返晚間堂食 所以就book左間係附近既韓國餐廳等佢放工食🥳 上到去1樓 左邊係另一間韓燒餐廳😯 而bong 樓就係右手邊 唔知係咪岩岩開放返夜晚堂食晚關係🤔 8點去到都只係得2-3枱客😂 我同朋友一故以往眼闊肚窄既風格🤓 叫左: 炸醬麵($88) 糖醋肉($178) 玫瑰芝士女神雞 ($188) 再加支米酒makgeolli($88) 炸醬麵份量其實都已經足夠餵飽一個人😂 麵質彈牙 “啜”入口既時候十分滿足☺️ 糖醋肉.... 實在太大份 一碟差唔多係4個人既份量😨 不過佢新鮮炸起 脆卜卜配搭酸酸甜甜既醬😋 真係perfect match😍 唔好意思我俾個份量嚇到手震🤣👇🏽 跟住落黎既玫瑰芝士女神雞... 亦係4人份量既一大盤😨 店員再係我地面前倒埋芝士🤯 其實味道真係好好味🥺 可惜份量太多😫 而且啲食物比較易膩 絕對建議大家4人黎食!!!!!😤 ㊙️員工大部分都係外藉員工(唔係韓國人) 所以唔會俾到一種你係韓國既感覺🥲

對上一次去天壇大佛都已經十年前😆 依家無得帶爸爸媽媽去旅行🥲 唯有帶佢地黎大嶼山行個大運 行完山就順便食齋😋 餐廳外面分兩條隊💁🏻‍♀️ 一條係排隊買齋票 一條就係排隊等入餐廳 由於weekend比較多人🥵 所以我就負責買票 爸媽就係另一邊排隊 咁就唔駛一齊排兩次隊😛 而齋票就係分兩款 珍味素($110) 貴賓齋($150) 我地一行4人今次就試珍味齋： -古法老火湯: 一大煲上枱 味道亦不錯 -脆皮炸春卷: 超~級~油!!我只能撩入面既配菜食 -碧綠腐皮球: 如果唔怕草青味既朋友都可以食到(但我好怕😂) -冬菇扒時蔬: 呢碟係我唯一一碟清哂既餸😋 -欖菜蒸豆腐:都係草青味濃既一碟😂 -絲苗白飯: 正常水平 結論就係 如果唔怕草青味同油既話可以去試下😂

自從疫情開始 我就已經成為外賣達人🤣 都好多謝科技既發達 令我可以足不出戶周圍試好野 係外賣平台app成日見到「道」呢間餐廳🤓 雖然佢個位置唔係係荃灣市中心 不過見佢評分都高而且成日有折 所以今日就叫佢黎試試😋 我叫左一個「三色魚生丼」🐟 平均每款魚生都有2-3塊 加上蟹籽同溫泉蛋 每一啖飯都十分滿足🥰 而且俾wasabi同豉油都好大方 岩哂我呢啲重口味既人😆 不過份量對女仔黎講岩岩好👧🏽 男人就未必夠lu👨🏽 我仲加左個「甘栗紫薯餅」🍠 超～好～味!!! 真係會有粒栗子係入面🌰 而且紫薯極香!!!! 外面脆卜卜內裡甜而不膩😍 估唔到係屋邨商場都可以食到高質日本野🥺 絕對會無限encore🥰

成日聽人講流水蝦好正😛 所以一知道荃灣開左泰夯蝦 就即刻去朝聖🤣 我同朋友大約2:30黎到 唔駛排隊就入得✌🏽 我地就坐係”蝦缸”既隔離🍤 坐低之後 店員就立即向我地介紹食法： 1.首先裝一桶冰水 2.將蝦放入冰水大約2分鐘 3.之後剪蝦鬚 4.最後就可以放落爐燒 ㊙️溫馨提示:蝦都十分生猛 有機會係冰桶跳返出黎或者掙扎 最好搵隻碟cover住個桶🤗 蝦十分肥美😋 雖然睇落大大隻 不過燒完出黎就會變返細細粒🤣 而除左蝦之外 仲有好多種類既燒烤食材 我就大推以下食材🤩 肉類: 雞翼、雞軟骨(我食左無數串😂) 海鮮: 帶子、蜆 (真係仲見到佢地係冰櫃上郁架!!) 熟食: 泰式鳳爪、冬陰公湯💯 蔬菜: 菠蘿!!!!!非常juicy🥰 最後緊係唔少得甜品🥰 呢到既雪糕球有超多味道 我就揀左milk tea同mint chocolate 個人比較鍾意mint chocolate 感覺清新啲😋 奶茶味既茶味會比較濃☕️ 總括黎講🧐 午餐黎講佢都算貴(~$310/1 已加一) 而佢晚餐都只係貴多少少 所以下次我應該會黎食晚餐 抵食啲🤓

作為米線關注組一份子既我 見到好多人話星林居退步左😩 我當然要試試佢🥸 今日下午一點半左右黎到唔駛排隊 落order個呀姨都好有禮貌double check 啲配料🤗 我叫左雞翼、蘿蔔同腐竹(普通酸 小辣)📝 最緊要走茜😆我頂唔順陣味🤢 ✅湯底:酸辣湯底黎講 佢都仲係number 1🤩酸度仲可以按喜好加加減減 ✅米線:十分入味💯 ✅配菜:雞翼夠入味，蘿蔔偏甜 ✅份量:對女仔黎講足夠 ❌腐竹就真係麻麻地，量多但成塊布咁剪都唔剪下 ㊙️每碗米線下面都有個碟仔 唔怕會有手指插入湯既情況出現🤣