天后電氣道出名多嘢食，今次試咗粥麵店，因為喺門口見到個酥炸鯪魚球好似好好味咁🤣 🧆酥炸鯪魚球 （$36） 鯪魚球大大粒，魚肉彈牙唔會太油膩，最正係蜆介醬d蜆好大隻，好味😋值得推介🤩 🥬蝦籽芥蘭 ($26) 坊間比較少食到蝦子芥蘭，蝦子🦐提升整體嘅味道，好少咁主動食菜😂 🐮麻辣牛筋 ($52) 牛筋好腍唔算太辣👌🏻蘿蔔浸住啲麻辣腩汁超入味☺️ 🍝醒胃炸醬麵 (套餐$80） 套餐包咗一個煮食、油菜同飲品😙炸醬撈麵中規中矩，唔會太乾👍🏻油菜份量都好大，不過蝦籽芥蘭比較好味😛 🍹薏米水 ($10) 問返老闆娘先知原來係自家製，入邊仲有粒蜜棗，健康又好飲🤣

🍶清酒煮花甲($58) 唔太食得辣但又想食花甲?😚除左花甲粉見到有清酒煮呢個選擇🤩個汁唔似日式清酒嗰種咁清淡，反而係似加左蠔油、生抽既汁👍🏻帶到花甲既鮮味，份量仲好多😆 🐟脆香魚腐($15) 外皮少少脆👍🏻而且加左蜜糖燒🤗有少少甜又彈牙，推薦呀🥰 🍆蒜蓉原條茄子($38) 重蒜當然係基本😝幾鐘意無燒到完全淋哂，但keep到少少茄子爽口既質感🫶🏻 🦑原條火箭魷魚筒($65) 魷魚配左孜然粉同七味粉超級惹味😆用嚟下酒一流🍻 🍢芝士年糕($28) 炸得金黃脹卜卜內裏軟熟流心🤗

係世貿中心入面發掘左間高質cafe🥰日式木系庭院design令人坐得好舖服😆有機會坐窗邊卡位仲有銅鑼灣避風塘海景睇!!! 今次係lunch去，menu主食+$28配前菜同飲品👍🏻而且飲品係包menu上大部分飲品唔係檸茶奶茶嗰種，十分有誠意😄 🍽️明太子蛋包意粉🍝 (💰96) 蛋包飯食得多，蛋包意粉確係比較少見🤣蛋一切開入面係半流心，超嫩滑，加上滿滿既明太子醬超creamy🫶🏻好推薦‼️ 🍽️炸軟殼蟹扁意粉 (💰98) 軟殼蟹係原隻上咁攤左係意粉上面😂炸得超脆口😇扁意粉韌度剛好，好掛汁🫶🏻 套餐飲品分別叫左🥤抹茶麻糬沙冰同埋焙茶麻糬沙冰😆Menu上原價要$52, 跟餐+$28平左接近一半🥰兩款沙冰除左最頂有粒大麻糬超煙韌之外😇入面都會有啲小麻糬撈左係沙冰中間🤩 套餐前菜係個獅子狗青瓜沙律🥗😂第一次見將獅子狗切片再撈做沙律，有啲得意😝 整體而言食物飲品同環境質素都幾高，埋單每人$140度，幾適合做Friday Lunch慰勞下自己😇

大堂走廊餐廳枱同枱之間空間感大，私隱度高，位置亦對正維港景色🌃情調十分好，適合做慶祝餐廳🫶🏻 當日試咗498 3-course Menu，前菜、主菜同甜品各有兩款選擇🤗我哋分別試晒全部食物😆 🍽️前菜 🥣煙三文魚溫泉蛋/蘆筍泡沫/魚子醬 蘆筍刨絲同打成醬、泡沫，配上流心温泉蛋♨️，碎三文魚同魚子醬🤩冷盤配搭新鮮，味道亦出色，係十分有記憶點既前菜 🥔法式馬鈴薯湯 薯仔濃湯配上脆薯作點綴，湯咸度適中👍🏻 🍽️主菜 🐟香煎海鱸魚/法式燉菜 魚既質感厚實，皮煎得香脆😆 🐄慢煮和牛 /迷你羅馬生菜/墨西哥青醬 和牛份量足足有4嚿👏🏻一切落非常淋身，好入味🤗生菜亦十分爽口🥬 🍽️甜品 🥧雜莓布列塔尼酥餅 士多啤梨同紅莓🍓配上脆撻底🥧味道可以非常精緻🫶🏻 🍨 自家製雪糕（三球） 有朱古力🍫雲呢拿同咖啡味，三大球手工雪糕大滿足😍 整體黎講，性價比算不俗，但套餐唔包飲品，另外叫酒會配nuts同橄欖👍🏻

🍰桂花金宣烏龍巴斯克麻糬芝士蛋糕(💰62) 3個層次好分明但食落又好夾🫶🏻首先最頂係桂花奶凍好有動感😝桂花味勁濃😚 中間係麻糬非常煙韌😋最底係烏龍味巴斯克，質地比較厚實，茶味一樣出色有少少甘澀🤏🏻 🍰玄米茶豆腐慕絲蛋糕(💰60) 外面豆腐慕絲既質地好軟熟，入面有玄米茶海綿蛋糕同慕絲既layer，比上面嗰件light啲，豆腐同玄米茶相輔相成好balance，食完好滿足😋 整體Cafe行簡潔風，光猛得黎亦坐得舒服👍🏻

又發掘左一個登龍街宵夜好去處✌🏻呢間串燒王足足開到朝早6am😱夜晚飲野唱K後想個胃有啲空虛就啱哂🤗 講返食物先🤗叫左多款串燒人均都係百幾蚊價錢親民!! 🍜錫紙花甲粉($65) 粉絲口感有咬口，夾埋金菇超掛湯🤗，叫左小辣🌶️但湯底依然惹味🤩花甲份量亦唔少👍🏻 🍢厚切牛舌心($38) 牛舌心唔係好爽脆嗰隻，比較淋身但肉味香濃 🍢大墨魚咀($28) 每粒足足有粒你魚蛋咁大🤣非常彈牙有口感 🍢免治雞肉棒($20) Mix左雞肉同軟骨而且保留到少少肉汁唔會好乾🤗推薦👍🏻 🍢椒鹽燒賣($22) 炸到脹卜卜🤣外脆內軟😆加埋調味料會令人忍唔住一啖一啖咁追住食😂 🍢雞軟骨($28/2串) 🍢豬頸肉($28) 🍢菠蘿($22)

🥢燒椒金色皮蛋(💰48) 個汁有蒜、醋同葱等酸酸地😋配皮蛋好開胃😋 🥢農家小炒肉(💰98) 青椒🫑配上半肥瘦豬肉🐷份量多又炒得好有鑊氣😍青椒好爽口😋 🥢膠原脆皮豬手(💰128) 外皮好脆，一咬落肉質彈牙有肉汁🤩而且有滿滿既蒜、葱、洋葱🧅、辣椒🌶️等既調味料鋪係面，唔會好辣得黎又好惹味😋 🥢紅袍辣子雞(💰138) 重頭主菜叫左辣子雞，上枱後俾佢既份量嚇親🤩🤣完全係3-4人份量超抵食😆 🥢手工紅糖糍粑(💰46) 煙韌度爆燈🤩必點😋食完辣野作為解辣一流🥰

無意中搵到呢間食台灣藥膳湯米線既舖頭，可能因為喺地庫嘅關係， lunch time好易搵位😆而且坐得舒服，價錢由$65起，性價比算唔錯👍🏻適合大team人又唔想等位😂 試左午市自選麵套餐，車仔麵咁自己揀兩款餸，再配台灣藥膳雞湯😆 🍜台灣藥膳沙茶湯配墨魚春卷、台灣皇庭貢丸 湯底唔算好濃郁，墨魚春卷彈牙👍🏻、貢丸正常發揮，米線比較淋身🧐 🍜台灣藥膳黑蒜湯配鍋燒牛肉(+$3)、台灣芋泥貢丸 個黑蒜湯唔算濃但入味，鍋燒牛肉份量幾多而且配左洋蔥🧅(吉野家的感覺😂)，芋泥貢丸就同想像中有出入😂以為會係入面有爆漿芋泥，但原來只係粒丸有芋頭粒😛 +$10起配台式飲品

船街呢間角落小店有2層，地方唔大但夠cozy又有啲懷舊感🥰加埋啲霓虹燈飾牌更有種老派約會既感覺😆 🍽️麻唔辣四川蜆(💰168) 一上枱就聞到好香花椒八角味😆店員建議可以用多士點汁食，脆得黎仲好香口🤩蜆夠飽滿，煮得剛口，嗰汁麻既程度令人食指大動😆 🍝冬蔭功大蝦意粉(💰198) 意粉恰好煮到al dente十分彈牙，配左冬蔭功醬，酸辣度適中🥰 🧇千層脆窩夫油封鴨髀(💰298) 變奏版Duck and Waffle🦆鴨髀超級嫩滑但keep到外皮好脆❗️個千層脆窩外層穌脆，入面軟熟，有層次感得黎又好香牛油味🧈🤩仲配左隻教科書咁靚既煎太陽蛋🍳同埋焗蒜🧄好高質🥰

早排去左行將軍澳海邊真係開左好多餐廳🤗好適合weekend去吹下海風，帶埋🐶🐶去chill下😌 🍔酥脆安格斯漢堡($90) 覺得個配搭好特別所以試下!!結果好有驚喜🤭首先上面有隻poached egg水波蛋🤗然後炸左既安格斯牛好厚😇雖然食起上嚟係有少少狼狽(因為太厚、同埋啲蛋漿周圍都係🙈) 不過好塊牛真係做到酥脆既效果、而且好juicy🥰加埋流落去嘅蛋漿更嫩口😇絕對會因為想再食呢個burger而二訪😆 🍔經典芝士漢堡($78)加燒大菇+💰28 感覺Burger皮有用牛油輕煎🧈所以香口得黎質感有少少外脆內軟☺️同樣地牛都係好厚身，即使男士門都難一口咬到🤣但餐廳有提供手套所以唔怕食到成手都係🤭 +💰25跟套餐配有皮薯條🍟同汽水🥤 薯條夠脆同厚身食起上黎有質感🥰飲品如果有更多選擇就更好🤗