嚟到康城唔知食咩好 見到呢間樂天經典幾多人食 咁啱又想食蟹 叫咗個二人套餐唔使煩😚 　 兩人套餐B (HKD$668) 　 ♡ 星馬金磚豆腐 上到黎熱辣辣 外面既椒鹽粉好香口 裡面既豆腐入口即溶好似啫喱咁 　 ♡ 星洲黑胡椒螃蟹🦀 相當有重量既蟹 啖啖肉 蟹鉗肉好扎實 黑胡椒味最為突出 但唔會搶左蟹既鮮甜味 　 ♡ 泰式炭燒豬頸肉 味道正宗既豬頸肉 燒得有少少脆口同帶有豬頸肉既油份💖 配埋泰式酸辣汁 好有泰式風味～ 　 ♡ 蝦味魚子蝦球炒飯 炒飯炒得有穫氣 米飯粒粒分明 大大粒蝦球 加入魚籽更加有口感 　 ♡ 招牌酸柑香茅凍 甜品好解膩 酸酸甜甜 食落好清爽 有埋奇亞籽 幫助消化✨ 　 ♡ 無糖豆漿 ＆ 檸檬薏米水

♡ 花膠雞(半隻) $318 花膠由店員幫忙剪左🇭🇰有成廿幾舊 補充骨膠原 打邊爐前飲下個湯底 暖一暖胃 雞件好嫩滑 ♡ 手切本地牛頸脊(細) $318 手切牛每枱必叫 大約淥幾秒就食得 雪花紋路靚 牛肉味好重 多人食建議叫個大嘅先夠分😍 ♡ 滾得囍宮廷餃子拼盤 $138 好有驚喜的餸子 總共有5款口味 🥟 有和牛芝士、韮菜豬肉、菜苗帶子、芋泥豬肉和馬蹄豬肉✨ 和牛芝士係最出色 芋泥豬肉唔建議煮太耐會影響口感 ♡ 手打黑松露惹菌鮮蝦丸 (四粒) 用新鮮蝦肉制成 有淡淡嘅黑松露味無被掩蓋 ♡ 黃金雙拼(炸響鈴及炸魚皮) $88 炸響鈴同炸魚皮外層都用左咸蛋黃去炸 惹味可口 ♡ 滾得囍豐盛雜菜拼盤 $128 綜合菜類選擇多 全部都好新鮮 健康之選🥬 ♡ 竹蔗茅根$78

· 春之石海鮮盛饌($1088) · 　 ♡ 海膽豆腐 口感好似食緊豆腐但同時有海膽嘅味道 配合紫菜同埋青瓜絲 食落更加清爽🥒 　 ♡ 黑松露、蘿蔔蓉、明太子 可以隨意配搭不同食物 　 ♡ 熱石海鮮拼盤（鮑魚 象拔蚌 沙白 扇貝) 專誠嚟呢度試韓式熱石海鮮🇰🇷 意想不到用熱石燒熟的海鮮同傳統燒烤食落都幾有分別 火候更好控制令到海鮮更有肉汁 唔會柴口 當中嘅扇貝同鮑魚配上牛油同蒜茸粒香氣十足 　 ♡嚴選赤身蝦肉石燒飯 鮮蝦肉配上鮮牛肉粒係熱辣辣嘅石窩上拌熟🦐 鮮味之餘仲有粒粒飯焦有種食煲仔飯嘅感覺 　 ♡柞木壽喜燒和牛 配上新鮮和牛和香甜燒汁烤至半生熟 肉質鮮嫩再蘸上蛋黃汁🍳味道得到昇華 　 ♡牛小排拼醬油五花肉 半肥瘦五花肉配香甜醬油 肥而不膩🤎 距離減肥路途又遠一步 　 ♡甜品 忌廉蛋糕配焦糖香蕉 忌廉好出色就算最尾先食都唔會有油膩感 配上焦糖香蕉十分邪惡🍌 　 ♡菠蘿柚子冰沙(+$20) 　

有特別節日想慶祝 所以同男朋友嚟咗呢一間食鐵板燒 入面環境非常闊落同燈光氛圍感重🥰 呢度仲有三間VIP房 私隱度極高✨ 呢度仲有「許願天燈」💝 可以用iPad寫低自己想寫嘅嘢 然後喺螢幕度就會好似天燈咁播出嚟 夠晒特別 ♡ 商務特選午餐（二人前） $640/位 　 ·沙律· 　 ·澳洲龍蝦· 呢個價錢食到龍蝦真係非常划算 仲要用咗蝦膏黎炒龍蝦 龍蝦肉非常鮮味 肉質厚實彈牙🦞 ·帆立貝· 黑魚子帆立貝 大大一粒煎得岩岩好 ·清酒煮蜆· 第一次飲到咁鮮甜嘅湯 落咗少少指天椒 令到味道甜辣甜辣咁 ·美國牛肉（厚燒）· 旁邊有炒羽衣甘藍 第一次食超級有驚喜😍 牛肉可以同師傅講要幾成熟 芥末醬汁同埋蒜片非常之match ·櫻花蝦炒飯· 呢個櫻花蝦飯真係好好食 加入好多配料執炒上面成個燶邊太陽蛋 ·漬物· 　 ·吸物· 用龍蝦殼去整麵豉湯 比起平時嘅麵豉湯更加鮮味 ·甜品或咖啡· 開心果雪糕味道好特別好好味🍨💚 　 ⁎⁎⁎⁎⁎⁎⁎⁎ 🩷🌸螢火清酒祭有多重優惠🌸🩷 ⁎⁎⁎⁎⁎⁎⁎⁎ 1) 全日指定清酒免費任飲 （Lunch 90mins/ Dinner 120mins) 2) 凡顧客惠顧任何鐵板燒晚餐 每人即送日本海膽杯乙個 （每日限量供應，送完即止） 3) 凡惠顧午市套餐均可以優惠價$80換購日本海膽杯乙個 ⁎⁎⁎⁎⁎⁎⁎⁎ 🩷🌸螢火清酒祭有多重優惠🌸🩷 ⁎⁎⁎⁎⁎⁎⁎⁎

韓牛精割品味體驗 TASTE OF HANWOO BUTCHERY ($720 / person) 呢個套餐星期六日晚市先食到 ✨ 屬於韓牛1++ 由師傅親自表演切牛 可以嘗試到五款唔同部位🩷 仲送白酒/紅酒一杯 由職員負責燒烤同在旁講解服務100分🫶🏻 • 韓國酒 • 是日精選韓國酒 (三款) • 前菜 • 韓式前菜 （自家泡菜超級好味٩(˃̶͈̀௰˂̶͈́)و） • 燒烤| 稀少韓牛部位 (五款) • 板腱肉｜肉質有爽勁 脂肪比較少 翼板肉｜最鐘意嘅部位 唔會太重油膩感 食落好軟腍 沙巴當｜呢個部位油花緊密均勻 油脂甘甜牛味重 肩胛里肌｜油脂分佈適中 比較薄身 牛味濃 特級牛小排｜感覺呢個部位油花最豐滿 入口即溶 好岩包生菜食用 • 韓式小食拼盤 • 有醬油魷魚同醬油蝦 味道好鮮甜 雖然表面有辣椒但一啲都唔辣 • 主食| 韓牛脂飯 • 好簡單嘅韓牛再加炸過嘅蔥絲同雞蛋都可以咁好味🥺💖 果然材料新鮮同高質好重要 • 甜品| 蜂蜜雪糕 • 好重牛奶味同好綿滑 仲有大大舊蜜蜂巢係旁邊

♡ 玫瑰醬八爪魚年糕 $89 有少少微辣好惹味 呢種長條軟身年糕都係第一次食 口感煙韌偏軟身 八爪魚係一隻細細地食落幾爽口🐙 　 ♡ 橡果黑毛豬卡邦尼意粉 $108 卡邦尼味道濃郁同埋夠多醬汁 每淡都好掛汁💖 　 ♡ 北海道粟米蛋糕 $68 第一次食粟米味嘅蛋糕🌽意外地出色✨ 成個味道唔會過甜 仲好香栗米味 真心必食😍 ♡ 香濃花生夢幻冰沙 $98 味道好有韓國特色✨紅豆蓉同花生醬連入面都有 食落好match🤩 除左港島果間刨冰 呢度又多一個選擇🫶🏻🫶🏻🫶🏻 ♡ 甜蜜桃桃伯爵冰茶(凍) ♡ 怦然心動熱情果梳打(凍) 　 飲品都做得好靚 味道不會過甜 飲落好fresh 總括嚟講呢間嘅甜品係非常出色 好多出面食唔到嘅味道🥰

🇭🇰 #土瓜灣 　 平時成日食亞洲同西餐，今日就同朋友去土瓜灣一間地中海餐廳Lamees試下新野！🤩 　 TRIO DIPS PLATTER (Spicy Lovers) $170 Lamees既Dips總共有7款，每款都會跟pita bread! 如果想一次試多幾隻款式可以叫拼盤！有Classic同Spicy lovers. 今次我地試左後者，因為我同朋友都鐘意食辣，有香辣鷹嘴豆泥、墨西哥辣椒雜果仁醬同煙燻甜椒香辣雜果仁醬，每款都好香👅口感好rich，加埋辣辣地超級開胃，好適合作為starter! 💖 　 ADAS - LENTIL $55 我地仲叫左個有機小扁豆湯，係中東經典既湯，跟埋脆餅和檸檬. 個湯有好重既香料味道，因為係扁豆湯，所以口感係偏厚，幾特別！🫶🏻 　 MANKEESH FLAT BREAD - BLACK TRUFFLE AND MUSHROOMS $120 呢個黑松露野菌flat bread一份有8件，有d似地中海版本pizzas （7寸）, 食落好香脆同埋黑松露味好突出 　 DESERT ROSE - WAGYU BEEF TAIL TAGINE $340 我同朋友都唔食羊，所以就叫左個摩洛哥煲仔燉煮和牛尾，裏面有紅蘿蔔、杏仁和梅乾配Shreya. 牛尾有三大件，炆得超軟爛！另外紅蘿蔔超級甜，吸左牛肉同醬汁既甜味！✨見到個飯有兩隻色仲要唔同長短就問老闆係咩米，老闆話呢款主食叫Shreya係中東米配pasta, 係中東好普遍！口感粒粒分別 　 BOZZA $65 最後叫一個甜品結束完美既一餐，Bozza（阿拉伯乳香膠雲呢嗱雪糕配開心果碎），口感非常豐富，食雪糕同時有開心果碎咬下，雪糕唔會太甜，一d都唔膩！🩷

假日經常會去荃灣行街 今次發現呢間開業不久 主打日式定食既餐廳🇯🇵 位置方便 價錢親民 好值得一嚐💖 　 每款定食均配有主菜、茶碗蒸、味噌湯、配菜同珍珠米飯🍚 　 ♡ 吉列三文魚柳定食 $125 平時成日見吉列豬扒 好少見吉列三文魚🐟 係呢度嘅招牌菜之一 炸完既三文魚更突出魚油香味🧡 炸皮好薄 亦保持到外脆內軟 醬料係最配合炸魚既他他醬 減低油膩感 　 ♡ 燒牛小排(120g)定食 $108 牛肉即燒即食 唔會怕凍左影響肉質 薄薄一塊好快食得✨ 欣賞佢同出邊啲燒肉一樣會有埋鹽同醬油提供 調味充足🫶🏻 份量都好多又大塊 好抵食！滿滿嘅蛋白質🥩 　 ♡ 一口炸豆腐 $28 豆腐滑身 炸皮不乾 保持到微溫 加上七味粉更滋味✨ 　 ♡ 沖繩菠蘿乳酸梳打 $22 飲落唔算好甜 有淡淡菠蘿清新味道 配搭幾好

呢間cafe食完又再食🫶🏻 定期仲會推出好多限定主題嘅pancake 就到聖誕節又同朋友黎食啦🎄 今次去左新開張嘅分店 估唔到裝飾咁靚🧸 　 ♡ 聖誕龍蝦扁意粉 $172 龍蝦肉好鮮嫩🦞醬汁好濃郁 寬條麵口感適中都好掛汁 份量剛好好🫶🏻 　 ♡ 深海中的龍蝦潛艇 $185 好掛住日本嘅龍蝦包🥰 呢度都食到 龍蝦份量好多 麵包外面都有烘烤過 食落鬆軟 加埋醬汁同配料 口感豐富✨ 　 ♡ 聖誕老人拯救雪地裏的小熊 $152 不嬲好鐘意食佢地嘅梳乎厘🍓 就到聖誕節竟然有個咁可愛嘅造型😍 食落好綿密 蛋香味好重 不會過甜🩷 　 ♡ 小熊的朱古力泡泡浴 $58 ♡ 士多啤梨梳打 $48

之前已經黎食過一次 覺得酸辣米線個湯底都唔錯 今日經過附近就入左黎食 見好多街坊都會黎食😍 　 ♡ 四餸酸辣小窩米線 $68 每款配料8-10蚊 份量都幾多 另外仲叫左兩款小食 麻辣豬肚絲同埋蒜香醬油雞翼 仲有豆漿 　 第一碗叫左秘制腩肉、滷水大腸同冬菇皇 呢幾款都係比較人氣既配菜 另外果仲叫分別叫左秘制腩肉、蘿蔔同豬血😚 　 腩肉幾乎係必食🩵 好欣賞佢腩肉部位係偏瘦 唔會成舊肥膏 仲好入味✨ 我同朋友最鐘意係個滷水大腸 超級淋同超入味 鐘意食大腸既朋友一定要試🥰 平時食米線基本上唔會加冬菇 但見咁多人推介就試下 冬菇皇真係超厚身 食得出有醃過 甜甜地 蘿蔔都炆得好淋同埋好甜🫶🏻 　 ♡ 麻辣豬肚絲 $31 份量都幾多 唔會太辣 岩哂食唔到太辣既朋友 都幾香幾有咬口 　 ♡ 蒜香醬油雞翼 $27 有八隻單骨雞翼 本來以為係熱既點知係凍既 但味道都好足 有蒜香同咸香 但略嫌凍過雞翼口感有d實～