📍Bochord 🔍銅鑼灣告士打道280號世貿中心11樓1101號舖 ----- 推開🚪木門，一踏進餐廳，攝入眼簾的便是一襲180度的維港景色。陶醉過後，將視線拉回餐廳中，發現其室內裝潢設計，其實與維港美景相比，亦沒有被比下去。甚富質感的皮製沙發和復古燈具，加上擺著大量古典書籍📚的仿書架墻壁，每一個細節都散發著既文藝又高貴的氣息，讓人有種仿佛正在窺探歐洲貴族私人書房的感覺。 “Tasting Menu” -Cecina de Wagyu Beef Carpaccio -Spanish Red Prawn Carabinero -Hokkaido King Scallop -Bouillabaigge -Spanish Sardine Confit -Smoked French Eel Pasta -Charcoal Grilled A5 Miyazakigyu Rib Cap -Mango Mousse Pandan Cake . 加上自家製餐前麵包及用餐中間附送的Lime Sorbet（用以清一清口內味道）前前後後一共10道菜式。 餐前麵包酥酥脆脆，比起麵包更似脆餅，搭配鹽味牛油及青醬牛油都不錯，不過個人更偏愛富特色的青醬牛油多一些。 所有菜式貌相都非常精緻，醬料搭配亦是別出心裁，Carpaccio用上法式香蔥泡沫提味；西班牙紅蝦🦐加上魷魚墨汁和百香果汁後，鹹鹹鮮鮮中帶點天然果酸，令整體味道更顯開胃。 Hokkaido King Scallop的精髓之處則是在於質感，剁成他他的帶子加上底層做成Sorbet口感的蒜泥，冰冰凍凍，鮮甜鮮甜的，入口竟似食緊甜品。 Bouillabaigge為傳統法式魚湯料理，裡面的彈牙慢煮鮑魚令人想一吃再吃。另一道魚食Spanish Sardine Confit就行濃味路線，適合佐酒。 好在Smoked French Eel Pasta為我挽回信心，極致彈牙的手工意粉質感，富蛋香的麵團，加上濃厚帶火腿鹹香的白汁，令人飽肚又滿足。 🍽同行友人的宮崎縣A5等級黑毛和牛色澤誘人，肉脂豐腴，而我的伊比利亞豬鞍亦是粉嫩多汁，都很不錯。（A5等級黑毛和牛是Tasting menu的原本配搭，但有食物敏感可以詢問餐廳能否轉菜式） 最後收結的Mango Mousse Pandan Cake甜度柔和，絲滑質感的芒果慕斯，加上帶淡淡芒果清香的果凍及濕潤斑蘭海綿蛋糕，入口層次分別，輕盈不甜膩，配搭著維港夜景，為晚餐完滿收結。 *Live Band好有驚喜地高質，為整個場生色了許多。

📍Tokio Joe 🔍中環蘭桂坊16號地舖 ----- 上次食過呢一間餐廳嘅週末任食Brunch印象幾深刻，今次就試下佢Dinner。 🍽JOE‘S TASTING MENU 見到有吞拿魚有海膽，所以都係決定唔散叫直接叫Tasting Menu。裏面有包咗前菜、刺身、壽司、主食、和牛、天婦羅、甜品等等（唔食牛嘅話可以轉做銀鱈魚） 🍴 叫Tasting Menu嘅好處就係一次過可以試到唔同款式，整體嚟講佢哋嘅刺身質素屬中上水平，尤其係非常彈牙嘅清酒鮑魚，係幾有驚喜。壽司方面，海膽壽司鮮甜非常，係我覺得最值回票價嘅部分，另外辣吞拿魚他他炸壽司亦充滿驚喜，炸皮脆中帶糯，口感好特別。 不得不說呢一間餐廳好識炸嘢，佢哋嘅天婦羅亦都炸得好出色，兩款天婦羅辣三文魚及比目魚，外層酥脆內層入口即化。 主煮食龍蝦湯稻庭烏冬就用左佢哋嘅招牌龍蝦湯及花竹蝦天婦羅，龍蝦湯濃厚滑溜，配搭稻庭烏冬，中西合璧幾有趣。花竹蝦天婦羅外脆內彈牙，同樣係炸得幾好，乾爽不油膩。 銀鱈魚肉質滑嫩，醬汁鹹香帶甜，如果能搭配少許米飯可能更有滿足感。 最後嘅甜品拼盤有驚喜，有菠蘿雪芭、芝麻雪糕，同埋多種水果，芝麻雪糕嘅芝麻味道夠香夠重，唔錯。

和家姐大約6點左右到達，當時人數還不算多，大約7點半後，整個場地變得熱鬧起來，充滿了燒烤香氣，讓人食指大動。 . 係未燒之前，首先先試試佢地熟食。咖喱魚蛋大大粒口感好彈牙，有點像長洲魚蛋的口感。醉蝦顏色鮮紅，不用自己夾和燒就有得食，非常符合經濟效益，哈哈，不過味道上，還是現夾的更鮮一籌。 . 跟我一樣喜愛澱粉的，有洽烏冬、燒日本番薯仔、格仔餅和蒜蓉包可選，全部都是容易飽肚，但所需要的燒/洽時間都不長。蒜蓉包更是2-3分鐘就食得，燒太耐反而容易燒焦。格仔餅就帶少許甜奶香，用來最後加雪糕或加煉乳做甜點都不錯。 . 我和家姐都不是捉蝦能手，又愛玩又雞手鴨腳的，店員見狀，主動送上好幾隻剛捉好的大蝦，讓我們可以更快開始燒，超體貼的。 . 除了蝦之外，還有許多其他新鮮的海鮮，如大蜆、多春魚、大魚、扇貝、燒魷魚和蠔等等。個人尤其喜愛燒蠔和魷魚，加上牛油及蒜蓉，燒完非常惹味。另外還有回本之選的鮑魚，店員細心提醒唔可以連殼一齊燒，如果唔係會爆會危險，仲會教我哋點樣剪咗鮑魚苦嘅部份，係貼心嘅。 脆口雞軟骨亦係場內嘅人氣之選，入口有種脆卜卜嘅感覺。鍾意重口味嘅話，可以試下黑椒台灣腸，好多汁，同埋黑椒味好夠重。蔬菜款式也豐富，大塊大塊的青椒、翠玉瓜、香菇、玉米、茄子和菠蘿等等，平日裡一向挑食的我，也很愛燒完後多汁又香甜的翠玉瓜和香菇。

媽咪唔得閒煮晚飯，我同家姐兩個人就一齊去咗屋企附近呢一間餃子店食晚餐，鍾意佢哋標榜唔落味精，調味好到位，而且用料感覺幾好，有種好家常嘅媽媽手工餃子感覺。 . 睇完餐牌之後我哋叫咗以下食物，份量啱啱好夠兩個人食，埋單二百零蚊。 -粟米餃(大碗-10隻） -香煎軟心芝士餃（7隻）🧀 -上湯松茸時蔬🥬 -惹味唐芹拌豆筋 🥢 -薏米水🫙 . 湯餃：粟米香甜爽脆，加埋粉嫩豬肉餡，咬落好多汁，外皮薄得黎有微微煙韌糯口嘅質感。而狀元九鼎湯湯底就非常用心，飲落似花生蓮藕魚湯，清甜清甜的，令整個湯餃生色不少。 . 煎餃：芝士味濃郁，裡面亦有粟米，煎過後感覺外皮比湯餃更薄。油油酥酥的，邪惡但確是很不錯。想解膩解熱氣的話，可以搭配他們家的檸檬🍋薏米水，頗低甜，感覺清潤。 . 上湯松茸時蔬就是上湯浸菜心，菜心清脆嫩綠，大大條的，在上湯提味下更清甜些。惹味唐芹拌豆筋調味冰凍清爽，微甜微辣，加埋脆口唐芹，味道很不錯，打包了一個給daddy回家佐酒。

📍ARIA 🔍中環蘭桂坊德己立街30-32號加州大廈24樓 ----- 沒甚麼比起吃更能緩解壓力，最近各種事情排山倒海而黎，一於唔好諗咁多，食返餐勁嘅慰勞一下自己🤪。 這間餐廳一直在我bookmark想去的名單已久，今個週末終於聞名不如見面，試到佢嘅廬山真味道。上網睇相覺得環境好靚，實物也的確如此，下晝去採光度十足，好Chill。 Brunch以半自助形式供應，自助部分有海鮮冷盤、意式前菜區、沙律吧、芝士區、餐湯及自助甜品吧等等，價錢為$628一人，佢地仲可以另外加錢要Extra前菜，但係自助區行完一圈覺得其實選擇好足夠，除非超級大食/或者人多想試再多啲嘢，如果唔係其實唔加都絕對夠飽。 想回本就一定係食海鮮，有長腳蟹、龍蝦、生蠔、青口、海螺、鮮蝦、魷魚仔等等，基本上全部都中上水準，當中尤以爽彈開邊龍蝦🦞最受人歡迎，另外青口平日通常為配角，但這裡的青口質素有明顯比坊間自助水平鮮甜好多。而大家所關注的生蠔，個人覺得還不錯，細隻但滑溜重蠔鮮味。 沙律方面，款式頗多，而且當中許多都富有特色，例如意式蕃茄燉三色甜椒、意式米飯沙律、卡布里沙律配桃、意式蘑菇沙律和白腰豆羽衣甘藍沙律等，卡布里沙律中的水牛芝士入口即化，加上香甜桃🍑片，清新開胃，亦甚富特色。意式蘑菇沙律則重點不在蘑菇，香軟幼滑的南瓜才是讓我一再encore的主角。 Parma ham質素很不錯，不過個人更愛鹹中帶微辣的風乾莎樂美豬肉腸，愛芝士之人就可以一戰藍芝士及松露芝士，搭配酒品甚佳，質素有點小驚喜，好濃好滑。 令我印象尤其深刻的熱食有意大利麵捲Cannelloni及豬肉丸。🍽Cannelloni入口是那種餡多過麵的感覺，麵捲內滿滿都是拉芝菠菜內餡，而豬肉丸則是整場我吃得最多的食物，咬下去的每一口都令人滿口肉汁，不能自拔。 🎂甜品區個人心水推薦是咖啡味非常出眾的Tiramisu、帶檸香且口感實在的祖母蛋糕和層次分明的Opera cake。

幫家姐湊女，帶小姪女去完尖沙咀玩之後，再來這邊用餐，餐廳座位頗大，幾適合帶小朋友黎。成個環境亦都幾文青，見到有唔少學生喺度溫書。 一個大人兩個小朋友叫咗三樣嘢一齊分享仲有一杯熱朱古力。 1.Hot Rich Chocolate 2.Chicken Thigh w/ Potato Slices 3.Spaghetti w/ Tiger Prawns & Asparagus in Spicy Tomato Sauce 4.Carbonara 先講下杯熱朱古力，呢度嘅熱朱古力真心超級濃郁，直程係好似將成粒朱古力直接溶咗變成液體狀一樣，對於我呢啲好鍾意濃郁朱古力嘅人黎講真心會上癮，成件事就好似Espresso不過係朱古力版。 雞肉非常之嫩口加埋有少少孜然粉香氣嘅薄切土豆片，好惹味，大人同小朋友都啱食。 虎蝦意粉香香辣辣仲有少少蕃茄嘅自然酸香，裏面仲有爽脆嘅蘆筍同爽口彈牙嘅虎蝦，唔錯，而且佢個辣唔會太辣，小朋友都食到。 Carbonara就係濃郁嘅白汁香味，個人其實更加鍾意辣辣地嘅虎蝦意粉，不過兩個小朋友話要2選1的話，佢哋會更加鍾意Carbonara，裏面有少少半肥瘦煙肉，幾香口。

週末去了一家潮州菜餐廳吃自助點心放題。覺得頗有特色，想跟大家介紹一下。 . 潮州粉粿裡面有豐富的餡料，口感爽脆。酸菜魚餃辣得挺爽的，很特別。筍尖蝦餃皇內新鮮的蝦仁與筍尖的清脆交互融合，挺高質的。而松露野菌餃則香菇味濃郁，亦不錯。 . 個人喜愛的順序為筍尖蝦餃皇＞酸菜魚餃＞潮州粉粿＞松露野菌餃。如果喜歡更不一樣的話，流心的鹹蛋黃墨魚燒賣也不錯，鹹鹹香香。 . 白灼時菜是生菜，口感爽脆，加上少許醬油就很不錯。最經驗的還要數潮州蠔仔粥，鮮甜鮮甜，米粒亦沒有太爛，口感味道均佳，沒有因為是任食而質素不到位。 . 另外想要推薦的還有一口一粒的酥脆黃金豆腐，搭配濃郁的鐵觀音感覺分外合拍。愛包人士可以狂刷爆汁黑金流沙包，個人亦非常喜歡，結尾再來個美艷玫瑰型桂花糕收結，滿足。

📍Tempo Tempo 🔍英皇道979號太古坊濠豐大廈2樓The Sixteenth ----- 雖然不喜歡在quarrybay上班，但這邊的美食確實也不少。當中我很常去的，就要數Pirata Group 旗下的The Sixteenth系列餐廳。之所以叫The Sixteenth是因為鰂魚湧是香港的第16區，The Sixteenth下面一共有4家餐廳，這次去的Tempo Tempo 便是其中之一。 . BBQ Bliss & Wine Buffet （18：00開始，到餐廳打烊） 💰價錢： 「BBQ set menu $398「 「free-flow wine buffet for just $198「 . BBQ set menu裡面包括有前菜、烤肉/海鮮、配菜和甜品等等。 . （前菜 ）STARTERS 1.CAPRESE (V) 2.BEEF CARPACCIO CLASSICO 3.CAESAR ENDIVE 三者中，個人最愛CAPRESE，是很清新的開胃菜，以水牛芝士、小番茄、羅勒和脆薄餅為主要材料。芝士味道豐潤咸香，加上小番茄的酸甜可以中和濃膩感，整體平衡恰到好處。 . （燒烤）OFF THE GRILL（自選款式） 1.MEDITERRANEAN BABY SQUID - 250GR 2.SPRING CHICKEN - WHOLE 地中海風味小魷魚味道鮮美，嚼勁輕柔輕柔的，佐酒甚佳。春雞則嫩滑多汁，表面微微酥脆，大大只的，選這個感覺挺划算。 . 喜歡酒的話可以跟我一個加個$198，就可以有free-flow wine buffet，酒類選擇還蠻多的，包括有紅酒、白酒和氣泡酒等等，試了三四款總體來說味道都不錯，不太會選的話，基本上選寫著PINOT NOIR的就准沒錯，這款葡萄釀出來的紅酒單寧比較柔滑細膩，很容易入口。

不得不說，香港吃飯真的主打一個貴，為什麼大家放假都跑深圳也是有原因的。不過如果用心找，其實香港本地也是有性價比高的餐廳，平時下班去不了深圳，最喜歡就是來這家吃酸菜魚和片皮鴨。變了常客的原因簡單粗暴，就是份量大、味道好、地方方便，價格在香港也真的是便宜。 . 金湯酸菜魚（$188） 可以選擇辣度，還可以少鹹少油少鹽等，挺貼心的。酸菜魚魚質嫩滑無骨，薯粉份量也給得挺大方，最讚是有很多煎香過的菇菌，令整個酸菜魚生色不少。 . 片皮鴨 (半隻 $168） 這個價錢坦白講在香港其他餐廳，是真的吃不到半隻片皮鴨，第一次見的時候，覺得鴨皮比較深色，看着也比較瘦，吃下去才發現鴨皮非常香，之所以看着比較就是因為餐廳把皮下脂肪去掉大部分，感覺蠻健康的，想在香港吃片皮鴨，又不想花大錢吃，這裏是個不錯的選擇。 . 籐香雞（$66） 椒麻椒麻的香氣，加上入味冰凍的雞肉，很開胃，份量同樣是很可以。 . 川滿居小炒肉（$88） 相對前面的菜式會油膩些少，因為小炒肉是用上腩肉位置，加上小青椒一起炒，惹味又下飯，雖然肥一些，但有令我感覺我願意為其增磅一點。

收工同舊同事黎呢間麻辣火鍋聚一聚，微微暗 黃嘅燈光，寬闊座位，啱啱好嘅冷氣溫度，用餐環景非常舒服。 🥢午市二人火鍋套餐： （裡面包含自選火鍋料、兩款飲品、兩個紅糖冰粉、火鍋湯底等等） . 🥢湯底：雙拼鴛鴦鍋（麻辣鍋，另加$20豬肚雞鍋）麻辣湯底鮮、香、麻、辣，作為佢地嘅招牌，穩陣高質；豬肚雞鍋雖然要加錢，但20蚊黎講雞同豬肚份量都比得幾多，值得一加。 🥢自選火鍋料：鮮滑魚麵 、包漿豆腐、霞浦海帶苗、紐西蘭精品羊肉、黑豚腩肉、鮮鵝腸、田園菜籃、鮮竹笙手打蝦滑、珊瑚蚌、鴨血。 不得不說，呢個二人餐可以揀嘅火鍋料真係好多，所以要揀到自己鍾意食嘅配料完全冇難度，魚麵彈牙；新鮮鵝腸清洗得好乾淨，沒半點肥膏，感覺幾健康；海帶苗爽口清新；黑豚腩肉肥瘦均勻；羊肉油脂比例恰到好處，入口酥軟酥軟的，加上麻辣湯底的花椒提味，非常高質；鮮竹笙手打蝦滑鮮甜彈牙；包漿豆腐入口柔嫩如豆花，每次黎都係必叫，呢個二人餐亦可以選擇，很不錯。 🥢連套餐嘅紅糖冰粉亦很不錯，低甜而且好多果仁，夠解辣