自從疫情之後，好少出街食飯，更加少左打食評，但呢間小店真係好正，一定要比多啲人認識一下！！！😁除左性價比高之外，環境唔錯又衛生，服務態度好更加加分👍🏻👍🏻👍🏻以小店嚟講真係好唔錯 1. 青咖喱雞球飯 （$48）💚
甜甜辣辣嘅青咖喱令到成個雞球嘅味道昇華左，雖然只係$48，但一啲都唔可以睇少佢，送飯一流，仲要勁多飯，雞球、青咖喱、配料都份量十足呀！ 2. 鮮蝦春卷(4件) ($28)🍤
28蚊有成咁大條又咁足料嘅鮮蝦春卷真係好抵食，入面嘅鮮蝦一啲都唔馬虎，大隻又彈牙，真係唔知去邊度搵！ 3. 芒果椰汁冰 (跟餐＋$8)🥭🍹
超推介呢個芒果椰汁冰，睇落去冇咩得別咁，但芒果肉好甜，啲用料真係幾揼本👍🏻 彤樂整體評分：9/10

銅鑼灣登龍街呢年都換上唔少新店，同朋友經過，就好想試下呢間鋪頭，的確係唔錯！

1. 松葉蟹肉甲羅燒 （$108）🦀
除左有一絲絲鮮甜嘅蟹肉之外，仲有好多好多蟹膏同蟹子，送餅乾食幾唔錯👍🏻
2. 泰式御好燒 ($138)🌶️
真係第一次食泰式煮法嘅御好燒，入面有生豬肉、金不換同炸椰絲，最重點是拉差辣醬，有啲似潮洲辣醬，真係幾特別嘅煮法👏🏻
3. 辣酒凍風螺 ($88)🐌
超推介呢個菜，螺肉鮮甜彈牙，配上辣酒嘅白辣令螺肉更加惹味🤤
4. 柚子泡酒 ($68)🍹
清酒味唔算算很濃，加上柚子，甜甜地更加清新，唔係飲開酒嘅朋友仔都會好鍾意😂
5. 魷魚鬚天婦羅 ($68)🐙
佢地今次轉左menu，以天婦羅形式呈上魷魚鬚，好香脆，加埋沙掣醬啱啱好中和膩感
6. 比目魚沙律 ($78)🥗
真係要讚一讚個比目魚，好滑👏🏻👏🏻👏🏻配上沙律，特別清新
7. 聖子 ($98)
聖子一啲都唔韌，配上特別嘅醬汁，顯得格外惹味👍🏻
彤樂整體評分：8.5/10

A5和牛相信係人見人愛，所以我一見到呢間餐廳咁抵食 $398就可以任食，一於拉大隊去食！餐廳環廳都唔錯好日式～ 一坐低餐廳就會上呢盤和牛，款款都係任叫嘅！真係款款都入口即溶🤤超邪惡啊！ 估唔到唔止和牛係任食啊！就連燒蠔都係任食㗎～仲要隻隻都好大隻😆一啲都唔hea啊！ 呢隻海鮮船係按人頭送，有甲羅燒 鮑魚 帶子 大蝦. 鮑魚上到枱仲係識郁㗎～超新鮮啊！燒大蝦好彈牙～ 而其他嘢食都有唔少，好似壽司、天婦羅、小食～個人嚟講好鍾意佢啲壽司細細件，唔怕好快就飽～ 臨尾每人仲會每人上一個movenpick雪糕

一向聽唔少人大讚鼎王，但又未喺台灣食到，而家喺香港終於食到啦！ 1. 鴛鴦湯底（麻辣:小辣+酸菜）($68/每位)
嚟鼎王打邊爐，大家都落力推薦麻辣鍋同酸菜鍋，除左麻辣夠香辣之餘🌶，豆腐同鴨血係無限添加，酸菜鍋嘅酸菜同樣可以無限添加，呢度仲有白飯任裝🍚，以上嘅配料用嚟送飯就一流啦！
彤樂評分：9/10· 2. 五花去骨鮮牛（＄188）
呢走牛味較濃，份量又大，一啲都唔韌
彤樂評分：7.5/10· 3. 特級牛肉（＄178)
呢款真係好睇時間，淥得啱啱好先好食，肥膏，食牛鮮味為主
彤樂評分：7/10· 4. 豬腩肉（$68)
呢款豬肉CP值好高，相比牛，我更鍾意食豬，肥瘦啱啱好，又出豬味😋
彤樂評分：8.5/10· 5. 蛋餃（＄78）
呢個又係鼎王必點，入面加左有油香嘅豬肉餡，連蛋皮一齊食好夾
彤樂評分：9/10· 6. 蝦滑（＄98）
雖然幾貴吓，但真心要叫一次，唔只爽滑彈牙，仲好濃鮮蝦味
彤樂評分：9/10· 7. 滷蜂巢牛肚（＄98）
可以就咁食，但我覺得放麻辣鍋淥一陣，更多一層味道👍🏻
彤樂評分：8/10· 8. 枸杞菊花露（＄98）🌼🍹
真係好清甜，配火鍋食，鮮辣熱氣一流呀
彤樂評分：8.5/10

TG影響唔少旺角店生意，不過旺角其實真係好多好嘢食，不如去朗豪坊試吓食呢間burger啦 1. 煙燻鴨肝牛肉漢堡套餐（$163+$40）🍔
經過煙燻嘅鴨肝幾香口，質感滑溜，配上厚身多汁嘅牛肉連包一齊食，一試難忘🍔，重點係知漢堡包皮都整得香脆，套餐包一杯其他飲品、薯條同酸瓜，薯條阿粗又脆口🍟唔錯，飲品就叫左橙汁，冇咩特別啦
彤樂評分：8.5/10 2. 手撕豚肉及煎腩肉漢堡（$97）🐷
手撕豚肉鎖住唔少肉汁，一啲都唔乾，豬腩肉有煎過，食落特別香口，不過就難咬一啲啦
彤樂評分：7/10 3. 墨西哥芝士煎餅 - 手撕雞（$86）🐤
彤彤揀左手撕雞，但餡料方面仲有蕃茄粒🍅、酸忌廉、牛油果醬、同香料，芝士煎餅又香脆，幾出色
彤樂評分：8.5/10

呢度除左食物出色之外，服務一樣咁出色，又有講解比我地聽，又幫我地燒埋，超貼心😊 1. 沖繩風沙律
呢款日式沙律真係第一次食，將刺身、海葡萄、苦瓜、🍅蕃茄同醬汁混埋一齊食，一嚟食呢個真係好開胃
彤樂評分：8/10
. 2. 龍蝦二人前浜燒盛合 我地選擇左以刺身同燒各分半咁食，強烈推薦大家咁食，真係好正！！！刺身好鮮甜又爽口😍但燒龍蝦更吸引，佢地將其餘龍蝦肉加入特別醬料炒香，再放入龍蝦上面燒，醬汁、蝦肉、蝦膏混埋一齊，超級惹味，完全食到停唔到口呀 彤樂評分：10/10 . 3. 燒海鮮（乘上盛合） 個盛合仲包含其他燒海鮮，特別一讚個鮑魚，出面好多都好硬，但呢個好爽口👍🏻帶子又用左兩款方法去年煮，真係好多驚喜，但都一樣嫩滑又惹味😋
彤樂評分：8.5/10 .
4. 月之玉響
食日本菜又點少得飲sake，今次叫嘅呢款好啱女仔飲，入口有米香，之後就甜甜地，慢慢有陣陣富士蘋果同蜜瓜味道😁
彤樂評分：7.5/10 .
5. 蕃薯、柚子、白桃雪葩
柚子同🍑白桃雪葩都發揮到應有水準，但最令我驚訝係蕃薯🍠，一啲都唔假，真係好似食緊蕃薯咁，但又有雪葩嘅質感😊
彤樂評分：8.5/10

呢間餐廳除左有好嘢食、好酒飲之外，仲有遊戲枱玩😁 1. 前菜
每個set都會跟湯、沙律同甜品，我特別欣賞佢個南瓜濃湯，好香濃之餘，飲落去微厚而順滑😋
彤樂評分：7/10
. 2. 自家製蟹肉脆燒賣🦀（＄已配搭黑毛豬）
賣相真係幾吸睛，外皮薄脆，入面滿滿嘅鮮味蟹肉，加上鹹鹹哋嘅魚籽調味，味道更突出
彤樂評分：8/10
. 3. 雜錦小食拼盤（$98）
水牛城雞翼好多醬汁，酸酸甜甜感覺包裹成隻雞翼；炸魷魚圈🦑口感好彈牙，特別讚佢個芫茜醬，連我呢啲唔鍾意食芫茜嘅人都覺得唔錯😁
彤樂評分：7.5/10
. 4. 燒西班牙黑毛豬（$238）🐷
超厚肉，以為會好韌，但完全相反，雖然肉汁唔多，但好有豬味，唔乾身，點少少醬汁就啱啱好
彤樂評分：8.5/10
. 5. 燒西班牙黑毛豬腩配蝶豆花菠蘿干邑意大利飯（＄188)🐽
意大利飯加咗蝶豆花菠蘿干邑汁🍍，成個紫藍色好搶眼，加埋燒得好香嘅西班牙黑毛豬腩，更高質☺
彤樂評分：8/10

今日有朋友帶彤彤去打邊爐，朋友之前食過話好食，的確相當唔錯啊😋1.刺身拼盤（松）$298
平時我就好鐘意打邊爐之前叫個刺身做前菜！呢度嘅刺身幾好食，特別係帆立貝好鮮甜啊！
彤樂評分：7/102.海南椰子雞鍋 $238 🥥🐓
因為唔想咁熱氣，所以就叫椰子雞湯底！
呢度係先食咗個雞再加湯落去打邊爐，雞肉都幾嫩滑，而個湯真係超級無敵清甜呀！忍唔住就飲咗成碗😋
彤樂評分：7/103.本地手切鮮牛肉 $298🐂🐂🐂
朋友話呢度牛肉好好食，我最好鐘意啊！超濃牛味，又唔會腍有返啲咬口～
彤樂評分：8/104.黑椒牛丸 $48
牛丸彈牙黑椒味重，最啱嗰啲重口味嘅朋友啦！
彤樂評分：6/105.桂花蚌 $128
估唔到呢度嘅桂花蚌有咁大隻，又新鮮，好評啊！
彤樂評分：8/10朋友介紹完呢間餐廳俾我，我諗我都會介紹其他朋友嚟食，因為真係唔錯嘅火鍋店嚟㗎！

水果任食，醬料任點，外面等位都有啲小食，入面服務唔錯👍🏻 . 1. 四季鍋（膠原蛋白養顏美容鍋 $60＋滋補養生香辣鍋 $48＋長生抗癌松茸野菌鍋$45＋清涼解熱雪耳鮮椰子鍋 $45） 比雙併頭二都無貴$3，緊係叫四季鍋啦！😂美容鍋富骨膠原又清甜，豆腐好嫩滑；🌶香辣鍋小辣已經夠晒惹味，加入多種藥材，味道更有層次；野菌鍋真係有好多松茸，味偏淡，但松茸香；😍椰子鍋係令我最驚訝，超清甜椰子味，又有大大嚿雪耳，超養生🤤 而且仲會每何湯底放一樽湯俾你自已fill，幾唔錯 彤樂評分：9.5/10 . 2. 西班牙黑豚五花肉（半份$64）🐷 黑豚肉油脂分佈得好好，而且好嫩口，一啲都唔韌🥰 彤樂評分：8.5/10 . 3. 牛舌（半份$49）🥩 唔算好彈牙，但同香辣鍋好夾，唔洗點醬就可以食😂 彤樂評分：8/10 . 4. 皮蛋鮮魚滑（$68）🐟 平時食蝦滑、魚滑就食得多，第一次食皮蛋鮮魚滑，鮮魚滑夠彈牙，皮蛋增添一重口感同鹹香味😋 彤樂評分：7.5/10 . 5. 蝦卷（半份$29）🦐 入面滿滿蝦肉，口感豐厚，而且皮夠薄 彤樂評分：7.5/10 . 6. 柚子沙冰（送） 食落酸酸甜甜，好清新嘅感覺 彤樂評分：8/10

突然抽起條斤，又想食雞煲，上網一搵，就見到呢間「食雞」，就去一試啦😂 · 1. 兒童適宜芝士雞煲🧀🐤 上檯之後再用沙漏計時，大約煮多3分鐘，將雞同芝士撈均就食得啦😋芝士味濃但又唔會鹹膩，而雞肉切得好細嚿，所以啱小朋友 彤樂評分：7/10 · 2. 安格斯牛肩胛肥牛🥩 唔好睇個樣好似好醜咁，佢好有內涵，有濃濃牛味之餘，肉質又鮮嫩🤤 彤樂評分：9/10 · 3. 西班牙黑毛豬梅肉🐷 佢地嘅黑毛豬梅肉都一樣出色，肉質好嫩滑，講真任食真係要叫多啲😂 彤樂評分：8.5/10 · 4. 安格斯牛小排 牛味一樣香濃，不過牛肩胛肥牛較為出色 彤樂評分：8/10 · 5. 頂級水晶魚丸🍢 呢碟食物，我特別欣賞頂級水晶魚丸，其實即係魚旦，因為淥完唔會縮水，最緊要好彈牙👍🏻 彤樂評分：8.5/10 · 6. 自助蔬菜櫃＋自助甜品櫃🥬🍮 除左一般火鍋有嘅自助飲品櫃，仲有自助蔬菜同甜品櫃，特別鍾意佢地可自加花奶涼粉，好正呀👏🏻👏🏻👏🏻 彤樂評分：7.5/10