好耐之前已經見好多人打卡呢度既蜜瓜芭菲~ 今次終於有時間黎食啦！！！ 雖近聖誕，店舖佈置得好靚！！！幾乎每個位置都係打卡位！！ 一直以為呢間店只係得甜品，原來都有熟食, e.g.. pasta, wraps, sandwiches, etc,  可惜今次同朋友食左少少野先黎，所以只係叫甜品，唯有下次有機會再試熱食啦~~~ 好吸引既甜品櫃！！ 仲有特色雪糕添！(唔知係咪期間限定呢？ 今次平日下午時段黎可能因為近假期，超多人，幾乎滿坐！！坐位係店旁邊open area, 買完野食會比個牌你，店員之後會送食物黎~   下午茶有set, set都多野食, 包雪糕，蛋糕/海綿卷，飲品，可以一次過試唔同食物，滿足晒甘多個願望~  日本宇治抹茶輕食set 配有紅豆白玉丸子，栗子 ~ 海綿卷質感較實身，少少抹茶味，配上好濃抹茶味既cream，兩樣加埋就perfect了~ 抹茶Mix北海道牛奶雪糕兩種texture都thick，比其他雪糕厚身好多而且好滑！！！ 抹茶味好濃，甘甘地，幾好味~ 北海道牛奶雪糕好濃牛奶味，texture比抹茶雪糕更thick！！！完全感覺到邪惡度極高，要做多D運動消耗返先得喇！ 抹茶latte 抹茶同奶味balance得剛剛好！ 濃濃抹茶味，帶點甘香，加埋紅豆甜甜地，多種享受~ 日本直送 Deluxe 蜜瓜芭菲 超多人打卡既蜜瓜芭菲！！！ 終於食到喇！！！ 同tea set一樣都係北海道牛奶雪糕~ 牛奶雪糕本身都甜，但蜜瓜仲甜！！ 食雪糕滯滯地時，挖個蜜瓜食可以中和番，繼續再食雪糕！！ 而且蜜瓜超級 juicy！！！ 大滿足！！！ 整體而言，蜜瓜好甜又多汁，下次可以試試其他水果~ 無論抹茶定牛奶雪糕味道都好濃，雪糕質感好滑非常厚身，食完要做返多D運動消耗都值得！！ Btw，雖然坐位係店旁邊既open area，但店員清潔都幾快，值得一贊！

路過見呢間個名咁特別—臭臭鍋，究竟係咩嚟？就入去試下先~
今次午飯時間過後黎，所以唔係好多人~
一至五12-3pm 有 lunch set $60，lunch set包一碗飯/粉絲 + 一杯細紅/綠茶原來8鍋臭臭鍋係台式餐廳，8鍋係指最初專賣8種不同火鍋依家仲有呢款新鍋餐牌好仔細寫明每個鍋入面有咩餸，唔夠可另外加餸~天氣剛剛開始有啲凍，就食藥膳羊肉鍋啦~  仲叫左份鹽酥雞，好似幾吸引~
飯/粉絲可以加錢轉滷肉飯，飲品亦可加錢轉其他飲品，今次就揀左桂圓黑糖薑母茶~

話咁快鹽酥雞就嚟啦~熱辣辣，外皮好脆！
其他炸雞通常入面雞肉好乾好嚡，但呢度既鹽酥雞內裡雞肉仲係好嫩滑，一D都唔乾！值得一讚！加上鹽酥味令炸雞更香口，食完一舊又一舊！！！ 
好好味！值得一試，而且份量好多，最啱一齊share食~藥膳羊肉鍋都嚟啦~好大陣藥材味！好大鍋！真係有好多餸，有娃娃菜、羊肉片、翡翠魚豆腐、貢丸、淮山、香菇、粟米、豆腐卜、金針菇、粉絲、鳴門卷、素鮑魚...娃娃菜吸曬湯底藥材味，好味！ 粟米清甜，香菇幾滑，粉絲份量都唔少~羊肉片份量都幾多，唔會好嚡，加埋醬汁，好惹味！
餐牌有介紹最好既調配醬汁比例：三匙豆瓣醬/沙茶醬+兩匙豉油+一匙蒜蓉~兩種醬都試左，個人比較鍾意沙茶醬多D，豆瓣醬就比較濃味

因為個鍋已有粉絲，所以轉左滷肉飯~  份量不少，五花腩肥瘦分明，好入味，好岩配飯~桂圓黑糖薑母茶(+加珍珠) 少少甜，好濃薑味，珍珠煙韌
飲到底發現入面真係放左好多桂圓，非常足料！值得一讚！ 整體來說，性價比高，食物質素不錯，食得好飽，鹽酥雞必食！！！

忙碌工作過後，今日終於可以同朋友一齊嚟食放題輕鬆下啦！！！ 今次嚟到呢間銅鑼灣嘅大喜屋，晚市早段已經甘多人啦    事不宜遲即刻攞menu，九秒九速度落咗第一輪單先再慢慢傾計~~~ 呢度選擇都好多，刺身壽司卷物小食炸物一品料理煮物甜品飲品等等...... 值得一讚！係呢度上菜速度真係比其他放題快好多！！！ 好快就黎左呢碟火炙壽司~~~ 上而下：炙燒芝士玉子、大喜黃金蟹棒燒、鰻魚壽司、海鹽燒左口魚邊壽司，燒三文魚腩壽司~ 大喜黃金蟹棒燒 咁多款火炙壽司入面最推介TOP1最好食嘅！！！ 蟹棒size好大，好鮮甜！加上面嘅芝士，令到成個壽司都好惹味！好好食！！！我地叫左幾次添！！！ 炙燒芝士玉子 第二款最推介嘅火炙壽司！ 玉子size都好大，再加上面嘅芝士，好惹味好好味！！ 左至右：吞拿魚沙律加州卷、牛油果軟殼蟹卷，鰻魚忌廉芝士卷 三款之中最好味係鰻魚忌廉芝士卷，鰻魚幾大塊，好味~~~ 燒溫室甜菠蘿 超推介！！！必食！！！菠蘿大大件又甜又好味！！！ 之後我地再嗌多左幾次都質素都係甘高，全部大大件又甜！！！ 各款炸物都到了，件件新鮮熱辣~~外皮好脆！ 芝士年糕入面好多芝士！芝士味好濃郁！芝士年糕煙煙韌韌！ 紫心香芋丸，炸吉列蠔，大大嚿，好味！ 我地又再嗌多左幾次大喜黃金蟹棒燒同埋海鹽燒左口魚邊壽司，因為真係太好味啦！！！HAHAHA!!! 最後每人可以揀一款雪糕或者雪條，我就揀咗Milk top海鹽味~ 好濃郁嘅牛奶味！雪糕好滑！！ 值得推介！！下次可以唔一定食Haagen Daz可以試下Milk top雪糕都好好味㗎！！ 整體而言，今次大滿足！呢間放題食物質素不錯，火炙壽司全部都值得推介！而且上菜速度非常快，價錢合理，值得再嚟食！！！~~~ 

又係時候朋友要回外國繼續進修了，返黎甘耐都未約到時間相聚，今日終於約到出黎食飯聚聚舊，緊係要搵間食物質素好坐得舒服坐得耐既cafe 啦！！ 今次搵到呢間係旺角既樓上cafe，見環境不錯，食物圖片吸引，就決定黎食喇！！！ lunchtime後段時間黎，入到去不太多人，全部都係sofa位，好闊落好舒服！   lunch time 有set，包$34飲品一杯，另可以+$30加配頭盤田園沙律+甜品cheese cake~~~
飲品包羅萬有，而且好有特色！post上FB, IG打卡以至養生健康都有！ 塔羅特飲最岩鍾意打卡既你！ 各款不同功效花茶最岩注重健康養生養顏既你！ menu仲有其他小食選擇添！
特級海鮮拼盤, 配茄醬沙律醬 每款炸物份量都係跟人數，好貼心！甘就唔驚人地食左自己冇得食喇~ haha~ 魚柳好大塊！薯條好脆！帶子都幾新鮮~
炸蟹鉗、炸蝦都幾大隻！好脆，外皮唔會好厚~ 特濃芝士薯角, 配茄醬 比想象中size大好多！！！仲有好多煙肉添！ 薯角外脆內軟，加埋濃濃芝士，更加惹味！！


花旗參蜜 真係成壺送黎！！！ 好靚呀！！！ 仲有蠟燭熱住，傾計傾耐D都唔怕D凍晒~ 飲落啖啖花旗參甘香味！食左甘多炸野下火最岩！

特濃朱古力芝士蛋糕 同花旗參蜜一齊放別有一番風味~
芝士蛋糕實身 朱古力同芝士味濃而不膩~
整體來說，食物質素高，份量多，坐得舒適，是適合朋友相聚傾計的餐廳~~~

平時lunch路過見到呢間餐廳都幾多人，今日lunchtime過後見冇咩人，而且有下午茶，就試下先！~ 店內不太多人，本身想坐卡位，但被店員叫坐二人座位…… 叫左個香茅豬扒金邊粉配熱華田~~~ 香芧豬扒金邊粉 香茅豬扒香茅味濃，外皮少少脆，唔會好韌，但豬扒比較薄。 金邊粉份量剛剛好，金邊粉偏煙靭，不會太淋，加上青檸及其他配料令整個金邊粉更惹味！！！ 餐具幾特別，但已佔據大半張二人枱... 如果真係兩個人一齊食，張枱會比較迫少少... 整體來說，食物質素不錯，下次可再試其他食物~

今日路過見到呢間門面平凡，估唔到原來內裡有回轉壽司！！ 見有下午茶，價錢相宜，今次就試下呢間先~~~ 入到去不太多人，坐落見回轉壽司款式不多，來來去去都係個幾款… 都係叫個拉麵+一份壽司啦~ 拉麵 先試湯底，冇咩豬骨味，食落似現成濃湯寶，不過呢個價錢唔好要求太多啦… 叉燒有5塊，炙過，味道香口，厚肉，幾好味！ 拉麵淋身。 但有個拉麵勁多芽菜…… 火炙三文魚壽司 有兩件，炙燒過所以幾香口~ 塊三文魚完全感受到師父薄切功力深厚！

整體而言，不過不失啦，呢個價錢唔好要求太多。

今日想食清清地，就決定食餃子啦！ Openrice發現呢間餃子店，未食過就試下呢間先~~~ 過左午飯時間黎，店內不太多人。粟米鮮豬肉餃幾特別，其他餃子店少見呢款餃，就試下先！！因為未食lunch, 所以叫埋上海麵啦~ 可能因為新鮮整，所以要等一段時間…… 終於黎喇 ~ 粟米鮮豬肉餃配上海麵
4隻餃，幾大隻，皮唔算好薄。
隻餃好多粟米，好清甜，但有點蓋過肉味，喜歡濃味的朋友呢款餃未必能滿足你~
上海麵遍淋，份量不太多，剛剛夠飽。
湯底就普通濃湯寶味…

整體而言，粟米鮮豬肉餃都不錯，幾清新，其他就普普通通啦~

見呢間店食評甘多笑臉，今次就黎試下先~ 一入到去，好彩唔洗等位，餐廳係長方形格局，坐位不多，店員好貼心，問之前有冇食過，我話冇，店員熱心解釋什麼是米苔目，米苔目是全港獨有的台式食品，全人手製作，外貌與銀針粉相似，店員接著推介米苔目招牌配搭: 鴨肉，豬潤及豬骨湯底~ 其他招牌菜有豬手飯，豬腳薑。 因為本身唔食豬潤，所以叫左米苔目配鴨肉，冬菇，配豬骨湯底~ 米苔目口感煙韌彈牙，相比銀針粉更煙韌！
鴨肉醃得好入味！！好濃鴨香，連湯底都變得好香鴨味，更蓋過豬骨味。果然係招牌菜！！！
冬菇好大個，好滑~

整體來說，食物質素不錯，店員熱情服務值得一讚！！！值得再次光顧！！

又係煩惱食咩好既時候，路過見到呢間米線唔太多人，而且自己都好耐冇食米線，店名都寫埋米線，米線應該有一定水準既，就決定去試下呢間先~

叫左個酸辣米線， BB辣，配雲吞，加凍好立克~ 酸辣湯底，酸味辣味一半半，呢個比例配合得幾好，令人增加食慾~~~
米線煙煙韌韌，幾滑，份量好多，好飽！！
雲吞係菜肉雲吞，都幾好味，不過得2隻，好似有少左DD……
凍好立克普普通通啦~

整體而言，湯底同米線不錯，米線份量多，以性價比來說都算係唔錯選擇~

今日興起想食日本菜，同朋友們行過見到呢間不太起眼既日本餐廳，就去試下先~

叫左日式餃子拉麵, 鰻魚粒滑蛋飯，日式三文魚炒飯配麵豉湯~

麵豉湯熱辣辣送到黎~
都幾多紫菜同豆腐，唔會太咸~

鰻魚粒滑蛋飯 滑蛋好滑~~~
雖然唔係原條鰻魚，但鰻魚粒份量都幾多~
配有紅蘿蔔，洋蔥等等，好健康~

日式三文魚炒飯 炒飯粒粒乾身，有少量炒蛋~
三文魚份量都唔少，唔算太乾。
呢個飯岩唔太鐘意食魚生既人~

日式餃子拉麵 先試湯底，唔太濃味，冇咩特別，港式豬骨湯味…
拉麵煙韌，合格水平~
但日式餃子放係湯，所以淋淋地… 
整體來說，飯比拉麵較為出色，係性價比高既家庭日式餐廳~