今日接朋友收工，佢話好想試呢間豬屋日本料理🥹既然同佢咁耐冇見，一於同佢一齊試呢間嘢啦！🤣估唔到幾有驚喜喎🫣 我哋7:15嚟到，見到好多人都等緊佢嘅外賣🫣，好好生意咁🤔而堂食嘅我哋等咗大概15分鐘左右就入得去Lu~ 一入去侍應就比咗杯暖笠笠嘅玄米茶我哋🍵 我哋order 咗 1️⃣沖繩便當💰98 2️⃣秋田便當💰94 兩款便當都係跟刺身三種 （三文魚2件🐟，帶子2件，有頭甜蝦1隻🦐）、咖哩飯🥘同味付螺肉 刺身幾厚身同大塊，三文魚油脂分布平均，味道鮮甜，口感滑嫩👍 咖哩飯係配日式咖哩醬，偏甜嘅味道，有粒粒薯仔同蘿蔔；味付螺肉肉質好彈牙，帶有蒜香同淡淡嘅甜辣，好惹味👍 沖繩便當另配有吉列千層芝心豬扒 🐖同汁燒金菇牛肉卷🥩個千層芝心豬扒勁高質，開頭見佢唔係拉絲有啲失望，但咬落個芝士味衝出嚟，好濃郁、好好食！芝士控嘅我表示大滿足😍金菇牛肉卷個燒汁好香，味道唔錯。 秋田便當另配有脆香吉列雞扒同汁煮豬軟骨。雞扒外層脆但薄、肉厚而嫩，帶有雞肉天然嘅味道，適合鐘意食食物原味道嘅朋友仔👍豬軟骨嘅肉好入味、燒到超級腍，軟骨好有咬口，每一口都充滿層次感。 呢餐食到我哋超級飽、超滿足！估唔到兩個人唔到$200就已經食到咁大份、咁多款日式美食，仲要唔洗加一，真係好佛心🥹兩個女仔食完真係飽到抱住個肚走🤣下次我哋要記得叫少飯🫢 #香港美食 #美食推薦 #美食日記 #大圍 #大圍美食推介#田心村美食推介 #日本🇯🇵#打卡 #打卡餐廳 #豬屋 #拉麵 #壽司#魚生#刺身 #sashimi #sushi #taiwai #new territories#hongkong#hongkongfood #Japanesefood #hongkongfoodie

今日喺油麻地上堂，天氣凍凍又落雨，經過見到呢間台灣嘢，就諗食個湯麵暖下個人都唔錯🤔，於是就入咗去～



餐廳播住之前啲台灣熱門歌，例如親愛的那不是愛情、帶我走同謝謝你的溫柔等等，喚起我昔日追台劇、台星回憶，feeling jeng 😆







QR code order 咗15分鐘嘢食就送到啦～





1️⃣J 綜合湯麵(牛筋、豬軟骨、滷蛋、肉燥) 💰65
有蕃茄🍅、大骨湯同麻辣湯🌶️選擇，今次我就揀咗蕃茄湯底。湯底味道酸酸甜甜、幾開胃👍，有啲細細粒、軟腍腍嘅蕃茄粒。我叫咗少麵，對我嚟講份量啱啱好，麵條採用上海白麵，麵條幾有咬口、煙煙韌韌👍有四舊牛筋、四舊豬軟骨、半粒滷蛋同少少肉燥。牛筋好腍、好入味👍滷蛋同肉燥就正常發揮🤔豬軟骨好乾、好輆澀澀，係個敗北位🫠





2️⃣台式奶茶（熱）$0
勁濃嘅奶精味，帶有淡淡嘅茶味，飲得出係用粉劑沖出嚟，跟餐唔使加錢，我覺得質素算係咁🤔



整體嚟講我覺得喺旺角一帶食午餐咁嘅價錢同質素都OK嘅，但係豬軟骨可以再改善吓就好啦🙌

McCafe ：厚椰奶鐵 💰9.9(試飲價）

由椰子糖漿、椰奶同espresso 組成，漸層幾靚，賣相唔錯🌟椰奶味幾濃，亦都飲咖啡嘅甘香，椰子同咖啡嘅味道都幾balanced 👍但糖漿落得太重手，真係勁甜，甜到覺得膩😅。作為一個飲珍珠奶茶從來都係全糖嘅人，冇諗過一杯咖啡會甜到自己afford 唔到😂，下次叫會叫少甜🤧～

$9.9 就飲到咁嘅質素、咁大杯嘅厚椰拿鐵我覺得都ok 嘅👍，只係甜度呢樣嘢真係要改善下😂😂

Omakase 店長推介 💰32（超大杯裝） 因為係即叫即開即制嘅鮮榨椰汁🥥，所以椰汁係自然嘅甜味，係偏淡嘅甜🤔，飲杯淨椰汁應該幾啱消暑解渴🌞有啖啖椰絲外，仲有各種口味嘅爆爆珠、珍珠、布丁、仙草同椰果等配料，份量非常多，配料好有咬口，布丁、仙果同椰果好滑順，大件夾抵食，推😻 如果想消暑解渴嘅，可淨叫椰子汁🤔 如果想邪惡之選，可自選配料/Omakase店長推介😈 #香港美食 #美食推薦 #美食日記 #粉嶺 #粉嶺美食推介#椰子 #椰汁控 #椰奶 #Mcdonald #椰子樂 # 板町椰汁#foodie #latte #coconut #coconutdrink #hongkongfood #hongkongfoodie #fanlingfood #hongkongfood #hongkongfoodie

同屋企人慶生想食返餐好，於是訂咗稻香嘅皇席宴～ 皇席宴 💰1,998 包括： 1️⃣上湯焗澳洲龍蝦伊麵足三斤 2️⃣翡翠花姿蚌仁 3️⃣凱撒胡麻百花球 4️⃣蠔皇鮑魚燴金錢 5️⃣滋潤鮑魚海中寶 6️⃣清蒸金花龍躉斑 7️⃣稻香燒鵝皇半隻 8️⃣濃湯杞子泡田園蔬 9️⃣合時荷葉飯 🔟嶺南美糕點 1️⃣上湯焗澳洲龍蝦伊麵足三斤、3️⃣凱撒胡麻百花球、5️⃣滋潤鮑魚海中寶、9️⃣合時荷葉飯同🔟嶺南美糕點都好好食😋其他表現正正常常😐，6️⃣清蒸金花龍躉斑同7️⃣稻香燒鵝皇半隻令人有啲失望，以下集中講解好食同令我有啲失望嘅菜式🤔 好食嘅👍： 1️⃣上湯焗澳洲龍蝦伊麵足三斤 伊麵完美吸收咗完美吸收上湯夠哂creamy，龍蝦大大隻、肉質鮮美，啖啖肉啖啖滿足😋 3️⃣凱撒胡麻百花球 百花球外層被杏仁包裹住，入面係蝦膠，肉質好彈牙，搭配甜酸醬，非常香口🤤雖然沙律只係簡簡單單生菜配麻醬，但都夠哂開胃😋可惜呢客菜式平日冇得單點，如果唔係我會狂嗌🤣 5️⃣滋潤鮑魚海中寶 湯料有鮑魚、雞腳、紅棗、瘦肉等等，個湯好鮮甜，瘦肉同雞腳燉得好軟嫩、鮑魚好彈牙。個湯好足料、好滋潤👍 9️⃣ 合時荷葉飯 糯米飯煙煙韌韌，配有香菇、蔥段、肉絲等，而且帶有淡淡嘅荷香（開頭見佢冇荷葉包住以為佢只係普通嘅糯米飯😂），味道有驚喜😍 🔟嶺南美糕點 即係奶黃馬拉卷～鬆軟嘅馬拉糕配上綿密嘅奶皇，唔會太甜😋 唔好食嘅👎： 6️⃣清蒸金花龍躉斑 份量雖大，但實在係overcooked ，肉質超級乾同韌🥲，乾同韌嘅程度實在太過分🤧 7️⃣稻香燒鵝皇半隻 燒鵝肉質好輆、冇脂肪，作為好鐘意食燒鵝嘅人，估唔到有一日會食得一兩舊就收手🫣 侍應好好服務，主動幫我哋影相，又唱生日歌🤣，又提議可以點樣安排令同行嘅小朋友坐得舒服啲同安全啲👍 Overall 我哋同行九個人食呢個餐都非常滿足，$200幾就食到咁多嘢其實好抵，服務態度都唔錯，但個龍躉同燒鵝真係過唔到關😐，希望下次食會有改善啦🤧 ———————————— #香港美食 #美食推薦 #美食日記 #稻香酒家 #香港好去處#香港美食推介#酒樓推介 #酒家推介 #美食推介#打卡#中餐 #飲茶文化 #喝菜 #廣東文化 #yumcha #cantoneserestaurant #hk #hongkong#hongkongfood#hongkongfoodie

Bakehouse 📍赤柱赤柱大街116號地舖/ 灣仔大王東街14號地舖/ 中環蘇豪士丹頓街5號嘉彩閣地舖/ 尖沙咀漢口道44號地舖 今日咁啱嚟到赤柱玩，發現原來bakehouse係呢度都有分店，唔洗排長龍就緊係要試下佢嘅招牌酸種蛋撻啦🤪 酸種蛋撻💰12 (每人限購6個） Size 係一口size 😂好細個。撻皮酥脆、好似牛角包咁一層一層，蛋漿帶有焦糖味，味道好似葡撻，的確幾好食嘅👍 不過推唔推薦大家/遊客專登去排隊食呢，我就有啲保留啦😂味道未去到驚為天人，就係好食嘅葡撻。遊客嚟香港想食港式風味嘅話，都係喺地區餅舖/茶餐廳買返個仲好，又平啲又大個啲🫣 #香港美食 #美食推薦 #美食日記 #窮遊 #香港美食推介 #bakehouse #蛋撻關注組 #蛋撻 #港式蛋撻 #葡撻 #人氣美食 #焦糖 #food #eggtart #pasteldenata #hongkongfood #hongkongfoodie #travel #traveltohk #hkbakery

滿屋定食 📍粉嶺聯和墟和泰街33號地舖 味道：😋😋😋😋😋😋😋😋😋 環境：🎑🎑🎑🎑🎑🎑🎑🎑🎑 服務：😏😏😏😏😏😏😏😏 再戰滿屋定食🔥今次試咁啲上次冇試過嘅嘢，睇下質素如何先🤔 我哋order咗 1️⃣A101 地道海南雞定食🐓 💰85 定食包括海南雞飯🍚，以及三個任選湯同配菜，今次我哋就揀咗味噌湯（類別A)、泰式雞座（類別B)同泰國炸蝦餅（類別C)。 首先品評海南雞飯‼️雞肉嫩滑夠juicy ，有一兩舊係帶骨嘅，有薑蒜醬汁同辣椒醬兩個汁配搭，醬汁嘅調味恰到好處，同海南雞好夾。薑黃飯粒粒分明、軟硬適中。醬汁、雞同飯都做得好好，值得推薦👍😆 味噌湯唔會太鹹，送飯啱啱好👍 泰式雞座有2件，外層好脆，入面有雞肉、蒜、薑、洋蔥、馬蹄、青豆等，夠哂足料，食落有淡淡魚露味🤤 泰國炸蝦餅炸皮薄薄地但好脆，裹面嘅蝦肉好綿密柔軟，好香口🤩 2️⃣串燒🍢 C263 燒豬柳串（2pcs） 💰26 3️⃣串燒🍢 C264 燒雞肉串（2pcs） 💰26 上次食完佢嘅燒牛肉串後念念不忘，今次試吓燒雞柳串同燒雞肉串先‼️碳燒味勁香，味道係偏甜辣，肉嫩夠Juicy，落咗孜然粉令到串燒好有風味，不得不讚嘆佢嘅串燒真係好出色‼️ 4️⃣ S215 小食拼盤B（北海道南瓜脆薯餅、唐揚炸雞、廣島炸蠔、和風蟹籽沙律）💰68 5️⃣S219 小食拼盤F（北海道牛乳炸脆奶、日式芝士魚肉卷、炸雞軟骨、和風蟹籽沙律） 💰68 冇諗過小食拼盤嘅份量咁多，而且好好食， CP值極高🥰 南瓜脆薯餅嘅南瓜甜甜地同馬鈴薯嘅淡雅完美融合，外脆內軟，簡直係啖啖嘅滿足😌 唐揚炸雞、炸雞軟骨同廣島炸蠔都炸得好香，調味啱啱好，特別係炸蠔非常之鮮甜😍 北海道牛乳炸脆奶甜而不膩、奶香四溢🤤 日式芝士魚肉卷嘅芝士唔係拉絲嗰種芝士，但奶香味好濃同魚肉好夾👍 和風蟹籽沙律有青瓜絲、蟹柳絲、沙律醬同蟹籽，味道好fresh、酸酸甜甜，夠晒開胃🤤 #香港美食 #美食推薦 #美食日記 #粉嶺 #聯和墟美食推介#粉嶺聯和墟美食推介 #美食推介#粉嶺聯和墟和泰街33地舖#打卡 #打卡餐廳 #上水 #粉嶺好去處 #泰國菜#滿屋定食#Full House#Luen wo Market#taifood#Fanlingfood #hongkongfood #hongkongfoodie

新膳川雲南米線 📍粉嶺百和路88號花都廣場地下82號舖 味道：😋😋😋😋😋😋😋😋😋 環境：🎑🎑🎑🎑🎑🎑 服務：😏😏😏😏😏😏😏😏😏 召喚川菜關注組/酸菜魚關注組/水煮牛肉關注組🔥講起川菜/酸菜魚/水煮牛肉，可能大家都係會選擇個幾間出名嘅連鎖餐廳🤔今次食嘅呢間小店嘢食大份抵食好味同服務態度都非常高質，大家又多間選擇啦！🔥 1️⃣🐟金湯酸菜魚飯 🌶️中辣💰68 味道四個字：酸爽開胃🤤個湯好夠酸、唔會死鹹，魚肉有成十幾片、超滑嫩、鮮甜無骨，芽菜、酸菜都係海量、好爽，好夠辣、花椒味好香😍 2️⃣🐮水煮牛飯 💰72 水煮牛肉份量同樣地份量超多🫣，辣味同麻味都好夠😋芽菜、青菜、雲耳同牛肉都好掛湯汁，每一口都充滿辣椒和花椒嘅麻辣風味，夠哂熱辣開胃🤤個湯冇咩油膩感，令我忍唔住一啖又一啖😍 3️⃣加配小食：麻辣豬肚絲 💰28 醬汁係偏甜辣，豬肚夠爽👍 4️⃣加配小食：涼拌溏心皮蛋💰22 入口就有濃濃嘅蛋香同微辣，口感滑嫩😍 老闆同侍應亦好好人，同周圍嘅客人閒話家常、會關心佢哋，人情味濃，好warm 🥰 題外話：隔籬枱客人直頭打包拎走佢哋食淨嘅酸菜魚湯，話因為實在太好味，老闆仲分享咗個湯落咗咩料比佢哋聽🤣 #香港美食 #美食推薦 #美食日記 #酸菜魚 #水煮牛肉 #香港美食推介#粉嶺美食推介 #平民美食推介#川菜餐廳 #四川菜餐廳 #水煮牛肉關注組 #酸菜魚關注組#粉嶺 #粉嶺好去處 #食在粉嶺 #午餐#fanling #northdistrict#sichuan food#sichuan#hongkong#hongkongfood #hongkongfoodie

Turning Point By Coffee Art (尖沙咀) 📍尖沙咀彌敦道132號美麗華廣場1期1樓113A&113B號舖/ 觀塘成業街7號東廣場地下G46-G48號舖/ 將軍澳寶琳運亨路1號新都城中心一期G樓G95-96, G113-114號舖 味道：😋😋😋😋😋😋😋 環境：🎑🎑🎑🎑🎑🎑🎑🎑 服務：😏😏😏😏😏😏😏😏 初八當日特意抓緊假期嘅尾巴，同朋友行完街街後，就嚟到美麗華呢間餐廳享受一個慢活嘅下就啦～ 環境好舒服，有藤椅座位、乾花、乾草同紙扇做裝飾，係打卡之選👍 1️⃣美國極黑和牛芝士漢堡🍔配薯條🍟 💰148 塊牛肉好厚、肉汁唔多、但唔會柴、帶有淡淡嘅牛味；面頭嘅荷包蛋🍳同漢堡牛肉好夾，而流心蛋黃令漢堡牛肉口感更加smooth ；片裝芝士呈融化狀態、奶香奶香味，配合埋生菜蕃茄成件事係濃而不膩🤤個漢堡唔係行重口味，而係有啲清新，啱啱好嘅味道😍 薯條🍟係偏粗身厚實、脆身嘅 沙律菜🥗配咗柚子汁，酸酸甜甜 呢個餐食完非常之飽足感😳 2️⃣海鹽比利時70%朱古力（無糖）(凍）💰46 就係飲緊無糖朱古力😂，好神奇地唔係勁苦、有少少嘅海鹽味，好好飲，下次會再叫🤤 #香港美食 #美食推薦 #美食日記 #coffee #咖啡 #香港美食推介#尖沙咀美食推介 #平民美食推介#意大利菜餐廳 #打卡餐廳 #意大利菜關注組 #咖啡關注組#尖沙咀 #尖沙咀好去處 #食在尖沙咀 #午餐#tst #Tsimshatsui#italian food#italyfood#hongkong#hongkongfood #hongkongfoodie

河內越式料理 📍旺角西洋菜南街204號地舖 味道：😋😋😋😋😋😋😋😋 環境：🎑🎑🎑🎑🎑🎑🎑🎑 服務：😏😏😏😏😏😏😏😏 河內越式料理設有大圍、尖沙咀、旺角等多間分店，今次試咗佢嘅旺角分店，估唔到食物大件夾抵食，CP 值幾高喎😍 我哋order 咗 1️⃣順化蕃茄蟹肉扎肉湯檬🍜💰66 湯底濃稠，既有蕃茄嘅酸酸甜甜、又帶有香料嘅清新，非常開胃😋一碗有三塊大大塊嘅扎肉，仲有絲絲嘅蟹肉🦀，扎肉肉質彈牙、蟹肉勁多同好好鮮甜，正啊！ 2️⃣越式豬頸肉撈檬🍜💰62 豬頸肉肥瘦相間、鮮嫩多汁，麵條彈牙掛汁，撈檬酸酸甜甜，非常清新開胃，夏天食一流！😌 3️⃣越式炸春卷（2件）💰22 四個字：皮脆餡靚！餡料有蘿蔔絲、豬肉、粉絲同木耳等，非常足料，配合埋酸酸甜甜嘅辣好惹味😍 4️⃣凍越南滴漏咖啡☕️💰18 上層係咖啡、下層係煉奶，餐廳會提供一枝匙羹比你撈勻。估唔到撈勻後仍然keep 到醇厚嘅咖啡香、煉奶又唔會太甜、死甜，大推👍 5️⃣鮮芒果西米露💰10 食得出芒果好新鮮，唔係罐頭生果/用糖水浸住個種，椰香味濃，消暑解渴之選😆 另外雖然餐廳客人好多、外面都好多人排隊，但店員好有禮貌同耐性👍👍 #香港美食 #美食推薦 #美食日記 #越南菜 #香港美食推介#旺角美食推介 #越南嘢推介#越南餐廳 #平民餐廳 #打卡餐廳 #河內越式料理 #越南餐廳關注組 #越菜 #河內#旺角好去處 #太子好去處 #食在旺角 #食在太子 #是靚午 #mongkok #mk #princeedward #kowloon #hongkong#hongkongfood #vietnamfood #hongkongfoodie