黎到銅鑼灣呢頭，我地幾個人行到攰，又諗唔到食咩，最後就黎左打邊爐!
呢間名叫麻神的火鍋店，之前未黎過，不過朋友話食過唔錯，咁就帶埋我地黎食!
我地幾個人食量都麻麻，所以都唔敢叫餐，最後散叫，呢度食物都幾多款，仲有d平時好少見到gei! 話麻辣湯底好正，不過又驚太辣所以叫左個鴛鴦鍋，估唔到咁樣食落又幾好，可以試兩邊唔同gei味，原來湯底唔同，食落個分別都幾大。 我地叫左韭菜餃、炸魚皮、菜、魚皮餃、響鈴、油條、牛同叫左碟鹵水鵝腎，份量適中，我地食完岩岩好，都OK唔會太飽。 個鹵水鵝腎食落唔錯，幾入味，而且好有口感，沾上汁食，口感層次更豐富。 牛方面，肉質鮮嫩，食落有口感，同麻辣湯底一齊食更滋味，麻味濃又香! 炸魚皮係我打邊爐的最愛，浸浸即食，又脆又可以帶點麻辣味，係超過癮~ 個油條都幾特別，平時都係食響鈴多，呢個浸一浸即食，非常索汁，好鬼正!

較早前同朋友試炑八午餐，我們一共點了兩個餐，先有前菜同湯，再來大大份主食，最後再加個韓式冰沬甜品，好滿足。 主食1~ 烤五花腩流心蛋飯 五花腩肉份量多，將流心蛋同生菜絲拌勻一齊食，口感一流，大大減低了五花腩的肥膩感，下次可以再encore。 主食2~ 鐵板LA骨牛油拌飯 LA骨肉質算嫩，拌飯帶有勁香牛油味，因鐵板夠熱好易有飯蕉，如不想吃過硬飯蕉，記得耐唔耐就攪拌一下。 韓式甜品~ Oreo朱古力迷你冰沬 & 綠茶紅豆迷你冰沬，兩款冰都鋪上大量粉沬，朱古力同綠茶粉都夠濃味，配上軟綿綿冰好好味。

云云海鮮之中，魚蝦蟹甚乎肯定係大家至愛嘅Top 3，唔同國家嘅廚師都會用唔同配料、調味料同炮製手法，今晚有幸食到泰式製法，等我同大家分享下啦！

~泰式生蝦~

次次食泰國菜甚乎第一道黎嘅都係呢度菜，非常適合作為頭盤，開胃都無朋友，好鍾意生蝦嘅口感同醬汁，大大隻啖啖肉又爽口，好易就食完一碟，基本上一人一碟都無問題。~自家製辣酒蒜蓉蝦~

蝦肉同樣鮮美彈牙，蒜蓉甘口焦香，加埋辣味同酒味，是屬於重口味的料理，跟剛才咁清新嘅生蝦又完完全全係另一個體驗，但都係啖啖肉、好好食。~古法辣蟹~

原隻辣蟹賣相已經夠吸引，加埋D泰國豆豉、蒜頭、薑同辣椒炒香，真係食到手指都啜埋，蟹肉大大件又juicy。~爆炸軟殻蟹~

炸到金黃色嘅軟殼蟹好酥脆，大量香蒜堆砌住，幸福感爆棚！甜辣感重，唔會過份油膩熱氣，爆炸口感承托出螃蟹本身嘅甜美。~鹽燒馬友~

原條鮮魚燒出奇地比蒸更滑，魚肉本身帶少少海水嘅咸味，配搭自家制嘅泰式辣汁就更能突顯鮮美。

近年韓國已經成為好多人外遊嘅熱店，而小女子亦喺短短幾年間成為咗一個超級哈韓族，鍾意去韓國旅行、買韓國衫、追韓星、化韓妝、食韓菜，真係完全中晒韓毒！！！呢排上網search知道佢地果邊興食一種新款炸雞，就係章魚加炸雞，聽落呢個海陸組合幾有創意，一心以為要下次去韓國先有得試，不過深知香港人出名夠快，我落去尖沙咀韓國街走一轉，果然發現已有餐廳引入，yeah，唔洗飛韓國都食到，開心死！同朋友嚟到店外等入座，都有啲人排緊隊，睇嚟香港人都真係好踴躍於試新嘢，所以都多人等位。入到去鋪面設計簡潔舒服，走時尚韓風。一坐低即二話不說柯打左份章魚炸雞，上枱時大大隻章魚攤喺你面前已經覺得好興奮，伴埋少少菜沙律可以減下油膩、清清腸胃。章魚超級Q彈唔難咬，雞同章魚都好入味，雞肉炸得好香，肉質亦好嫩。

雖然章魚同炸雞完全唔同口感，但估唔到擺埋一齊入幾有化學作用喎！

好少食到以蝦做主角既拉麵，呢碗有好多蝦米仔嘅富山蝦白鹽蝦拉麵(85元)湯底屬於清澈型，清爽不油膩，味道簡單、質樸、鮮美，除左半熟蛋、紫菜、玉米、叉燒、蔥花等經典配菜之外，最特別就係加入一種特別嘅蝦米：日本富山灣嘅白蝦，入口鹹鮮味十足，有淡淡嘅蝦香，叉燒夠淋同幾大塊，粗直身拉麵煙韌彈牙，掛湯力強，紫菜同拉麵碗邊都有加菲貓嘜頭，食到尾碗底都有佢個萌樣，可愛死呢~

“韓飯”的意思, 當然唔係講緊韓國人食的飯，而是喜歡韓國明星、韓國音、韓劇的人的概括說法，無論你係哪個韓星的FANS，都可以被統稱為韓飯。我和另一半就是如假包換的忠心韓飯，追隨韓國一切文化潮流，所以到不同餐廳食韓菜也自然成了我們拍拖的指定節目！
追月夜來到炑八韓烤，一坐低不久，店員已經火速幫我們放爐邊泡菜蛋和芝士粟米，滿滿放滿兩條爐邊令人食指大動，還附上幾碟涼菜，有胡麻沙律、泡菜、青瓜、大豆芽及醃蘿蔔，未點菜已有這麼多前菜食，令人留下美好印象，對正餐更為期盼！我們選了一個韓式牛肉大八爪魚套餐，約500元，價錢算中等，食物包括大蝦、芝士生蠔、大八爪魚、春川雞、多春魚、牛小排、牛肋肉及泡菜冰麵，實在非常非常豐富和多元化，喜歡海鮮的我、喜歡牛肉的另一半都能滿足得到！大八爪魚是令我們印象最深刻的，因為這可算是這個套餐的重點之一，如果質素不理想，就會令人很失望了！幸好……可能是燒的時間拿捏得好，所以咬下去是爽口的，不會覺得很韌很難吞，另一半細心的將它剪成細細件方便的食，味道很入味，我們都不用點什麼醬汁，而其份量亦相當多，兩個人各自都可以吃到很多件。另一比較特別的是芝士生蠔，用錫紙小盆盛載著滿滿的芝士和肥美的生蠔，這種做法令生蠔食下去倍感新鮮和滋味，建議不要把生蠔煮得過熟，其實半生熟是最味美的，當然大前題是你的腸胃受得了生蠔吧！常言道，吃正餐和吃甜品是兩個胃，所以儘管那個套餐而令人飽得半死，但就是因為太飽，所以反而想吃點甜品清清口腔和腸胃。之前到過沖繩旅行，對當地盛產的紫薯印象很好，所以就選了這個紫薯冰沫。紫薯的甜很天然，冰沫細密，完完全全能消除燒烤食品的油膩感，怪不得見到很多食客在飯後都來碗冰沫，其份量之大我們兩個人也無法吃清光！