老婆早排唔舒服, 難得好返晒當然要同佢出去食下好野
見到呢間係CWB既日本餐廳都幾高人氣, 就帶佢黎食呢度既環境好日系, 仲咁岩可以安排到我地坐禢禢米, 成件事即刻靚晒! 點左杯好精緻既Bubble Ice Tea, 打卡真係唔錯, 因為上面會吹左個泡泡係上面, 飲落係杯冇酒精既荔枝果汁, 岩晒我地滴酒不沾既人三瀨雞全奕一夜干係有啲質素既小食, 因為一夜干關係食落比一般既雞翼黎得更軟似, 同時又唔會乾到嘜咁, 外層乾身keep到juicy感, 幾好幾好雞腎串燒口感唔錯, 燒既火喉剛剛好, 而且個味道好香濃
月見免治三瀨雞肉棒比想像中既size細, 但落加埋個蛋汁更好食!黎到戲肉既棉花糖A4宮崎和牛壽喜燒, 可能因為上面加左棉花糖關係, 食起上黎個壽喜燒湯比平時既甜... A4宮崎和牛每人兩塊, 份量唔算好多不過右埋其他野食都夠食, 宮崎和牛脂肪比例剛好唔會太肥太瘦, 食起上黎肉香帶啲油份如果唔中意既就可以加埋蛋食, 不過我係食肉獸兩塊咁正咁膩既肉又點會難得到我, 一下子就比我消化晒啦同埋鍋物入面都幾多蔬菜, 豆腐係最正既因為好香豆味, 而菜同菇吸收左湯底好甜好濃因為開頭見到驚唔夠食所以叫多份一瀧唐場三瀨雞, 黑色既外貌有啲唔討好, 不過食落冇呢個感覺, 食落有少少脆身但又唔係好炸物既感覺, 中間既特製醬汁同雞件都幾搭, 面對見到好多枱都有叫呢個唐場三瀨雞, 證明有質素保證啦~

食到咁上下其實老婆都好飽, 可能本身我地食野唔算多, 呢餐食左around $9xx, 感覺又唔係好貴, 最重要係好味道

聽朋友講宜到有間omakase, 今日係附近就特登過黎試下
入到黎空間感十分足夠, 而且木色為主既裝修令人覺得好舒服, 牆上面既大電視仲會不停顯示日本唔同時間唔同氣侯唔同季節既照片,  可以食緊野既時候, 同時欣賞及令到你好似可以置身係日本食野咁, 好正
叫左個中間價位既set, 一上黎既前菜係白子蒸蛋, 蒸蛋入口十分順滑, 特別要講下係個白子, 白子其實係魚類睪丸, 聽落好似好核突, 但其實食落係好好味而已味道十分香濃之後係海膽白子伴安康魚肝, 海膽同白子都好新鮮, 好甜而且無異味, 安康魚肝份量岩岩好, 唔會令到你覺得食完好膩, 仲有特別想講既係隻碟, 原來係老闆係有田(一個出名係出產燒白瓷既既方)買返黎, 滿足倒味覺之餘, 視覺都一樣可以兼顧埋 之後就係主菜刺身 分別係劍魚腩, 春魚, 鰤魚, 拖羅
首色係刺身全部食落去都好好好新鮮, 白肉魚有淡淡既魚味而且有口感但又唔會咬唔倒 一邊食野一邊同師傅吹水, 原來拖羅有筋先叫做好野, 入口滿滿既油脂, 入口溶完之後, 魚筋留係口到慢慢咬, 愈咬D鮮味慢慢出黎, 真係要值得一試
再黎一碗蜆湯暖下同浪下口, 蜆肉大大粒, 甜得黎又無沙跟住就係壽司
分別係白蝦, 赤活貝, 𩶘魚, 左口魚, 池魚同海膽壽司 都係果句, 全部野都食得出係好新鮮, 白蝦赤活貝食落好甜, 左口魚有滿滿既油脂感, 海膽就好鮮味最後就係熟食油甘魚鮫, 一上碟真係勁香, 食落去肉實在得黎會有少少既醬香味, 好食到D骨都可以lun埋呀 淨低就係甜品, 分別係蜜瓜, 朱古力卷同雲vanilla酒味雪糕 蜜瓜食得好甜好甜, 朱古力卷都唔錯, 但個酒味雪糕就真係正, 有vanilla既香味又有淡淡既酒味, 好想encore, 但真係太飽, 唯有留返下次再試!

為左慶祝轉新工,突登揀左間係灣仔新開既omakase, 試個個荷包夠唔夠硬淨一黎到即上既就係手磨新鮮既rasabi, 香得黎唔會好飲平時食開果啲咁攻鼻, 最推介係個牛蒡, 我已經食左好多好多次, 而廚師又幫我refill左好多好多次, 哈哈之後個次序就係先刺身後壽司, 一黎就係依佐目, 白魚通常有感覺而淡味啲, 不過加左海鹽, 吊返起啲魚味再黎就係仙鳳子, 姐係平時食開既生蠔, 唔同既係蠔味係十分之濃郁, 就算吞左落肚個口腔仲係有一股好強烈既鮮甜蠔味三文魚口感軟滑, 同平時果啲有唔同既係廚師預先處理過, 魚味提升左唔少跟住係平治魚同凹貝, 特別要講下個貝, 口感十分之彈牙, 而已好有鮮甜味, 大推之後係店舖既一大特色, 帆立貝天婦羅海膽卷, 海膽係十分之鮮甜, 加上輕輕炸過既帆立貝, 令到食落去有些少咬口, 而又唔會影響倒成個菜式既味道之後又係一個本人好鐘意既毛蟹, 之前係韓國日本已經係咁食, 廚師預先將蟹肉拆出黎, 再加上少少調味然後再加埋啲蟹膏, 超級好食宜個真係全晚最邪惡之一, 魚子醬加安康魚肝, caviar食落有些少咸香海水味, 加埋安康魚肝獨有既甘香同軟滑口感, 相映成趣, 好特別既一個菜式之後係邪惡物之二, 油脂滿滿既拖羅, 廚師將拖羅輕輕燒一燒, 令到口感係咁油膩, 食落口有半即溶感覺, 一個字, 正海鮮類點可以無蝦呢, 宜隻白蝦肉質實淨, 口感好彈牙, 比起平時食得好食得多一見倒盒海膽刺身, 即刻同廚師傾下計, 原來店鋪係每日將新鮮競投返黎既海膽比客人食用, 大家可以留意一下盒上面既數字係幾多, 代表盒海膽係果日既第幾位, 話唔定有機會食倒個海膽No.1宜個湯真係唔講得笑, 魚味係超濃同超鮮甜, 偷聽倒老闆係每日都用唔同既魚煲左成日熬製而成, 真係好飲過我阿媽煲果啲最後甜品係芝士豆腐加個蜜瓜, 芝士味唔算好濃, 輕輕帶出左豆味, 重點係個蜜瓜真係好甜好甜, 值得一試

旺角又有間新放題啦！呢度空間感好大，幾舒服，同朋友黎試下先 熟食，自製格仔餅，以及蔬菜雪櫃等通通都有，飲品都有好多款，總有一款啱大家開爐之後職員會送大家刺身一下，竟然有我最鍾意食嘅希靈魚子刺身！🥰🥰🥰口感爽爽好味道 湯底叫左雞+蜆湯底，有點鮮甜味，入喉味道好舒服 我唔客氣啦！ 牛肉方面每款都食過，佢呢度嘅牛肉片有好多款，每款嘅脂肪比例都不一，我幾鍾意牛肉色澤均勻，而且幾新鮮 蔬菜架都有好多款產品，我自己就攞咗蔬菜腩，每款蔬菜都有少少，蔬菜好新鮮嫁，勁乾淨 估唔到呢度有我最鍾意食嘅龍蝦沙律丸😍我encore左6，7粒😝😝😝 呢度仲有好幾款魚滑，食落幾彈牙 放題就係會食勁多野，今日食左好多野落肚~YUMMY

宜家多左係屋企食野, 餐廳都多左好多外賣既正正套餐
今日同女朋友食左個個人覺得好抵既串燒套餐一定要介紹比大家🤤

串燒, 海鮮咩都有, d蝦仲要好新鮮, 到燒果刻都仲郁, 呢個套餐真係好抵
其實一睇就知2個人食唔晒, 所以留返個飯聽日食
個咖哩飯份量都幾多第2日帶飯返公司食, 味道好濃都OK嫁👌🏻


串燒, 海鮮真係呢個餐既主打
因應係串燒所以都有提供唔同既醬料比大家沾
沙嗲醬沾肉真係幾好食!

另外有個生蝦既汁同麻辣就比較少沾, 自己都係覺得串燒一定要沾返沙嗲醬

全消本身諗住用氣炸鍋處理，不過因為份量都比較多，而且我嘅氣炸鍋唔算好大，所以最後咪都係直接用爐燒😂😂😂


呢個蠔一定要處理先可以食，焗蠔喺香港真係好少食到，味道新鮮而且好有蠔味🤤而且仲要隻隻都好香

所有嘅海鮮都好新鮮，蝦扎扎跳，燒蝦所以燒出嚟特別香同彈牙，就算唔使點醬汁都已經好夠味


蜆完全冇沙！鮮味十足


我套餐入邊有串燒牛肉，串燒雞肉，同串燒豬肉，我最鍾意食既係串燒雞肉，再沾上餐廳為我哋準備嘅沙嗲醬，惹味十足


金菇肥牛，不過呢串金菇肥牛好細🤣

分量絕對over兩人份量，估唔到就算留喺屋企都可以食到咁新鮮同好食嘅晚餐☺️☺️☺️ 留待遲吓再去堂食先～

係IG打長沙灣Cafe就搵咗呢間 朋友住喺呢邊，所以今日過咗嚟 不過Menu唔同左冇咗我想食嘅龍蝦意粉 最後揀咗香蒜欖油大蝦豬肉腸意大利麵 午餐另外可以加小食/餐湯+蒜蓉包 加咗雞翼小食 雞翼都算惹味，而且熱辣辣 意大利麵份量都幾多， 彈牙唔會好林 唔會過咸/太淡，整體都ok 裝修設計簡約，感覺都幾舒服 打卡位一定要介紹門口呢一度，有日光嘅時候影相更加靚！大家唔好走住呀！ 因為樓上都有一個打卡位置，同樓下嘅千秋胃有啲唔同，喺度影相真係有種去咗旅行嘅感覺

鍾意黑松露既我最中意試新野, 呢款黑松露薯片又偷走左我心, 開左佢之後就食唔停口, 真係邪惡到不得之了
為左試下佢地兩款不同之處, 一次過試晒佢地, 一打開原味包裝, 男朋友已經話好大聞煤氣味 XD
Aroma既黑松露薯片比較其他牌子味道更濃更香, 食落唔會覺得係過份味精同咸, 味道剛剛好~
上網一睇之下先發現原來黑松露來自意大利Spoleto農場, 加工保鮮再空運至新加坡烹製
除左呢款煤氣味之外, 另一款帶有甜度既係蜜糖芥末口味~ 一開始食到香濃既黑松露味之外, 會食到陣陣蜜糖芥末甜香味
覺得單食原味會較為單獨既可以試下呢款多層次既蜜糖芥末味, 食起上黎好惹味, 會忍唔住一塊接一塊食
最岩就係屋企既時候睇片食薯片, 邪惡首選!    

今晚唔想煮,所以出左黎食飯, 點知原來食飯中間掛左黑雨, 都唔係話唔黑仔, 好彩既係今次宜間餐廳無令我失望
其實餐廳就主打日本野同燒肉,因為唔想食太飽就揀左前者. 睇完menu揀左4樣野咁豪華既三文治一睇就覺得好吸引, 一黎到緊係相機食先啦, 食落口多士口感好脆, 而再咬落去牛肉肉汁同油脂就出哂黎, 多士又吸返汁同油, 唔會太油膩而多士吸完味道反而更加正! 牛舌飯係第二推介, 牛舌多到你唔信, 而且燒到好香口, 食完飯仲淨左幾舊可以慢慢食, Like! 再黎就係海鮮串燒拼盤, 最最最推介你兩款燒魚, 完全唔會overcook, 啖啖肉. 蠔既味道太重就唔係好岩我, 但鐘意食蠔既朋友不坊一試 最後就係主角壽司拼拼啦!, 未上相機已經準備等食,相機食完就到我食. 望落去真係超級靚, 睇倒都覺得味道唔會差, 食材真係好新鮮, 唔會好像出面有啲鋪頭係梅既口感, 而已鮮咪十足!

重點大推 帶子壽司, 真係甜到不得了!! 味道對得住價錢, 唔怪得黑雨都咁多人排隊幫襯, 大家仲唔快啲去試下XD

今日突然想打邊爐,諗起朋友推介既宜間,所以突登過黎會一會 一到門口,大紅圈成為特色,唔會搵唔倒,更加唔會認錯!店面裝修好新而且好有氣派! 揀左好耐都唔知食咩湯底,見倒有個豬肚雞就一於試下. 一黎到已經聞倒好濃既胡椒味,用料十足!平時出面宜啲湯底既料都好鞋口,但宜到既唔會鞋不突止,仲十分軟滑,除左火鍋料,宜個湯底既料都可以慢慢食! 飲完個頭淡湯就叫左啲火鍋料,牛肉,脆肉鯇,鵝腸,桂花蚌,竹笙係必點,另外都可以試下店家自打既不同丸類. 牛肉唔單止睇落好靚,食落好有牛肉之餘,口感好滑,完全唔會老 桂花蚌味道十分十分新鮮,口感都好爽口 脆肉鯇真係夠哂脆, 唔似平時出面果啲普通貨, 又唔會有泥味,值得一試! 自家制既丸有唔同口味,味道有特色之餘又有咬口,食得出係用料新鮮同真係手打 食到咁上下, 落返幾條竹笙, 吸哂湯底精華, 一個字 正!!

雖然疫情無變得更加嚴峻,但係街上面嘅人都明顯少咗,但咁都無阻我外出食飯既沖動!所以今次特登嚟咗尖沙咀食呢間炎丸水產
有名得你叫入得來水產店梗係食海鮮啦!所以一嚟淨係叫咗個沙律.沙律比想像中大份好多,而且用料食落都十分新鮮,而且另外再加左可可脆片,新鮮之餘又有脆口感覺! 之後再叫咗一個刺身,刺身十分新鮮,而且仲係厚切,必食之選!油甘魚食落甘香又有口感,三文魚食落都好肥美,而帶子食落口感就十分鮮甜!最重要係半碟嗰啲海草,係我最鍾意食嘅嘢! 嚟緊就係重點啦!叫咗啲蜆同鮑魚,店員會負責幫人客去燒啲野食,所以唔洗擔心啲野會唔熟或者燒得唔好食! 店員燒左陣啲蜆就可以食,一食落先係滿口既海鮮味,然後就係蜆類獨有既清甜味,食完一隻又一隻! 過多一陣鮑魚都燒好,鮑魚由生燒到熟都係一陣既事,食落口味超級好,有口感之餘唔會係特別咬唔開,軟硬適中,必食之選again!