呢一間位於天后的隱世蠔吧西餐廳《SOOO Oyster Grill & Pasta》，鄰近北角東岸公園。前陣了去了海岸公園睇日落，玩完之後經過這一間餐廳，有生蠔食又有紅白酒飲，即管去嘆返一下。 餐廳提供了各款款新鮮到港的生蠔，價錢大約五十幾蚊隻。 質素非常高， 絕對對得起價錢。皆因呢度有一個專門放生蠔的雪櫃， 衛生同溫度都控制得相當好， 生蠔的品質就絕對有保證。 點了兩款生蠔配襯白酒， 有來自《愛爾蘭的Irish WBS (Woodstown Bay Shell)》， 生蠔來自呢一個海洋保育區，水質絕對無污染。 生蠔肉清甜爽脆，咬落乾淨利落， 帶一點海洋的氣息，配襯白酒相當一流。 第二款的3號就是來自《法國其中一款最出名的Gillardeau》，Gillardeau帶子位置鮮甜、厚肉。 蠔味亦較為濃郁，不會太鹹，但有豐富嘅礦物味， 餘韻十足。Aftertaste 非常強勁， 果然名不虛傳。 《 香煎法國鴨肝》 一上枱一定會被擺盤吸引， 這裏食物的擺盤佈置相當講究，儼如酒店出品一樣高質素。 鴨肝煎得非常之香脆， 金黃色的外層帶一點焦糖化的效果， 內裏非常嫩滑綿密，沾點少許黑醋醬汁， 帶出鴨肝的騷香， 同時亦能解膩， 一舉兩得。 配襯 醃製過的漬蘋果，令層次進一步提升，十分之高質素， 令人回味無窮。 第二度前菜《So Crispy Roll》 是一款意大利酥皮卷，裏面用上了各款新鮮的雜菌以及黑松露，香氣十足。 酥皮卷不枉真名， 外層酥脆得令人讚嘆， 而且每層酥皮有餘紙一般薄， 口感輕盈， 絕對不會有膩的感覺， 反而濃郁的黑松露香氣， 會令人按耐不住想追吃。 《 炭燒美國安格斯頂級牛柳。配時令蔬菜》 這一道主菜非常之高質素， 牛柳有著炭燒的痕跡，牛柳肉質相對嫩滑， medium rare的熟度掌握得非常之好， 一切開鎖住肉汁。Angus Beef 最出名的當然就是那份濃郁的牛味， 雖然牛柳脂肪比例不算多，但牛香和炭香仍然令人回味。 《Santa Alicia Reserva Cabernet Sauvignon》，食牛扒又點少得紅酒，呢隻嚟自智利愛麗絲莊園，以 12 個月橡木桶陳存嘅紅酒，酒體係鮮豔嘅櫻桃紅色，飲落帶有少許嘅無花果同梨嘅香氣，並帶有肉桂、丁香同香草等香料嘅味道，酸度平衡，餘韻悠長。 最後是一份完美，令人滿足的甜品《Semifreddo》， 這個甜品是來自意大利， 和雪糕相似的甜品。 吃起來帶點冰冰的， 吃出濃郁的奶香和忌廉味， 口感非常細滑， 還能吃出一點果仁香氣， 非常之特別。 意想不到這間毫不起眼的西餐廳，竟然能夠出品如此高質素的菜式，生蠔新鮮，食物味道或者擺盤都非常之出色，希望小店能夠在這市道下堅強撐下去， 為喜歡美食的人帶來更多高質選擇。

「 男人唔滾女人唔愛？」 「 唔滾唔知身體好？」 邊個話「滾」一定要係衰嘢？ 位於《登龍街金朝陽中心二期》的火鍋餐廳【去滾】 無論是一家大細，抑或同朋友、至親一齊去 都同樣適合 這家火鍋餐廳的裝修非常之潮 用了LED霓虹光管的裝飾 朝氣十足 打卡一流 湯底方面有多款選擇 每款用料都十足 今次選擇了鮮甜有益 而且夠曬滋潤的【原個椰子雞湯】 湯底本身包含了半隻雞雞件 而且原個椰青即叫即開 在客人面前將椰青水和椰子肉倒入濃湯之中 確保每一啖湯都是用料十足 之後放入雞件 大滾一下之後 就成了一碗熱辣辣暖笠笠 而且滋陰養顏的椰子雞老火湯 湯底入面除了雞塊之外仲有大量竹笙 湯頭滋潤 椰青清熱 雞件嫩滑 在打邊爐之前一定要嘆返一碗湯 另外呢度必點的項目一定是這個【金甲脆魚皮】 一傳來已經聞到陣陣香氣 黃金炸魚皮熱辣辣 特製調配的鹹蛋黃醬包裹著現炸的魚皮 咬落香脆亦唔容易散開 味道比起平時食的更加惹味香口 令人一試難忘 【 頂級靚肥牛(細)】 雪花均勻 牛味相當之突出 輕輕一灼達至五成熟 趁住仲帶點粉嫩嘅時候食 口感最為軟滑細緻 肥牛入口即溶 油份香濃 而且不失牛味 質素相當好 另外仲有很多其他種類的牛類選擇 如【 安格斯牛柳粒】 另外蔬菜類竟然有平時甚少見到的【冰菜】 冰菜外貌相當特別 外面就好像包裹著一層晶瑩剔透的露水 冰菜最佳食法是不要灼得太耐 以保持口感鮮嫰爽脆 查閱資料才知道原來冰菜的營養價值很高 大家不妨把握機會多吃哦 最後最後甜品一定要是這個【 繽紛鮮果涼粉鍋】 份量相當大 足以幾個人一同分享 這個甜品賣相特別 傳來的時候呈現煙霧瀰漫 熱騰騰的感覺 裏面包含了西瓜、蜜瓜、芒果等新鮮水果 除個人喜好加入大大粒的紅豆蓉 非常美味及滿足 這一家《去滾》地點方便不用講 最重要的是提供到一個舒適的環境給一眾朋友暢談和打卡 食物質素又好 整體相當滿意

要在繁華鬧市找到一間可以望到香港夜景 亦要坐得舒舒服可以打邊爐的餐廳 其中一間可以介紹的就是位於銅鑼灣登龍街《V Point》27樓的【醉鍋】 餐廳的裝修時尚得來亦滲出一絲絲中國風 既然叫得【醉鍋】 在打邊爐湯底方面 當然亦有「醉」的成分啦 這款【五色湯底：醉火入鍋】一睇就知吸引 中間的是［醉蝦木瓜鍋］ 倒入玫瑰露酒再點火 令酒精蒸發 簡單加入清湯 翻滾後可以品嚐到木瓜的清甜和中國酒的酒香 醉蝦新鮮 蝦肉爽甜 喜歡醉香的朋友 千萬不能錯過 ［四川麻辣鍋］用料豐富 裏面有多款的材料 芽菜 木耳 豆卜等 夠麻亦夠香 辣到適中 非常惹味 ［清湯蘿蔔牛腩鍋］ 那有點點白胡椒香氣 無論是蘿蔔的和牛腩都同樣好吃 烏黑色的是［馬來肉骨茶鍋］ 肉骨茶帶有藥材香氣 裏面更加有豬腳 炆軟之後相當好吃 補身暖胃 用來打邊爐驚喜十足 最後的［蕃茄波士頓龍蝦鍋］ 有半隻龍蝦 湯底味道清甜 亦有龍蝦的鮮味 小朋友應該最喜歡 五款邊爐湯底都各有特色和驚喜 ［頂級安格斯牛小排］ 肥瘦均勻 雪花平均 安格斯牛牛味濃郁 肉質軟滑  無論配以哪一個湯底都同樣美味 ［三色鮮製生麵］ 爽口彈牙 黑、紅、綠 應該是墨汁、紅蘿蔔和菠菜吧 我最喜歡就是紅色的生麵配蕃茄龍蝦湯底 味道鮮甜 而且健康 ［黑松露蝦蟹餃］ 餡料豐富 食出黑松露的香氣 ［手打芝士蝦丸］ 蝦味十足 裏面包裹住流心的芝士 肉質爽口彈牙 ［雜菌拼盤］ 有齊金菇 鮮冬菇 和壽喜菇 非常索湯 好吃 另外打邊爐上火亦叫了［紫貝天葵］飲品 清熱下火 酸酸甜甜 非常醒胃 整體而言 論環境和食物質素 這間火鍋餐廳都相當高 尤其喜歡特色【醉火入鍋】湯底 的確令人回味

天寒地凍，最好就係食d點暖笠笠的食物，而日式火鍋同燒肉就最能滿足到這兩個要求。 今次就到了銅鑼灣利舞臺廣場搵食， 這一間位於8樓的《牛舞日本燒肉涮涮鍋》，主打鹿兒島薩摩和牛。 鹿兒島薩摩和牛品質相當優良， 是日本其中一款著名的和牛品種之一。 色澤鮮紅，帶有均勻大理石般的油脂， 油脂溶點低， 所以能做到入口即溶的感覺。 這間燒肉涮涮鍋採用了任飲任食的制度，提供了不同價位的放題組合， 最高級的就是【A餐薩摩和牛放題套餐】。 這個薩摩和牛放題餐除了薩摩牛任吃之外，還包含了酒精飲品放題， 雖然價錢要 六百幾元， 但是就一定值會票價。 先來的是一個《薩摩和牛拼盤》， 拼盤裏有五款不同部位的薩摩和牛：牛肋肉、和牛粒、牛赤肉、牛薄切和牛肋條。 先來就是薩摩和牛薄切壽喜燒，將和牛薄片放入甜甜地的壽喜燒醬汁， 輕輕灼一灼，令和牛油脂溶化， 再沾上日本生雞蛋汁， 口感非常之嫩滑， 而且肉汁相當豐富，簡直係good一聲就吞落喉嚨。 另外亦可以一個日式壽喜燒涮涮鍋， 牛赤肉的色澤比較紅潤，油脂亦相對地較為少，但同樣是佈滿雪花，用來煮涮涮鍋最適合不過。 餐廳還有各種各樣的新鮮蔬菜，在食美味邪惡的和牛之餘，亦盡量做到均衡飲食。 在介紹一下其他的薩摩和牛，牛肋肉和薩摩和牛肋條，切法比較厚身， 最適合用來作燒烤。 大火令油脂逼出，香氣撲鼻，簡簡單單沾點一些海鹽，就能夠品嚐到薩摩和牛最原始澎湃的味道，牠的油脂香氣， 不是令人欲罷不能， 無法抗拒。 除此之外，還有鮮味十足的甲羅燒， 甲羅燒裏面的蟹膏香氣的人， 而且鮮味十足，加一點點蛋漿，和青蔥粒混和一起， 簡直是送飯一流， 真的能令人吃下一整碗白飯。 咸咸香香，佐清酒一流！ 除了和牛之外，還可以任意點選各款的燒烤和打邊爐食品。 至於飲品類別，提供了各款的酒精類飲品，有清酒、生啤以及梅酒， 和朋友邊吃邊暢飲， 真是夠曬爽！ 快樂的時間很快就過， 各人都捧著漲漲的肚皮回家，真是大滿足。

過了的聖誕 和家人一起到灣仔的囍帖街走走 看一下燈飾 望著漫天雪花的燈飾  一家人拖著手欣賞 份外幸福 欣賞燈飾過後 就是晚飯時間 找到了一間位於灣仔QRE 19/F 的中菜館《古琴雅苑》 這間中菜館是以京菜為主 小孩一聽到 便讓著要吃【北京片皮鴨】那當然沒問題啦 上菜前來一個開胃前菜【醃蘿蔔】 爽脆微酸 十分開胃 頭先上菜的是【烤北京填鴨】$218/半隻 四人份量叫半隻剛剛好  餅皮即叫即蒸熱辣辣 而且很薄很柔軟 我很喜歡這裏的烤鴨切法 每一塊都有鴨肉和脆皮 除了品嚐到鴨肉的嫩滑之外 還能夠吃出片皮鴨的皮脆香酥感覺 再加上自己喜歡的配料 如京蔥和青瓜 增添爽脆的口感 簡直是風味十足 小朋友能夠動手製作 吃得特別暢快 順帶一提 各種京醬、蜂蜜黃梅醬和配料都可以免費添加啊 另外亦叫介紹這個《暖冬窩心之選》 這個【至尊拼盤】相當豐富 有齊各款北京前菜 包括四喜烤麩、 花雕醉雞、 雞絲粉皮、 涼拌青瓜 和北京水晶肴肉 北京肴肉 晶瑩通透 肉質爽口 不油不膩  【南翔小籠包】 皮薄餡靚 一口咬下 溢出湯汁 裏面的豬肉餡料肥瘦均勻 肉質軟熟 加埋薑絲 再點醋一同吃 美味至極 【金銀炒鱔糊】 每次食京菜都喜歡點這道菜式 銀芽爽脆 黃鱔肉質彈牙 非常之肥美 猛火爆炒 非常之香口 送飯一流 最後來一個甜品【 香蕉高力豆沙】 用蛋白製成的外皮 非常之鬆軟 空氣感十足 裏面亦有甜度適中的紅豆沙 和軟綿綿的香蕉 作為飯後甜品 正

上星期和家人聚會 到了灣仔的一間中菜館《 品粵居》 吃晚飯 這家中菜館地點便利 位於銅鑼灣和灣仔的交界 灣仔南洋酒店附近 地方寬敞 非常適合家庭聚會或者朋友聚舊 餐廳的菜式集傳統和創意於一身 既有鑊氣小炒 即蒸點心 同時亦有各款新派菜式 由於有小朋友 就點了一些大人細路都喜歡的菜式 《 椒鹽金磚滑豆腐》 一口size 非常之熱辣辣 外層的脆皮金香酥脆 裏面的豆腐滑捋捋 加上少許惹味的椒鹽 令小朋友吃到停唔到手 另外一道非常健康的素菜《 鮮百合蜜豆炒淮山》 用上了幾款口感各有不同的蔬菜 鮮百合味道清甜 滋陰潤肺 雲耳鐵質豐富 口感柔軟彈牙 蜜糖豆翠綠嫩口 非常之爽脆 而且帶有絲絲微甜 大人細路都相當喜愛 最後 不少得淮山 淮山切成條狀 輕輕油炸 質感是所有蔬菜中最爽脆的 這道菜雖然用料簡單 但火喉味道都控制得很好 是一道又健康又美味的素菜 今晚的重點菜式《 金獎燕麥海蝦》 平時吃的麥皮蝦多數用了快熟麥片 這家菜館的黃金燕麥海蝦則用了原片燕麥 再配襯埋用鹹蛋黃製成的金沙醬 吃起來鹹香十足 而且外層的燕麥片佈滿了黃金流沙 但是外層的脆皮已是令人回味無窮 再加上海蝦經過人手精心處理 將蝦腳和蝦頭部分去掉 食起來就更加方便 企理 《岐江燒乳鴿》 皮脆肉嫩 乳鴿會先用鹵水醃製 務求入味 之後就會用油炸 逼出外皮油份 另外皮更加脆口 同時亦保留到裏面的肉汁 最後一道《沙窩生啫文昌雞》 上枱時熱辣辣 啫啫雞是一道傳統的粵菜 將雞件放入熱辣辣的瓦煲裡 在烹調時候形成出「啫啫啪啦」的聲音 因而得名 味道香濃惹味 送飯一流 實屬冬天必吃之選 最後就點多了一份甜品《 薑汁千層軟糕》 這道甜品甜味剛剛好 帶有香濃的薑味 又不會太辣 小朋友都吃到 軟軟糯糯 非常美味 最後更送了一杯《益力多布丁》給小朋友作結 味道非常可口 總括而言 餐廳地方舒適 又有落地玻璃望到街景 食物質素高 價錢合理 推薦

之前好有友A小姐生日 就去了佐敦這一間鐵板餐廳慶祝 這間名為《龍亭》的日式鐵板餐廳 主打親民價錢的日本鐵板燒 千萬不要睇小 雖然價錢親民 但是賣相 擺盤都相當精緻優雅 餐廳迷於轉角位置 由門面到裝修 都經過精心設計 坐低之後就要了一支《菊正宗純米酒》 這一之純米酒嘅味道比較濃 強而有力 口感清爽 帶有辛味 非常適合配襯鐵板等比較重味的食物 今次我們選擇了《龍亭 入門廚師發板套餐（五道菜）》 【沙律】 先嚟一個新鮮爽口的沙律 沙律菜新鮮 有羽衣甘藍和生菜等 而且配襯了新鮮菠蘿 清爽清甜 再淋上一抹意式黑醋和柚子醋 酸中帶甜 味道非常之開胃 【鐵板海鮮兩品】 海鮮兩品可以自由選擇 當中包括帶子、鮮、石斑、蠔等等 大廚會將當日新鮮的食材向客人介紹 今次我就選擇了大點和帶子 北海道3L帶子處理的生熟度拿捏得非常之好 外面帶有少少燒香 裏面就有溏心感覺 帶子下面配襯了意大利黃色翠玉瓜 有需要的話再配埋竹炭鹽和七味粉 提升味覺 另外一到海鮮就是燒白鱔 白鱔非常新鮮 口感爽口彈牙 肉身亦相當肥厚 一啖咬下 相當有肉感 而且夠肥味 充滿油香 旁邊非常吸睛的泡沫就是蝶豆花泡沫 提升鮮味和鹹味 亦帶來視覺享受 【鐵板肉類一品】 宮城產黑豚扒厚切 香氣十足 肉質嫰滑多汁 伴有蒜香牛油汁 和 蘋果辣菜汁兩款調味 牛油汁香滑 增加了豚肉的滑溜感 而蘋果辣菜汁 清甜中帶微微辣度 一解豚肉的油膩咁 【炒飯】 炒飯粒粒分明 夠曬乾身 加入了雜菜粒增加口感 而且份量多 大食的朋友亦不怕唔夠飽 【另加燒鵝肝】 聞說這裏的鵝肝非常出色 估唔到真是帶來驚喜 鵝肝煎得外面帶有金黃焦香 外軟內脆 味道甘香 鵝肝多士中間鋪上了一層手打檸檬忌廉 再淋上酸酸甜甜的菠蘿汁 簡直是perfect match 【是日甜品】 檸檬雪葩配上柚子 口感清爽 解油解膩 豆乳雪糕配爆珠紅豆 豆味十足 就出紅豆亦相當有趣 噗一聲咬下爆出紅豆香 非常過癮 總括而言 這一間日式鐵板燒 可謂抵食兼性價比高 我和朋友都相當滿意今晚的生日飯

疫情放緩之後 尖沙咀變得人頭湧湧 上星期去了海港城行街 然後就到附近的太子集團中心吃過晚飯 找了這間吃湖南菜式的【湘湘娘娘】 湘菜嘅特色是辣味豐富 最適合就是「無辣不歡」的我 話雖如此 餐廳亦提供了非辣的菜式  包括了這一度前菜《花雕醉雞》 花雕酒香氣十足 醉雞亦很厚肉 既帶有酒香 同時亦不會過苦 味道恰到好處 《長沙臭豆腐》 雖然其貌不揚 顏色烏卒卒 味道卻出奇地好 臭豆腐帶有獨有的香氣 上面一抹豆瓣醬 鹹中帶鮮 而且一口size 吃起來十分方便 咬下爆出湯汁 熱辣辣 非常出色 《娘娘麻辣香鍋》 是每一次吃湖南菜式必點的項目 麻辣香鍋帶有麻、辣、鮮、香 用上了各款不同款式的辣椒 每款辣椒帶出不同風味 有些辛口 有些帶來刺激感 而且還用了花椒 食起來麻痺感十足 口味不會太咸 感覺比較健康 麻辣香鍋裏面特別推介椰菜花和寬粉 椰菜花炒得非常之乾身 口感帶爽 寬粉口感q彈 煙煙靭靭 《城隍廟蔥油拌麵》 蔥油本身味道非常之香濃 有種令人抗拒不住的魅力 麵條口感幼細 質感軟滑 用嚟襯托麻辣鍋非常適合

中上環嘅coffee shop可謂多不勝數 喺上星期到大館參加活動 順便就到附近嘆下咖啡 行到去嘉咸街斜路盡處 發現咗呢間外牆畫滿咗壁畫 都幾有歐洲feel嘅 【First crack by summer ice】 取名first crack  相信係因為烘焙咖啡豆嘅時候 高溫會令咖啡豆爆裂形成第一下“卡”一聲 依家coffee shop嘅咖啡豆有自家烘焙 坐喺度一邊嘆甜品咖啡 一邊聞著烤咖啡時發出嘅獨有香氣 份外享受 呢度除咗咖啡之外 仲有一啲混入咗咖啡嘅cocktail 呢一杯《coconut milk cold brew》 咖啡味溫和 混入咗冧酒 隱隱滲出咖啡味之餘 亦有冧酒的香甜氣息 加上少少嘅椰奶點綴 夏天飲涼浸浸一流 另外亦叫做一款週末限定嘅甜品 《Purple Tiramisu》 呢杯甜品賣相精緻 混入咗紫薯 除咗有紫薯香氣之外 亦添了少少嘅口感 最下層的lady finger 索盡咗咖啡酒 除咗有濃濃嘅咖啡香 同樣品嚐到酒香 《 Espresso Affogato》 其中一樣最喜愛嘅甜品 呢一杯Expresso香濃嘅意大利濃縮咖啡 味道偏酸 但具果香 聞到已經倍覺醒神 加入雲呢拿雪糕裏面 形成咗強烈嘅冰火快感 熱力瞬間令雪糕溶化 雲呢拿雪糕和咖啡兩者合而為一 簡直係咖啡愛好者甜品恩物

位於堅尼地城荷蘭街嘅呢一間酒吧《Alvy's》 甚有去咗外國嘅感覺 除咗提供各式各樣嘅Tap beer之外 仲有多款【港式 x 西式】fusion嘅菜式 非常特別而且具有香港特色 先講下呢度嘅Tap beer 有成十款選擇 當中有少都係港產嘅啤酒 當然每款啤酒都加入咗唔同嘅元素 保證唔會都有各有特色 有驚喜 先叫咗一杯 no.2《 少爺啤酒花街 Hop Terance》 係一款低苦度 易入口 夠清爽嘅IPA 用了新鮮嘅啤酒花 呷落有多款嘅迷人水果香氣 西柚、蜜桃等 感覺非常清新  另一款《少爺啤Red Hare赤兔馬》 介紹話呢款啤酒會讓人回味無窮 事實如是 氣味非常芳香 未入口就已經聞到陣陣的烘烤咖啡香氣 而且亦帶有可可嘅香甜 飲落有少少焦糖拖肥糖嘅味 層次非常之豐富 果然令人回味無窮 叫咗一個二人餐 餐前沙律《 腐乳汁凱撒沙律》 睇見個名已經知道非常特別 腐乳係經過發酵嘅豆製品 帶有鹹香 而且用咗香港特色嘅叉燒粒來代替傳統嘅煙肉碎 超級有香港特色 尤其係適合外國嘅朋友 小試牛刀 輕輕嚐一嚐腐乳嘅滋味 小食《余均益炸雞翼》 年輕一代可能未必知道余均益係乜嘢 其實係香港老字號嘅一款辣椒醬 辣中帶酸 落幾滴非常醒神 炸雞翼先揸上余均益再去炸 皮脆內嫩 點賣特色嘅blue cheese醬汁 更加惹味 《 扭扭薯條》 灑滿咗paprika 同garlic powder  脆卜卜 又香口惹味 佐酒一流 最後叫咗個《麻辣肉腸pizza》 將四川同意大利嘅特色crossover 四川嘅辣椒花椒 帶出麻香 令味蕾麻麻痺痺 非常刺激 另外亦加入了意大利嘅辣肉腸 加埋煙煙靭靭嘅sourdough pizza餅底 係傳統意大利嘅焗爐度烤 令人垂涎三尺嘅pizza就係咁樣整成 餐廳遲啲仲有free flow 優惠 大家不妨留意下