又到咗放工時間 ，一個人漫無目的咁行。 咁啱行過一間鋪頭 ，佢寫住臭臭鍋， 唔知咩嚟咁就諗住去試下 入到去見到佢裏面嘅環境好寬敞 ，仲望到有好多人有一煱一煱嘅食物 咁我終於知道原來佢係食一人火鍋。 咁我就叫咗個香蒜牛肉鍋， 佢個湯好好飲唔太鹹配料方面 有牛肉 、粟米 、牛丸、 娃娃菜 、翡翠魚豆腐 、粉絲 、番茄ˋ沙白等等。 仲有叫咗一杯招牌珍珠奶茶， 佢唔係好甜但係都好香茶味。 好彩我早咗入去， 因為之後都有好多人入嚟， 我覺得呢一餐都唔錯下次可以叫埋屋企人嚟試下。

朋友今日生日邀請我去食佢餐生日飯 ，梗係去啦有一大班朋友見面吹水。 咁我就問佢喺邊度食同有乜嘢好介紹， 佢就同我講喺彩虹地鐵站附近個大排檔，嗰度有間燒鵝好出名叫我去試下。 去到大排檔嗰度周圍都迫滿曬人， 好彩佢訂咗位同埋我哋早到咗如果唔係真係無位食飯 雖然係話大排檔但係佢個地方都算乾淨，一坐低咗大家就開始即刻叫餸， 首先叫咗半隻燒鵝跟住再叫再一隻雞， 仲有就係蠔餅、 大班兩味、椒鹽豬手、 沙爹肥牛粉絲煲、同椒鹽鮮魷 仲有蒜蓉油麥菜 。 燒鵝同埋隻雞都好香好好味大家記得去試下， 椒鹽豬手同大班兩味都可以試下 ，至於蠔餅同埋個沙嗲肥牛粉絲煲一般。 但總括嚟計我都覺得佢好好味地方又方便， 有時間大家就去試下啦。

又到咗收工時間 ，本來諗住一個人食飯， 點知老婆打電話嚟話突然間可以收早 ，叫我過去陪佢食飯。 無奈的我只好過去 佢帶咗我去旺角樓上一間泰國餐廳 ，可能提早收工冇乜人 ，環境都好舒適 ，服務員都好好禮貌好親切。 我哋叫咗啲串燒。， 有牛肉同埋雞肉 仲叫咗個青咖哩鮮蝦炒飯 泰國椰菜苗炒馬拉盞， 飲品方面叫咗一個芒果沙冰 ，仲有杯龍鳳果梳打 甜品方便 ，叫咗個芒果糯米飯 ，我個人推薦嗰杯龍鳳果梳打， 真係好飲賣相又好靚好吸引， 青咖哩鮮蝦炒飯同芒果糯米飯我都覺得好好味， 如果大家經過可以去試下。

同老婆喺九龍塘又一城行街 咁啱又到咗下午茶時間 就周圍睇下有咩食 去到一間餐廳門口見佢入面有好多人 所以就去睇下裏面有啲咩食 我同老婆每人叫咗一個餐 ，有碎蛋沙律焗薯 同西蘭花芝士焗薯 ，每個餐都會跟一個碎蛋沙律牛角包 ，餐湯方面有意大利雜菜湯 同磨菇湯嘢飲方面叫咗杯凍岩鹽咖啡同埋凍朱古力啡 ，意大利雜菜湯個湯好濃 蘑菇湯就香 ，沙律牛角包好好味個包好軟熟啲沙律好好味， 佢個焗薯好香另外仲有嗰個西蘭花加咗芝士喺上面好吸引 ，如果大家經過可以去試下。

今日入將軍澳去朋友屋企玩， 佢話屋企下面個商場有一間火鍋， 個黃金雞湯火鍋幾好叫我試下。 入到裏面個環境幾舒適啲人招呼又好好 仲有佢打邊爐嗰個鍋， 原來係生鐵鑊嚟嘅我都係第一次見 因為我只係知道生鐵鑊通常都係愛嚟煮飯嘅。 首先叫咗個黃金雞湯火鍋， 跟住叫咗個花雕肥牛試下新嘢諗住。 仲有招牌三拼餃有黃金餃，韭菜餃，同埋黑松露鮮蝦餃，跟住仲有叫即炸響鈴， 加稻庭烏冬， 仲有叫咗油麥菜同埋玫瑰花蜜飲品 。 黃金雞湯嚟咗之後個服務員首先會爆香咗裏面嗰啲薑同埋蒜頭， 跟住仲有放埋嗰啲花膠，蟲草花，同埋淮山。 等佢炒完之後個服務員就會同你講飲咗啖湯先因為嗰啖湯都係真係幾好飲 仲有啲即炸響鈴可以試下大家， 黃金餃，韭菜餃，黑松露鮮蝦餃都值得一試。 飲品方面玫瑰花蜂蜜可以值得一試， 地方可能會難搵啲，但係如果大家有興趣不妨去試下啦。

今日接朋友收工咁啱經過呢間舖頭， 大家講起先發現 ，原來大家都未食過烤魚所以先決定去食， 環境好大 好舒適 服務員態度好好， 因為當時未夠七點 唔使等就可以入咗啦 兩個都唔係好食得辣所以經店員介紹之下 叫咗一個烤魽 魚鍋 麻辣酸菜味 超微辣， 因為呢一款冇乜魚骨嘅 味道酸辣 好開胃 入面有芫茜呀豆卜呀 等等嘅配料 條魚開住火煮一個鐘條魚仲好滑亦都叫做一啲打邊爐嘅配料 牛肉 有牛味唔太靭 雲吞好飽滿 味道剛剛好 鬼馬雙拼 炸到脆卜卜 不太油膩 唔使攞貨都可以直接食 而其他配料有 豆卜 韭菜餃等等

今日約咗一大班朋友行街 佢哋話想食雞煲 跟住喺幾個人決定之後 就大家認同咗呢一間 就揀咗呢間雞煲 朋友話 每位 加廿蚊有房 坐 入面 又有電視又係私人空間 所以咩都唔使諗就加佢廿蚊 上到去環境舒適地方夠大 上面啲服務員好好禮貌 佢個雞煲 可以食到夠先至打邊爐 好似食咗六七轉 雞煲 又惹味 醬料又夠多仲有嗰啲汽水任飲 仲有好多海鮮 海鮮好新鮮 爽口又鮮甜其他配料例如丸,午餐肉,蟹柳,菜.魚皮餃,雲吞全部都係出面自己攞 牛肉都非常 好味 有牛味 另外會再有小籠包 咬落去嘅時候會爆汁 大家小心啲呀

一行八人， 一早book定枱喺佐敦食飯， 我哋準時到達 唔使等就準時入座， 上到去上面地方好闊落環境又舒適 服務又好好 叫咗隻乳豬 我哋要求要瘦啲 皮好脆肉好亂 唔使預定即叫即有 粟米斑塊 個斑塊好好食 炸完之後啲肉都仲係好滑 個粟米汁好好食超啱送飯 仲有乾扁四季豆 不過不失 椒鹽白飯魚 呢個麻麻地 唔提議叫 魚香茄子煲 好香好惹味 但食唔到裏面有鹹魚 仲有蒜蓉花甲籠仔飯 好香蒜蓉味花甲好甜 個飯禁埋豉油食絕配 個人特別推介乳豬 粟米斑塊 蒜蓉花甲籠仔飯 值得一試