食家常菜小菜作午餐亦是一個不錯的選擇，一行幾人到粗菜館點了幾款小菜， 午餐包中湯。

中湯是一窩上，供食客自由享用，白飯用了傳統的飯碗, 挺有風味。 小菜方面，點了蓮藕炒豬頸肉，豆豉鯪魚炒油麥菜和大豆芽炒魚鬆。 小菜份量挺多和味道亦不錯，最美味是蓮藕炒豬頸肉，蓮藕爽口入味，豬頸肉不肥膩，其他兩款小菜都好味。

相對其他大型鏈鎖酒家，這屋村酒家的晚飯小菜相對較抵食。

一行五人，點了龍蝦伊麵， 叉燒，鮑魚雞煲，珊瑚蚌帶子炒西蘭花， 焗一字骨和炸饅頭， 叉燒和雞煲都好好味，但龍蝦就一舨，無咩肉，味道亦不好。 最後想推介下炸饅頭，但掛住食唔記得影相， 新鮮炸的饅頭沾鍊奶好好食。

第一次到Mark One吃午餐， 看到餐牌上的午餐大部分都過百元，所以對這餐有少少期望。

午餐包餐湯，主菜，餐茶和甜品。 首先上餐湯和麵包， 但麵包不是食開西餐廳那種外脆內軟的切片長發包，而是普通切片的長包，而且不新鮮，要沾湯才能吃， 超級難食， 有兩款湯選擇，羅宋湯和南瓜湯，兩款湯都很難飲，很鹹和味道古怪。

主菜方面，點了煎魚和鍋飯， 煎魚一般， 而且醬汁只有鹹味。 雞扒鍋飯賣相很好，猜想應很美味，但原來雞扒無味，深色的醬汁竟然亦無咩味。

最後， 這過百元西餐配的甜品竟然是啫喱， 真是超級失望。 不會再光顧這餐廳，他的價錢貴，而且味道差。

挺喜歡吃日本餐，喜歡吃壽司, 卷物和煎魚, Monster Sushi 的二人便當正合我心意。

點了二人便當， 套餐野食相當豐富， 有味噌湯，沙律，蒸蛋, 10款壽司, 刺身， 煎三文魚和炸雞。 首先想讚下精美的餐具，彩色的餐具令人對食物有期望。 味噌湯足料和不太咸， 壽司賣相不錯,魚生亦好新鮮, 特別喜歡煎三文魚, 三文魚煎熟後肉質不“鞋”, 沾上沙律醬, 特別好吃。

二人套餐還包括餐飲, 其實有日本茶和味噌湯已足夠, 不需要餐飲

很喜歡吃香茅豬扒, 每次到越南餐廳, 首選一定係叫香茅豬扒飯或香茅豬扒湯河, 但今日在越泰叫的香茅豬飯令我超級失望和有點生氣。

因為之前係其他餐試過叫香茅豬扒, 最後變左“豬頭骨”, 意思即係將好多塊豬扒的頭頭尾尾砌埋一碟, 所以自此以後, 每次在不同餐廳叫香茅豬扒都習慣望一望塊豬扒係唔係一塊豬扒切開, 今日的香茅豬扒令我失望, 又係一碟豬頭骨。豬扒炸得大耐, 有點乾, 而且很鹹。

午餐價錢略貴, 但食物質素一般, 選擇的原因只是貪方便和不用等位。

對於我黎講, 係simplylife食午餐係一種享受, 而且simplylife的食物向來有質素保證, 從食物的賣相亦可以睇出廚師有用心煮。

今日午餐點了鱸魚配烤薯和燒黃瓜, 加了salad , 餐飲叫左西柚茶走冰。很喜歡吃這裏的麵包, 外脆內軟, 吃時亦會聞到香香的麵包味, salad 菜很新鮮, 加入了醋令人更開胃, 但怕酸的人可能不喜歡。主菜方面, 魚的份量挺多, 魚肉嫩口入味, 少少辣味令煎魚更美味。西柚茶亦非常好飲

simplylife天后分店午餐的價錢好似比其他分店平, 而且質素亦有保證。

睇完餐牌，野食價錢相宜，唔想再行就揀左佢食晚飯， 我地散叫，無叫set, 因為價錢差唔多。我地點左烤肉石頭鍋飯，冷喬麥麵，豬頸肉鍋燒同牛肉豆腐烏冬鍋。 

每款主食都附送前菜兩碟，但前菜的賣相同和味道都欠佳。

主食方面，冷喬麵有驚喜, 麵質爽口,軟硬度適中, 麵條沾上甜甜的濃湯, 味道剛剛好, 豬頸肉亦都唔錯, 沒有肥膩的感覺。 石頭鍋飯就失水準, 配菜和醬料份量不足, 上台時立即搞伴,但食時仍有一股燒焦味, 口感和味道很差，烏冬亦一般, 賣相不討好。

總括, 餐廳野食價錢便宜, 食物尚算可以, 係平價晚餐的一個選擇。

睇完餐牌，野食價錢相宜，唔想再行就揀左佢食晚飯， 我地散叫，無叫set, 因為價錢差唔多。我地點左烤肉石頭鍋飯，冷喬麥麵，豬頸肉鍋燒同牛肉豆腐烏冬鍋。

每款主食都附送前菜兩碟，但前菜的賣相同和味道都欠佳。

主食方面，冷喬麵有驚喜, 麵質爽口,軟硬度適中, 麵條沾上甜甜的濃湯, 味道剛剛好, 豬頸肉亦都唔錯, 沒有肥膩的感覺。 石頭鍋飯就失水準, 配菜和醬料份量不足, 上台時立即搞伴,但食時仍有一股燒焦味, 口感和味道很差, 烏冬亦一般, 賣相不討好。

總括, 餐廳野食價錢便宜, 食物尚算可以, 係平價晚餐的一個選擇。

玩完逃出密室未夠五點，最啱就係揾個地方hea, cafe一定係最佳選擇，行到登打士廣場，入口已經有幾間cafe的人在派單張，隨意揀左兩間去望下環境，望完就揀左Fab cafe, 佢環境比較舒適，白色矮sofa比較無咁壓迫感，同埋係非吸煙。

每人設最低消費，但無限時，我地每人叫左杯野飲同用優惠價加左四款小食， 野食可接受, 但野飲就一般。

小食推介瑞士汁雞翼, 雞翼的肉質鮮嫩同入味, 芝士焗肉醬薯角賣相唔錯, 薯角好夠條,但欠缺薯香。 對杯抹茶鮮奶有點失望, 有點苦, 沒有鮮奶的甜香味。

總括而言, 這是一個不錯的地方, 可以和朋友盡情hea, 但如為了食野, 就不推介。

聽朋友介紹去左試Urban, 星期四晚都要等位先可以入座，心諗平日都要等位，應該都會好好食，係有期待的心情下上openrice睇下各位有咩好介紹。等左10分鐘到就入去，我地兩個人坐左4人位,所以幾寬敞，坐底就叫左最多人叫的烤雞同炸魚柳，仍然有期待地等上菜。好快就送上大大碗的湯，係好大碗，但味道一般，跟住就上桃茶，味道亦都係一般，還都比較喜歡另一家的西柚茶。

等左幾分鐘，兩個主菜都上台啦，第一感覺，點解呢半隻烤雞咁細隻ge, 切第一刀見到d肉係粉紅色，再切入d都係粉紅色，同間離枱個隻係白色肉ge烤雞有好大分別，跟住同個waiter講，佢話拎佢去再烤多陣。跟住就開始試食塊炸魚柳，食後感係唔知點解咁多人食佢，無咩魚味，肉感又唔係彈牙，魚肉同炸粉係分開，中間仲有水，好明顯係無索乾解凍ge水就沾炸粉炸，用148蚊食佢真係唔抵食，唯一安慰的就係堆炸薯條，薯條新鮮同大條，份量好多。

講番隻烤雞，過左陣，waiter送番隻烤多左陣ge 烤雞，佢解釋唔係唔熟唔熟，可以食用ga 啦。但我未食已對隻雞有偏見，切開d肉大部份都係粉紅色，完全唔想食，平時好鍾意食雞胸都唔係好想食，最後都食左幾塊，味道無特別，好似無咩味，但肉質都唔太差，不過用168蚊食佢同樣唔抵。大家望下張相，會唔會想食? 臨走都望下其他人隻烤雞，好似都唔係粉紅色，d肉係白色ga。

食完就走啦,兩人食左3百幾..唔抵食同唔好食。雖然今次可能係唔好彩, 但一定唔會再食。

最後都想講間餐廳係有心做好，員工態度亦十分好，只係食物真係唔值個價。