第一次黎呢度，朋友食蛋包飯，而我就叫咗另一個 signature - 鰻魚玉子蓋飯 唔知條鰻魚係咪未燒得夠熱... 魚皮係韌嘅，魚肉仲要有啲腥平時好少可食唔哂啲野，今次真係入食唔落口 好彩個玉子係熱辣辣的, 而甜品布甸都奶味都香。 食物質素已經麻麻，本身預期侍應嘅服務應該都唔差？結果班侍應個個都好躁底咁，仲惡過茶餐廳呀叔😥 應該短期內未必再幫襯🌚

係朋友為我揀嘅生日飯😀 本身睇見 openrice 食評見好壞參半 有少少擔心😅 不過正如標題所講 比想像中好呢！ 首先環境氣氛一流！係十分有情調嘅餐廳 由一間前法院活化建成，就好似去咗英國咁，一入場就有杯 welcome champagne, 有種賓至如歸嘅感覺😀 前菜叫咗生蠔 同 razor clams, 個生蠔仲會配送一個 whiskey cocktail 好有特色，razor clam 肉質爽口彈牙又清新，十分開胃👍🏻 主菜就係 US prime rib in horseradish sauce 配 confit potato 同 creamy spinach, prime rib 個生熟到掌握得好，邊位唔會老，配菜薯仔外脆內軟😍 最後叫咗 dark chocolate pudding, 很 rich! 不過侍應唔記得咗安排點蠟燭同生日咭😅 唯一出問題嘅係，我俾蚊咬足全晚 🥲 希望只係咁啱今晚我唔好彩啦！ 總括呢度唔只係食環境嘅港女打卡餐廳，不過性價比就一般啦~

同男朋友黎到呢間西餐廳食lunch 揀選咗一個抗疫白酒蜆肉意粉set, 大約$80連埋餐湯，都幾足料算抵食，白酒又香，不過略嫌蜆肉不夠新鮮 至於蟹肉 cannelloni 就比較少見，即管叫咗黎試試，一黎到芝士味係幾香，不過就唔係好食到蟹肉啦～呢個set仲好似要$140, 冇咁抵🤔 環境係幾舒適嘅，食物就有待改善～

有知音人帶路黎 Grand Hyatt steakhouse 鋸扒😙叫咗 US prime beef ribeye cap, 炭香外脆內軟又唔肥，肉味都重😋好啱減肥食！另加 foie gras 煎得啱啱好又滑口，同喺其他餐廳食嘅幾唔同。 另外很讚嘅係佢哋嘅任添 garlic bread, crab cake 同 soft ice-cream sundae 😍 Garlic bread 香脆熱辣，蒜蓉味唔會好搶，crab cake外脆內軟好足料👍🏻，ice-cream sundae 超滑超creamy 😋下次帶屋企人黎食👍🏻

由專人服侍唔使自己燒嘅日式網燒店😍 走高檔路線，食材烹調技巧絕對有保證🤤 tasting menu 野食種類多，中間亦會有sorbet清清味蕾。雖然唔係樣樣野食都係網燒，感覺上個爐好似唔係經常用得着，但係喺廚房製嘅野食同樣出色，令成個晚餐唔會似其他網燒店食清一色燒肉，好多樣化👍🏻 用上乘嘅日本牛，油脂分佈好均衡😍調味亦都剛剛好，唔會過份濃味👍🏻最後抹茶素麵好清新，帶走燒牛肉嘅油膩感👍🏻整體成餐飯相當滿意😁

上環嘅餐廳係永遠都試唔完😋 Signature carbonara 嘅 cheese 好creamy 又香， truffle orecchiette 喺香港比較少見嘅pasta dish, 煙煙韌韌 truffle 夠濃值得一試🤤

20211001 假期梅窩遊 梅窩比我想像中原來要似愉景灣 好多外國人居住 有間由外國人主理嘅文青 主要賣gluten free 小食同咖啡☕ pork taco 個肉一啲都唔乾 幾 juicy😋相信taco 個 tortilla 都係自家製所以係黑色 gluten free幾特別, 都有略略煎下先上，酸菜味道開胃唔太酸👍🏻 homemade cheesecake 都唔太heavy 但 creamy, iced mocha 朱古力超濃😍 店主都親切又熱情 值得到訪👍🏻