係旺角周圍唔難見到呢間Steak House既廣告，基本上每條街都見到一個易拉架。主打 牛扒半自助餐 (主食、自助沙律吧、餐湯、小食、餐飲 ) ，以及晚上9時半後入座 主餐牌 75 折。沙律吧選擇唔多，只有一般粟米、青瓜、車厘茄、沙律菜，少量水果，再配以千島醬 / 沙律醬。小食方面有春卷、薯角。 唯一值得一提既係火腿薯仔沙律~~ 真係好好食<3餐湯原本只有 紅 / 白 湯兩款，但可以加 $15轉為龍蝦湯。雖然期望唔大，但都叫做可以試下其他餐湯~~ 味道一般~應該都只係用膏開~眼見沙律吧選擇唔多，我地決定叫一份自半助餐及一份主餐牌食物牛扒半自助餐入面可供選擇既牛扒種類共有五款，平至普通西冷牛扒、貴至和牛亦有，友人選擇左 S3 安格斯頂級穀飼肉眼扒 (七成熟 ) $238。牛扒配以薯仔及野菌汁，牛味偏淡，若果點埋野菌汁更將牛味覆蓋orz

另一份為 主餐牌既 香草烤羊扒配芥末醬 (三成熟) $195 ，羊肉頗嫩，但同牛扒問題一樣，香草醃料完全蓋過羊肉本身應有既味道，感覺上似食緊一份香草味既肉最後食埋奶凍甜品 以及餐茶總括而言，水準真係超一般，如果以相同價錢仲有好多扒房可以選擇orz...

餐廳名稱 : 星級扒房 Starry Steak House

地址 : 旺角煙廠街33號朗廷軒 地下B舖及1樓

無意中係Openrice見到有優惠 : 原價 $298 澳洲和牛 及 $378 日本飛驒和牛 買一送一 ，優惠只適用於星期一至三~ >LINK HERE< ，至到 2016年6月30日，優惠券要預先print定。

一直以食燒肉為主既我，其實對Shabu Shabu既喜愛程度一般，始終覺得燒肉可以令到靚靚牛既油脂、香味發揮哂出黎先係最好食，但友人成日都講好想食Shabu Shabu，襯放假就立刻去試左~~

既然有Coupon就一於試 $378既日本和牛放題~ 湯底揀左昆布湯， 係等緊煲同埋肉上枱之前，出去出面buffet bar行個圈先~ 除左需要落order任叫既肉類之外，呢到既放題仲有其他刺身、前菜、火鍋配料、甜品俾大家任拎~~ 前菜有螺肉、中華沙律等等，配料方面蘿蔔、粟米、芋絲 呢D要慢慢煮既配料當然一早拎左番去先啦~ 仲有各款丸類、菜類、腸仔、烏冬粉絲等等，非常豐富!!值得一提既係非常多款揀既醬料調味架~~ 生熟蒜蔥花呢D基本野當然有，除上之外仲有芝麻醬、胡麻醬、麻油、七味粉，一定溝得到自己鍾意既醬料拎完一堆配料之後~番埋位已經見到最期待既肉類上枱了~ 首先係每樣一份先，食完可以再添加主角當然係 靚靚既日本和牛，油花分佈得非常平均，而且切得非常薄，6-7秒左右已經放得入口啦~ 簡直可以用入口直溶黎形容，牛味超濃，肉質超滑有種軟綿綿既感覺，全塊牛冇筋既，唔似一般酒樓打邊爐食緊雪花肥牛好似橡筋咁樣咬極都咬唔斷，好好食 <3 加上切得非常薄，食多幾片都冇咁快有飽到滯既感覺，戰鬥力極高~!!

呢個餐除左日本和牛之外，次一級既澳洲和牛、美國進口牛都可以叫既，但我地就冇咁多餘地試埋另外兩款，一於全力進攻 飛驒和牛 。

牛固然係主角，但都無理由成餐淨係食牛牛既。 雞、豚肉都任叫，雞肉超級有驚喜~!!!! 少量鹹味之餘亦帶出雞既甜味，肉質超滑絕對唔鞋口~好食 <3豚肉都係切得非常薄，但略嫌有少少鞋口。食日式火鍋最怕油膩，飲品任飲之外~ 出面有一個甜品位~仲有乳酪雪糕任食，酸酸甜甜即刻解膩回復戰鬥力繼續食過。牛牛實在太好多，結果全程就淨係食左肉同蔬菜配料，其他腸仔肉丸全部都冇食到。最後15分鐘為肉類last order，雖然90分鐘感覺上好似好少咁，但其實慢慢食都綽綽有餘。 首先肉類切得好薄，日本和牛更係肉質非常淋，入口即溶一次過食好多都得，而且食太多肉類都會有種飽滯感，唔會驚唔夠飽。最後食埋蘿乳酪雪糕簡直冇得輸~非常滿足既一餐 <3

留意番 埋單原價加一餐廳名稱；盛八日式放題火鍋店

地址；旺角通菜街1A-J號威達Deli 2商業大廈3樓B室

遊覽完山頂之後黎到 阿「甘」蝦餐廳 食晚飯。 餐廳以電影「阿甘正傳」作為主題，雖然冇睇過電影，但內裏佈置都擺放左好多有關該電影既海報，道具等等，雖然唔知道電影內容，但踏入餐廳見到唔同既佈置，加上暗黃既射燈，有種身處其他電影中美國酒吧既感覺。(FROM WIKI) 電影於1994年上映，故事講述了呆滯幼稚，但心地善良，有着驚人的運動天賦，在阿拉巴馬州生活了幾十年的阿甘，在某些事件的影響下，定義了20世紀下半美國的一些事件。1981年，阿甘在車站等巴士時，坐在長凳上，向身旁的陌生人述講自己的人生經歷。話明「蝦」餐廳，具有電影主題外，另一賣點就係好多蝦蝦蝦蝦蝦蝦蝦~~~~~~~~~~

好多唔同有關蝦既菜式，但都以炸為主，有唔同既蝦小食，沙律，餐湯等等。主食方面意大利幼麵，芝士意大利飯，都係配上唔同煮法既大蝦。另外唔想食蝦既，都有烤豬仔骨，牛扒，龍蝦等等。

飲品方面以特飲／酒精類為主。友人 叫左一杯 Secret Mango Sparkler (芒果+菠蘿+七喜)特飲。 有淡淡芒果味，可惜稍為淡味左少少。

至於我叫既係呢杯藍色夏威夷 酒精特飲，混合左四款唔同既酒 (Vodka, Rum, Gin, Dekuyper Blue Curacao)，再加上菠蘿汁同埋七喜。 呢杯既菠蘿味道十分出色，雖然混合左四款酒，但唔會覺得酒精味好濃，非常清新^_^！！

食物方面叫左 阿「甘」蝦大薈。 有四款唔同既蝦：凍蝦，天婦羅蝦，吉列炸蝦，椰絲炸蝦，以錐形筒分別裝住四款蝦，底部有炸薯條以及沙律菜。另外仲配有幾款唔同既醬可以配合炸蝦一齊食。雖然大多數蝦都係炸，但唔會淨係食到炸粉既味道，咬落去蝦肉都係非常彈牙同埋有鮮味。 最特別既椰絲炸蝦，外層炸粉混合左椰絲，食落去甜甜地幾特別，仲有一陣椰香味~~ ^_^另外仲叫左一份 濃湯大蝦配白飯及法包。 濃湯入面浸住一隻隻鮮蝦肉，好鮮甜~~ 可以先沾法包，平時食蒜蓉包既時候都好鍾意沾忌廉湯一齊食^_^ 然後再以濃湯淋上白飯，白飯口感做得偏硬身，即使浸湯，都唔會變得漿口，而且粒粒分別有咬口。以兩人份量黎講綽綽有餘，背面就係落地玻璃欣賞住維港夜景再傾下計，呢日咁就完結左。^_^ 唯一美中不足既係....... 太多炸蝦食完就即刻喉嚨痛ORZ...餐廳名稱：阿「甘」蝦餐廳 Bubba Gump

地址： 山頂山頂道128號凌霄閣3層304-305號舖

心血來潮黎到愉景灣，愉景灣有好多唔同國家既菜式，兜左一個圈最後選擇一出碼頭就見到既德國餐廳。 但最後, 竟然點既都唔係德國菜ORZ!

對正廣場一邊有開放式bar枱，另一邊沙灘方向亦有露天位，可以對正大海享受美食。一入去Waiter亦有問想坐入面定出面，但由於天陰陰又準備落大雨，我地決定坐番係室外，但揀左較近外面既一張枱。店內環境清靜得黎好光猛，岩岩坐低冇耐出面已經落大雨，聽住落雨既噠噠聲食飯別有一番感覺。午飯時間有提供Lunch Set，款式亦都唔少，有跟前菜及迷你餐湯、主食、甜品、飲品。主食方面有八款選擇，價錢由$88-$118不等，有意大利飯、肉腸拼盆、煎魚等等。

另外亦有一款標榜較健康既套餐─瑞士芝士豬手肉墨西哥卷 ($78)，我地最後決定一份墨西哥卷及意大利飯套餐。首先盛上既餐湯─雜菜忌廉湯。 其實名都係我俾架姐 ，有時候係部份西餐廳飲既忌廉湯唔係太杰身就太稀，但呢到既忌廉湯非常幼滑， 有一種好creamy既感覺，入面材料亦都好充足，有好多西蘭花茸，表面係幾粒烘左既麵包脆脆。前菜─德式腸沙律。配有酸瓜，食落去酸咪咪咁係一份好好既開胃前菜，但酸瓜又唔會好似M記孖芝果款酸到令人打唔開眼 (雖然我知有好多人好鍾意食孖芝既酸瓜...)。雖則係腸仔，但切成薄片感覺上更似係火腿 -W-主菜─意大利燴飯配香煎帶子、青豆及巴馬芝士。 燴飯上面有一粒粒帶子肉，飯既質感非常軟熟，帶有奶油及白酒香。以一人份量黎講算係非常大份，加上意大利燴飯以忌廉煮成，通常都偏膩，最後都係食唔哂.. ORZ主菜─瑞士芝士豬手肉墨西哥卷。 顧名思義亦即係墨西哥卷，包住非常足料豬手肉，入面都有好多唔同既沙律菜。值得一提既係卷皮，平時食開既墨西哥卷 皮比較厚，似印度薄餅，但呢到既係脆身，又唔會好似薯片咁一咬就碎開哂，保留番少少煙韌度，仲係熱辣辣既~~~ 內餡滿滿既豬手肉，一咬落去肉汁同埋芝士咇哂出黎~好好食甜品─朱古力蜜柑蛋糕配雲呢拿雪糕。蛋糕有好濃既朱古力味，偏甜，但加埋雲呢拿雪糕一齊食可以減輕甜膩感，另外亦配有偏酸士多啤梨粒，唔會因為太甜既朱古力味而覺得非常飽滯。另一樣有驚喜既係灑上少量肉桂糖，由於我太鍾意食肉桂，所以好滿足 >W<最後叫埋餐飲，都係一般咖啡或茶。 叫左兩杯凍檸檬茶，習慣落糖水之前先飲一啖紅茶，茶味十分清新，亦唔會太淡，可以試試唔落糖水就咁飲下淡淡既茶味 ^_^ (題外話好鍾意呢隻杯 <3)今次呢間德國菜餐廳，(特登加粗 德國 兩個字)， 雖然名係德國菜餐廳，但結果我地最後食既竟然係墨西哥卷同意大利燴飯 =P

有少少美中不足既係，德國 令人諗起 鹹豬手、啤酒.... 但午餐關係冇試到特式德國啤酒!! 枱面有張餐紙更有提到 無酒精啤酒，好想試下......唯有下次先

間唔中都會同中學同學約食飯見下面傾下計，因為有9折既關係，今次就選擇左去銅鑼灣一間樓上雞煲食飯 😀 限時兩小時，有1830 / 2030兩個時段選擇

如果係SOGO對面行入去既，要穿過一條巷仔先去到呢間雞煲湯底都算幾多選擇，2-3人有半隻雞，4人或以上就有一隻雞,我地有10個人，揀左兩個煲，一個深圳雞煲，一個醉雞煲。深圳雞煲 係預先已經放左雞係入面，一上檯既時候見到上面有好多好多好多芫茜 ❤❤ （最鍾意食芫茜❤❤），但可惜我坐係醉雞煲果邊試唔到 😞😞😞😞，不過朋友就話深圳雞煲係比較惹味既~~醉雞煲 比較特別，同旺角其他雞煲唔同既係原隻雞碟上，有好香既酒味~~~~~ 湯偏淡有少量中藥材杞子之類。 一黎到我地已經將呢碟雞一次過落哂煲慢慢煮~~~~同多數雞煲放題店一樣，雞冇得任食（我知道有一間係有得任食雞！！ 但經常坐滿冇位或者d雞賣哂。。） 除左雞之外都有其他火鍋配料揀，但肉類就比較少，有肥牛同豬肉，切得非常薄好易就熟，（亦都好易唔見左orz) 餃類 丸類 炸魚皮 蟹柳腸仔等普通火鍋料亦都有~

飲品方面有各款汽水，韓國飲品忌廉鮮奶，芒果汁之類，而家好似好多放題餐廳都有韓國飲品，但我始終都覺得味道怪怪地咁。。 如果唔想太頂肚食唔得太多野既都可以選擇 烏龍茶，消滯^_^

至於調味料就同其他雞煲放題好唔同，1520 只有辣同唔辣兩種豉油揀，冇蔥花或者生熟蒜~

傾下計咁就過左愉快既2小時，之前openrice見到呢到既用餐時間捉得好緊，的而且確，距離離大約仲有半個鐘左右就要埋單，話就算食唔哂都唔緊要咁講喎。

之前淨係食過Lunch Set 既 目利きの銀次，今次決定挑選晚餐時段試試。

佢地有好幾間分店，而今日就去左尖沙咀 THE ONE 分店目利きの銀次 主打沖繩直送材料。打開餐牌有壽司刺身，燒物，飯，大阪燒等等。

由於偏愛牛舌，所以揀左 洋風牛舌 作為前菜小食。牛舌切成薄片，配上微酸日式沙律汁，非常開胃。


蔥吞拿魚腩丼吞拿魚腩茸上加左一隻生雞蛋，搞混前先試左一啖，吞拿魚腩蓉唔會淡而無味，以前食過有D可以係連本身既魚味都冇埋

另外仲有一碟醬汁，食落去酸酸地，慢慢食都唔會太漏友人叫左一碗雞濃湯飯雞湯用一個小茶壺裝住，同飯係分開上既，留俾客人自己選擇倒幾多落去

未倒雞湯前先前左啖飯，質感偏硬，應該係避免飯被雞湯浸透而變得太稔倒湯落去啦~~~~~~

聞到一陣頗濃郁既雞香味，每一啖都食到雞油香，同埋濃郁既雞湯味基於友人實在太鍾意湯撈飯 (其實平時汁撈都搞到湯飯咁.....)

表示非常滿意~~~

雖然成碗湯都有雞油味，但食食下都唔會有成口油既感覺

反而今次雞濃湯飯比起吞拿魚腩丼更出色

其實仲有其他小食，有一款價值 $98 既燒帆立貝，希望下次再有機會試試

今日終於黎到 Mr. & Mrs. Cat ，之前網上面都有睇過有關呢間新開貓貓Cafe既訪問，但上次開業一星期由於人太多所以提早截單，所以今次下午時間就黎到，決定同貓貓過一個悠閒既下午。作為一個貓奴，雖然屋企冇得養小動物，但真係好鍾意有貓貓係旁邊一齊食野。

一如既往，為左保障貓貓健康，客人首先要除鞋，但Mr. & Mrs. Cat 係呢個位有做多少少，換鞋既鞋架上事先放置好一對對拖鞋供客人替換，感覺上就唔係赤腳踩上地板，呢個位有少少貼心。（題外話）但之後見到有其他客人本身係冇着襪既，照樣着上店家提供既拖鞋，可能要留意番衛生問題。

店內以木及和風為基礙，牆身，天花板甚至窗花都係用木板裝修，設有3張塌塌米矮座位及5張普通4人座位。由於一開始係我自己上去，被安排坐係二人座位

店員首先遞上Menu， Mr. & Mrs. Cat 以簡約為主。尤其鍾意MENU最底兩行，貴精不貴多!

Menu上食品一欄只有一個 甜品二人Set。店員亦好貼心咁表示若果我想要甜品set，都可以改做一人份量。

飲品方面有幾款：

手工水果茶，咖啡數款 及 熱溶朱古力

見到旁邊有客人叫熱溶朱古力，玻璃杯上再兩粒貓掌形狀朱古力，再配有牛奶及另一鐵壼應該係糖水（？），客人需要自己將熱牛奶倒入裝有朱古力既杯到，再將其搞混。

感覺好特別好似log on 有得賣既一舊舊朱古力磚，都係一樣買到番屋企再搵熱牛奶倒落去搞混。

但由於打算坐上一段時間既關係，冇叫到呢杯咁有特色既熱溶朱古力，叫左一壼凍水工果茶($68) 。

果茶用木板盛上，凍既關係，玻璃杯亦首先雪凍，好鍾意呢種貼心感。茶有淡淡熱情果味，入面仲有橙皮，菠蘿等果肉，橙皮既甘味令到茶唔會只得甜味，不錯！

坐左陣~同貓貓玩左陣有朋友表示都想上黎一齊坐，於是追加左 二人甜品set ($280) ，亦由二人座位轉到去塌塌米矮檯坐

坐矮檯可以同貓貓有更親密既接觸，有好多貓貓都會走過黎求抱抱，因為友人身上應該有好大陣貓味，所以好多貓都過左黎聞佢件衫😂

甜品set黎啦~！ 成個甜品set係用石板奉上，同店舖環境一致。首先見到！有乾冰係入面既鐵壼~！ 入面係兩支試管，其實係楊枝甘露，味道岩岩好，唔會太重奶味芒果亦唔會太酸。

然後係幾塊脆多士，配以一款墨綠色既醬，店員事前亦有叮囑小心唔好掂到放多士既雲石板，比較熱。

墨綠色醬第一眼見到就認定係抹茶醬，但試左啖，除左濃抹茶味外仲有少少鹹海苔味，非常特別！

另外係兩件小撻，撻皮為曲奇皮，上面有生果，咬開裏面有流出黎既淡煉奶，由於撻皮唔算甜，剛好中和煉奶既甜味。至於另一盆，有一大杯抹茶雪糕配紅豆蓉、兩件抹茶蛋糕、朱古力脆脆、綿花糖以及 木糠布甸

木糠布甸比較特別，平時出面食既都係用小杯裝住一層層cream及餅碎，但呢到會係板上擠出數條cream，再係上面灑上餅碎，由於同以往經常見到既外形，睇得出店主應該好希望創新。

最後再食埋幾片奇異果及朱古力醬香蕉等水果，中和左甜品既甜膩感，一讚。

唔好睇佢全部都細細件，當然唔好當以食正餐既心態食啦，以下午茶黎講絕對飽上心口！

食飽飽，又影左陣貓貓相，我地決定餵貓貓~~~

Mr. & Mrs. Cat 既 貓小食($25) 係新鮮白烚雞肉，真係聞到都覺得香呀~~~~開餐啦~~貓貓都爭相跑出黎食野，最鍾意睇住貓貓食野個樣，佢地為左食，更加會爬上身到爭野食~同貓貓玩完一輪，都夠鐘離開，鞋架上面掛住兩個除毛轆，俾客人蹗走身上既貓毛好感謝店家既招呼，相信會再番黎同貓貓玩~~餐廳名稱：Mr. & Mrs. Cat

地址：銅鑼灣富明街2-6號寶明大廈 1樓L室

營業時間：14 : 00 - 23 : 00

話說早前特地去試手卷店—築地熊既時候，見到旁邊有一間滿有日本居酒屋既拉麵店，店裏面只有一排12個座位，由於上次經過既時候係下午，所以打算留番下次晚飯時候先黎試試。
招牌係簡簡單單既木色配以射燈晚飯時間約6-7點，外面都唔算太多人排隊
係我地前面岩岩好有5位等緊，所以都需要排隊約10-15分鐘
座位全部都係吧枱，只有一排座位
舖外面有木架擺放好餐牌，反光一張係招聘告示
上次經過其實係因為呢張全日文既招聘告示而引起興趣餐牌上面寫有營業時間
下午 1200-1530
晚上 1800-2430
餐牌很清楚列出兩款拉麵款式豚骨拉麵 ($75) 蝦味噌豚骨拉麵 ($85)
SET 追加 味付玉子 可選配 炸餃子 或 龍蝦沙律
吧枱上擺放了幾壺冰麥茶同埋冰水
好懷念係日本食拉麵既時候 都係提供冰麥茶 / 冰水以前有睇過少少文章，都係講過日本傳統拉麵店即使係凍冰冰落雪既時候都係只會提供冰茶/冰水
大約係由於拉麵長期浸於熱湯會令麵變糊爛，飲用冰水會令口感變佳
但確實原因仍然有請專家指教 ORZ
吧檯後就係師傅及另外兩位員工

別天神標榜不含味精以及由100%豚骨及純水熬製而成
如果客人略嫌湯底稍淡，可以參考店主提供幾種「重口味」推介
大約每兩個座位旁邊都會放有 拉麵汁、蒜蓉、七味粉等調味料選擇左 豚骨拉麵 SET 蝦味噌豚骨拉麵 SET 追加龍蝦沙律 及 炸餃子
留意番~~別天神係ORDER完先俾錢既龍蝦沙律配有紫菜餃子共有四隻黎到主食部分，其實整個過程只有由俾錢開始只有大約5分鐘時間就上齊所有食物
豚骨拉麵
湯底偏白亦較淡，但仍有陣陣甜味
雖然店家表示冇用到牛乳作湯底
但仍然覺得有少量牛乳味道
友人之後覺得麵太淡，跟左店家推介既方法落少少拉麵汁
配有半熟玉子、叉燒蝦味噌豚骨拉麵
蝦其實係櫻花蝦乾，
比普通豚骨拉麵較濃味，除左甜味外仲有一陣蝦味別天神既拉麵採用幼身拉麵，雖然鍾意食日本料理，
但都未清楚每一種每種唔同既麵身有咩特別唔同既質感由叉燒分泌出黎既油脂浸滿湯底，但由於湯底唔算太濃味
所以亦都唔會太漏
一個女仔份量都食得哂! (雖然有可能係我大食...ORZ)
貫徹日本小店作風，食完就會走，始終小吧台關係，都無謂霸住人地個位太耐
餐廳名稱：博多拉麵別天神
地址：銅鑼灣告士打道277號地下3A號舖
營業時間： 12：00 - 15：30 18：00 - 00：30