觀塘, o係我心目中係多人到無朋友, 而我公司由北角搬過嚟, 一直覺得人多到無啖好食... 同事無方向, 我估唔到連簡單食個lunch 都要上"開飯"搜索． Friendmily - 比較型仔o既名, try try 啦。

12:10 衝左上去, 估唔到又幾骨子喎, 至少比APM果間"香港製造" 親切D。我無訂位, 靚仔侍應話盡量幫忙安排坐位 , 掂!

個木餐牌簡單得o黎幾有心思, lunch 都起碼有6個選擇, 而我揀左香煎鱸魚, All time ladies favourite.

先上湯同餐包:驚喜喎!
牛角包充滿牛油香味, 熱辣辣, 最like 係外皮香脆, 好似酥皮一樣。
(湯如果辣d 就更fit)

主菜:香煎鱸魚長碟上菜, 特別開心 (個人喜好~ )   薯蓉 + 魚 + 沙律, 足夠我觀塘入便俾一個高評價o既午餐。未食就聞到塊魚煎得好香, 切開係仲出緊煙o既白色魚肉, 配佢個(唔得乜名)甜甜酸酸o既汁, 老土D講句- 醒神開胃! 

缺點:
要彈o既係佢開得比較晏 (12點先開始營業), 有時食早輪就未必幫襯到佢。

頂級滿意o既一餐joyful lunch。人潮亦唔經唔覺坐滿左餐廳, 有射自然香, 難怪咁熱鬧。小儀話齋:美味指數, 無得輸!