第三次黎，又一次叫棉花糖炸雞，因為同行朋友想試。朋友話似糖醋骨。芝士去骨辣雞腳，同想像既唔一樣，唔係印象中紅色既雞腳，係白色既不過味道OK，唔算好辣，芝士好似太溶，唔太癡到雞腳。一貫的手抓飯，覺得呢度d手抓飯味道好，上次自己抓，好鬆散，今次都係請侍應抓，結實啲！PS 覺得呢度服務好，女侍應係幫我抓飯時聽到我地吃雞腳辣想要水，不停用眼神搵其他侍應俾水我地，好細心。

好驚又俾質疑係收受利益⋯⋯

上個禮拜諗住去試下米線陣。
到門口時，要攞飛排隊，但見到鋪頭入面明明有好多位，未安排人入去坐。算，因為號碼算前，好快叫左我地入座。
三個人，叫左單上面既三樣野。
坐近廚房位，見佢地不停出外賣單。
本身已經好餓，諗住米線呢d咁簡單既野，好快有得吃，點知等左成半個鐘都未有。侍應俾其他人cut單（外賣堂食都有人cut單）但唔俾我cut，等左好耐都係出得一碗，忍無可忍，最後都係堅持cut另外兩個單。cut左單，先上第二碗俾我，唔通我會食？
老老實實，米線d咁普通既野都要整成半個鐘以上，真係好失敗。食物又唔係有特色，味道又唔係特別好，又唔係特別平，仲要咁無效率。
無下次！食物上檯都咁樣衰，味道平平。早過11:34落單，但11:34先出單，12:02cut單

星期五晚睇1930。睇戲前，諗住吃d野，行過翠河，見六點幾都仲有下午茶，就試下啦！
同行叫左個下午茶炒麵，份量都唔少。我叫左個肉醬意粉，有餐湯（中湯），無餐飲。整體味道ok。
如果六點半前仲想吃下午茶，可以考慮下。其他價錢都唔係好貴。

五點幾到，門口既侍應聽完訂檯電話之後，接著聽私人電話，好淡定好滋油咁慢慢講，都唔招呼客人，我要主動講唔該，等佢得閒先帶我入座，欠缺職業道德，員工培訓有待改進。

五點幾，所以無乜客人。但都係限時90分鐘時間。

叫左個牛肉二人套餐，份量唔多。現實同圖片差距有啲大。侍應算refill生菜幾快手，一無就refill。

蝦唔新鮮，蝦肉好霉，味道一般。 牛肋排大小不平均，往往一端仲未熟，另一端差唔多燒燶。三種牛肉味道談不上美味，相當失望，稍微對不起這個價錢。

反而什錦拼盤的烤蕃薯同菇味道不錯，不過得一片。烤年糕亦有驚喜，外脆內軟。但呢d都係無調味既食材。爐邊蛋容易挖出黎，比較可取。

總體而言，肉類味道&質素一般，服務態度又唔係特別好，偏貴，好難有下一次。

叫左個辣子雞飯,外賣單寫$45,黎到收$50,算。辣子雞份量很少,而且椒比較多,我都算。
但我除左食左半舊雞中翼(圖左上角已吃),其他都係雞頸雞骨同雞皮,完全無肉食囉。

一直以黎覺得勵揚的食物大份足料好味道,所以雖然價格比附近幾間快餐店貴少少,我都堅持幫襯,
但依架淪落到咁既質素,以後唔知食乜好!