今日同朋友去深水埗買電子產品，有D肚餓，深水埗大把野食，選擇太多，都唔知食甚麼好，朋友和我都嗜辣，所以最後我們選擇了桂林街嘅「傷心酸辣粉」。 進入店內，首先給我的感覺是︰環境好乾淨，好舒適。 之後，點咗幾樣店員推薦的食物。 重慶香辣烤魚可以選擇不同的辣度，配合各人的喜好。烤魚質素唔錯，條魚甚少細骨 ，可以安心地大啖大啖咁食 。肉質又夠嫩滑 ，煎香後再放入爐上烤，外脆內嫩。烤魚配料十足 ，有蓮藕片、金菇、木耳、枝竹、豆卜等等一同烹調，滲入了烤魚的麻辣香味，吃時百感交雜，麻得嘴唇都痺了，但又像上癮了似的，總想把食物送入口中，又刺激又滋味。以這樣的價錢吃到的質素來說，尚算合理 。  口水雞同樣可以選擇不同的辣度 ，雞肉肉質都幾嫩滑，醬汁又夠juicy，本身不愛吃雞皮的我也忍不住將雞連皮放入口，雞的皮和肉之間的啫喱狀凝結物更顯得雞的嫩和軟滑。如果辣度增加的話，口感更好，會愈食愈惹味。 炸雞軟骨很香口，很好食 。當你食得多其他味濃的食物時，你就會發現雞軟骨騷香鬆軟，脆卜卜的，愈食愈滋味，而且又能中和口腔中的痲痺的感覺，是解麻辣的良方。 海蜇爽口，配搭上特製嘅麻香醬汁，相當惹味 。

成日聽啲姨媽姑姐系飲早茶嘅時候傾起傳點心意嘅叉燒腸幾好食，一直都想過嚟試下，睇下究竟系乜味！！搵日終於跟著六姨婆嚟食叉燒腸啦！！~~好開心吖！！· 食叉燒腸之前梗喺要點翻幾樣前菜先，雞包仔啱上嚟嘅時候真係新鮮滾熱辣，上邊仲有騰騰熱氣。個包好鬆軟 芒果布甸，系一個好好味嘅甜品！！上面系一層超厚嘅芒果層，入面有好多芒果肉，酸酸甜甜，仲有少少涼涼地。 棉花白兔仔，小朋友一定會好鐘意呢個。因為實在太kawayi啦~~其實就係好味嘅糯米糍，好綿好軟.. 蝦餃皮薄蝦厚，好味無須多講！ 最後就係今日嘅主角啦，叉燒腸..每一舊腸粉入面都包著滿滿嘅叉燒肉！！而且系瘦叉，啖啖叉燒香味，回味無窮啊。

呢兩日除咗食都仲喺食，真係好驚邊一日自己會食滯咗，啊哈哈哈哈。不過我個胃咁頂得著，咁就繼續食落去啦！！唔好俾佢停。晚飯時間過嚟食都唔貴，338蚊一位，8點半之後嚟仲平啲添~~海鮮可以見到好生猛~~牛柳、鮑魚&大海蝦，海蝦真係好新鮮吖~~！！鮑魚好鮮甜！！火鍋餸菜，好多款吖，多到都唔知揀邊樣好....馬拉糕蒸得好靚，切開唔會好多窿窿，又甜又軟熟！！滋味雞湯真係好滋味，濃濃嘅雞味，精華喺曬個湯入面！！

同honey系一齊做幸福嘅事，莫過於食一餐好romantic嘅晚餐啦~~！幸福感都滿到就嚟要泄啦！！ 呢餐食得都唔系好貴，400幾蚊兩個人食就可以食到好多野啦，有安格斯肉眼扒、西班牙海鮮飯、雞翼、鮮奶咖啡同沙律~~ 安格斯肉眼扒用嘅系自家制薯蓉燒汁整嘅，扒系5成熟，所以切同食嘅時候都可以feel到扒肉好嫩，而且食嘅每一啖都有薯仔嘅香味，再點翻啲燒汁食仲正！ 雞翼三重奏，呢個幾特別嘎！！雞翼有三份分別用唔同醬汁整嘅，每試一樣都覺得好神奇。 沙律有好多種菜，有啲菜我都唔知叫乜，不過就真係好爽脆！ 鮮奶咖啡，拉花拉得好靚，我飲嘅時候都盡量小心唔destroy佢，好香奶味 西班牙海鮮飯，好似西式蛋包飯咁，有好多番茄醬，酸酸甜甜開胃。

好耐之前就係網上search過盈福小廚，之前就已經一直都好想嚟，今日終於有機會啦！！呢間餐廳里Bape唔系好遠，古色古香嘅裝飾同埋簡潔乾淨嘅門面都係好吸引人嘅。 點咗白酒鮮胡椒浸花甲、銀鱈魚塊、1隻青島啤，飯後仲有紅豆沙送添！！~~··· 兩個人食咗400幾蚊，茶位系10蚊一位，服務費系40蚊。胡椒浸花甲，胡椒味好香，滲曬啲花甲肉入面，所以食花甲嘅時候會覺得辣辣地，好有味！而且花甲新鮮~~ 銀鱈魚塊，頭抽嘅味道好正，有少少甜味又唔會覺得好鹹，鱈魚無乜魚骨，而且魚肉新鮮好食！ 雖然系送嘅紅豆沙，不過整得一啲都唔馬虎，好好味啊@@！入面仲有好多料，譬如話蓮子。口感細滑~

發現咗一間幾唔錯嘅西餐廳，特別系佢餐廳入邊嘅裝飾，個人覺得非常適合宜家香港人嘅生活方式同attitude，所以得閑一定要嚟一次。 因為嚟得比較早，6點左右就到啦，即刻就有位，兩個人平均都係食咗80蚊左右，最抵食嘅系佢嘅tea or coffee！！Iced O Tea凍檸檬茶，都隻不過系5蚊一杯！！ 真係好抵飲啊，檸檬嘅酸味同清香嘅茶味好match 仲有呢杯Nitro Coffee氮氣咖啡同凍檸茶一樣，都隻不過5蚊，咁平嘅價錢就可以飲到咁純嘅氮氣咖啡，真係好值得囖。。 烤牛肉法式麵包，其實賣相就有啲似平時食嘅hamburger咁，不過入面嘅牛肉并唔系一大塊牛肉餅，而系一細舊一細舊嘅牛肉塞滿個麵包。 呢度好特別嘅一個菜——叫棉花糖焦糖香蕉雪糕多士，顧名思義，即係又有棉花糖、又有西多士、又有香蕉雪糕，棉花糖好甜，香蕉雪糕有濃濃嘅香蕉味，多士伴著焦糖食好味·

老實講，一間茶餐廳嘅品牌除咗靠佢店嘅食品味道嚟衡量，另外一個好重要嘅方面成日都會俾人忽略，就係你嘅服務態度！！！就算你間鋪嘅野食再好食，服務態度唔得，一樣唔好！真心唔想同啲態度惡劣嘅人嘈，費事影響自己食野嘅心情..···香脆奶油豬仔包好平，都只係15蚊一個，不過賣相就好差啦，包皮都碎曬咁，奶油味幾濃，不過一定要趁熱食···絲襪奶茶，最好飲熱嘅，因為凍嘅會落好多冰，放得耐啲冰融曬會影響成杯奶茶嘅口感，淡曬。雞扒通粉，雞扒煎得有啲過，外皮都窿窿地，不過啲肉都仲食得，成碗粉最有味嘅就係雞扒，通粉根本無味。 豬肋骨米粉，米粉嘅份量好少，我一個人食都唔夠吖！！

金鳳都算系一間老店啦，而且聽講仲入圍咗2016年我最喜愛食肆。不過通常呢啲茶餐廳都有一個通病，就係好唔好老皮····某人講我知，落單落得慢啲都會俾人鬧，我唔系好信，不過都先做好心理準備！店面唔算好大，入到嚟各位侍應都係黑！口！黑！面！執餐具嘅時候基本上都係用throw嘅，好彩都係塑膠餐具，唔系都唔知一日可以爛剩幾多碗碟。點咗兩個常餐，主食+火腿炒蛋+菠蘿油，都係果啲野啦，菠蘿油都係招牌，好多人嚟打包，不過我真心覺得一般般。個包太厚重，好頂肚就係真嘅。火腿炒蛋根本唔算得上評價好唔好食，就當去系一隻蛋食落去啦。。。

大學兩個死黨系國外翻咗嚟，前兩日已經帶佢地回味咗香港嘅茶餐廳啦，今日就帶佢地嚟呢間小曼谷泰國餐廳，試下呢度正宗嘅泰國菜！！ 香味十足嘅冬陰公湯~~128蚊一份，好大一煲，而且入面有好多大頭蝦，隻隻蝦都好大隻，蝦好入味，冬陰公湯嘅味道夠重！！好飲~~ 西冷牛小扒~~168蚊好似，半生熟左右，不過又唔會聞到牛腥味，肉質嫩滑~~而且份量足。 泰式咖喱炒海鮮，同牛扒價錢一樣，海鮮有花甲、蝦，然後就係好多好滿嘅咖喱，香得嚟又好開胃~~ 椰青，比我之前去海灘買嘅要大個好多，而且入面嘅椰肉好爽，椰青清涼好飲！！！ 招牌海南雞，因為我系唔食雞皮嘅，所以我好care雞皮上面有無毛，呢份雞都算乾淨，而且唔會覺得油膩~~肉質鮮美！！..

嚟嘅時候先知道原來呢間嘅店面咁細仲系隔開嚟坐嘅。不過好彩唔洗排隊，直接就可以入去食啦。令我覺得好特別嘅系呢度一共只有四種麺！！！！魂、火魂、青龍、太極。青龍！！我覺得簡直就係呢間店嘅王牌麺啦，湯底好好咁融合咗豬骨湯嘅濃郁味道同青菜嘅香味，完美嘅搭配實在好難形容！青龍其實系指蜻蜓，寓意雨後清新，一個新嘅開始。菠菜汁就係池塘！~~太極！！從外形睇可能就係一碗平淡無奇嘅豬骨湯拉麵，但係就係果少少蟹膏，直接將味道升咗一個level。好味到湯都要飲曬啊！