🐄
超厚既三角形蛋餅充滿蛋香同蔥香
和牛牛舌 牛味十足 不腥不膩
切成粒狀溶入蛋餅 咬落爽口唔韌
依稀記得入面重有洋蔥、薯仔等既蔬菜
大大豐富左蛋餅既層次感
特別鍾意面頭既蛋黃醬
一開始重覺得自己好似食緊章魚燒咁😂
一碟有四大塊蛋餅 食落都幾飽肚
送酒一流！👍

✅
講到墨西哥野點少得脆卜卜既Nachos
三色粟米片用左三款唔同既粟米整成
最鍾意紫色既Nachos 顏色又靚又香粟米味
另外我深深愛上左佢既牛油果醬
味道唔算不過好清新 重有紫洋蒽既爽甜
不過略嫌定價稍貴 如果份量多啲會好少少
如果唔係要我一個食三盤都無問題😏

另外一個係熱辣辣既軟薄餅夾住豬肉同芝士
每食一啖都有拉絲既效果
入面重有蕃茄粒同黑豆
不過都無降低到芝士加肉既邪惡感
配料沾醬都有好多款
最鍾意依然係小清新綠色既牛油果醬
而男朋友就鍾意墨西哥辣椒醬既刺激
其實食一塊都有啲飽 所以要同朋友share食💁🏻

我地而家正式宣布Tokyo secret
打入我最愛抹茶雪糕榜三甲✌🏻️
要樣有樣 要味有味 價錢合理
真係好鍾意佢既森之樹林
入口抹茶味好濃但唔算苦 奶味唔重
每食一啖都好香茶味 完全唔做作😍
下面既年輪蛋糕帶黎好大既沖擊
因為佢同抹茶雪糕實在太夾啦
雖然綿花糖係靚 不過有有少少甜
影相當然係靚 但我想專心同抹茶拍拖
如果可以比客人揀要唔要就好喇😝

一點左右去到 大概排左半個鐘入得去
個餐係七分鐘之後就到左 
夢寐以求嘅餐券 就係呢一刻化為烏有
唔緊要！等我試下先！
嘩啲炸豬扒真係拉到芝士絲喎
唔係一兩條係成舊都有😍
雖然啲芝士唔係話好濃但係已經夠邪惡啦
炸得岩岩好無過火 豬扒好厚身鬆軟正！
跟餐重有茶碗蒸、枝豆、甜品小奶涷
、面試（❌）麵豉湯（⭕️）、同白飯一碗
湯同飯重有麥茶都可以任斟食到飽
不過當日白飯太濕 落多左水煲
甜品奶涷略嫌雲尼拿味太過假
其餘食物亦同傳聞一樣性價比極高
食完再有衝動想再食 極力推薦🙏

另外一個吸引到女朋友回頭既就係佢😍
原本覺得薩利亞個魷魚已經好抵
點知呢度只係廿蚊咋！！
個賣相大份又整齊 兩個人都食唔哂
配一小片青檸同七味粉 入口更有風味 
雖然有少少濃左同唔夠鮮味
不過食落唔韌 而且有調味料協調之下
味道尚算唔錯 價錢更加係超值！
Our Instagram: Food_Explosion_