唔明點解會有人覺得好食！ 以下列出食無老鍋遇到不快的事： 1. 一開始點湯底，店員話點鴛鴦湯底要另外加錢，但Menu又無寫，明明本身鴛鴦湯底已經貴啲，我聽到都一頭霧水😵‍💫😵‍💫我問點解Menu無寫，店員都解釋唔到 2. 叫咗鴛鴦湯底，辣湯底唔辣唔麻，白湯底食到藥材味，不過好重味精，好咸。食到中段，直頭覺得兩個湯底一樣味，仲食到好口渴，淨係食好咸味。 3. 店員好似催你走咁，食到後段不斷收你啲嘢走。 最後兩個人食埋單大約$800，性價比極低！同一個價錢大把選擇，唔洗食重味精湯底。

我吃見見麵不下十次，已習慣它水煮魚的辣度十分飄忽。試過叫中辣辣到食完要去廁所屙屎，又試過叫大辣完全覺得唔辣。今次就叫中辣水煮魚，個湯完全唔辣，只覺得很油，又唔香，魚肉仲帶點腥。另外，店員衛生情況惡劣。有個洗碗姐姐放啲湯殼入櫃，有兩個跌咗落地，佢就當無事發生放入櫃。另一個侍應經過，我同佢講有湯殼跌咗落地，但洗碗姐姐照放入櫃，個侍應竟然當冇事發生，理都唔理我哋。我當堂嚇咗一跳，估唔到佢哋衛生情況咁差！ 總括而言，今次水煮魚十分之差，而且啲侍應衛生都好差，以後都唔會再去。

下午天氣皓熱，走進鐵牛歇一歇，順便叫個下午茶試試。$36一個下午茶，包一個主食和三個小食，叫凍飲要加$6-$9。叫了一個麻醬伴麵，小食則有台灣腸、頭腐和鹽酥雞。麻將拌麵味道不錯，麵質很好，但麻醬可以更濃一些。而小食方面，個人應為豆腐最好吃，其他都是一般。

吃過很多次太二，對那味道流連忘返，見香港新開了太二班底主理的酸菜魚，便過來一試。 點了一個二人份的酸菜魚，樣貌與太二的相近。吃一口魚，帶少許腥，沒有太二的滑。再吃一口酸菜，沒有太二的酸。把所以菜料拌勻，再吃，味道開始相近太二，而且薯粉比太二的好吃。可是香港版的豆腐不像大陸版，香港的是重黄豆味，而且容易醉。大陸的像魚蛋片一樣，沒有黄豆味，但有咬口。 總結，味道有七成似太二，唯酸菜不夠酸，魚不夠滑，辣度亦不夠。但若太掛念太二的味道，又沒有時間回大陸吃，可以到這裡吃。而且這裡不用排隊，但限時兩小時。

早有聽聞大喜屋食物質素味道都十分好，但今次試過後覺得名過於實。
今次早一天已訂位，一行7人去試大喜屋。
一開始大家叫了刺身、燒物，甜蝦和北寄貝不錯，新鮮味美，但三文魚卻令人失望，吃起來沒甚三文魚味。而刺身當中，最差的是希靈魚，入口強烈的腥味溢出，如果你有一個好憎恨的人，可以叫他叫大量來試。
燒物全都好吃，一口牛最好吃，牛味重，肉汁多，配上一片炸蒜就無與倫比。
芝士年糕也不錯，但因怕會太飽，只叫了兩隻。
有朋友好奇叫了蟹粥和冷烏冬，我本身沒有期待，心想：「你班傻仔，食放題叫會包肚野食。」但竟然，它們卻令我喜出望外，可能因為沒有過期望。

總括，刺身尚算新鮮味美，唯希靈魚是大伏，有勇氣人士可以一戰(真。男人可以喺女士面前表演，搏取歡心)，其實食物如燒物和壽司都合格，燒物熟食尤其出色。二百幾蚊價錢，食物質素算不錯，但因人太多和地方不大，坐得不太舒服。