灣仔★Verde MAR有次經過見間餐廳望落好有特色就加左入to-eat-list，今晚特別日子就心旭旭黎依間特別既餐廳慶祝下一黎到已經有老闆熱情既招待，記得上次我只係係門口望望下佢都好友善咁歡迎我得閒黎
室內環境好有異國風情，一室木傢俬配上泥黃色既牆身，天花板吊住一盞盞昏黃既小燈泡，成個感覺ｗａｒｍ到有ｄ熱，哈哈！喜歡牆上既花紋牛仔帽同星型裝飾連職員都清一色外國人，真係有一刻幻（妄）想自己去左旅行

作為慳妹，黎之前已經發現餐廳都有加入SodaCard，有免費nachos做迎新禮物。點知，黎到再發現原來會員有生日獎賞！正日黎到竟然可以free任何一個main course好驚喜既＂生日禮物＂呀～
搵食時間Nachos（small，迎新禮物 $0）：★★★★★ ★★★★☆
粟米片卜卜卜卜卜，爆脆，不槐為賣飛佛哈哈～就咁食就淡左d，不過點埋咸香十足既芝士再加埋辣辣地既墨西哥青辣椒就無得頂喇
唔係要留肚真係好想encore
（後來又開心大發現：happy hour黎飲野都會免費送比你食）

Aqua chile snapper（$148+10%）：★★★★★ ★☆☆☆☆
加左lime juice成碟野水汪汪賣相不如想像中吸引貪得意揀左鯛魚刺身唔要生蝦。其實都唔係好識食，只係覺得口感一般般，鮮味亦唔算突出。不過點埋d青瓜生洋蔥&靈魂辣青檸汁，真係好fresh又開胃唔好講笑都幾辣下，食完要灌水（但又好刺激想繼續食）

Tacos（$98+$10+10% ）：★★★★★ ★★★★☆
食食下都係忍唔住追加番碟墨西哥捲餅由左至右分別係咸香十足但肉質略為扎實既燉豬肉(carnitas pork) > 香口炸鰨魚手指(fried sole)🐟 > 要加十蚊既爽甜大蝦(shrimp)不過d餡料都係其次，塊軟熟玉米餅同埋d配菜蕃茄粒牛油果醬先係重點哈哈～Yummy！

Chargrilled cactus（$108+10%）：★★★★★ ☆☆☆☆☆
雖然都無乜期望，但一場黎到點都要試下特色墨西哥直送仙人掌。味道因為面頭灑上既海鹽而咸咸地，口感就好似秋葵咁黏黏地，食唔慣整體感覺怪怪地唔建議落青檸汁，加埋d酸味可能會更加影響食慾哈哈哈～
不過呢“苦口良藥”，話晒佢都營養豐富，有大量維生素同礦物質嫁（但……都係食一次夠啦…）

Wet burrito supreme（原價$168，生日禮物$0）：★★★★★ ★★★☆☆
嘩！唔怪之得叫supreme真係好巨型而之所以叫“wet”burrito就因為面頭灑上秘制開胃蕃茄汁同埋邪惡既chedder & mozzarella cheese，夠晒重口味！
塊軟熟墨西哥薄餅除左包住各式各樣既配料，仲有幼長飯粒唔洗擔心食唔飽餡料揀左grilled fish，不過味道都比d香料搶晒volt唔係好品嚐到～
食完依舊傢伙，真係既滿足又飽足

ｄｒｉｎｋｓ

0

ｄｒｉｎｋｓ

SOL mexican beer（原價$55，HH買一送一）：★★★★★ ★★★☆☆
（啤酒肚教落）肥仔野送啤酒是常識吧！依枝墨西哥啤酒又幾易入口喎，加埋青檸汁更加清新解滯話咁快就飲完一枝又一枝～

埋單$651-$168(bday offer)=$483/2ppl。
整體黎講真係好特別既晚上非常享受餐廳既氣氛，服務態度又熱情，老闆好鬼識做少有地品嚐到地道墨西哥美食，某d食物真係食唔慣，但overall都滿意，尤其鐘意d jalapeno得閒黎happy hour飲番杯再食下nachos（重點）都好啵

灣仔★鴛鴦口味長週又係星期六過海黎到灣仔，一於又去利東街搵食。今次既目標係一間門面望落都幾高檔既fusion茶餐廳室內環境光猛，樓底高又有大玻璃窗感覺舒適無壓迫感。如果唔係牆上同餐具上既可愛old school小朋友仔加入中國原素，真係以為自己入左間西餐廳。搵食時間宮保雞丁酥皮盒（$68+10%）：★★★★★ ☆☆☆☆☆
好“精緻”既fusion小點呀下，上枱第一時間唔係試食，而係打開menu睇下要追加d乜…個宮保雞丁食落酸酸甜甜，可惜唔夠麻辣亦唔夠惹味 ，仲要搵唔到腰果/花生既蹤影！酥皮就幾香脆又唔油膩既，只係好似一口酥咁未試真就食完喇除番十幾蚊一粒，定價真係偏高…
蒜香西班牙辣肉腸冬菇煙肉意大利粉（$108+10%）：★★★★★ ★★★☆☆
又來一個fufu地sion既菜式，材料多得黎望落有點雜亂，咩都炒埋一碟既感覺
味道有驚喜意粉煙煙unun又炒得乾身唔油膩，好彩蒜香唔會過度濃郁食到成陣味辣肉腸口感略為扎實左d但辣辣地好惹味～不過…最深刻都係好鬼香既冬菇

..............................食完主菜可以進攻滿心期待既甜品喇！
阿華田雞蛋仔配香蕉士多啤梨（$68+10%）：★★★★★ ★★☆☆☆
想當初就係係雜誌見到個雞蛋仔而想黎幫襯個雞蛋仔又真係幾濃阿華田味而又唔會太甜，見佢好似好薄身，原來食落香脆又有內涵，

阿華田雞蛋仔配香蕉士多啤梨 $ 108

1

阿華田雞蛋仔配香蕉士多啤梨 $ 108

夠晒煙un

可惜朱古力雪糕真係唔太掂，味道普通仲要勁快溶…d香蕉同士多啤梨就叫做有生果食下咁啦。
不過整體黎講真係有點over priced，有得揀淨係要個雞蛋仔就夠喇～

串串西多士（$62+10%）：★★★☆☆ ☆☆☆☆☆
以為有咩特別，原來就係兩串野加兩件小西多士再加d醬/糖霜/彩虹糖做裝飾既“藝術品”……個串串包括棉花糖士多啤梨蜜瓜哈蜜瓜菠蘿，生果都鮮甜既，不過一次過可以食幾樣生果唔太做到賣點主角西多士亦令人大失所望，炸得乾身但無蜜糖點，食落好dry又唔軟熟，中間既花生醬仲要比得好孤寒…
又一低性價比既選擇。
Tea·cappuccino（$38+10%）：★★★★★ ★★☆☆☆
掙扎好冇飲是日第二杯咖啡，一問之下先知原來係“裝假啡”唔洗擔心
咖啡杯上同樣印有中國娃娃圖案，加添懷舊既味道面頭好似cappuccino咁有最愛果層奶泡～一飲落口，奶滑順口，茶味香濃而不澀，其實就係進階版奶茶八卦想知係乜茶，職員話由幾種斯里蘭卡茶葉混合而成嫁喎～
凍奶茶（$32+10%）：★★☆☆☆ ☆☆☆☆☆
無得跟餐都算，特飲貴都算，但凍奶茶都成三十幾大元真係好狼死
試飲朋友杯“貴野”一啖睇下有幾地道，不就是普通的凍奶茶，茶味又唔係特別突出…

埋單$414/2ppl。
整體黎講，有點虛有其表的感覺。
環境舒適雅致，服務態度友善，食物賣相尚算吸引，但咁既食物質素黎講定價實在太高。要知道茶餐廳既一貫定位係平靚正，想收人高檔茶餐廳既價錢，除左食物要有番咁上下gimmick同包裝，材料同味道都好重要。

要改變大家對茶餐廳抵食既印象絕對唔容易，不過餐廳都係試業階段姐，希望聽多ｄ意見會有所改善同埋，如果主要服務對象係外國人既話，可能都唔洗太擔心依個問題既？哈哈～

深水埗★Cafe Sausalito（cafe）今日黎開深水埗，又可以一試依個舊區既新興咖啡店。地鐵站行10分鐘左右就到大南街。
小店既木系門面係條街都算幾突出，門口有張深棕色原木枱，不過大熱天時梗係長期空置啦...哈哈哈～室內同樣係木系傢俱，營造出一室溫暖舒適既感覺。
一入門口既左手邊有塊壁報板，上面放滿左一張張客人自己裝飾過既印仔咭，方便下次黎幫襯買咖啡既時候可以即時再儲印仔。
右手邊就有個櫃仔，入面放左唔同既紀念小物（postcard, t-shirt, tote bag...etc），隨意選購。
另外，仲有個小雪櫃放滿消暑手工雪條！
不過最喜歡都係佢既高樓底仲有天花上既一盞盞掛扇。搵食時間茄醬肉丸意粉（$68）：★★★★★ ★☆☆☆☆
唔知係咪因為沙律配菜望落唔太新鮮，賣相一般般。
肉丸好似切粒漢堡扒，煎香左味道口感都唔錯，最近對肉丸既興趣上升ing個人黎講意粉略為幼左d，可能細細個食慣左大家樂既肉醬意粉，覺得茄醬都係配粗意粉……茄醬睇黎都係現成貨，甜左少少

煙三文魚牛角包（$46）：★★★★☆ ☆☆☆☆☆
上枱果下有少少O嘴賣相求其左d，餡料份量亦比想像中少。牛角包嫌未夠香脆，中間除左煙三文魚仲夾住炒蛋沙律菜，味道不過不失啦。
間cafe都係飲品出色過食物好多…

Flat white（$32）：★★★★★ ★★★★☆
咖啡拉個靚花再配上最愛既花紋器皿，賣相十分討好味道同樣無令人失望，香濃微苦帶奶香，口感順滑醇厚咁又陪伴我地傾左一個下晝let's chill～

熱朱古力（$24）：★★★★★ ★★☆☆☆
簡簡單單既朱古力裝入天空藍瓦杯粉墨登場，面頭仲意想不到有靚靚pattern，賣相好唔簡單
朋友仔大讚好味道，試飲左啖又真係唔錯喎朱古力味好濃郁，只係個人黎講略為甜左dd咁多....
埋單$170/2ppl。
整體黎講環境舒適，都可以話係深水埗既避世小天地，職員友善，服務慇勤。食物方面就真係略為遜色，好彩招牌咖啡無令人失望。如果只係想搵個地方飲下野自閉下/同朋友仔傾下計絕對可以考慮嫁

粉嶺★What The Food Cafe大熱天時由粉嶺站行成15分鐘去工廠區搵找隱世美食，行到大汗搭細汗，真係＂為左食，你可以去到幾盡？＂黎到工廠區花足眼力搵下依棟多利工業大廈啦～～

1

搭上１樓就有清晰指示帶領大家去間cafe，走廊既牆上有ｄ好似打遊戲機既圖案，神秘得黎又幾玩味。不過講到玩味，都唔夠佢個名咁爆！縮寫擺明係想引導人地諗其他野啦WTF喎..哈哈，絕對會成功引人注目
室內環境又幾型格～水泥牆充滿工業風，牆上面既裝飾雜亂而各有特色好似被化身為潛水氧氣筒既滅火桶啦，又好似門口既蝙蝠俠與羅賓(?!)既漫畫圖啦仲有廚房位掛係鐵絲網上面既型仔黑底白字menu，隱約帶點點日本拉麵店既形象搵食時間羅宋湯·麵包（跟餐）：
★★★★★ ★★★☆☆
Menu無寫所以當落完單waiter送餐湯餐包黎有surprise個午餐即刻變到好豐富咁…仲要d餐盆咁有特色💕餐湯酸酸甜甜幾醒胃，如果辣少少仲正薯仔紅蘿蔔蕃茄，餐湯黎講都好足料下～嘩嘩嘩，餐包係估你唔到咁好食熱辣辣，表面有d甜甜地既粉（個人喜好加分位），入面軟熟又香甜，可唔可以追加？

蒲燒鰻魚蛋包飯（$76）：★★★★★ ★★★★★
嘩嘩嘩，皇牌真係皇牌，一見傾心大大塊自家製醬汁蒲燒鰻魚，口感味道都頂瓜瓜再配上包住粒粒珍珠米既重量級溶岩滑蛋，真係飽左都忍唔住食多幾啖再幾啖！
好難相信七十幾蚊有咁既質素～～

明太子忌廉雜菌意粉（$68）：★★★★★ ★★★★☆
面頭鋪滿晒柴魚片帶點日本風味，意粉al dente掛晒creamy忌廉汁好鬼rich仲有粒粒明太子既味道，如果多番dd辣味仲正！哈～雜菌包括雞脾菇片同蘑菇片等等，口感爽甜，而且比得慷慨都為數不少嫁

Latte（跟餐加$18）：★★★★☆ ☆☆☆☆☆
用個肥o都o都雙層中空透明杯仔裝住又幾得意，明顯地無拉花，不過宜家睇番張相d泡泡原來意外地變左個心形可惜無法帶黎味覺上既滿足……質地偏稀，少左飲latte追求既醇厚感，比較似平時就咁跟餐既regular coffee另外咖啡係帶酸果種，not my cup of coffee

菠蘿梳打（跟餐加$15）：★★★★★ ★★★☆☆
夏日炎炎，最o岩飲番杯冰凍梳打，清涼入心消暑又解渴！仲要係菠蘿味，酸酸甜甜夠晒freshhhhhh！不過玻璃胃只係偷飲左一啖，唔知會唔會越飲越甜呢？
飲飲下發現杯野飲識發光原來玻璃杯底有盞燈仔，哈哈～埋單$177/2ppl。
整體黎講環境舒適型格（仲要有wifi），食物有質素，性價比又高，除左偏僻真係無嘜野好挑剔喇...平時十年都唔會入一次粉嶺，不過見隔離枱食burger食得咁滋味，又心旭旭想試下

太子★Franape Bar & Restaurant星期5放工即興搵朋友仔happy friday，當然係無book定位啦又要好努力係旺角太子搵落腳點...本身打算去太子既channel 3食下西班牙tapas，但打去book時話已經full左，職員即刻介紹去佢地開係同一條街既新分店，主要係食法國菜不過都可以照嗌channel 3既食物同飲品。
行到去係門口望過menu價錢合理，室內環境都好似ok就一於試下啦室內環境黑蚊蚊，牆上面有d塗鴉，都算係間幾型格既bra，不過就唔太搵到法國既原素搵食時間望望下，其實menu上面既食物同channel 3都幾相似，尤其係小食方面都係多西班牙tapas。番工番到個人呆呆地，左諗右諗先揀好嗌嘜
- Nachos（$30+10%）：★★★★☆ ☆☆☆☆☆
nachos絕對係我本身想再去channel 3既原因之一my favourite！哈哈～不過其實都應該係周圍都買到既dorritos，所以埋單先發現原來要收$30就覺得都幾貴下，$30夠我地買一大包食到飽喇（疑似有得不停refill？我地就只係refill左一次咁大把..）
其實都唔係介意果幾十蚊，但好似清楚寫番出黎會好d

- 炸芝士飯波配蕃茄莎莎（$58+10%）：★★☆☆☆ ☆☆☆☆☆
左揀右揀揀中你，見你炸到金黃包又無油林林賣相幾吸引，點知……中間既“risotto”更似煮得黏黏地既白飯，味道好淡幾乎嚐唔到一點芝士味！蕃茄莎莎得丁屎咁多，都係點蕃茄醬仲實際 ……
食左第一粒先醒起係channel 3已經中過伏，一時忘記左又中多次添

泡菜豚肉芝士漢堡（$88+10%）：<--menu寫$78，但宜家睇番張單發現佢收左我地$88★★★★★ ★★☆☆☆
最近試過加入泡菜既burger之後食過番尋味，見依度有梗係要試下wow，一大片半融芝士好邪惡！今次個餡唔係漢堡扒係一片片豚肉疊埋一齊，係就少左d juicy肉汁，不過配埋d泡菜好似食緊韓式小炒咁又幾正哈哈～
本身係普通薯條，不過waiter好好人詢眾要求額外加左d黑松露可惜薯條實在太幼又唔多脆 ，最後好少有地食淨左…不如考慮下轉粗薯啦？hee

Franape係酒類方面有更多選擇，例如wine果d，不過我地都係醉心於cocktail多d- Pinacolada（$58+10%）：有保證之選易入口，creamy得黎又有清新菠蘿味，o岩晒用黎襯d肥仔油膩野食d Rum都唔算落得好重手，飲完成杯都面不改容～哈哈

埋單$322/2ppl。
整體黎講環境都ok啦，只係後來多人空間略為有d逼狹可能新開職員好似都未係好上手，不過服務慇勤值得一讚食物性價比高，只係味道有待改善。不過見其他人都盛讚d法國菜，可能係我地揀錯野啦有機會再黎試下佢ｄ法國菜都好，橫掂都幾鐘意佢d cocktails

灣仔★La Bo La重建後既利東街煥然一新，除左一系列各有特色既食肆，仲有ｄ雕塑擺設，感覺上有ｄ似去左主題公園今次搵食既新派越式ｂａｒ都幾鬼馬，哩埋左係街尾既轉角（係喜遇既隔離）～
門面以黑色為主好型格，唔講真係以為係間潮bar唔知有得食越南菜門口有幾張黑色高枱可以坐，不過怕熱都係入去冷下冷氣算啦室內同樣係以黑色為主調，環境昏暗只開左幾盞黃光射燈，氣氛唔錯無意中發現有個一舉２得既位置，可以略為涼下室內冷氣之餘又可以吹下室外既晚風（如有..），感覺上好似幾正，可惜今晚同佢無緣喇搵食時間
原來越式河粉同泰國金邊粉係午餐限定。晚上既選擇唔算太多，只係一版menu，但都叫有齊snacks, salads, breads & mains。Tofu fries（$68）：★★★★★ ★☆☆☆☆
成個小炸籠咁上又切到長條形，唔知真係會懷疑佢係咪超粗薯（係都唔區…哈哈！）望真d就再聯想起街邊既臭豆腐，好彩依個唔臭之餘仲充滿椒鹽香，炸得夠乾身食落一d都唔油不過呢…中間既豆腐滑就滑喇，但味道驟然變得好清淡咸淡對比咁大有點怪怪的…

牛油果鮮蝦米紙卷（$98+10%）：★★★★★ ★★☆☆☆
食越南野點可以唔嗌米紙卷包住一大砌蔬菜絲又fresh又有口感，今次仲有埋又creamy又有營養既牛油果，再加埋隻爽口鮮蝦，perfect matchhhh只不過扮斯文無一啖放晒入口，食到散鬼晒……
味道就，不過米紙卷黎講定價有點過高 ？！諗諗下係屋企都可以試下親手炮制～哈哈
Vietnamese Banh Mi（$68+10%）：★★★★★ ★★★★☆
好得意呀，日本有炒麵麵包，越南都有越式法包
好失策放凍左先食，都無留意有冇烘熱…法包表層脆脆地，內裡夠軟熟唔乾身，最特別都係夾住平時食越南檬粉既餡料>>粉絲扎肉醃菜再加鵝肝醬好fusionnnn！估唔到食越南野都可以滿足下麵包控

明明黎到bar應該暢飲一番，無奈玻璃胃最近唔爭氣唔夠膽亂黎，有點可惜無機會一試依到既酒類添...

埋單$258/2ppl。
整體黎講環境氣氛服務都良好，食物創新得黎味道唔錯，價錢方面都係灣仔價啦。只不過食完成晚都有陣好typical既越式醬汁定唔知咩香料既味道縈繞口腔....anyway，有機會再黎試下佢既酒都好

太子★好雪片片尋日朋友介紹完，今日咁岩有飯局即刻去試下佢龍與鳳行下行下先知原來係隱藏係太子花墟之中既樓上鋪～入到去發現東南西北都有好多茶具擺設，清楚表露茶室既身分不過比起ｄ茶具，梳化ａｒｅａ更加深得我心室內裝潢帶日式感覺，簡約美麗而舒適星期一放工帶住疲憊既身軀黎到，坐係張梳化真係梳乎到有d蠢蠢欲睡zzz....搵食時間煙三文魚沙律（$90）：★★★★★ ★★☆☆☆
絕對覺得個沙律靚到值得有個藝術d既名，例如百🌻齊放啦！
三文魚玫瑰花打番開都有四片喎岩岩好夠分厚薄適中味道尚算新鮮。沙律菜粟米紅黃蕃茄仔除左令成個picture colourful d，仲因為加左好鬼酸既黑醋帶來味覺上既衝擊清新得黎真係好開胃呀下（可以輕手番dd....）。
個人黎講就麻麻地鐘意食紫椰菜，總係覺得佢苦苦地好奇怪咁
和風帶子明太子意粉（$138）：★★★★★ ★☆☆☆☆
上枱時大家都o左嘴，橫睇掂睇都係得一小撮意粉，份量少得可憐……
和風style灑上紫菜絲同鮮橙色既蟹子粒粒，賣相好靚帶子大大粒幾鮮甜，意粉充份掛汁，有明太子獨特既味道，唔腥之餘又辣辣地好正之不過開心既時光未免過得太快，每人分得一兩啖，“zip牙啦”都唔夠...
咖喱海鮮飯（$138）：★★★★★ ★★★★☆
睇個樣都知好食啦！黃咖喱濃稠適中，香而不辣夠creamy，撈飯食一流海鮮方面呢……兩粒爽蝦加兩舊厚魚柳清晰呈現眼前，我唔客氣啦～哈哈！驚唔夠飽下面仲有d入晒味既薯仔同紅蘿蔔添～
不過百幾蚊一個咖喱飯，都係要扣番粒
頂級安格斯牛肉漢堡（$148）：★★★★★ ★★☆☆☆
其實職員都提左我地一分為四可能會影響左個賣相，不過估唔到廚師既刀功真係咁麻麻地切到散晒d餡飛晒出黎…食果時都唔太辨認到入面有乜料，印象中就有芝士蘑菇蕃茄生菜～塊牛burger煎香左味道唔錯，都叫有d肉汁幾juicy，不過係咪頂級就見仁見智啦
好健康地……沒有期望中的薯條

花果茶（每壺$50）：★★☆☆☆ ☆☆☆☆☆
（前）臺灣果粒茶：睇到d深紅色都知佢濃，飲落真係好酸兼有少少澀朋友仔話好似濃縮羅拔臣o者o厘既味道……
（後）本身嗌左蘋果花茶，不過好似比錯左洋甘菊茶？！大家無乜所謂都照飲啦，味道勁淡同另一壺好大對比同埋無乜菊花既清香味…
見佢係間茶室，估唔到d花茶咁令人失望

埋單$614/4ppl。
整體黎講環境夠寧靜又梳乎食物賣相好靚，味道都幾好，只係性價比真係唔太高。花茶就令人期望落空喇，可能飲番d中國茶會安全d...
不過呢，假若想係太子搵個地方同人促膝相談都可以考慮下～～

大埔★Lanciano Ristorante（意大利餐廳）作為意大利菜擁躉，知道大埔有間意大利餐廳成日都想黎試下。不過有次夜晚經過見d野食閒閒地都二三百蚊都係決定搵次lunch黎試下值唔值先...
星期日12點幾黎到只有三四枱客人，人流稀少。相信餐廳為左節流，只係開左少量射燈同埋冷氣都開到好細，坐到有d出汗之餘感覺上氣氛都幾昏沈見到天花掛起既一面面意大利旗幟仔先醒起去左間意大利餐廳...最生氣勃勃都係個大魚缸，見到d魚游得咁happy我都好想去游水涼快一下

搵食時間唔知餐廳係咪好狼死地大幅加價呢？印象中以前只係$68+10%……

頭盤 - 蕃茄、薯仔、烚蛋配蛋黃醬（跟餐）：★★☆☆☆ ☆☆☆☆☆
賣相真係唔太掂，d醬多到浸住晒d材料

炸龍脷柳配醃青瓜蛋黃醬（午餐$98+10%）：★★★★★ ★★☆☆☆
仲長過手板咁大塊！仲要係無花無假勁厚肉！
炸粉食落有d似油炸鬼，好彩炸得香脆而唔會油林林不過入面既啖啖魚肉先係重點，層次分明，肉質嫩滑，好滿足只不過d配菜除左燒蕃茄之外真係唔太掂……西蘭花白烚無味，薯條唔脆唔新鮮然後醃青瓜蛋黃醬原來只係平時點魚柳既普通沙律醬？！
蝦肉西蘭花忌廉汁扁意粉（午餐加半份$38+10%）：★★★★★ ★★★☆☆
正，可以嗌個set再加半份意粉/飯，唔想太滯兩個人分份量岩岩好
中西合壁既配撘，總係覺得無啦啦加左西蘭花好似去左heahea港式西餐廳…好彩個忌廉汁調得好，creamy又入味，扁意粉煮得al dente，味覺上慰藉番弱小既心靈
蝦肉都幾彈牙喎，不過如想像中唔係特別鮮甜啦～至於d西蘭花呢，其實都好上汁幾好味，又爽爽地有口感
熱意式咖啡（跟餐）：★★★★★ ★☆☆☆☆
睇佢啡啡地色感覺上幾都好似唔太濃姐，飲啖先知原來咁濃郁帶苦加左成杯奶仔先叫易入口d，不過淺嚐左一兩啖都係比番喝得苦男人飲…

埋單$150/2ppl。
整體黎講食物（除左個頭盤）都幾好味，但環境係敗筆令人唔可以好好享受氣氛欠奉而又有d侷促，好有屋邨西餐廳feel。意大利菜黎講其實都唔算貴，但以依個價錢相信會有更好既食物ｘ環境組合

荔枝角★Little break coffee & kitchen嘩～雖然位置不是太明顯要係D2 place既正門轉番個彎先搵到，不過點幾已經full晒好旺場。懶得等位唯有屈就d坐好高既bar枱，但有得揀都唔建議坐，都坐得幾辛苦下嫁對腳又頂住＆張枱又高唔方便食野
多得幾塊大玻璃比d陽光灑入黎，室內都尚算光猛 入面以木系傢俬為主，再加上成面牆既擺設＆唔同類型既吊燈仔，提供一個舒適既環境比大家take a little break 粗略估計餐廳應該容納到3-4x人既，想吸煙門口仲有唯一一張outdoor枱（不過對住條馬路 ）

搵食時間 松子仁茄瓜羅勒醬意大利扁麵（lunch set $128）：★★★★★ ★★☆☆☆
Mix埋茄瓜蓉既青bb羅勒醬多到爆棚，好彩味道清新唔怕滯 不過個醬咁滋味，面頭既咸香芝士碎都功不可抹嫁
養生食材松子仁炒香左，香口脆身又帶營養價值 （扮健康…）！
再加埋軟硬適中既扁意粉其實成個pasta都好yummy嫁啦，之但係食食下開始有d空虛，總係覺得好似差咁個餸 ？！咁既價錢比多舊魚柳黎就差唔多 …哈哈

韓式泡菜和牛漢堡伴炸薯條（午餐$158+10%）：★★★★★ ★★★★☆
wow burger既餡料一目了然，睇到流晒口水！淨係震騰騰太陽蛋同半溶芝士已經好誘惑，仲有埋下面成吋厚既和牛漢堡 頭幾啖覺得肉質實左少少，點知越食越juicy，d肉汁加蛋汁用黎點包食一流 鐘意佢加埋酸酸辣辣既泡菜依個組合，幫手開胃解滯
嘩～伴碟既粗薯都好鬼正呀 外層金黃香脆，內裡又粉又有薯香 不過最靈魂都一定係個黑松露醬！無得輸 ！
唯一可以挑剔既係lunch加埋一成$164，略為貴左d啦
Flat white（跟餐，原價$36）：★★★★★ ★★★☆☆
好靚既拉花咖啡 面頭既泡泡就快要湧出黎咁，急不及待出口相救！
正呀flat white，milky得黎又保留住香濃微苦咖啡味，唔會好似latte咁奶，哈哈>>新對象 ！
不過飲飲下杯咖啡面頭開始變樣“嘔白泡” 應該打左好多氣落d奶泡到。埋單$315/2ppl。整體黎講環境舒適（除左我地坐既bar枱位），服務態度都唔錯，只係咖啡出得比較慢。食物絕對係比想像中有質素（可惜試唔到期望中既pancake好似tea set先有 ...），但午餐黎講價錢好似略貴～～

銅鑼灣★鱈卵屋一直都心思思想黎試依間以日本博多直送明太子為主打既日本餐廳，可惜上次黎到已經full house，今次醒目book定個靚位入到黎先知原來真係有個日本人坐陣喎，佢掌管住餐廳正中間既area，睇黎都係老闆？
嘩～好有心思呀下，竟然枱上面有張寫住客人名既歡迎卡［大概意思就係多謝你今日預約黎，希望你係到有美好既時光。］枱面既筷子座原來係可以食既nuts，哈哈～飯前小小小吃搵食時間
鬆軟明太子上灌湯蛋卷（$78+10%）：★★★★★ ★☆☆☆☆
見到都流口水！不過細心少少望d蛋層既紋理就覺得好似老老地，果然食落無想像中咁軟滑，好彩蛋香十足補救番，又成吋半厚有多感覺好滿足
中間爆滿既明太子顏色就好搶眼啦，味道就唔係好突出，要細味先食到佢獨有咸咸地又辣辣地既味道或者可能係期望太高……？！

多士拼盤（$48+10%）：★★★★★ ☆☆☆☆☆
麵包控見到烘到金黃色既多士真係心花怒放，可惜一啖咬落去換黎既係失望個包完全唔新鮮唔軟熟又乾身！！
明太子多士面頭有d魚毛仔增加下口感，味道就唔係好出眾只係食到咸咸地，反而蒜蓉多士整得仲出色，惹味得多
sigh..麵包絕對是敗筆。

三文魚拼油甘魚鱈卵碗（$138+10%）：★★★★★ ★☆☆☆☆
“三食”鱈卵碗
（零食）er…乜都無加既既三文魚好似淡左d，油甘魚好似腥左d
（一食）撈埋d博多直送明太子&蛋絲紅蘿蔔碎齊齊食先掂！多左明太子既微咸辣味又真係唔洗點豉油～
（二食）一碟幾格調味料自己加，個人最喜愛d蔥花同黑芝麻（三食）加入木魚上湯，食埋個茶漬飯。
三食幾得意，不過講真個飯真係普普通通啦…同其他幾個dishes一樣，主角明太子依舊唔算特別出眾

班戟配雪糕（$38+10%）：★★★★★ ★☆☆☆☆
聽講必食就算有餐後雪糕都要留肚試下！
原來班戟係指銅鑼燒烘熱左聞落有d爆谷味，食落發現中間有d焦糖醬。不過唔夠軟熟感覺似係prepack貨 …
雪糕揀左盬味，略為咸咸地又夾雜d牛奶味，好正既組合口感有d似雪花冰，帶點入口即融既快感！全靠雪糕為班戟點一點睛～

抹茶雪糕（原價$38+10%，是日ｆｒｅｅ）：★★★★★ ★☆☆☆☆
哈哈 有乜開心得過食完正餐有雪糕送雪糕滑就幾滑喇，不過呢抹茶味唔係好夠濃郁，如果可以多番d苦味少番d甜味就更好喇～
不過咁細球原價要$38+10%都幾貴下。。

埋單$333/2ppl。整體黎講可能期望太高啦，都幾失望下明太子幾乎無主將之風...剔除依點d食物overall都係普普通通啦～環境反而幾舒服既muji style，靜靜地可以慢慢傾