有日係旺角呢間餐廳門口等巴士番屋企既時侯, 手痕痕揭下放係門口既MENU, 我睇完之後覺得D野食好吸引, 於是拎起心肝去試.
星期五晚我地大約7點去到, 唔駛等位,初初都有少少擔心, 點解間餐聽會無人, 唔知會唔會係因為D野唔好食...==

佢地D位幾舒服GA, 我地叫左個呢D野食:

田園沙律
味道唔錯. 但份量有D少.同想像有點出入

香辣蜆肉意粉
少少辣. 略嫌油. 而且意粉軟硬適中. 都好味

卡邦尼意粉
一上抬，超香的芝士味已經吸引左我，蛋汁好濃，加上脆脆既BACON，每一口都感覺到誠意，份量亦夠大,兩個人食斬夠~

豬仔骨
都幾大條. 但比較瘦. 有D鞋口. 不過味道還OK !
而且d 薯皮都好正

水牛城雞翼
好開胃既小食,份量好多,有六大隻雞翼
雞翼有D辣,外脆內嫩,肉質嫩滑,另上既水牛芝士,味道酸甜,入口即溶,讚!

食物質素中上,取價中等,可以一試~

星期日晚去左牛角日本燒肉專門店, 我地係第一次離,

我地點左

和牛
點燒都係入口即溶，好滑好香牛味，唔洗點調味料都好好味

牛肉
燒了之後非常好味, 肉質新鮮, 果然係主打!

生蠔
小小鮮甜, 有D沙

魷魚
都幾大條, 燒左之後好香, 好鮮甜
極上澳洲牛舌
切得薄薄地,配埋塩食，好味道，爽口，正！

下次離食會試下D套餐!

我自己本身都幾中意食點心，今次朋友帶我去食呢間，本身冇乜大期望，估唔到又有驚喜, 果然無老點^^

呢到D點心好精緻，唔係好大件, 但係就整得好靚好吸引，味道亦都十分唔錯，
比一般茶樓整得更好味，而且款式都好多好有創意

小漢堡
細細粒，一口可以食噹，有少少wasabi味，同d肉配搭得唔錯，賣相一流，

燒賣
都係好好味,推介!

竹筒飯
係呢到既一個主打，賣相好靚，即叫即蒸, 陣陣竹筒飯香, 好有風味

排骨
蒸得啱啱好，好滑，味道調得唔錯

芝心脆炸蝦丸
喜愛芝士的朋友,一定要試!

鮮上肉響鈴腸
滑滑既腸粉，包住香脆既響鈴，響鈴一D都唔油，仲好香豆味，最入面包住鮮蝦肉，層次分明, GOOD

紅魚子海皇
皮薄餡靚，除左蝦肉，仲有紅魚子，咬落有蝦既鮮甜，仲有魚子既香。

一定會老點其他朋友離食~哈哈

同朋友們weekend夜晚book左station 3 cafe,
貪有個地方可以圍埋一齊玩,
今日我地十幾個人,一人叫一個set dinner,價錢由$100-$120不等

set dinner包括:

前菜沙律
雜果沙律,有蘋果,罐頭什果,一般

肉醬意粉
同茶餐廳食到既一模一樣,乾身少少

Cappuccino
太淡,無咩咖啡味, 奶泡唔夠滑,無質感,唔得

個人認為呢間CAFE有待改進...
 

最近先知道有呢間小店嘅存在，今日離到佐敦渡船街呢邊，終於有機會食下！

其實我本身都無食過呢種法式三文治，聽話係法國統治越南時,越南人發明的

呢間舖頭好細，得2個位，做外賣為主。
食個陣係傍晚時間，條街無咩人，但呢度都有幾個客响我之前落咗單等緊，由於得老闆一個人一腳踢，所以大家有心理準備要等一段時間，因為即叫即做。
我點咗普通份量，由於無食晏，所以覺得唔太飽。
味道方面，各種材料都很夾，酸酸甜甜的蘿蔔絲，咸咸地嘅扎肉，熱辣辣脆到爆嘅法包，最後加灑上香辣嘅胡椒粉，幾種味道加埋一齊很美味。

之前去韓國無食到醬油蟹，今日終於有機會試一試喇!

我地好有誠意，2個月前就訂左位，等到今日終於有得食啦

醬油蟹賣相都幾好，大大隻。其實我對生蟹既印象一般,
佢既質感比日本的生蟹爽身好多,
除左蟹蓋，蟹身都有好多膏
個職員教我地用Ｄ蟹膏撈埋同紫菜飯一齊食
超鮮甜，有種飄飄然既感覺。
紫菜飯伴醬油，辣椒，同樣美味。
早
之後仲食左個部隊鍋，味道不錯但份量不算多

另外仲點左海鮮餅同醬油蝦，不過不失啦,無咩驚喜。
如果唔洗BOOK咁耐, 都想再離食多次!

想試好耐但一直都冇專登來拜訪, 尋日終於試到喇

未入到去已經好熱鬧~
客人同侍應都好多, 來來往往, 好繁忙

我地點左茶餐, 炒蛋多士, 燉奶
光速落單同上菜, 基本上一叫左就黎, 快到喊
好似整好哂但又好新鮮架喎
聞名不如見面... 炒蛋多士真係100分呀
厚厚既麵包, 好鬆化, 又夠牛油, 勁香, 蛋份量亦都好多
點解可以將平平無奇既蛋整到咁好味既~~
食完都有dd飽

個餐仲有飲品同埋叉燒通粉
凍奶茶好味, 奶味都幾重, 通粉就失色小小喇
燉奶亦都好滑, 唔算太甜, 一流呀~
雖然貴左dd, 但如果好味就係值啦
一定會再幫襯!

同朋友行行下街, 無意中發現呢間韓式餐廳, 又無咩人, 咁就一於係度食飯啦

前菜
有青瓜, 粉絲, 泡菜, 羅白, 賣相幾靚, 味道都唔錯

泡菜餃子石頭鍋烏冬
用料十足, 湯底有少少辣，粉絲完全吸收哂湯GE精華, 好好味,
湯底都唔好哂, 好飲,餃子雖然放係湯裡面, 但又唔會浸到爛哂，食落去仲有湯汁係裡面，好香口, 西利!

炒粉絲
蛋少左D, 不過炒得好香,粉絲又夠彈牙,洋蔥炒得岩岩好,好入味, GOOD

烤肉石頭鍋飯
賣相好吸引，肉既質感大都好有口感，肉質鮮甜, 飯底夠軟，食落好香口美味

韓風一口雞
MINI版既韓國炸雞, 好細粒, 醬料麻麻地,唔夠辣

炸醬麵
唔太正宗, 味道唔似韓國炸醬麵, 麵都唔係正宗, 少少失望

牛肋骨豆腐鍋
牛肋骨煮得好好味, 湯既味道都好好, 材料有菜,粉絲,豆腐同粟米整體唔差

下次再試其他野食, 再同大家分享

見到佢門口好似唔錯咁, 滿心歡喜入去試,結果失望而回.

金牌特餐
有瑞士雞翼公仔麵, 奶油豬仔同 奄列
一上抬, 賣相都幾吸引, 整得整整齊齊咁, 點知一食...中伏
公仔麵煮得太耐, 己經脹到無得再脹,一D口感都無...
奶油豬一樣, 應該擺左好耐...一D都唔夠脆,奶油都好少, 淡而無味, 完全唔香口
奄列還可以啦

懷舊乾炒肥牛河粉
用既唔係滑牛, 係肥牛..而且唔好味, 好鞋, 整碟牛河得個3,4塊牛肉, 差D搵唔到
河粉都無鑊氣, 顏色偏淡, 又唔夠乾身, 淨係食到油味, BAD

紅豆冰
野飲比野食好味, 紅豆冰豆味濃郁又夠滑,紅豆煮得岩岩好、甜味剛好, GOOD

金茶王奶茶
果然係招牌, 茶底香濃, 但略嫌唔夠滑身, 不過好飲過好多茶餐廳

食物品種尚算多，魚生，壽司，炸物，很新鮮，味道OK.

魚生好新鮮,三文魚，希靈魚，甜蝦, 帶子鮑魚等, 入口即融; 螺片也不錯 甘甜略帶肉汁;

壽司一樣好評, 瀨尿蝦, 醋青魚夀司最特別，味道鮮甜;火炙海鹽左口魚邊壽司入口即溶，好好吃;

小食即得推介既有牛肉粒，充滿肉汁;鹽燒鯖魚火候剛好; 焗廣島蠔好香, 蠔的鮮味仲食到;燒菠蘿清甜多汁;
芝士年糕一兩件就好,很飽肚;咖喱蟹，味道很好好有咖喱味，吃得辣的話，一定要試，加上有多士讓你點上咖喱汁來吃，很好; 上海式沙煱雲吞雞，煱內有4-5件雞件加埋津白咸火腿粉絲不錯的,

天婦羅粉漿不會太厚,炸得好爽

到最後有雪糕祗準一人一杯，Haagen Dazs~~
我們一行5人叫了咖啡，士多啤梨，朱古力。還有其他味道，可惜留心朱古力沽请！
今晚都算吃得開心。