去JP睇戲前想搵野食, 行過見到皇室堡間和民既格局好似同之前食開既唔同 而且價錢ok, 所以就入去試下 朋友係愛蠔之人, 見刑有焗蠔就即刻叫 有牛油同芝士兩隻味, 都好似幾吸引 最後我地揀佐牛油味 食入口好多汁好香口, 唔會焗到太乾身, 保留到蠔鮮味! 鹿兒島縣和牛壽喜燒，聽見個名都已經好想食 牛肉肥瘦適中，入口又嫩滑，配合滑蛋同微甜湯底 又開胃又易入口！但加飯彧者鳥冬要加錢, 所以唔係好夠飽 另外鰻魚厚燒玉子真係必食!!, 厚燒玉子包住肥厚鰻魚, 仲有熱辣辣蛋汁流出 每一啖都充滿鰻魚香味同燒蛋流, 好滿足！ 極上壽司拼盤就有少少失望，唔算好新鮮, 味道比較普通, 同係元氣食到既差不多 始終百幾蛟貨仔，唔可以要求太多 總結黎講都算幾好味, 而且有好多野未試, 所以應該會再黎~

佢搬左新舖咁耐我先第一次食，無法啦紅磡對我來講實在太遠，我去既時間己經成七點，幾驚佢關門同買晒，去到見佢唔係好多人咋wo, 明顯無以前咁受歡迎，等左五分鐘己經有得拎，認真雞蛋仔，真係周街都有，但唯獨朱古力粒粒雞蛋仔真係”媽咪”呢到先有咁既水準，外面鬆入面軟，朱古力半溶，依家打食評諗起都仲好回味！

School food 我都食左好幾次，野食大至上次次都係果幾款，廚師卡邦尼年糕，鳥卒卒，小食拼盤，呢幾樣係最好食，(其實佢個menu得好小野食)，野飲千其唔好叫，98蚊一jar ,分得果四杯細細杯，好唔抵，school food出名要等都算，五個人坐低食完40分鐘就開始趕你走，想吹多陣水都唔得，水仲要叫佢先上，我諗我來埋呢次都唔會再來

媽媽生日，當然要食多d啦，我地六個人，佢堆介我地叫set, 但set 最平都300以上一位，咁散叫好似仲抵食wo, 雖然每份少d, 但可以試多d, 最後叫左以下：

拼盆麻辣鹵水 (例)$120
好野味，但堅幾辣，食完好開胃

花雕蛋白蒸龍躉球$198
我睇住佢係個魚江到拎條龍躉出來，未食都知新鮮

士多啤梨骨$88
呢味，係我既最愛，好甜好入味，剛剛好一人一條，唔會好膩

金華玉樹雞半只$170
長輩都好喜歡，d雞去晒骨，金華火腿切得厚度剛好

招牌御膳炒飯$129
如果招牌菜來講，呢個就普通左d,

流沙黃金大海虾$188
好正既咸蛋黃味，連虾殼我地食埋

壽包$15一個
全晚最唔掂的，但唔貴lor

西瓜盅$350
呢個就太唔抵食啦，但外型係好吸引既

野食係比酒樓抵同有質素，而且仲免收加一，但環境就真係大排檔咁

之前已經食過佢既火鍋，好得！由於我係附近返工關係所以lunch過來望下，原來lunch佢係食中式飯同糖水！ 呢排夏天熱到死，連胃口都大減，食d酸酸甜甜既野應該會好d, 就叫個鎮江骨，個樣好平凡，但堅得，肉夠淋，個汁好開胃，菜飯青青地，唔係講笑我食到汁都撈埋，本身想加個糖水都已經食唔落！50蚊一個set加熱飲，價錢還可以啦，

今天放工回家，好累，去左途中新開的爭鮮試下先(其實以前係舊街市，宜家變了個新商場)，因為新開既關係，所以感覺好好，其實間間鋪頭都好新淨，又越講越遠tim......去到都9點幾了，碟碟8蚊二舊壽司當然無咩要求，但見到有d係一碟一舊，心諗價錢貴一倍，一定正好多啦，拎碟蟹棒壽司試下先，果然有水準，咁既價錢無得眺tick，正正正，再看下隔離食緊一粒粒綠色的甜品，但迴轉帶是沒有的，再聽到有人order野，那我都order個甜品先(好似叫蔼圓慈)，一吃，感覺韌韌地，好得意，臨到10點有waiter走來更好好禮貌地問仲有冇野想叫，last order了，good！

今日同朋友睇戲，自己早左到，見仲有d時間就去食新記餐廳，對上一次係好耐之前食啦，其實上次已經吃招牌既芝士豬頸肉公仔麵覺得好好食，你會問好好食怎樣不多去吃？因為我減肥ma, 哈哈哈，講返今次先，亦是$4x一碗，亦是好好吃，濃郁特別的芝士味，只是份量好像少過之前，可能好食所以特別覺得唔夠喉掛，我諗男士如果當正餐應該真係不夠，至於價錢，$4x一碗招牌麵，貴不貴就 見仁見智，誠意推介各位來試，特別是喜歡吃芝士的朋友

同事生日，雖然唔會大攪，但都會一齊食個lunch , 忙裏偷閒，呢間餐廳之前已經食過幾次，好食之餘地方舒服，由於我地成班12個人所以前日就book左位，我地12個人由八個都叫 抹茶卡邦尼鮮虾意粉，就知有幾好食啦，呢個意粉d綠茶味好出，個汁濃得來小小澀，好過引，而另一個推介就係 白酒梘肉意粉，個樣普普通通，但食落好鮮味！Lunch set 會部跟餐無野飲，但有茶可以自己無限”針“ ，但其實女仔食都只係剛剛夠飽，份量真係小左d , 加14蚊可以加雪糕，雖然佢d雪糕款式幾多幾特別有普洱，綠茶………但得一個好細既雪糕球，真在唔抵！ 總結，如果有想食大件夾抵就真係唔好來，但想食得舒服，傾下計都可以考！

係openrice見到個menu d相被吸引左，就一於去試下啦，收工7點半去到已經坐滿人，好好彩唔使等就有位，餐廳細細地坐得有d逼！ 朋友仔點左個189既set dinner，如果女仔食剛剛好夠飽，男仔就應該唔多夠！ 我就點左個甜品，由於我比較細食，所以通常食完主菜都飽，今次專程來試佢既甜品，所以連主菜都唔食，一來就試甜品。 整體來個成餐飯都好滿意，價錢都好合理，佢仲有好多甜品好想試，下次會再來。

一行9人同朋友仔去蝴蝶灣游水，游到肚餓就出返市區搵野食，由於我地人數多好難搵位，難得曼谷泰菜唔使等位就一於食佢，入到去環境唔錯，9人坐一張長枱剛剛好，我地點左個8人餐，由於實在太肚餓再叫多兩個飯面，一人一杯特飲，估你唔到d野真係好食，菠蘿炒飯香！串燒唔干有肉汁！冬陰公湯係全餐最正既，香濃不太辣！成班餓鬼食飽每人都係二百幾