我媽幾鍾意食呢間米線，所以都差唔多一星期食一次呢間野。

次次去到都要等好耐位，等位唔係問題，只係唔知點解個老闆娘成日比其他佢既熟人入去先。
一直以黎，我都覺得，呢間野D野食OK, 係地方迫同埋等位耐左D，所以都一直幫襯。
雖然有時個老闆娘比佢D熟人入左先，但我都算了，費事嘈!
但經過今日之後， 我同我媽都唔會再去食!

今日去到 就拎位先，點知我媽叫左好多次兩位 都冇人理!
同侍應講 佢地又唔比反應你 唔知想點!
點知原來個老闆娘(收錢同派飛) 坐左係到食野!
我覺得, 食野唔係問題, 但你都起馬做反你應該做既野,比飛人地等位
或者,安排第二位伙記頂你去食野。
要個客係咁係到叫兩位兩位,咁已經唔岩啦下話?

好啦，終於拎到飛。一路企係到等,就一路見到佢派飛派到"粒粒"亂!
到我地果陣，佢指住我同我媽，叫我地入去囉!
好似我地係下屬,佢係上司咁囉!有冇搞錯?
我想話佢嫁啦!係我媽話 算啦 多一事不如少一事!我先算!

之後入到去坐低，唔好話落單，連搵個人汁台，都等左好耐!
見到有其他客搵個食緊飯既員工落單，而我地叫左兩三次落單都冇人理，
咁我媽都叫食緊飯戈個員工幫手落單，但果個員工好唔願意咁。
重點係，咁多客，得一個員工係到做野囉!
其實真係咁做唔黎，咁唔該你關一關門先，放D伙記食飯先啦! 
等位已經等到火火地，連等落單 等人汁台都要等咁耐!
以上既野 都唔係最嬲既野!

最嬲既係，小妹食完野去埋單! 
咁我前面有個女人係到叫緊外賣，我就企係佢後面等比錢。
排緊隊果陣，個老闆娘唔知係到搞咩，又唔幫人落外賣。
之後有員工比左其他客既單佢，佢就收左人地錢先。
之後有人黎拎外賣，佢又收左人地錢先囉!
之後佢先幫我前面個女人落外賣, 再幫我收錢。
之後我同我媽講左呢件事，我媽話，你話佢嘛!
之後我反反轉頭話，唔該你下次幫我收左錢先!我排緊隊! 之後就行反走。
原來個老闆娘係我話完佢之後，係到笑。
之後我媽拉住我反轉頭話佢，話你笑咩?你蝦佢小妹妹講野好好笑?
佢好認真!你依家咁樣唔收佢錢先，算點?
之後個老闆娘重要毫無悔意咁講係係係，係我錯。