想搵間坐得舒服又有格調既西餐廳， 於是就試下呢個好多人講既「黑膠餐廳」 門面已經好型格， 水泥牆而且入面燈光較暗， 都幾有情調 成間餐廳都擺滿左黑膠唱片做裝修 感覺好懷舊好有型 相信佢地播既歌都係精心挑選 唔食野都可以坐bar枱位聽下歌飲酒傾計， 感覺唔錯 店員推薦一杯熱既cocktail, 個名叫”don’t know why” 聽住呢首歌飲呢杯熱既酒， 味道甜甜地幾易入口， 幾特別 呢個Parma ham mixed green salad好新鮮 仲有新鮮無花果同橙肉同甜核桃， 好大碟但都好快清晒 小食點左呢個白酒忌廉煎虎蝦 好creamy好香 佢既配菜好特別 用左青提！ 加埋蒜片杏仁片， 如果有多d包可以連d sauce都食埋 保雲酥三文魚柳 呢個都幾大份 wasabi sauce 帶起左個味 麵包糠都幾脆口 最後點左個深海紅蟹肉明太子卡邦尼扁意粉 呢個意粉好creamy 好多蟹肉 加埋蟹籽好有咬口 本來想點甜品但實在太飽 食飯既時候聽到好多好聽既歌 下次搵地方傾計飲野一定會揀呢度

尖沙咀有好多日本野食 搵到呢間都幾多好評 於是就試下 網上訂位仲有優惠添 餐廳唔算好大 不過都幾有特色 仲有大大個電視 播住K歌食飯 揀左個一方嚴選刺身盛盒 有中拖羅、帆立貝、海膽、赤貝、牡丹蝦， 仲有兩款時令魚生， 望落去好新鮮喎 魚生好新鮮 望落去好似會閃咁 甲羅燒蟹道樂 仲有多士、飯團同沙律菜 蟹膏好香濃 中間仲加左蟹籽同蛋黃， 口感豐富而且蛋黃好香 唔錯 點左呢個「汁燒提燈」 見個名幾特別就試下 食落去幾彈牙， 不過食完都唔知係咩黎 後尾先知原來係好刁鑽又好限量既珍品… 係母雞既輸卵管同未生成蛋殼既蛋黃部分 加多個香蔥吞拿魚卷 呢個都幾特別 加左芝士喺中間， 同平時既蔥吞卷有d唔同 總括黎講都唔錯 下次可以再試其他野

之前試過同集團既另一間食點心既餐廳， 覺得唔錯幾有特色， 知道佢地新開左一間食中菜既 所以就去試下～ 新開期間網上訂位仲有折添 餐廳唔算大， 不過裝修幾有特色 餐牌都幾多野揀 好多野都想試 不過得2個人唔敢叫太多 第一樣已經揀左呢個龍蟹膳 呢個係一蟹兩食 包括招牌蟹王煎腸粉 淨係個賣相已經超級吸睛 大大隻蟹蓋放中間 成盤都係金金黃黃既蟹粉 腸粉係用脆漿炸 蘸埋蟹粉一齊食真係超好味 食到停唔到口 另一味係上湯煮肉蟹 有部分蟹殼已經拆左 餐廳亦有提供膠手套非常貼心 個蟹鉗大大隻 蟹肉非常鮮甜 加上上湯一齊煮 好出色 揀左大吟釀煮花蛤 呢個花蛤都幾大隻， D肉又彈牙 佢個上湯比較濃稠， 有淡淡既牛油同大吟釀香氣， 令花蛤食落去更加鮮甜 仲有清蒸䱽中之王， 呢個幾特別， 一碟有2個味， 一邊係家鄉甜梅菜， 一邊係秘製黃椒醬 䱽魚好滑又冇乜骨， 甜梅菜果邊有超多蔥， 夾埋一齊食甜甜地用黎送飯最岩 秘製黃椒醬果邊就惹味d， 少少辣令愈食愈想食 成晚都係食海鮮， 連蔬菜都係海鮮 呢個華麗邂逅生菜包係用左雞蛋、蟹粉、粉絲、芽菜 食既時候用新鮮生菜包住， 口感非常豐富， 蟹炒同雞蛋仲好似黃金咁 真係好「華麗」 呢一餐超級豐富， 份量都唔細， 如果人多可以試多幾款， 下次再黎試其他野不過最好預先留座啦

今日試左一間好有藝術氣息既餐廳， 裝修好雅致， 入到去好似去左個畫廊咁， 打卡一流 餐廳既座位唔算好多， 閒日晚上都滿左8成， 預先訂位比較安全 食物款式都好豐富， 除左散點都有好多唔同既set， 好多野揀 最後叫左個廚師晚餐同晚宴套餐 2個餐都有小食、餐湯、主菜、甜品同飲品， 但廚師套餐就有多一個小食 晚宴套餐小食有蜜瓜同Parma ham加沙律菜， 一人份量都幾refreshing 廚師晚餐有2個小食， 一個係煙三文魚帶子塔， 帶子煎香左， 除左煙三文魚仲有隻熟蝦 另一個係熱盤， 係普羅旺斯式炒田螺， 呢個應該係焗出黎， 因為連個碟都好熱， 田螺同平時既焗田螺有d唔同， 呢個係冇殼既， 食起上黎好方便 晚宴套餐既餐湯係雜菜湯 表現正常 廚師晚餐係南瓜忌廉湯 呢個湯非常濃稠， 而且南瓜味都好香甜， 仲幾飽肚添 晚宴套餐既主菜揀左燒澳洲刺身級帶子虎蝦配墨魚汁意粉， 帶子同蝦都大隻而且煎得幾香， 意粉幾有咬口唔會太淋， 而且仲有蒜油味， 份量都唔少 廚師晚餐既主菜係原隻龍蝦伴法國香蔥忌廉汁意大利飯 呢個超級豐富， 好大隻龍蝦而且仲舖滿芝士， 意大利飯份量都好多， 真係兩個唔太大食既女仔都夠食 最後有呢個晚餐甜品係一口泡芙 同埋廚師晚餐既士多啤梨芝士蛋糕 兩款都唔會太甜， 配埋杯咖啡， 非常完美既一餐～ 門口仲有對好甜蜜既愛情鳥， 有時間可以玩陣先走， 顏色好靚都幾可愛

今日有事去左大角咀， 平時好少去呢頭都唔知有咩食， 一搵就搵到呢間小店， 去到都未開門但已經有人等位， 咁應該要試下啦 入座既時候中午12點， 陸陸續續都有客人入黎， 去到大概12:30已經滿晒 樣樣都好似幾有特式， 不過lunch食唔到咁多野， 但都點左主菜同甜品 飲品揀左杯牛油果milkshake， 好清新 另一杯揀左百利甜酒鮮奶咖啡， 仲有靚靚拉花， Baileys 味唔算好濃， 整體唔太甜， 但又有少少酒味， 都ok 揀左個菠菜忌廉芝士雲吞配露筍 忌廉汁幾香又唔會太膩， 雲吞份量都多， 仲有紅蘿蔔、西蘭花做配菜， 感覺好似健康d 另外揀左個芥末洋蔥醬炸雞窩夫 呢個比較邪惡， 又炸雞又窩夫仲有糖漿 炸雞有兩大塊， 炸得香脆肉質夠juicy 窩夫中間煙煙韌韌， 暖暖地食好好味， 呢個份量都多， 好飽肚 甜品揀左小山園抹茶心太軟， 甜品造型好可愛， 抹茶好香濃但甜左少少， 好采有豆腐雪糕中和番， 夾埋一齊食岩岩好 食左個超豐富既午餐， 下次會夜晚黎， 試下佢個tiramisu!

多左機會出街食飯，
梗係要搵d新餐廳試下啦～
揀左呢間新開既餐廳，
一上到去已經好鐘意呢度既氣氛～

餐廳既感覺有少少英倫風，
顏色好warm好舒服



有窗口位又有梳化位，
要浪漫有浪漫，
一大班人gathering又得
真係幾鐘意個vibe

食物款式都幾多，
Wine list仲好大本添

餐前麵包麵外脆內軟熱辣辣，
又加左分

揀左個grilled calamari salad，
燒得幾香又唔韌，
有沙律菜、青瓜、蕃茄同洋蔥，
做前菜幾清新

揀左Ceviche de Lubina，
用青檸汁醃既海鱸魚刺身，
配上牛油果，
好開胃好refreshing，
幾好

仲揀左Empanadas，
呢個係阿根廷既傳統酥皮餡餅，
“Fugazette”幾特別，
中間包左洋蔥同芝士，
仲有甜甜既焦糖味，
趁熱食個酥皮好香脆，
做餐前小食唔錯

主菜揀左grilled lamb rump，
外層燒得好香，
肉質軟嫩彈牙，
羊味濃而不羶，
配上蕃薯茸，
又甜又滑好好味

甜品揀左churros，
新鮮炸起卜卜脆，
中間好似麻糬咁煙煙韌韌，
蘸埋焦糖醬超級邪惡

加埋杯baileys 同埋lemoncell，
非常滿足既晚餐

最近發現左呢間食牛油果既餐廳， 雖然地點唔算好方便， 但都決定黎試下～ 不過原來都ok喎， 距離港鐵站都唔算太遠～ 單單睇餐廳既外觀已經好清新喇 裡面真係好似入左個森林咁， 好得意感覺好舒服呀 坐低左就揀野食喇， 野食選擇都唔少， 而且食物都幾有特色～ 飲品揀左杯牛油果奶昔同墨西哥朱古力～ 牛油奶奶昔好清新呀， 微甜幾好飲 墨西哥朱古力有少少肉桂味， 唔算太濃， 都ok 小食揀左芝士薄餅， 餡料係燒汁雞髀肉， 呢個上枱係熱熱地， 芝士喺薄餅入面係半熔， 份量唔多岩岩好 海魚刺身伴牛油果， 刺身用青檸汁醃製， 酸酸辣辣好開胃～ 海魚刺身配上蕃茄、青瓜同牛油果粒， 放喺墨西哥脆片上面一齊食， 口感好豐富， 食慾大增 仲有呢個墨西哥式粟米， 係墨西哥經典既街頭小食， 粟米上面仲有蛋黃醬同辣椒粉， 食落去又香甜又辣， 都幾特別！ 甜品有好多款都好吸引， 最後都係揀左自家製既牛油果雪糕， 淨係個外觀已經好可愛好吸睛啦～ 口感好香滑入口又有牛油果香， 其實口感又唔係好似雪糕， 不過都幾得意

又到收左工食晚飯既時間， 揀左呢間工廈既餐廳， 好似都新新地又幾抵食， 就試下啦～ 估唔到晚市都幾多人喎 食食下都滿左八成， 工廈黎講算幾好生意 都幾光猛而且座位都唔算太迫 價錢都幾大眾化， 見佢都有d特色野平時比較少見， 一於試下先～ 小食揀左個柚子沙律， 呢個加左d咸魚仔， 都幾開胃 仲揀左個火山骨， 呢個都幾震撼， 因為真係好大舊， 係炆既豬骨， 炆得好淋， 肉質好juicy而係仲有d軟骨， 價錢唔貴但份量都幾大！ 建議戴手套用手食， 食既時候記得點下佢既泰式酸辣汁， 真係好惹味～ 點果時驚唔夠所以點左個菠蘿炒飯， 呢個飯係咖喱炒飯底喎， 入面真係有菠蘿既 飲品揀左泰式奶茶同青檸薏米水， 奶茶有茶味都幾濃但忘記左少甜 甜品揀左個椰皇三重奏， 面頭有椰子碎， 中間係椰汁糕， 底層係好似啫喱咁， 都幾得意 火山骨幾有特式， 值得試下～

依家既天氣咁乾燥，
每日又早出晚歸，
養生既滋潤補品真係好緊要

咁岩發現呢間餐廳竟然有「燉湯」晚餐，
聽落咁滋補就忍唔住去試下

成個商場咁多間餐廳，
唯獨係呢間有條人龍
為左個燉湯唯有排下啦
個餐好似都幾抵食，
有埋前菜、燉湯、主食同飲品

個湯係蟲草花海底椰蘋果燉湯，
非常足料，
一人一盅熱辣辣，
都唔錯

前菜揀左藥膳雞腳、
川式麻辣豬肚絲、
同埋沖繩醬油燉牛筋。
藥膳雞腳既當歸味幾濃，
都算炆得淋；
川式麻辣豬肚絲都夠淋，
少少麻香但唔辣；
沖繩醬油燉牛筋既味道就偏甜

主菜係意大利陳醋甘薯骨，
酸酸甜甜都幾開胃，
甘薯係炸過既蕃薯，
都幾好味

蒜豉涼瓜鮑魚雞煲，
涼瓜唔算好苦，
比較爽口，
份量都算多，
不過味道偏濃

泰式脆肉炒芥蘭苗，
呢個既火喉過左火少少，
芥蘭比較淋，
脆肉其實係燒肉，
但個皮唔夠脆，
而且整道菜既味道都幾咸，
所以食唔晒

飲品揀左檸蜜、柑桔蜜同柚子蜜，
完成左成個滋養既晚餐

九龍城真係好多野食， 上網搵到呢間餐廳好似唔錯， 而且裝修都幾得意， 咁就試下啦～ 淨係睇個門面已經好有懷舊既感覺 非常似以前曾經去過既一間喺日本既咖啡店， 好有親切感 餐廳細細間， 預約先會比較好， 室內燈光柔和， 裝修都有花心思 食物選擇唔算太多， 飲品反而有cocktail又有mocktail 小食揀左個燒明太子雞翼， 都幾香口 揀左北海道豚肉生薑燒伴飯 呢個帶有少少薑味， 豚肉片肥瘦均勻， 個汁都有少少甜味， 用黎送飯唔錯 佢地既飯幾好食， 係用日本精米， 米味香而且比較軟綿 另一個揀左起司牛肉丼飯， 呢個味道比較濃， 面頭有熔左既芝士， 感覺餸多過飯 甜品揀左焦糖香蕉窩夫， 呢個窩夫熱辣辣而且中間仲好似有麻糬咁， 加上又熱熱地， 煙煙韌韌幾好味， 唔係平時食果種口感 雪糕係沖繩海鹽雪糕同豆腐雪糕， 淡淡地都唔錯 仲揀左好多人好評既昭和布丁， 雖然份量細細， 不過蛋味好濃， 而且賣相好懷舊， 都幾好