同其他印度餐廳比較，呢間冇咁油煙，而且食完唔會好頸渴。可能因為最近有遊行，晚飯時段都係得三至四枱人客 我地兩個人叫左兩碟送兩個lassi， 一碟唔辣既咖哩雜菜，同埋雜錦燒烤拼盤。 拼盤有魚蝦雞同spicy lamb kebabs，都幾足料，味道都好。 如果唔食得辣就唔好叫啦。可以叫燒雞。 叫左一碟肉，所以就諗住叫碟菜啦 Karma veggie 係唔辣，裡面有青豆薯仔同埋有少少椰菜花。仲有類似齋雞嘅物體。 原本以為會有啲西蘭花，所以比想像中一般。

老闆請食飯 早一日book定檯。我地order左lunch set. 有南瓜湯， 好味。 main係魚子醬意粉。D意粉望落有d似公仔麵 lol不過食落好香好味。 食得出係唔同一般既意粉

朋友叫了個意式繪雞， 最初我以為會普通，不過上菜時幾吸引同好食。 甜品係香蕉幕絲蛋糕

雖然價錢係貴， 不過係好食同坐得舒適

星期五放lunch想食餐好d既， 就揀左呢間好似好好味日式咖哩屋。佢地有兩款咖哩，三款肉 (炸豬扒，牛，燒雞), 而我就叫左老虎咖哩+ 烤雞件+ 滑蛋。

外貌相當唔錯， 而且份量亦很大，令我每心驚喜。 滑蛋做得幾好， 好soft, 配埋微辣既咖哩汁真係天衣無縫。 好可惜， 個雞令到我俾劣評。佢地好似冇醃過d雞就拎去烤 (食落似炸), 所以食落淡而冇味。真 而且烤好太耐。 好幾舊雞件食落好似食緊香口膠 居然將雞腿肉煮成咁真係不能接受！ 仲要收人87 再加一 變左95

呢間餐廳裝修比較暗淡， 適合拍拖。 我地兩個人叫左個碟Buffalo wing 做頭盤， 之後仲有豬手同埋 帶子rissoto. 碟Buffalo wing同傳統既好唔同。 呢度用既似係bbq source 而唔係傳統既hot source 所以相對冇咁辣。 另外佢既blue cheese source亦冇咁好味。

main: 個豬手要等一個鐘，所以我地一泥到就叫。 個皮幾crispy, 個source似subway既honey mustard, 份量ok, 唯一唔like係隻豬有d "so"
另一碟就係rissoto. 我覺得佢地做得好好味，芝士味夠濃， 飯既硬度岩岩好，帶子同蘆筍呢個配搭冇得輸。 另外佢地好似加左truffle oil, 令到rissoto更香更好味。

再放工係cwb揾野食， 今次試奶奶雞 除左叫左半隻安xxx奶奶雞， 再叫了真露大蜆， 冷面 同埋和牛生菜包。 首先講我唔鐘意既 真露大蜆。 用一個水煲裝幾特別， d蜆本身唔夠鮮， 食落又冇真露味， 好似白灼咁。 和牛生菜包我相當喜歡， 牛肉好嫩燒得好好。一碟有6 件， 我地兩個人食有d多。 冷面都唔錯。 奶奶雞d 汁好濃味， 所以d薯粉好食但 d雞就普通。 ps fb check in 既話，碟奶奶雞 half price

有外國朋友過泥香港玩， 梗係帶佢食傳統酒樓 蓮香樓啦 酒樓既裝修，小二既服飾， 椅桌既排設依舊有7,8 十年代既味道， 淨係呢樣就已經直得帶外國人泥。 我地叫了8寶鴨， 西檸雞，西蘭花炒帶子同埋 冬瓜盅。 8 寶鴨好香好入味， 最誇張係連d 骨都燜到林晒 (裏面既豆更加熔晒) 送飯一流！ 至於西檸雞炸得岩岩， 面頭coat番一層酸酸地既西檸汁， 又要叫多碗飯啦 ps呢度既員工態度似澳牛 同埋 d餸比較細碟

佐敦食完晚飯就泥呢間好出名既甜品鋪。 兩個人order左個綠茶雪糕+ waffle + 栗子容 ($68). 雪糕好食既， waffle冇乜特別。 整體係好食，但未係咁誇張。 另外見好多人order拿坡倫綠茶雪糕， 但又唔想咁多綠茶， 就淨係叫左個拿坡倫蛋糕。 點知，個拿坡倫竟然係淋 感覺像一個淋左既葡撻。。。。。而呢件葡撻要$50 ps每人最低消費$50

餐廳位置非常方便， 而且係食飯時間有空枱。 我地被安排坐窗邊位， 望住manulife building同time square, 環境相當好。 來到當然叫了個壽司拼盤和水晶壽司， 還叫了個吞拿魚手捲和彩虹捲。 壽司拼盤不過不失， 吞拿魚手捲和彩虹捲都幾好食。 但水晶壽司真唔掂， 感覺壽司整完之後再雪過， 令到壽司飯比較硬。 而且其實jelly同壽司既texture唔夾， 成個事錯左。

燒鵝燒到有一粒星梗係要試。 由於店鋪坐位少， 我們等了很久。 另外留意番佢地關9:30pm 我地3個男仔叫了半隻燒鵝， 一隻乳鴿， 油菜同飯， 埋計$460. 講番主角燒鵝， 確實幾好食， 好香而且唔會好似一般燒鵝咁鹹， 肉質都好滑。 不過我覺得london文興好食d 乳鴿都相當唔錯， 岩岩熟所以好滑。 整體而言， 這是一間有質素的燒味店， 至於值唔值米芝蓮一星我就有保留。

見openrice連一個劣評都冇就同女朋友上去試下。 兩個人叫左碟 有3 種既魚生 (tuna, 帶子，三文魚) ， 黑毛豬麵豉湯鍋 同埋 生蠔斧飯。 魚生要$280, 每款有4件。 吞拿魚同三文魚都幾好食 但帶子就普通， 同板長quality差唔多。 整體而言，唔值 $280. (呢個價夠食放題啦) 黑毛豬麵豉湯鍋仲離譜， 只係比吉野家好少少， $180 但飯要另外叫。 我諗佢係claims用日本野菜先咁貴， 不過煮熟食唔出。 生蠔斧飯非常香， d飯都幾入味， 可惜d蠔冇乜味同份量很少， 有效幫你留肚食甜品。 最後，埋計 $650........ 喊出泥