剛過去的生日食左好多個生日蛋糕, 最印象深刻, 最得意的就係呢個「拉面蛋糕」了, 佢真係用一隻日式拉面碗裝著的, 食完我仲有「生日禮物」, 就係隻碗啦wakaka!
其實佢係一個芒果吉士蛋糕, d 面係用芒果mousses 製成, 個湯底係earl grey jelly, 蔥係開心果碎, 最有趣就係隻天婦羅蝦, 真係幾似, 佢係榛子朱古力, 加左d 蛋糕碎, 我覺得呢舊野係最好味的! 而成個mango mousse cake亦好滑, 味道唔係太甜, 幾好! 真係睇得又食得!
原來佢地仲有出扮其他野的蛋糕, 係旺角約左朋友食生日飯訂呢個蛋糕都係一個唔錯的選擇, 影相出來都好得意!

剛過去的生日食左好多個生日蛋糕, 最印象深刻, 最得意的就係呢個「拉面蛋糕」了, 佢真係用一隻日式拉面碗裝著的, 食完我仲有「生日禮物」, 就係隻碗啦wakaka!
其實佢係一個芒果吉士蛋糕, d 面係用芒果mousses 製成, 個湯底係earl grey jelly, 蔥係開心果碎, 最有趣就係隻天婦羅蝦, 真係幾似, 佢係榛子朱古力, 加左d 蛋糕碎, 我覺得呢舊野係最好味的! 而成個mango mousse cake亦好滑, 味道唔係太甜, 幾好! 真係睇得又食得!
原來佢地仲有出扮其他野的蛋糕, 係旺角約左朋友食生日飯訂呢個蛋糕都係一個唔錯的選擇, 影相出來都好得意!

情人節因為搞搬屋入伙,沒有同男朋友好好出去食飯慶祝, 不過其實我地一向都無V-day 正日去食, 又貴又唔抵, 趁住中式情人節Fine dining 一下補祝返啦, 話曬都係最後一年單身情人節了!我地選左帝京Lion Rock, 因為最近佢有個Moët & Chandon的5道菜dinner, 咁我同我男朋友都係香濱fans, 呢個set 啱曬我地! 餐廳的賣點係望獅子山景, 但因為我地係夜晚, 加上個日天色不太好, 所以唔係太睇得到!
前菜係魚子醬tuna toro 伴梨, 我其實唔太食生野, 所以無咩感覺, tuna係男友最愛, 見佢就食得好開心, 佢話都幾新鮮, 配返moet 都好夾。第二道菜係帶子芝麻菜沙律, 配vintage 2006年的moet, 支酒比上一杯個果味濃好多, 配返海鮮就剛剛好, 亦好開胃! 食完呢道菜之後有細細杯芒果熱情果雪葩清一清, 等你食主菜更為開胃!第三道菜(主菜)就係我的favourite !!!! 慢煮鵝肝黑松露雞卷! 雞肉好滑, 好juicy , 好濃味, d 松露亦好香, 呢道菜襯的酒是vintage rose 2006 moet !! 正, 呢支酒亦係我的最愛, 花香味好出, 配埋個雞卷食簡直一流!最後係女仔最愛的甜品時間, 雜莓野草莓cheese cake! 呢cheese cake好滑, 亦唔太甜, 而甜品配rose moet 當然又係另一個perfect match 啦!整體來講都幾滿意呢個fine dining , 食物水平高, 亦睇得出係用心之作, 場地有點太暗, 不過Fine dining 通常都係咁架啦, 但服務就無得彈的, 侍應們有禮亦好細心, 係酒店fine dining 高水平的service !
就這樣過了我地最後一個單身元宵節, 之後就返屋企拆利是了！