咖哩熊貓飯 (連甜品) $55 本來屬於午餐餐牌既食品，但可以致電叫店員預留，甘晚上都可以食。一上菜就心花怒放！好可愛啊個造型！伴碟有芝麻醬沙律，而咖哩則配上雞肉同三色豆。熊貓飯團握得好實唔易散開，所以吃起上黎有D感，睇得出好有心機。而咖哩汁係典型日色甜咖哩，值得一讚係濃稠度同飯既比例岩岩好！外型殺晒但味道都唔輸sit! 跟餐有布丁做甜品加$10可以轉可樂涼粉。可樂係自己倒既，而可樂加凉粉幾特別，好似加左氣既糖水。夏日炎炎解暑一流。 店內環境好舒服，waiter都好有禮貌，大家有時間去支持特色小店啦！！

冲纜海鹽雪糕 $18 典型軟雪糕，有六種味道，咖哩，辣椒，抹茶，芥末，苦瓜,d 海鹽自由落既所以可以試晒！ 芥末最特別而咖哩隻味最出。估唔到咸加甜又幾正架咼！ 大家注意加左海鹽後雪糕會融得好快架！

Bene 是意大利文的
餐廳係奧海城的角落位
摩登新穎的裝修環境俾人一種舒服的感覺
但有d可惜好噪要好大聲先聽到對面人講野碎蛋他他醬露筍 $42
露筍好鮮味煮得好淋好清新
配上咸香的煙火腿感覺好醒胃
加埋有碎蛋白酸酸的他他汁
係一個好令人開胃愉悅的starter薄餅卷 $88
外型好討喜似墨西哥卷
一排甘display上面酒滿左蕃茄欖
個皮係厚身有口感
包到實一實既料咬落好豐富
最印象深刻係芝士的texture
鬆鬆軟軟唔會過咸但又不失芝士香意大利雲吞$88
青草汁第一啖食落好濃而且甘甘苦苦
但慢慢習慣就覺得香香有田園味
薯粒同露筍配搭夾著芝士意大利雲吞
相信會係素食者既好選擇一頓圓滿的西餐當然唔少得甜品
而熱情果脆脆就絕對稱識 $42
坊間比較少用熱情果為題既甜點
怕處理得唔好會酸
但呢個就超好食
Musee蛋糕上插左不規則的朱古力脆脆
淋上一面果醬一面朱古力醬
蛋糕主體有少少熱情果香得黎又好滑
唔太甜卻可以完全蓋左濃味的朱古力
中間仲有一層果肉
實在正到令人想encore!

Popcorn的食市偏高級選擇唔多
亞來餐廳裝修睇得出有花心思
懷舊星馬熟食市場的格局可惜餐廳用餐盤上食物
令人感覺好快餐
少左欣賞的趣味海南雞飯 $62
比街坊餐廳貴了一點點
但質素唔錯
個餐有冬瓜湯
雞大概有四分一隻
雞肉好滑好嫩
同雞皮的脂肪比例恰到好處
唔太油食得好放心
仲有酸菜同海南雞三醬
最開心係食到個好香既油飯
飯粒好似用左糯米口感密綿
係呢個套餐的亮點菠蘿炒飯$48
上面舖滿肉鬆
炒飯乾乾地身唔太油
料同飯的比例都唔錯
但無一種令人特別記得的感覺
不過不失

一間平民得黎不平凡的餐廳
座位係米線舖格局幾張大圓台招牌豬扒麻辣米線 $33
熱辣辣的湯底 散發有一種特別既香氣
真係似去左新彊巴蜀
幾條街外都聞到陣味
麻辣程度少辣已經流晒汗
豬扒算係厚同多件肥瘦均勻
但味道俾湯遮蓋左
見到隔離台叫炸雞雞扒好大塊手撕雞涼拌烏冬 $35
加五蚊双拼左紫菜餚肉蟹柳卷
個卷炸到脆脆地但切到好薄食唔到特別
烏冬同其他店的處理手法不一樣
手撕雞麻醬係北方口味唔會偏甜
但略嫌太油膩幸好雞肉亦好滑
烏冬係圓身唔係讚祺無彈牙感
但配京式麻醬都好合理

有誠意的日本料理
餐廳只有十多桌
環境都唔錯幾清優
定食選擇多而且大路

壽司定食 $118
先上左前菜煙肉薯仔沙律
同埋用花花器皿裝住的滑滑蒸蛋等左無幾耐上主菜
個壽司拼盤好靚啊！海膽好足料而且好鮮甜
三文魚吞拿魚同帆立貝好新鮮
個蝦壽司隻蝦出乎意料甘厚
三文魚籽同吞拿魚蓉卷都係一絕
仲有印住餐廳名既甜蛋好滑多汁
認真程度令比美日本所吃得到的!!
最後黎埋個三色糕
紅豆牛奶綠茶三層層層都好濃味
一個好難忘的一個午餐!
$118唔使加一完全物超所值
大大滿足！滑蛋雞扒定食 $48
味道不過不失
有齊沙律蒸蛋甜品
亦係經濟之選餐廳唔做下午茶
是日二點半入座
三點就係甘俾人催要走
但太抵食無損心情~

新開的一家台式餐廳
環境同傳統的牛肉麵館風格唔同
座位好寬敞
用木色做主調
有種温暖的感覺原汁牛肉麵 $42
湯底有少少中藥味唔會過咸
配埋酸菜都幾特別
麵係寬身扁的彈性剛剛好
精華既牛肉到
四大舊有筋紋既牛肉
易咬食落口感好好
可惜牛肉唔夠入味鹽酥雞扒麵$42
鹽酥雞扒一上台哇左一聲
有二隻手甘大塊
好似番左去台灣夜市甘
炸得幾脆幾均勻
肉質都幾嫩口
但食完好有罪惡感啊！紅油炒手 $28
手抓餅 $18
二樣小食都認真麻麻
炒手唔夠彈牙
手抓餅好油又完全唔夠散
無味道
同主食無得比甜品半價 $9
布丁加埋個焦糖好吸引
但唔夠蛋味

輕便午餐之選
見到餐牌好多組合
唔似delifrance supersandwiches甘得幾款

但座位就認真麻麻
張凳又高又唔舒服
又係商場入口位
人來人往好嘈

見到不少OL外賣叫左個三文魚碎蛋墨西哥卷 $34
Size比想像中大
碎蛋沙律無咩味
煙三文魚咸度適中
加埋新鮮的青瓜蕃茄生菜
用墨西哥卷皮卷到實一實
咬落口感好豐富爽脆
美中不足既係無落調味沙律醬

餐廳有一幅特色主題牆
貼滿了彩色的便利貼同寶利來
散發一種温暖的感覺下午茶餐
蜜糖肉桂香蕉窩夫 $26
店員說下午茶份量會較少
窝夫堆的高高的都幾有美感
但味道無咩特出
反而乾乾的
可幸有香香的玉桂味
同蜜糖漿伴着吃
加埋香蕉
還是一道會讓人覺得幸福的甜品
跟餐的飲品朱古力就麻麻冰火綠茶木糠布丁 $40
等了一個小時三催四請先上……
賣相好吸引
紅豆堆中有一個圓圓的綠茶塔
火山係燒得一點點焦蛋白
加上一個網球size的雪糕
令人食指大動
木槺布丁夠creamy鬆化
抹茶味濃
同紅豆蛋白雪糕一齊食好有層次感
絕對係綠茶迷要試的！
但食到一半就滯左
太heavy 啦！建議三至四人share

香蒜撈麵可以話係同年回憶
居然係荃灣揾到一間專賣店
店舖係車仔麵格局
舖晒好多街頭小食任揀
撈麵可選小撈（一個）/大撈（二個）只見阿姐
熟手甘攪攪下又剪剪下
就出爐了
阿姐知道我地第一次試仲送左粒炸燒賣
又一有人情味的街坊小店

C3
牛扒撈麵 $30
牛扒是典型茶餐廳試,
薄薄的沒有牛肉味
炸燒賣可能放太久,
外皮不脆裡面冷了
撈麵即叫即煮唔會好似七仔甘焗到淋晒
香香的蒜味
都幾吸引D4
牛雜撈麵 $33
有牛腩、牛筋、牛扒、牛丸
比較欣賞牛筋好嚼口又不會太unD餸就貫徹左小食店精神
夠地道
味道同質素算不過不失
如果你想heahea地食餐唔正經的飯
都係個不錯的選擇