有朋友介绍此店，説得天花龍鳳，特持平常心到此一試，先点必食杏汁豬肺湯，杏汁味濃但不見肉味，湯色白而靚，但味道尚可更好。 鸳鸯雞，切雞非切雞，有味雞而己，豉油雞色靚而偏甜，皮膏兼備，除皮食之嫌乏味。 欖豉骨有特色，冶味而香濃，值得推介。 炒菜冇特别，價单相對便宜。 總结是有裝飾，有膽色，惟味道普通，聴説跟初開時有点分别。

聴聞深水埗青山道有一家菜館不錯，這天便到塲試試。
點了話梅🐷手，有咬囗，不太硬，話梅味道引人流口水。
有點了豉椒炒花甲，難得豉椒香味濃郁而不令花甲鮮品遮蓋，廚師快炒功力夠。
最後加了招牌香辣🐔煲，香味霸道，🐔隻鮮嫩，味道非常惹味，但終逃不過多油的情況。
加了一碟上湯菜，四人已經非常飽肚。

母親節晚飯揾一間食得舒服又有水準的酒家，容易揾位就要揾間位置比較偏些少的酒家，
選擇金御因之前食過，在此繁忙日子再試。
今晚四位點了四個餸！有出位嘅圍村脆皮豬半隻，此🐷皮脆肉厚，肥膏少，醃味洽可不太鹹而又有帶出豬味，加上有一個芋頭臘腸炒飯做底，吸油之餘又增加香味，飯底炒得乾身粒粒跳。招牌貨！
另外其他小菜有海皇山根什菜煲，野生椒玉蘭炒豬肉青，豉蒜野菌雞球煲。
什菜煲比較清淡，菜不太淋，但粉𢇁太少，整體可以接受。
炒肉青則野生椒太少而吊唔出味，變左玉蘭炒肉靑，有些失真。
雞球煲則叫雞片煲貼切些，味道濃香，只是材料選擇有些錯誤，相信用雞球會有不同效果。

椒鹽九肚，其實椒鹽九肚點先好食，老闆知唔知架？
蒸條青斑，肉滑但唔夠白，話海魚真係有D懷疑。
炒條菜都0K，若果唔好太咸，
整體來說，若主打食海鮮就冇必要濕手濕腳去啦。

飲茶   2012-09-02 15:26 202.140.x.x
今日放假，去金鐘金葉庭飲茶，因第一次去所以只點大路點心。
今日點了蝦餃，燒賣，叉燒包，xo醬炒腸粉，芝麻蘿蔔絲餅，甜品有炸龜苓膏，柚子糕。
地方環境舒適，服務職員十分稱職。
食品:蝦餃面有金箔，賣相不錯，味道好，大小適中，皮稍厚，忽發奇想，若果隻蝦餃全隻包金箔，想必更加有噱頭。
燒賣賣相普通，但非常多汁，味道有似以前少時吃的味道，肥肉餡料有以前的焼賣濃味，與蝦餃的清新蝦味絕然不同。
腸粉普通，叉燒包味道不錯多汁味濃，混有梅菜味而不搶。
蘿蔔絲餅則要讚：皮薄而脆，餅肉鬆化，蘿蔔絲味道甜香，整體不俗，若然大個多少則非常抵讚。
甜品：炸龜苓膏有啅頭，有特色。柚子糕送客就可以，賣錢畧為普通。
整體消費約六佰元，食物加地方算非太貴，可以接受。

今晚該店満座，剛好有雙人雅座，點了小籠包子，交筍，炒年糕，及剎椒魚頭。
小籠包可以，但要快食，因皮快凍，涷了就硬。交筍及炒年糕可以，但魚頭就唔掂！
賣相唔得，面鋪方塊剎椒，未夠身，有些辣，唔夠醋味。中層豆蒜，太䶢，底層魚頭，唔夠大個，奇怪的是魚冇味，連咸味都無，你必須將豆蒜同魚一齊食，否則就似一份無鹽蒸魚頭，一份咸豆蒜剎椒分開俾你一樣！
該份魚頭收 $250，出品部檢討下啦。